ರಾಜಕೋಟ್: ಭಾರತದ ಸ್ಪಿನ್ನ ಮಾಂತ್ರಿಕ ರವಿಚಂದ್ರನ್ ಅಶ್ವಿನ್ ಅವರು, ಇಂಗ್ಲೆಂಡ್ ವಿರುದ್ಧದ 3ನೇ ಟೆಸ್ಟ್ ಪಂದ್ಯದ 2ನೇ ದಿನದಾಟದಲ್ಲಿ ಝಾಕ್ ಕ್ರಾವ್ಲೆ ಅವರ ವಿಕೆಟ್ ಪಡೆಯುವ ಮೂಲಕ 500 ವಿಕೆಟ್ ಪಡೆದ ಸಾಧಕರ ಸಾಲಿಗೆ ಸೇರ್ಪಡೆಯಾಗಿದ್ದಾರೆ. ಅಲ್ಲದೆ, ವಿಶ್ವದಲ್ಲೇ ಎರಡನೇ ಅತ್ಯಂತ ವೇಗವಾಗಿ 500 ವಿಕೆಟ್ ಪಡೆದ ಆಟಗಾರ ಎಂಬ ಹೆಗ್ಗಳಿಕೆ ಪಾತ್ರವಾಗಿದ್ದಾರೆ. ಆಸ್ಟ್ರೇಲಿಯಾದ ಗೆನ್‌ ಮೆಗ್ರಾಥ್ ಅತ್ಯಂತವಾಗಿ ವೇಗವಾಗಿ500 ವಿಕೆಟ್ ಪಡೆದ ಆಟಗಾರರಾಗಿದ್ದಾರೆ.
37 ವರ್ಷದ ರವಿಚಂದ್ರನ್ ಅಶ್ವಿನ್ ಅವರು 2011ರಿಂದ ಇಲ್ಲಿವರೆಗೆ 98 ಟೆಸ್ಟ್ ಕ್ರಿಕೆಟ್ ಪಂದ್ಯಗಳನ್ನು ಆಡಿದ್ದಾರೆ. ರವಿಚಂದ್ರನ್ ಅಶ್ವಿನ್ 500 ವಿಕೆಟ್ ಪಡೆಯುವ ಮೂಲಕ ವಿಶ್ವದಲ್ಲಿ ಈ ಸಾಧನೆ ಮಾಡಿದ 9ನೇ ಬೌಲರ್ ಎನಿಸಿದ್ದಾರೆ. ಭಾರತದಲ್ಲಿ ಅವರು ಅನಿಲ್ ಕುಂಬ್ಳೆ (619) ನಂತರ ಎರಡನೇ ಸ್ಥಾನದಲ್ಲಿದ್ದಾರೆ. ಇಂಜಿನಿಯರಿಂಗ್ ಪದವೀಧರರಾಗಿರುವ ಚೆನ್ನೈನ ಆರ್‌.ಅಶ್ವಿನ್ ಅಗ್ರ ಕ್ರಮಾಂಕದ ಬ್ಯಾಟರ್ ಆಗಿ ಕ್ರಿಕೆಟ್ ವೃತ್ತಿ ಜೀವನ ಪ್ರಾರಂಭಿಸಿದರು ಮತ್ತು ಆಫ್-ಸ್ಪಿನ್ನರ್ ಪಾತ್ರಕ್ಕೆ ತೆರೆದುಕೊಳ್ಳುವ ಮೊದಲು ಮಧ್ಯಮ ವೇಗದ ಬೌಲಿಂಗ್ ಪ್ರಯತ್ನಿಸಿದರು, ಈ ನಿರ್ಧಾರವು ಅವರ ಹದಿಹರೆಯದ ವರ್ಷಗಳಲ್ಲಿ ಬೆನ್ನುನೋವಿನಿಂದ ಅದನ್ನು ಅವರು ಕೈಬಿಡಬೇಕಾಯಿತು.
ಕುಂಬ್ಳೆ ಮತ್ತು ಹರ್ಭಜನ್ ಸಿಂಗ್ ಯುಗದ ನಂತರ, ಅಶ್ವಿನ್ ಆ ಸ್ಥಾನವನ್ನು ಅತ್ಯಂತ ಯಶಸ್ವಿಯಾಗಿ ತುಂಬಿದರು. ಅವರ ಮೊದಲ 16 ಟೆಸ್ಟ್‌ಗಳಲ್ಲಿ, ಅಶ್ವಿನ್ ಒಂಬತ್ತು ಐದು-ವಿಕೆಟ್‌ಗಳನ್ನು ಗಳಿಸಿದರು ಮತ್ತು 300 ವಿಕೆಟ್‌ಗಳ ಕ್ಲಬ್‌ಗೆ ವೇಗವಾಗಿ ಸೇರಿಕೊಂಡರು.ಅಶ್ವಿನ್ 116 ಏಕದಿನದ ಪಂದ್ಯಗಳಲ್ಲಿ 156 ವಿಕೆಟ್‌ಗಳನ್ನು ಪಡೆದಿದ್ದಾರೆ. 65 ಟಿ20 ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ 72 ವಿಕೆಟ್‌ಗಳನ್ನು ಪಡೆದಿದ್ದಾರೆ.
ಟೆಸ್ಟ್ ಕ್ರಿಕೆಟ್‌ನಲ್ಲಿ ಶ್ರೀಲಂಕಾದ ಮುತ್ತಯ್ಯ ಮುರಳಿಧರನ್ (800) ಆಸ್ಟ್ರೇಲಿಯಾದ ಶೇನ್ ವಾರ್ನ್ (708), ಇಂಗ್ಲೆಂಡ್‌ನ ಜೆ ಆಂಡರ್ಸನ್ (693), ಭಾರತದ ಅನಿಲ ಕುಂಬ್ಳೆ (619), ಇಂಗ್ಲೆಂಡ್‌ನ ಸ್ಟುವರ್ಟ್ ಬ್ರಾಡ್ (604), ಆಸ್ಟ್ರೇಲಿಯಾದ ಜಿ.ಮೆಗ್ರಾಥ್ (563) ವೆಸ್ಟ್ ಇಂಡೀಸ್‌ನ ಸಿ.ವಾಲ್ಸ್ (519) ಆಸ್ಟ್ರೇಲಿಯಾದ ನಾಥನ್ ಲಿಓನ್ (517) ರವಿಚಂದ್ರನ್ ಅಶ್ವಿನ್ (500) ವಿಕೆಟ್ ಪಡೆದವರಾಗಿದ್ದಾರೆ.
ಟೆಸ್ಟ್ ಪಂದ್ಯಗಳ ಲೆಕ್ಕಹಾಕಿದರೆ ಅಶ್ವಿನ್ ಅವರು ಎರಡನೇ ಅತಿವೇಗವಾಗಿ 500 ವಿಕೆಟ್ ಪಡೆದವರಾಗಿದ್ದಾರೆ. 500 ಟೆಸ್ಟ್ ವಿಕೆಟ್‌ಗಳನ್ನು ವೇಗವಾಗಿ ತಲುಪಿದ ಬೌಲರ್‌ಗಳ ಪಟ್ಟಿಯನ್ನು ಕೆಳಗೆ ನೀಡಲಾಗಿದೆ:
ಮುತ್ತಯ್ಯ ಮುರಳೀಧರನ್ (ಶ್ರೀಲಂಕಾ) 87 ಪಂದ್ಯ
ರವಿಚಂದ್ರನ್ ಅಶ್ವಿನ್ (ಭಾರತ) 98 ಪಂದ್ಯ
ಅನಿಲ್ ಕುಂಬ್ಳೆ (ಭಾರತ) 105 ಪಂದ್ಯ
ಶೇನ್ ವಾರ್ನ್ (ಆಸ್ಟ್ರೇಲಿಯಾ) 108 ಪಂದ್ಯ
ಗ್ಲೆನ್ ಮೆಕ್‌ಗ್ರಾತ್ (ಆಸ್ಟ್ರೇಲಿಯಾ) 110 ಪಂದ್ಯ
ಕರ್ಟ್ನಿ ವಾಲ್ಷ್ (ವೆಸ್ಟ್ ಇಂಡೀಸ್) 129 ಪಂದ್ಯ
ಜೇಮ್ಸ್ ಆಂಡರ್ಸನ್ (ಇಂಗ್ಲೆಂಡ್) 129 ಪಂದ್ಯ
ಸ್ಟುವರ್ಟ್ ಬ್ರಾಡ್ (ಇಂಗ್ಲೆಂಡ್) 140 ಪಂದ್ಯ
ಎಸೆತಗಳನ್ನು ಲೆಕ್ಕಹಾಕಿದದರೂ ಅಶ್ವಿನ್ ಅವರು ಎರಡನೇ ಅತಿವೇಗವಾಗಿ 500 ವಿಕೆಟ್ ಪಡೆದವರಾಗಿದ್ದಾರೆ. ಎಸೆತಗಳಲ್ಲಿ 500 ಟೆಸ್ಟ್ ವಿಕೆಟ್‌ಗಳನ್ನು ವೇಗವಾಗಿ ತಲುಪಿದ ಬೌಲರ್‌ಗಳ ಪಟ್ಟಿಯನ್ನು ಕೆಳಗೆ ನೀಡಲಾಗಿದೆ:
1. ಗ್ಲೆನ್ ಮೆಕ್‌ಗ್ರಾತ್ (25528 ಎಸೆತಗಳು): ಮೆಕ್‌ಗ್ರಾತ್ ಕೇವಲ 25,528 ಎಸೆತಗಳಲ್ಲಿ 500 ಟೆಸ್ಟ್ ವಿಕೆಟ್‌ಗಳನ್ನು ಗಳಿಸಿದ್ದಾರೆ. ಆದರೆ ಈ ಮೈಲಿಗಲ್ಲನ್ನು ತಲುಪಲು ಅವರು 110 ಪಂದ್ಯಗಳನ್ನು ತೆಗೆದುಕೊಂಡರು.
2. ರವಿಚಂದ್ರನ್ ಅಶ್ವಿನ್ (25714 ಎಸೆತಗಳು): ಅಶ್ವಿನ್ ಅವರ ಆಧುನಿಕ ಸ್ಪಿನ್ ಮಾಂತ್ರಿಕತೆಯು 25,714 ಎಸೆತಗಳಲ್ಲಿ 500 ಟೆಸ್ಟ್ ವಿಕೆಟ್‌ಗಳನ್ನು ಪಡೆಯಲು ಕಾರಣವಾಯಿತು, ಟೆಸ್ಟ್ ಕ್ರಿಕೆಟ್ ಇತಿಹಾಸದಲ್ಲಿ ಈ ಹೆಗ್ಗುರುತನ್ನು ತಲುಪಿದ ಎರಡನೇ ಅತಿ ವೇಗದ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ಮೈಲಿಗಲ್ಲು ಸಾಧಿಸಲು ಅವರು 98 ಪಂದ್ಯಗಳನ್ನು ತೆಗೆದುಕೊಂಡರು.
3. ಜೇಮ್ಸ್ ಆಂಡರ್ಸನ್ (28150 ಎಸೆತಗಳು): ಆಂಡರ್ಸನ್ ಅವರ ಸೀಮ್ ಬೌಲಿಂಗ್ ಮತ್ತು ನಿಖರತೆಯು ಅವರಿಗೆ 28,150 ಎಸೆತಗಳಲ್ಲಿ 500 ಟೆಸ್ಟ್ ವಿಕೆಟ್‌ಗಳನ್ನು ಪಡೆಯಲು ಕಾರಣವಾಯಿತು, ಅವರು ಮೂರನೇ ವೇಗದ 500 ವಿಕೆಟ್ ಪಡೆದವರು ಎನಿಸಿಕೊಂಡರು. ಆದರೆ ಆಂಡರ್ಸನ್ ಈ ಮೈಲಿಗಲ್ಲನ್ನು ತಲುಪಲು 129 ಪಂದ್ಯಗಳನ್ನು ತೆಗೆದುಕೊಂಡರು.
4. ಸ್ಟುವರ್ಟ್ ಬ್ರಾಡ್ (28430 ಎಸೆತಗಳು): ಬ್ರಾಡ್ 28,430 ಎಸೆತಗಳಲ್ಲಿ 500 ಟೆಸ್ಟ್ ವಿಕೆಟ್‌ಗಳನ್ನು ಗಳಿಸಿದರು. ಈ ಮೈಲಿಗಲ್ಲು ತಲುಪಲು ಅವರು 140 ಪಂದ್ಯಗಳನ್ನು ತೆಗೆದುಕೊಂಡರು.
ಕರ್ಟ್ನಿ ವಾಲ್ಷ್ (28833 ಎಸೆತಗಳು): ವೆಸ್ಟ್ ಇಂಡಿಯಾದ ವೇಗದ ದಂತಕಥೆ ವಾಲ್ಷ್ 28,833 ಎಸೆತಗಳಲ್ಲಿ 500 ಟೆಸ್ಟ್ ವಿಕೆಟ್‌ಗಳನ್ನು ಗಳಿಸಿದರು, ಈ ಬೌಲಿಂಗ್ ಶ್ರೇಷ್ಠರಲ್ಲಿ ಐದನೇ ವೇಗದ ಶ್ರೇಯಾಂಕವನ್ನು ಪಡೆದರು. ವಾಲ್ಷ್ ಕೂಡ 129 ಪಂದ್ಯಗಳಲ್ಲಿ ಮೈಲಿಗಲ್ಲು ತಲುಪಿದರು.
5. ಕರ್ಟ್ನಿ ವಾಲ್ಷ್ (28833 ಎಸೆತಗಳು): ವೆಸ್ಟ್ ಇಂಡಿಯಾದ ವೇಗದ ದಂತಕಥೆ ವಾಲ್ಷ್ 28,833 ಎಸೆತಗಳಲ್ಲಿ 500 ಟೆಸ್ಟ್ ವಿಕೆಟ್‌ಗಳನ್ನು ಗಳಿಸಿದರು, ಈ ಬೌಲಿಂಗ್ ಶ್ರೇಷ್ಠರಲ್ಲಿ ಐದನೇ ವೇಗದ ಶ್ರೇಯಾಂಕವನ್ನು ಪಡೆದರು. ವಾಲ್ಷ್ ಕೂಡ 129 ಪಂದ್ಯಗಳಲ್ಲಿ ಮೈಲಿಗಲ್ಲು ಪಡೆದರು.
ನಿಮ್ಮ ಕಾಮೆಂಟ್ ಬರೆಯಿರಿ