ತನ್ನ ನಾಲ್ಕು ವರ್ಷದ ಮಗುವನ್ನು ಕೊಂದ ಆರೋಪದಲ್ಲಿ ಬೆಂಗಳೂರಿನ ಸ್ಟಾರ್ಟ್‌ ಅಪ್‌ನ ಸಿಇಒ ಸುಚನಾ ಸೇಠ್ ಅವಳನ್ನು ಬಂಧಿಸಿದ ಕೆಲವು ದಿನಗಳ ನಂತರ, ತನ್ನ ಮಗನ ಕಸ್ಟಡಿಯನ್ನು ತನ್ನ ಗಂಡನಿಗೆ ಕೊಡಲು ಬಯಸುವುದಿಲ್ಲ ಎಂದು ಸೂಚಿಸುವ ಕೈಬರಹದ “ಗುಪ್ತ ಟಿಪ್ಪಣಿ” ಅನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
ಇಂಡಿಯಾ ಟುಡೇ ವರದಿಯ ಪ್ರಕಾರ, ತನ್ನ ಗಂಡನನ್ನು ಹೋಲುವ ತನ್ನ ಮಗ ಯಾವಾಗಲೂ ತಮ್ಮ ಹದಗೆಟ್ಟ ಸಂಬಂಧವನ್ನು ನೆನಪಿಸುತ್ತಾನೆ ಎಂದು ಸುಚನಾ ಸೇಠ್ (39) ತನ್ನ ಸ್ನೇಹಿತರು ಮತ್ತು ಕುಟುಂಬ ಸದಸ್ಯರಿಗೆ ಹೇಳಿದ್ದರು ಎಂದು ತಿಳಿದುಬಂದಿದೆ. ಪ್ರತಿ ಭಾನುವಾರ ತಮ್ಮ ಮಗನನ್ನು ಭೇಟಿಯಾಗಲು ಗಂಡನಿಗೆ ಅನುಮತಿ ನೀಡಿದ್ದ ನ್ಯಾಯಾಲಯದ ಆದೇಶದಿಂದ ಆಕೆ ಅತೃಪ್ತರಾಳಾಗಿದ್ದಳು ಎನ್ನಲಾಗಿದೆ.
ಬಂಗಾಳ ಮೂಲದ ಸುಚನಾ ಸೇಠ್ 2010ರಲ್ಲಿ ಕೇರಳ ನಿವಾಸಿ ವೆಂಕಟ ರಾಮನ್ ಪಿಆರ್ ಅವರನ್ನು ವಿವಾಹವಾದರು. ದಂಪತಿ ಬೆಂಗಳೂರಿನಲ್ಲಿ ನೆಲೆಸಿದ್ದರು ಮತ್ತು 2019 ರಲ್ಲಿ ಒಬ್ಬ ಮಗ ಜನಿಸಿದ್ದ. ನಂತರ ಅವರಲ್ಲಿ ಭಿನ್ನಾಭಿಪ್ರಾಯಗಳು ಬೆಳೆದು ಇಬ್ಬರೂ ಬೇರ್ಪಟ್ಟರು. ಪ್ರಸ್ತುತ ಅವರ ವಿಚ್ಛೇದನ ಪ್ರಕ್ರಿಯೆಗಳು ನಡೆಯುತ್ತಿವೆ.
ಐಮಂಗಲ ಪೊಲೀಸ್ ಠಾಣೆಯಲ್ಲಿ ಫೊರೆನ್ಸಿಕ್ ತಂಡವು ತಪಾಸಣೆ ನಡೆಸಿದಾಗ ಸುಕ್ಕುಗಟ್ಟಿದ ಟಿಶ್ಯೂ ಪೇಪರ್‌ನಲ್ಲಿ ಕೈಬರಹದ ಟಿಪ್ಪಣಿ ಪತ್ತೆಯಾಗಿದೆ. ಈ ಟಿಪ್ಪಣಿಯನ್ನು ಸುಚನಾ ಬರೆದಿದ್ದಾಳೆ ಎನ್ನಲಾಗಿದೆ. ಟಿಶ್ಯೂ ಪೇಪರ್ ಮೇಲೆ ಐಲೈನರ್ ಬಳಸಿ ಟಿಪ್ಪಣಿ ಬರೆಯಲಾಗಿದೆ. ಅದು ಪುಡಿಪುಡಿಯಾಗಿತ್ತು ಮತ್ತು ಅದರ ತುಂಡುಗಳನ್ನು ಹರಿದು ಹಾಕಲು ಪ್ರಯತ್ನಿಸಲಾಯಿತು ಎಂದು ಇಂಡಿಯನ್ ಎಕ್ಸ್‌ಪ್ರೆಸ್‌ ವರದಿ ತಿಳಿಸಿದೆ.
ಪೊಲೀಸರು ಸುಚನಾಳ ಕೈಬರಹದ ಮಾದರಿಗಳನ್ನು ತೆಗೆದುಕೊಂಡು ಅದನ್ನು ವಿಧಿ ವಿಜ್ಞಾನ ಪ್ರಯೋಗಾಲಯಕ್ಕೆ (ಎಫ್‌ಎಸ್‌ಎಲ್) ಟಿಪ್ಪಣಿಯೊಂದಿಗೆ ಪರೀಕ್ಷೆಗೆ ಕಳುಹಿಸಿದ್ದಾರೆ. ಆರೋಪಿಯ ಮನಸ್ಥಿತಿ ಮತ್ತು ಕೊಲೆಗೆ ಪ್ರೇರಣೆಯಾದ ಸಂಗತಿಗಳನ್ನು ಕಂಡುಹಿಡಿಯಲು ಇದು ಸಹಾಯ ಮಾಡುವುದರಿಂದ ಈ ಟಿಪ್ಪಣಿಯು ನಿರ್ಣಾಯಕ ಸಾಕ್ಷ್ಯವಾಗಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ. ಐಲೈನರ್ ಬಳಸಿ ಟಿಶ್ಯೂ ಪೇಪರ್‌ನಲ್ಲಿ ಇಂಗ್ಲಿಷ್‌ನಲ್ಲಿ ಉದ್ದೇಶಿತ ಟಿಪ್ಪಣಿ ಬರೆಯಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. “ಟಿಪ್ಪಣಿಯು ನಿರ್ಣಾಯಕ ಸಾಕ್ಷ್ಯವಾಗಿದೆ ಮತ್ತು ಇದು ಅವಳ ಮನಸ್ಥಿತಿ ಮತ್ತು ಪ್ರೇರಣೆಗಳನ್ನು ಕಂಡುಹಿಡಿಯಲು ಸಹಾಯ ಮಾಡುತ್ತದೆ” ಎಂದು ತನಿಖೆಯಲ್ಲಿ ತೊಡಗಿರುವ ಪೊಲೀಸ್ ಅಧಿಕಾರಿಯೊಬ್ಬರು ಹೇಳಿದ್ದಾರೆ.ಟಿಶ್ಯೂ ಪೇಪರ್ ಪುಡಿಪುಡಿಯಾಗಿದ್ದು, ಅದರ ತುಂಡುಗಳನ್ನು ಹರಿದು ಹಾಕುವ ಪ್ರಯತ್ನ ನಡೆದಿದೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.
“ಕನಿಷ್ಠ ಐದು ಸಾಲುಗಳನ್ನು ಅದರ ಮೇಲೆ ಬರೆಯಲಾಗಿದೆ, ಮತ್ತು ಇದು ಮಗನ ಕಸ್ಟಡಿಯ ಕಲಹವನ್ನು ಸೂಚಿಸುತ್ತದೆ. ಕರ್ನಾಟಕದ ಚಿತ್ರದುರ್ಗ ಜಿಲ್ಲೆಯ ಐಮಂಗಲ ಪೊಲೀಸ್ ಠಾಣೆಯಲ್ಲಿ ಫೋರೆನ್ಸಿಕ್ ತಂಡವು ತಪಾಸಣೆ ನಡೆಸಿದಾಗ ನೋಟು ಪತ್ತೆಯಾಗಿದೆ. ಆಕೆಯ ಕೈಬರಹದ ಮಾದರಿಯನ್ನು ತೆಗೆದುಕೊಂಡು ವಿಧಿವಿಜ್ಞಾನ ಪರೀಕ್ಷೆಗೆ ಕಳುಹಿಸಿದ್ದೇವೆ. ಅದರ ಮೇಲೆ ಬರೆಯಲಾದ ನಿಖರವಾದ ವಿಷಯಗಳನ್ನು ಈ ಹಂತದಲ್ಲಿ ಬಹಿರಂಗಪಡಿಸಲು ಸಾಧ್ಯವಿಲ್ಲ ಏಕೆಂದರೆ ಇದು ತನಿಖೆಗೆ ಅಡ್ಡಿಯಾಗಲಿದೆ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ ಎಂದು ವರದಿ ತಿಳಿಸಿದೆ.
ಆಕೆಯ ವಿಚ್ಛೇದಿತ ಪತಿಯೊಂದಿಗೆ ಹಳಸಿದ ಸಂಬಂಧ ಮತ್ತು ಕಸ್ಟಡಿ ಕದನವು ಆಕೆ ಈ ಅಪರಾಧ ಮಾಡಲು ಕಾರಣವಾಗಿರಬಹುದು ಎಂದು ಪೊಲೀಸರು ಊಹಿಸಿದ್ದಾರೆ. ತನ್ನ ಮಗನನ್ನು ಯಾರು ಕೊಂದರು ಎಂದು ತನಗೆ ತಿಳಿದಿಲ್ಲ ಎಂದು ಸುಚನಾ ಸೇಠ್ ಕೊಲೆ ಮಾಡಿರುವುದನ್ನು ನಿರಾಕರಿಸುತ್ತಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ. ಪೊಲೀಸರು ಈವರೆಗೆ 15 ಜನರ ಹೇಳಿಕೆಗಳನ್ನು ದಾಖಲಿಸಿಕೊಂಡಿದ್ದಾರೆ ಮತ್ತು ಆಕೆ ತಂಗಿದ್ದ ಗೋವಾದ ಸರ್ವಿಸ್ ಅಪಾರ್ಟ್‌ಮೆಂಟ್‌ನಿಂದ ದಿಂಬು, ಆಕೆಯ ಸೂಟ್‌ಕೇಸ್ ಮತ್ತು ರಕ್ತಸಿಕ್ತ ಟವೆಲ್ ಮತ್ತು ಕತ್ತರಿ ಸೇರಿದಂತೆ ಪ್ರಮುಖ ಸಾಕ್ಷ್ಯಗಳನ್ನು ಲಗತ್ತಿಸಿದ್ದಾರೆ.
ಸೇಠ್ ತನ್ನ ಮಗನ ಶವವನ್ನು ಬ್ಯಾಗ್‌ನಲ್ಲಿ ತುಂಬಿಕೊಂಡು ಕ್ಯಾಬ್‌ನಲ್ಲಿ ಪರಾರಿಯಾಗಲು ಯತ್ನಿಸುತ್ತಿದ್ದಾಗ ಕರ್ನಾಟಕದ ಚಿತ್ರದುರ್ಗ ಜಿಲ್ಲೆಯ ಐಮಂಗಲ ಬಳಿ ಸಿಕ್ಕಿಬಿದ್ದಿದ್ದಾಳೆ. ಆಕೆ ಗೋವಾದಲ್ಲಿ ತಂಗಿದ್ದ ಸರ್ವೀಸ್‌ ಅಪಾರ್ಟ್‌ಮೆಂಟ್‌ ಹಾಗೂ ಇತರ ವಿಷಯಗಳ ಬಗ್ಗೆ ಹೆಚ್ಚಿನ ವಿವರಗಳನ್ನು ಪೊಲೀಸರು ಪಡೆಯುತ್ತಿದ್ದಾರೆ. ಅವಳು ಜನವರಿ 6ರಿಂದ 10ರ ವರೆಗೆ ಕೊಠಡಿಯನ್ನು ಬುಕ್ ಮಾಡಿದ್ದಳು. ಆದರೆ ಅವಳು ಜನವರಿ 7 ರ ರಾತ್ರಿಯೇ ಚೆಕ್ ಔಟ್ ಮಾಡಿದಳು. ಬೆಂಗಳೂರಿನ ಕೃತಕಬುದ್ಧಿಮತ್ತೆ (AI) ಸ್ಟಾರ್ಟ್‌ಅಪ್‌ನ 39 ವರ್ಷದ ಸಿಇಒ ಸುಚನಾ ಸೇಠ್ ಅವಳನ್ನು ಸೋಮವಾರ ರಾತ್ರಿ ಗೋವಾದ ಸರ್ವಿಸ್ ಅಪಾರ್ಟ್‌ಮೆಂಟ್‌ನಲ್ಲಿ ತನ್ನ 4 ವರ್ಷದ ಮಗನನ್ನು ಹತ್ಯೆ ಮಾಡಿದ ಆರೋಪದ ಮೇಲೆ ಬಂಧಿಸಲಾಗಿದೆ. ಅವಳು ಕ್ಯಾಬ್‌ನಲ್ಲಿ ಮಗನ ಶವವನ್ನು ಗೋವಾದಿಂದ ಬೆಂಗಳೂರಿಗೆ ಒಯ್ಯುವಾಗ ಚಿತ್ರದುರ್ಗದ ಐಮಂಗಲದ ಬಳಿ ಸಿಕ್ಕಿಬಿದ್ದಿದ್ದಾಳೆ. ನಂತರ ಅವಳನ್ನು ಬಂಧಿಸಿ ಗೋವಾಕ್ಕೆ ಕರೆದೊಯ್ಯಲಾಗಿದೆ.
ಆಕೆಯನ್ನು ಹಿಡಿಯಲು ಪೊಲೀಸರಿಗೆ ಹೇಗೆ ಸಾಧ್ಯವಾಯಿತು?
ಆಕೆಯ ಅಪಾರ್ಟ್‌ಮೆಂಟ್‌ನ ನೆಲದ ಮೇಲಿನ ರಕ್ತದ ಕಲೆಗಳ ಬಗ್ಗೆ ಹೋಟೆಲ್ ಸಿಬ್ಬಂದಿ ಪೊಲೀಸರಿಗೆ ಮಾಹಿತಿ ನೀಡುವುದರೊಂದಿಗೆ ಇದು ಪ್ರಾರಂಭವಾಯಿತು. ನಂತರ ಪೊಲೀಸರು ಆಕೆಯ ಟ್ಯಾಕ್ಸಿಯ ಚಾಲಕನೊಂದಿಗೆ ಮಾತನಾಡಿ ಆಕೆಗೆ ಯಾವುದೇ ಅನುಮಾನ ಬಾರದಂತೆ ಚಾಲಕನನ್ನು ಪೊಲೀಸ್ ಠಾಣೆಗೆ ಕರೆದೊಯ್ಯುವಂತೆ ಮಾಡುವಲ್ಲಿ ಪೊಲೀಸರು ಯಶಸ್ವಿಯಾದರು.
ಗೋವಾ ಪೊಲೀಸರು ಕ್ಯಾಬ್‌ ಚಾಲಕನೊಂದಿಗೆ ಕೊಂಕಣಿಯಲ್ಲಿ ಮಾತನಾಡಿ ಅವನಿಗೆ ಕ್ಯಾಬ್‌ ಅನ್ನು ಸಮೀಪದ ಪೊಲೀಸ್ ಠಾಣೆಗೆ ಕರೆದೊಯ್ಯುವಂತೆ ಸೂಚಿಸಿದ್ದಾರೆ. ಅದರಂತೆ ಕ್ಯಾಬ್‌ ಚಾಲಕ ಠಾಣೆಗೆ ಕಾರನ್ನು ಚಲಾಯಿಸಿದ ನಂತರ ಪೊಲೀಸರು ಪರಿಶೀಲನೆ ನಡೆಸದ ನಂತರ ಆಕೆಯ ಮಗನ ಶವ ಇದ್ದ ಬ್ಯಾಗ್‌ ಕಾರಿನಲ್ಲಿ ಪತ್ತೆಯಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ