ಉಕ್ರೇನಿಯನ್ ʼಡ್ರ್ಯಾಗನ್ ಡ್ರೋನ್ʼಗಳು ಥರ್ಮೈಟ್ ಬೆಂಕಿಯಿಡುವ ಬಾಂಬ್‌ಗಳನ್ನು ಬೀಳಿಸಿದ ನಂತರ ಅದು ರಷ್ಯಾದ ಕೆಲವು ಮಿಲಿಟರಿ ವಾಹನಗಳನ್ನು ಸುಟ್ಟುಹಾಕಿದವು. ಅಲ್ಲದೆ ಮರಗಿಡಗಗಳನ್ನು ಸುಟ್ಟುಹಾಕಿದೆ. ಆಕ್ರಮಿತ ಖಾರ್ಕಿವ್ ಪ್ರದೇಶದಲ್ಲಿ ರಷ್ಯಾದ ಹಿಡಿತದಲ್ಲಿರುವ ಪ್ರದೇಶಗಳ ಮೇಲೆ ಥರ್ಮೈಟ್ ಬಾಂಬ್ ಬೆಂಕಿಯ ಮಳೆ ಸುರಿಸಿದೆ. ವಿವಿಧ ಟೆಲಿಗ್ರಾಂ ಚಾನೆಲ್‌ಗಳಲ್ಲಿ ಬೆಂಕಿ ಉಗುಳುವ ‘ಡ್ರ್ಯಾಗನ್ ಡ್ರೋನ್’ ದೃಶ್ಯಗಳು ಹೊರಹೊಮ್ಮಿವೆ.
ಖೋರ್ನೆ ಗ್ರೂಪ್ ಹೆಸರಿನ ಟೆಲಿಗ್ರಾಮ್ ಚಾನೆಲ್ ಕಡಿಮೆ-ಹಾರುವ ಡ್ರೋನ್ ಬೀಳಿಸಿದ ಥರ್ಮೈಟ್ ಬಾಂಬ್ ನ ದಿನಾಂಕ ಇಲ್ಲದ ವೀಡಿಯೊ ತುಣುಕನ್ನು ಹಂಚಿಕೊಂಡಿದೆ. ಇದರಲ್ಲಿರುವ ಅಲ್ಯೂಮಿನಿಯಂ ಪೌಡರ್ ಮತ್ತು ಐರನ್ ಆಕ್ಸೈಡ್‌ ಮಿಶ್ರಣವು ಹೆಚ್ಚಿನ ತಾಪಮಾನದಲ್ಲಿ ಉರಿಯುತ್ತದೆ. ಕರಗಿದ ಲೋಹವು ಮರಗಳು, ಕೋಟೆಗಳು ಮತ್ತು ಲೋಹಗಳನ್ನು ತ್ವರಿತವಾಗಿ ಸುಡುತ್ತದೆ, ಮಿಲಿಟರಿ ವಾಹನಗಳು ಮತ್ತು ರಕ್ಷಾಕವಚವನ್ನು ನಿಷ್ಪ್ರಯೋಜಕಗೊಳಿಸುತ್ತದೆ.
ಉಕ್ರೇನ್‌ನ 60 ನೇ ಬ್ರಿಗೇಡ್ ಈ ಥರ್ಮೈಟ್ ಬಾಂಬ್ ದಾಳಿಯ ಡ್ರೋನ್ ದೃಶ್ಯಗಳನ್ನು ಹಂಚಿಕೊಂಡಿತು ಮತ್ತು “ಸ್ಟ್ರೈಕ್ ಡ್ರೋನ್‌ಗಳು ನಮ್ಮ ಪ್ರತೀಕಾರದ ರೆಕ್ಕೆಗಳು, ಆಕಾಶದಿಂದ ನೇರವಾಗಿ ಬೆಂಕಿಯನ್ನು ಸುರಿಸುತ್ತವೆ ! ಇವು ಶತ್ರುಗಳಿಗೆ ನಿಜವಾದ ಬೆದರಿಕೆಯಾಗುತ್ತವೆ, ಗುರಿಯ ಸ್ಥಾನಗಳನ್ನು ನಿಖರವಾಗಿ ಸುಡುತ್ತದೆ. ನಮ್ಮ “ವಿದಾರ್” ಕೆಲಸ ಮಾಡುವಾಗ ರಷ್ಯಾದ ಮಹಿಳೆ ಎಂದಿಗೂ ನಿದ್ರಿಸುವುದಿಲ್ಲ ಎಂದು ಹೇಳಿದೆ. ಈ ಶಸ್ತ್ರಾಸ್ತ್ರಗಳನ್ನು ವಿಶ್ವದ ಅತ್ಯಂತ ಅಪಾಯಕಾರಿ ಎಂದು ಪರಿಗಣಿಸಲಾಗಿದೆ.
2023 ರಲ್ಲಿ, ರಷ್ಯಾ ಪೂರ್ವ ಉಕ್ರೇನಿಯನ್ ಪಟ್ಟಣವಾದ ವುಹ್ಲೆದರ್ ಮೇಲೆ ಥರ್ಮೈಟ್ ಬಾಂಬುಗಳನ್ನು ಬಳಸಿತು. ರಷ್ಯನ್ನರು ಗಡಿ ಪಟ್ಟಣದ ಮೇಲೆ ಥರ್ಮೈಟ್ ಬಾಂಬ್ ಹಾಕಿದರು.
ರಷ್ಯನ್ನರು ಸೋವಿಯತ್ ಯುಗದ B-21 ಮಲ್ಟಿ-ರಾಕೆಟ್ ಲಾಂಚರ್ ಸಿಸ್ಟಮ್‌ನಿಂದ ಉಡಾವಣೆಯಾದ 122mm ಗ್ರಾಡ್ 9M22S ರಾಕೆಟ್‌ಗಳನ್ನು ಥರ್ಮಿಟ್ ವಾರ್‌ಹೆಡ್‌ನೊಂದಿಗೆ ಬಳಸಿದ್ದಾರೆಂದು ವರದಿಯಾಗಿದೆ. ರಷ್ಯಾದ ಮತ್ತು ಉಕ್ರೇನಿಯನ್ ಪಡೆಗಳು ಮುಂಚೂಣಿಯಲ್ಲಿ ಅಂತಹ ಶಸ್ತ್ರಾಸ್ತ್ರಗಳನ್ನು ಬಳಸಿದ ಹಲವಾರು ವೀಡಿಯೊಗಳು ಹೊರಹೊಮ್ಮಿವೆ. ಥರ್ಮೈಟ್, ಸ್ಫೋಟದ ಪರಿಣಾಮವನ್ನು ಅವಲಂಬಿಸಿರುವ ಸಾಂಪ್ರದಾಯಿಕ ಬಾಂಬುಗಳಿಗಿಂತ ಭಿನ್ನವಾಗಿ, ತೀವ್ರವಾದ ಶಾಖವನ್ನು ಉಂಟುಮಾಡುತ್ತದೆ. ಇದನ್ನು ವೆಲ್ಡಿಂಗ್ ಸ್ಟೀಲ್, ಕಬ್ಬಿಣ ಮತ್ತು ರೈಲ್ವೆ ಹಳಿಗಳಲ್ಲಿ ವ್ಯಾಪಕವಾಗಿ ಬಳಸಲಾಗುತ್ತದೆ.
ಥರ್ಮೈಟ್‌ನ ದಹನವು ನಿಧಾನವಾಗಿರುತ್ತದೆ ಮತ್ತು ಉರಿಯಲು ಹೆಚ್ಚಿನ ತಾಪಮಾನದ ಅಗತ್ಯವಿರುತ್ತದೆ. ಸಾಂಪ್ರದಾಯಿಕ ಕಪ್ಪು ಪುಡಿ ಫ್ಯೂಸ್‌ಗಳು ಅಥವಾ ನೈಟ್ರೋಸೆಲ್ಯುಲೋಸ್ ರಾಡ್‌ಗಳೊಂದಿಗೆ ಇಷ್ಟೊಂದು ಶಾಖದ ಮಟ್ಟ ತಲುಪುವುದು ಕಷ್ಟ. ಹೀಗಾಗಿ ಹೆಚ್ಚಿನ ಉಷ್ಣತೆ ಪಡೆಯಲು ಫ್ಯೂಸ್ಗಳಾಗಿ ಬಳಸಲಾಗುವ ಮೆಗ್ನೀಸಿಯಮ್ ಲೋಹದ ಪಟ್ಟಿಗಳನ್ನು ಬಳಸುತ್ತಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ