ಗ್ರಾಸ್ ಐಲೆಟ್ (ಸೇಂಟ್ ಲೂಸಿಯ): ಸೋಮವಾರ (ಜೂನ್ 24) ಗ್ರಾಸ್ ಐಲೆಟ್ನಲ್ಲಿ ನಡೆದ ತಮ್ಮ ಕೊನೆಯ ಸೂಪರ್ 8 ಪಂದ್ಯದಲ್ಲಿ ಆಸ್ಟ್ರೇಲಿಯಾವನ್ನು 24 ರನ್ಗಳಿಂದ ಸೋಲಿಸಿದ ನಂತರ ಭಾರತವು T20 ವಿಶ್ವಕಪ್ 2024 ರ ಸೆಮಿಫೈನಲ್ ಪ್ರವೇಶಿಸಿದೆ.
ಆಸ್ಟ್ರೇಲಿಯಾ ತಂಡಕ್ಕೆ 20 ಓವರ್ಗಳಲ್ಲಿ 181/7 ರನ್ ಗಳಿಸಲಷ್ಟೇ ಸಾಧ್ಯವಾಯಿತು. ಗ್ರೂಪ್ 1 ರ ಈ ವಿಜಯವು ಭಾರತದ ಒಟ್ಟು ಅಂಕಗಳನ್ನು 6ಕ್ಕೆ ಕೊಂಡೊಯ್ದಿತು.
15.3 ಓವರ್ಗಳಲ್ಲಿ ಭಾರತ ನೀಡಿದ ಗುರಿ ಬೆನ್ನಟ್ಟಲು ಆಸ್ಟ್ರೇಲಿಯಾ ವಿಫಲವಾದ ನಂತರ ಭಾರತವು ಸ್ವಯಂಚಾಲಿತವಾಗಿ ಸೆಮಿಫೈನಲ್ ಅರ್ಹತೆಯನ್ನು ಪಡೆದುಕೊಂಡಿತು. ಇಂಗ್ಲೆಂಡ್ ಮತ್ತು ದಕ್ಷಿಣ ಆಫ್ರಿಕಾ ನಂತರ ಭಾರತ ಸೆಮಿಫೈನಲ್ಗೆ ಅರ್ಹತೆ ಪಡೆದ ಮೂರನೇ ತಂಡವಾಗಿದೆ. ಮಂಗಳವಾರ ಕಿಂಗ್ಸ್ಟನ್ನಲ್ಲಿ ನಡೆಯಲಿರುವ ಕೊನೆಯ ಸೂಪರ್ 8 ಸುತ್ತಿನ ಪಂದ್ಯದಲ್ಲಿ ಬಾಂಗ್ಲಾದೇಶವನ್ನು ಎದುರಿಸುತ್ತಿರುವ ಆಸ್ಟ್ರೇಲಿಯಾ ಮತ್ತು ಅಫ್ಘಾನಿಸ್ತಾನ ಉಳಿದ ಸ್ಥಾನಕ್ಕಾಗಿ ಹೋರಾಡುತ್ತಿವೆ. ಜೂನ್ 27 ರಂದು ಗಯಾನಾದ ಪ್ರಾವಿಡೆನ್ಸ್ ಕ್ರೀಡಾಂಗಣದಲ್ಲಿ ನಡೆಯಲಿರುವ ಎರಡನೇ ಸೆಮಿಫೈನಲ್ ಪಂದ್ಯದಲ್ಲಿ ಭಾರತವು ಹಾಲಿ ಚಾಂಪಿಯನ್ ಇಂಗ್ಲೆಂಡ್ ತಂಡವನ್ನು ಎದುರಿಸಲಿದೆ.
ಆಸ್ಟ್ರೇಲಿಯಾ ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ವಿರಾಟ್ ಕೊಹ್ಲಿ 5 ಎಸೆತಗಳಲ್ಲಿ ಖಾತೆ ತೆರೆಯದೆ ಔಟಾಗಿ ಭಾರತ ಆರಂಭಿಕ ಆಘಾತ ಅನುಭವಿಸಿತು. ಭಾರತದ ತಂಡದ ನಾಯಕ ರೋಹಿತ್ ಶರ್ಮಾ ಕೇವಲ 41 ಎಸೆತಗಳಲ್ಲಿ 92 ರನ್ ಗಳಿಸುವ ಮೂಲಕ ಭಾರತ ತಂಡವು 205 ರನ್ ಗಳಿಸಲು ನೆರವಾದರು. ಇದು ಟಿ20 ವಿಶ್ವಕಪ್ನಲ್ಲಿ ಅವರ ಜೀವನಶ್ರೇಷ್ಠ ಬ್ಯಾಟಿಂಗ್ ಆಗಿದೆ. ಸ್ಫೋಟಕ ಬ್ಯಾಟಿಂಗ್ ಮಾಡಿದ ರೋಹಿತ್ ಶರ್ಮಾ ಮಿಚೆಲ್ ಸ್ಟಾರ್ಕ್ ಅವರ 3ನೇ ಓವರ್ನಲ್ಲಿ ಬರೋಬ್ಬರಿ 29 ರನ್ ಚಚ್ಚಿದರು. (4 ಸಿಕ್ಸರ್, 1 ಬೌಂಡರಿ). ಇದು ಟಿ20ಯಲ್ಲಿ ಸ್ಟಾರ್ಕ್ ಅವರ ದುಬಾರಿ ಓವರ್ ಆಗಿ ದಾಖಲಾಯಿತು. ರಿಷಭ್ ಪಂತ್ (15), ಸೂರ್ಯಕುಮಾರ ಯಾದವ್ 16 ಎಸೆತಗಳಲ್ಲಿ 31 ರನ್ (3 ಫೋರ್, 2 ಸಿಕ್ಸರ್) ಬಾರಿಸಿದರು. ನಂತರ ದುಬೆ 28, ಪಾಂಡ್ಯ ಅಜೇಯ 27 ರನ್ ಬಾರಿಸಿ ತಂಡದ ಮೊತ್ತವನ್ನು 205ಕ್ಕೆ ಕೊಂಡೊಯ್ದರು.
ಭಾರತದ 100 ರನ್ ಕೇವಲ 8.4 ಓವರ್ಗಳಲ್ಲಿ ಬಂತು. ಇದು ಟಿ20 ವಿಶ್ವಕಪ್ನಲ್ಲಿ ಟೀಮ್ ಇಂಡಿಯಾದ ದಾಖಲೆಯಾಗಿದೆ. ರೋಹಿತ್ ಔಟಾದ ಬಳಿಕ ಭಾರತದ ರನ್ಗತಿ ಕುಂಟಿತಗೊಂಡಿತು.
ಆರಂಭಿಕ ಆಟಗಾರ ಟ್ರಾವಿಸ್ ಹೆಡ್ ಕೇವಲ 43 ಎಸೆತಗಳಲ್ಲಿ 76 ರನ್ ಮತ್ತು ಮಿಚೆಲ್ ಮಾರ್ಷ್ ವೇಗವಾಗಿ 37 ರನ್ ಗಳಿಸುವುದರೊಂದಿಗೆ ಹೆಚ್ಚಿನ ಇನ್ನಿಂಗ್ಸ್ನಲ್ಲಿ ಪಂದ್ಯವನ್ನು ಸಮತೋಲನದಲ್ಲಿಟ್ಟರು. ಕುಲದೀಪ್ ಯಾದವ್ ಎರಡು ಸಮಯೋಚಿತ ವಿಕೆಟ್ ಪಡೆದು ಪಂದ್ಯ ಭಾರತದ ಪರ ತಿರುಗುವಂತೆ ಮಾಡಿದರು. ಅರ್ಶ್ದೀಪ್ ಸಿಂಗ್ ಮೂರು ವಿಕೆಟ್ಗಳನ್ನು ಪಡೆದರು.
ಭಾರತ ಪ್ಲೇಯಿಂಗ್ XI: ರೋಹಿತ್ ಶರ್ಮಾ (c), ವಿರಾಟ್ ಕೊಹ್ಲಿ, ರಿಷಭ್ ಪಂತ್ (WK), ಸೂರ್ಯಕುಮಾರ್ ಯಾದವ್, ಶಿವಂ ದುಬೆ, ಹಾರ್ದಿಕ್ ಪಾಂಡ್ಯ, ರವೀಂದ್ರ ಜಡೇಜಾ, ಅಕ್ಷರ್ ಪಟೇಲ್, ಕುಲದೀಪ್ ಯಾದವ್, ಅರ್ಶ್ದೀಪ್ ಸಿಂಗ್, ಜಸ್ಪ್ರೀತ್ ಬುಮ್ರಾ.
ನಿಮ್ಮ ಕಾಮೆಂಟ್ ಬರೆಯಿರಿ