ಭೋಪಾಲ್: 104 ವರ್ಷದ ಸ್ವಾತಂತ್ರ್ಯ ಹೋರಾಟಗಾರರಾದ ಹಬೀಬ್ ನಜರ್ ಸಾಹೇಬ್ ಅವರು ಕೆಲದಿನಗಳಿಂದ ಸುದ್ದಿಯಲ್ಲಿದ್ದಾರೆ. ವಾಸ್ತವವಾಗಿ, ಅವರ ಒಂದು ವೀಡಿಯೊ ವೈರಲ್ ಆಗುತ್ತಿದೆ, ಅದರಲ್ಲಿ ಅವರು ತಮ್ಮ 103 ನೇ ವಯಸ್ಸಿನಲ್ಲಿ ವಿವಾಹವಾದರು ಎಂದು ಹೇಳಲಾಗುತ್ತಿದೆ. ಈ ವೀಡಿಯೊ ಈಗ ಚರ್ಚೆಗೆ ಕಾರಣವಾಗಿದೆ. ಯಾಕೆಂದರೆ ಈಗ ಅವರ ವಯಸ್ಸು 104 ವರ್ಷಗಳು. ಅವರು ಮದುವೆಯಾದ ಮಹಿಳೆಗೆ ಈಗ 50 ವರ್ಷ. ಅವರಿಬ್ಬರು ಒಂದು ವರ್ಷದ ಹಿಂದೆ ಮದುವೆಯಾಗಿದ್ದಾರೆ. ಅವರಿಬ್ಬರ ನಡುವಿನ ವಯಸ್ಸಿನ ಅಂತರ ಹಬೀಬ್ ನಜರ್ ಅವರ ಪತ್ನಿಯ ವಯಸ್ಸಿಗಿಂತ ಹೆಚ್ಚು…! ಅವರಿಬ್ಬರ ನಡುವೆ ಬರೋಬ್ಬರಿ 54 ವರ್ಷಗಳ ಅಂತರವಿದೆ.
ವಾಸ್ತವವಾಗಿ, ಎರಡು ದಿನಗಳಿಂದ ಸಾಮಾಜಿಕ ಮಾಧ್ಯಮದಲ್ಲಿ ವೀಡಿಯೊ ವೈರಲ್ ಆಗಿದ್ದು, ಈ ಮದುವೆ ಮುನ್ನೆಲೆಗೆ ಬಂದಿದೆ. ಇದರಲ್ಲಿ ಸ್ವಾತಂತ್ರ್ಯ ಹೋರಾಟಗಾರ ಹಬೀಬ್ ನಜರ್ ತಮ್ಮ ಪತ್ನಿ ಫಿರೋಜ್ ಜಹಾನ್ ಅವರೊಂದಿಗೆ ಕಾಣಿಸಿಕೊಂಡಿದ್ದಾರೆ. ಹಬೀಬ್ ನಜರ್ ಅವರ ಮೊಮ್ಮಗ ಮೊಹಮ್ಮದ್ ಸಮೀರ್ ಅವರು, ತನ್ನ ಅಜ್ಜ ಹಬೀಬ್ ನಾಜರ್ ದೇಶದ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದವರು. ಅವರು ಇಂದಿಗೂ ಆರೋಗ್ಯವಾಗಿದ್ದಾರೆ. ಕಳೆದ ವರ್ಷ 2023 ರಲ್ಲಿ, ತನ್ನನ್ನು ನೋಡಿಕೊಳ್ಳಲು ಯಾರಾದರೂ ಬೇಕು ಎಂದು ಅವರು ಮದುವೆಯಾಗಲು ನಿರ್ಧರಿಸಿದರು, ಅವರು ಬೇಗಂ ಫಿರೋಜ್ ಜಹಾನ್ ಎಂಬವರನ್ನು ಮದುವೆಯಾದರು ಎಂದು ನವಭಾರತ್ ಟೈಮ್ಸ್ ಡಾಟ್ ಕಾಮ್‌ ಗೆ ದೂರವಾಣಿಯಲ್ಲಿ ತಿಳಿಸಿದ್ದಾರೆ.
ಹಬೀಬ್ ನಜರ್ ಅವರ ಇಬ್ಬರು ಪತ್ನಿಯರು ಮೃತಪಟ್ಟಿದ್ದಾರೆ ಎಂದು ಮೊಹಮ್ಮದ್ ಸಮೀರ್ ಹೇಳಿದ್ದಾರೆ.
ಈ ಕಾರಣದಿಂದಾಗಿ ತನ್ನನ್ನು ನೋಡಿಕೊಳ್ಳಲು ಅವರು ಫಿರೋಜ್ ಜಹಾನ್ ಅವರನ್ನು ವಿವಾಹವಾದರು. ಈಗ ಹಬೀಬ್ ನಜರ್ ಸಾಬ್ ಅವರಿಗೆ 104 ವರ್ಷ, ಅವರ ಪತ್ನಿ ಫಿರೋಜ್ ಜಹಾನ್ ಅವರಿಗೆ 50 ವರ್ಷ. ಒಂದು ವರ್ಷದ ಹಿಂದೆ ಇಬ್ಬರೂ ಮದುವೆಯಾಗಿದ್ದಾರೆ. ಹಬೀಬ್ ನಾಜರ್ ಸಾಹೇಬ್ ಭೋಪಾಲ್‌ನ ಇತ್ವಾರಾ ಪ್ರದೇಶದಲ್ಲಿ ವಾಸಿಸುತ್ತಿದ್ದಾರೆ.
ಹಬೀಬ್ ನಜರ್ 50 ವರ್ಷಗಳ ಹಿಂದೆ ನಾಸಿಕ್‌ನಲ್ಲಿ ವಿವಾಹವಾಗಿದ್ದರು, ಅವರ ಪತ್ನಿ ನಿಧನರಾದರು. ಅದರ ನಂತರ ಅವರು ಲಕ್ನೋದಲ್ಲಿ ಎರಡನೇ ಬಾರಿಗೆ ವಿವಾಹವಾದರು, ಆದರೆ ಅವರು ನಿಧನರಾದರು. ಇದರ ನಂತರ, ಸುಮಾರು ಒಂದು ವರ್ಷದ ಹಿಂದೆ, 103 ನೇ ವಯಸ್ಸಿನಲ್ಲಿ, ಅವರು 49 ವರ್ಷದ ಫಿರೋಜ್ ಜಹಾನ್ ಅವರನ್ನು ಮೂರನೇ ವಿವಾಹವಾದರು.
ಹಬೀಬ್ ನಜರ್ ಪ್ರಕಾರ, ಫಿರೋಜ್ ಜಹಾನ್ ಸಹ ಒಬ್ಬಂಟಿಯಾಗಿದ್ದರು. ಅವರು ಸಹ ತಮ್ಮ ಪತಿಯನ್ನು ಕಳೆದುಕೊಂಡಿದ್ದರು. ಹೀಗಾಗಿ ಇಬ್ಬರೂ ಮದುವೆಯಾಗಲು ನಿರ್ಧರಿಸಿದರು. ನಾನು ನನ್ನ ಸ್ವಂತ ಇಚ್ಛೆಯಂತೆ ಮದುವೆಯಾಗಿದ್ದೇನೆ. ಅವರ ವೃದ್ಧಾಪ್ಯವನ್ನು ನೋಡಿ ಸೇವೆ ಮಾಡಲು ನಿರ್ಧರಿಸಿ ಮದುವೆಯಾದೆ ಎಂದು ಎಂದು ಅವರ ಪತ್ನಿ ಫಿರೋಜ್ ಜಹಾನ್ ಹೇಳಿದ್ದಾರೆ.
ಹಬೀಬ್ ನಾಜರ್ ಸಾಹೇಬರು ತಮ್ಮ ಮದುವೆಯ ಕಾರಣದಿಂದ ಬೆಳಕಿಗೆ ಬಂದಿರಬಹುದು, ಆದರೆ ಅವರು ದೇಶದ ಸ್ವಾತಂತ್ರ್ಯದಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ. ಅವರ ಇತಿಹಾಸ ಬಹಳ ಶ್ರೀಮಂತವಾಗಿದೆ. ಸ್ವಾತಂತ್ರ್ಯ ಹೋರಾಟಗಾರರ ಜೊತೆಗೆ ಕಾಂಗ್ರೆಸ್‌ನಲ್ಲಿ ಜವಾಬ್ದಾರಿಯುತ ಹುದ್ದೆಗಳನ್ನೂ ನಿರ್ವಹಿಸಿದ್ದಾರೆ. ಹಿರಿಯ ಕಾಂಗ್ರೆಸ್ ನಾಯಕ ಹಾಗೂ ಮಾಜಿ ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ಸೇರಿದಂತೆ ಹಲವು ಕಾಂಗ್ರೆಸ್ ನಾಯಕರ ಜೊತೆ ಇರುವ ಛಾಯಾಚಿತ್ರಗಳಿವೆ.
ನಿಮ್ಮ ಕಾಮೆಂಟ್ ಬರೆಯಿರಿ