ಹಾವನ್ನು ಕಂಡರೆ ಜನರು ಭಯಭೀತರಾಗುತ್ತಾರೆ. ಕೆಲವು ಹಾವುಗಳು ವಿಷಕಾರಿಯಾಗಿರುತ್ತವೆ. ಆದರೆ ಕೆಲವು ದೈತ್ಯ ಹಾವುಗಳು ವಿಷಕಾರಿಯಲ್ಲ. ಆದರೆ ದೈತ್ಯ ಹಾವುಗಳು ಮನುಷ್ಯರನ್ನೇ ನುಂಗಿ ಹಾಕುವ ಸಾಮರ್ಥ್ಯವನ್ನು ಹೊಂದಿರುತ್ತವೆ. ಹೆಬ್ಬಾವು ಬಿಗಿಯಾಗಿ ಸುತ್ತಿಕೊಂಡು ಉಸಿರುಗಟ್ಟಿಸಿ ಸಾಯಿಸುತ್ತವೆ. ಹಾವಿನ ಹೆಸರು ಕೇಳಿದರೆ ಜನ ಭಯದಿಂದ ನಡುಗುವುದು ಇದೇ ಕಾರಣಕ್ಕೆ.
ಈ ವಿಡಿಯೋದಲ್ಲಿ ಇಬ್ಬರು ಮುಗ್ಧ ಮಕ್ಕಳಿಗೆ ದೈತ್ಯ ಹೆಬ್ಬಾವು ಅವರ ಆಟದ ವಸ್ತುವಾಗಿ ಮಾರ್ಪಟ್ಟಿದೆ. ಈ ಮಕ್ಕಳಿಬ್ಬರು ಹೆಬ್ಬಾವಿನ ಮೇಲೆ ಕುಳಿತು ಜಾರುಬಂಡಿ ಆಡುತ್ತಾ ಸವಾರಿ ಮಾಡುತ್ತಿರುವ ವೀಡಿಯೊ ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದೆ.
ವೈರಲ್ ಆಗುತ್ತಿರುವ ವೀಡಿಯೊದಲ್ಲಿ, ದೈತ್ಯ ಹೆಬ್ಬಾವು ನೆಲದ ಮೇಲೆ ಹರಿದಾಡುತ್ತಿರುವುದನ್ನು ಕಾಣಬಹುದು. ಅಚ್ಚರಿಯ ವಿಷಯವೆಂದರೆ ಹೆಬ್ಬಾವು ಒಬ್ಬಂಟಿಯಾಗಿರದೆ ಅದರ ಮೇಲೆ ಇಬ್ಬರು ಮಕ್ಕಳು ಕುಳಿತು ಸವಾರಿ ಮಾಡುತ್ತಿರುವುದು ಕಂಡು ಬಂದಿದೆ. ಹೆಬ್ಬಾವು ಮುಂದೆ ಹೋಗುತ್ತಿದ್ದಂತೆ, ಮಕ್ಕಳು ಅದರ ಮೇಲೆ ಜಿಗಿಯುತ್ತಾರೆ ಮತ್ತು ಕುಳಿತುಕೊಳ್ಳುತ್ತಾರೆ. ಹೆಬ್ಬಾವು ಕೂಡ ಮಕ್ಕಳಿಗೆ ಏನನ್ನೂ ಹೇಳದೆ ಆ ಮಕ್ಕಳ ಭಾರ ಹೊತ್ತು ಮುಂದಕ್ಕೆ ಸಾಗುತ್ತದೆ. ಮಕ್ಕಳಿಬ್ಬರ ಧೈರ್ಯ ನೋಡಿ ಜನರು ಆಶ್ಚರ್ಯಚಕಿತರಾಗಿದ್ದಾರೆ.
@BapuDaLadla ಹೆಸರಿನ ಖಾತೆಯೊಂದಿಗೆ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ X ನಲ್ಲಿ ವೀಡಿಯೊವನ್ನು ಹಂಚಿಕೊಳ್ಳಲಾಗಿದೆ. ಈ ವೀಡಿಯೊವನ್ನು ಸಾವಿರಾರು ಮಂದಿ ವೀಕ್ಷಿಸಿದ್ದಾರೆ ಮತ್ತು ಲೈಕ್ ಮಾಡಿದ್ದಾರೆ.
ಮಿರರ್‌ ವರದಿಯ ಪ್ರಕಾರ, ಈ ವೀಡಿಯೊ ಇಂಡೋನೇಷ್ಯಾದ್ದು ಹಾಗೂ ಇದು ಸಾಕಷ್ಟು ಹಳೆಯ ವೀಡಿಯೊ, ಮತ್ತೊಮ್ಮೆ ವೈರಲ್ ಆಗಿದೆ ಎಂದು ಹೇಳಲಾಗಿದೆ. ವೀಡಿಯೊದಲ್ಲಿ ಕಂಡುಬಂದಿರುವ ಹೆಬ್ಬಾವು ‘ರೆಟಿಕ್ಯುಲೇಟೆಡ್ ಪೈಥಾನ್’ ಆಗಿದ್ದು, ಇದನ್ನು ವಿಶ್ವದ ಎರಡನೇ ಅತಿ ದೊಡ್ಡ ಹೆಬ್ಬಾವು ಎಂದು ಪರಿಗಣಿಸಲಾಗಿದೆ. ಈ ಹಾವು ಅನಾಯಾಸವಾಗಿ ಮನುಷ್ಯನನ್ನು ಜೀವಂತವಾಗಿ ನುಂಗುವ ಶಕ್ತಿ ಹೊಂದಿದೆಯಂತೆ.
ನಿಮ್ಮ ಕಾಮೆಂಟ್ ಬರೆಯಿರಿ