ನವದೆಹಲಿ : ಖ್ಯಾತ ಫ್ಯಾಷನ್ ಡಿಸೈನರ್ ರೋಹಿತ್ ಬಾಲ್ (Rohit Bal) ಶುಕ್ರವಾರ (ನ.1) ನಿಧನರಾಗಿದ್ದಾರೆ. ಅವರಿಗೆ 63 ವರ್ಷ ವಯಸ್ಸಾಗಿತ್ತು.
ಫ್ಯಾಷನ್ ಡಿಸೈನ್ ಕೌನ್ಸಿಲ್ ಆಫ್ ಇಂಡಿಯಾ (Fashion Design Council of India) ರೋಹಿತ್ ಬಾಲ್ ಅವರ ನಿಧನವನ್ನು ಖಚಿತಪಡಿಸಿದೆ. ಬಾಲ್ ಅವರ ನಿಧನದ ಸುದ್ದಿಯನ್ನು ಫ್ಯಾಷನ್ ಡಿಸೈನ್ ಕೌನ್ಸಿಲ್ ಆಫ್ ಇಂಡಿಯಾ (ಎಫ್‌ಡಿಸಿಐ) ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದೆ, “ಲೆಜೆಂಡರಿ ಡಿಸೈನರ್ ರೋಹಿತ್ ಬಾಲ್ ಅವರ ನಿಧನಕ್ಕೆ ನಾವು ಶೋಕಿಸುತ್ತೇವೆ. ಅವರು ಫ್ಯಾಶನ್ ಡಿಸೈನ್ ಕೌನ್ಸಿಲ್ ಆಫ್ ಇಂಡಿಯಾದ (ಎಫ್‌ಡಿಸಿಐ) ಸ್ಥಾಪಕ ಸದಸ್ಯರಾಗಿದ್ದರು. ಆಧುನಿಕ ಸಂವೇದನೆಗಳೊಂದಿಗೆ ಸಾಂಪ್ರದಾಯಿಕ ಮಾದರಿಗಳ ವಿಶಿಷ್ಟ ಮಿಶ್ರಣಕ್ಕೆ ಹೆಸರುವಾಸಿಯಾದ ಬಾಲ್ ಅವರ ಕೆಲಸವು ಭಾರತೀಯ ಫ್ಯಾಶನ್ ಅನ್ನು ಮರುವ್ಯಾಖ್ಯಾನಿಸಿತು ಮತ್ತು ಪೀಳಿಗೆಗೆ ಸ್ಫೂರ್ತಿ ನೀಡಿತು. ಅವರ ಕಲಾತ್ಮಕತೆಯ ಪರಂಪರೆ ಮತ್ತು ಹೊಸತನದ ಜೊತೆಗೆ ಫಾರ್ವರ್ಡ್ ಥಿಂಕಿಂಗ್ ಫ್ಯಾಷನ್ ಜಗತ್ತಿನಲ್ಲಿ ಉಳಿಯುತ್ತದೆ. ಶಾಂತಿಯಿಂದ ವಿಶ್ರಾಂತಿ ಗುಡ್ಡಾ ನೀನೊಬ್ಬ ದಂತಕಥೆ ಎಂದು ಪೋಸ್ಟ್‌ನಲ್ಲಿ ಬರೆದಿದೆ.
ಕೆಲವೇ ವಾರಗಳ ಹಿಂದೆ, ಬಾಲ್ ಅವರು ಆರೋಗ್ಯ ಸಮಸ್ಯೆಗಳ ನಂತರ ತಮ್ಮ ಫ್ಯಾಶನ್ ಸರ್ಕ್ಯೂಟ್ ಪುನರಾಗಮನವನ್ನು ಮಾಡಿದ್ದರು. ಲ್ಯಾಕ್ಮೆ ಫ್ಯಾಶನ್ ವೀಕ್‌ನಲ್ಲಿ ಪಾಲ್ಗೊಂಡಿದ್ದರು. ತಮ್ಮ ಸೃಜನಶೀಲ ವಿಧಾನಗಳಿಗೆ ಹೆಸರುವಾಸಿಯಾದ ಅವರು, ಪ್ರಪಂಚದಾದ್ಯಂತ ಗಮನ ಸೆಳೆದ ಆಧುನಿಕ ವಸ್ತ್ರದಲ್ಲಿ ಭಾರತದ ಶ್ರೀಮಂತ ಸಾಂಸ್ಕೃತಿಕ ಪರಂಪರೆಯನ್ನು ಜೀವಂತಗೊಳಿಸಿದವರಲ್ಲಿ ಒಬ್ಬರು. ಅವರ ಕ್ರಿಯೇಶನ್ಸ್‌ಗಳು ಆಧುನಿಕತೆ ಮತ್ತು ಪರಂಪರೆಯ ಸಮ್ಮಿಳನವಾಗಿದೆ.
2023 ರ ನವೆಂಬರ್‌ನಲ್ಲಿ ಬಾಲ್ ಅವರನ್ನು ಗುರುಗ್ರಾಮದ ಮೇದಾಂತ ಆಸ್ಪತ್ರೆಗೆ ದಾಖಲಿಸಲಾಯಿತು, ಏಕೆಂದರೆ ಅವರು ಹೃದಯದ ತೊಂದರೆ ಅನುಭವಿಸಿದರು. 2010 ರಲ್ಲಿ ತೀವ್ರ ಹೃದಯಾಘಾತದಿಂದ ಚೇತರಿಸಿಕೊಂಡ ನಂತರ ಅವರು, ಪ್ಯಾಂಕ್ರಿಯಾಟೈಟಿಸ್‌ ತೊಂದರೆ ಎದುರಿಸಿದರು. ಕಳೆದ ಕೆಲವು ತಿಂಗಳುಗಳಲ್ಲಿ ಅವರು ಗಮನಾರ್ಹವಾದ ಆರೋಗ್ಯ ಸಮಸ್ಯೆಗಳಿಂದಾಗಿ ಹಲವಾರು ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಫೆಬ್ರವರಿ 2010 ರಲ್ಲಿ ಹೃದಯಾಘಾತಕ್ಕೆ ಒಳಗಾದಾಗ ರೋಹಿತ್ ಬಾಲ್ ತುರ್ತು ಆಂಜಿಯೋಪ್ಲ್ಯಾಸ್ಟಿಗೆ ಒಳಗಾಗಿದ್ದರು.
ನಿಮ್ಮ ಕಾಮೆಂಟ್ ಬರೆಯಿರಿ