ಬೊಕಾ ರಾಟನ್: ಅಮೆರಿಕನ್ನರಾದ ಹೆರಾಲ್ಡ್ ಟೆರೆನ್ಸ್ ಮತ್ತು ಜೀನ್ ಸ್ವೆರ್ಲಿನ್ ಅವರ ಪ್ರಣಯವು “ರೋಮಿಯೋ ಮತ್ತು ಜೂಲಿಯೆಟ್‌ಗಿಂತ ಕಡಿಮೆಯೇನಿಲ್ಲ” ಎಂದು ಈ ಜೋಡಿ ಹೇಳಿಕೊಳ್ಳುತ್ತದೆ. ಯಾಕೆಂದರೆ ಹೆರಾಲ್ಡ್ ಟೆರೆನ್ಸ್ ಅವರಿಗೆ 100 ವರ್ಷ, ಜೀನ್ ಸ್ವೆರ್ಲಿನ್ ವಯಸ್ಸು 96, ಮತ್ತು ಅವರು ಮುಂದಿನ ತಿಂಗಳು ಫ್ರಾನ್ಸ್‌ನಲ್ಲಿ ಮದುವೆಯಾಗಲಿದ್ದಾರೆ. ಯಾಕೆಂದರೆ ಎರಡನೇ ಮಹಾಯುದ್ಧದ ಸಮಯದಲ್ಲಿ ವರ ಫ್ರಾನ್ಸ್‌ನಲ್ಲಿ ಕಾರ್ಯನಿರ್ವಹಿಸಿದ್ದರು.
ಅಮೆರಿಕದ ಏರ್ ಫೋರ್ಸ್ ಅನುಭವಿ ಟೆರೆನ್ಸ್ ಅವರನ್ನು ಜೂನ್ 6 ರಂದು ನಾರ್ಮಂಡಿಯಲ್ಲಿ ಡಿ-ಡೇ ಲ್ಯಾಂಡಿಂಗ್‌ಗಳ 80 ನೇ ವಾರ್ಷಿಕೋತ್ಸವದ ಸ್ಮರಣಾರ್ಥವಾಗಿ ಗೌರವಿಸಲಾಗುತ್ತದೆ, ಇದು ಯುದ್ಧದ ದಿಕ್ಕನ್ನೇ ಬದಲಾಯಿಸಿದ ಐತಿಹಾಸಿಕ ಮಿತ್ರರಾಷ್ಟ್ರಗಳ ಕಾರ್ಯಾಚರಣೆಯಾಗಿದೆ. ಎರಡು ದಿನಗಳ ನಂತರ ಹೆರಾಲ್ಡ್ ಮತ್ತು ಜೀನ್ ಅವರು ಕ್ಯಾರೆಂಟನ್-ಲೆಸ್-ಮರೈಸ್‌ನಲ್ಲಿ ಮದುವೆ ಪ್ರತಿಜ್ಞೆಗಳನ್ನು ವಿನಿಮಯ ಮಾಡಿಕೊಳ್ಳುತ್ತಾರೆ. ಪಟ್ಟಣದ ಮೇಯರ್ ಸಮಾರಂಭದ ಅಧ್ಯಕ್ಷತೆ ವಹಿಸುತ್ತಾರೆ.
1944 ರಲ್ಲಿ ಹೋರಾಡಿ ಮಡಿದ IIನೇ ಮಹಾಯುದ್ಧದ ಸೈನಿಕರು ಈ ಕಡಲತೀರಗಳಲ್ಲಿ ಒಮ್ಮೆ ಪರೇಡ್ ಮಾಡಿದ್ದರಿಂದ ದಂಪತಿ ಆಯ್ಕೆ ಮಾಡಿದ ಈ ಸ್ಥಳವು ಮಹತ್ತರವಾದ ಪ್ರಾಮುಖ್ಯತೆಯನ್ನು ಹೊಂದಿದೆ.
ಎರಡನೇ ಮಹಾಯುದ್ಧದ ಕಾಲದ ಅಮೆರಿಕದ ವಾಯುಪಡೆಯ ಅಧಿಕಾರಿಯಾಗಿದ್ದ, ಈಗ 100 ವರ್ಷ ವಯಸ್ಸಿನ ಹೆರಾಲ್ಡ್ ಟೆರೆನ್ಸ್ ಅವರು ತಮ್ಮ ಜೀವನದಲ್ಲಿ ಎರಡನೇ ಬಾರಿಗೆ ಅಂದರೆ 2021 ರಿಂದ ಡೇಟಿಂಗ್ ಮಾಡುತ್ತಿರುವ ಪ್ರಿಯತಮೆ ಜೀನ್ ಸ್ವೆರ್ಲಿನ್ (96) ಅವರನ್ನು ಮದುವೆಯಾಗಲು ಸಿದ್ಧರಾಗಿದ್ದಾರೆ. ಮತ್ತು ಇದನ್ನು ಹೆಚ್ಚು ವಿಶೇಷವಾಗಿಸಲು, ದಂಪತಿ ವಿಶೇಷ ಸ್ಥಳವನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಏಕೆಂದರೆ ಅವರು ಫ್ರಾನ್ಸ್‌ನ ಎರಡನೇ ಮಹಾಯುದ್ಧದ ಐತಿಹಾಸಿಕ ಮೈದಾನದಲ್ಲಿ ಮದುವೆಯಾಗುತ್ತಿದ್ದಾರೆ.
ಟೆರೆನ್ಸ್ AFP ಗೆ ಹೇಳಿದ ಪ್ರಕಾರ ಟೆರೆನ್ಸ್ ಮೊದಲು ತನ್ನ ಪತ್ನಿ ಥೆಲ್ಮಾಳನ್ನು ಮದುವೆಯಾಗಿ 70 ವರ್ಷಗಳಾಗಿತ್ತು. ಮತ್ತು ಈ ದಂಪತಿಗೆ ಮೂರು ಮಕ್ಕಳಿದ್ದಾರೆ. ನಿವೃತ್ತಿ ನಂತರ ದಂಪತಿ ಫ್ಲೋರಿಡಾದಲ್ಲಿ ನೆಲೆಸಿದರು. 2018 ರಲ್ಲಿ ಥೆಲ್ಮಾ ನಿಧನರಾದರು. ಆದರೆ ಜೀವನವು ಅವರಿಗೆ ಎರಡನೇ ಅವಕಾಶ ನೀಡಿತು. ಟೆರೆನ್ಸ್ 2021 ರಲ್ಲಿ ಸ್ನೇಹಿತನ ಮೂಲಕ “ವಿಧವೆಯಾದ ವರ್ಚಸ್ವಿ ಮಹಿಳೆ” ಸ್ವರ್ಲಿನ್ ಅವರನ್ನು ಭೇಟಿಯಾದರು.
ಟೆರೆನ್ಸ್ 2019 ರಲ್ಲಿ, ಅವರು ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರನ್ ಅವರಿಂದ ರಾಷ್ಟ್ರದ ಅತ್ಯುನ್ನತ ಗೌರವವಾದ ಲೀಜನ್ ಆಫ್ ಆನರ್ ಅನ್ನು ಪಡೆದರು.
ನಿಮ್ಮ ಕಾಮೆಂಟ್ ಬರೆಯಿರಿ