ತಾಯಿಯ ಪ್ರೀತಿಗಿಂತ ಸುಂದರವಾದದ್ದು ಹಾಗೂ ದೊಡ್ಡದು ಯಾವುದೂ ಇಲ್ಲ. ತಾಯಿ ಮಾತ್ರ ತಮ್ಮ ಮಕ್ಕಳಿಗಾಗಿ ಯಾವುದೇ ತ್ಯಾಗಕ್ಕೆ ಸಿದ್ಧವಾಗುತ್ತಾಳೆ. ಇದಕ್ಕೆ ಪ್ರಾಣಿಗಳೂ ಹೊರತಾಗಿಲ್ಲ. ತಾಯಿಯ ಪ್ರೀತಿ ಮತ್ತು ಧೈರ್ಯದ ಪ್ರದರ್ಶನದಲ್ಲಿ ತಾಯಿ ಚಿರತೆಯೊಂದು ತನ್ನ ಎರಡು ಮರಿಗಳನ್ನು ರಕ್ಷಿಸಲು ಸಿಂಹದ ವಿರುದ್ಧ ಹೋರಾಡಿದ ವೀಡಿಯೊ ಇಂಟರ್ನೆಟ್‌ನಲ್ಲಿ ಹರಿದಾಡುತ್ತಿದೆ. ಈ ಘಟನೆಯನ್ನು ತಾಂಜಾನಿಯಾದ ಸೆರೆಂಗೆಟಿ ರಾಷ್ಟ್ರೀಯ ಉದ್ಯಾನವನದಲ್ಲಿ ಕರೋಲ್ ಮತ್ತು ಬಾಬ್ ದಂಪತಿ ಆಫ್ರಿಕನ್ ಸಾಹಸದಲ್ಲಿ ದಾಖಲಿಸಿದ್ದಾರೆ.
“LatestSightings” ಎಂಬ ಯೂಟ್ಯೂಬ್ ಚಾನೆಲ್ ಅಕ್ಟೋಬರ್ 24 ರಂದು ಹಂಚಿಕೊಂಡ ವೀಡಿಯೊ ಈ ಘಟನೆಯನ್ನು ವಿವರಿಸುತ್ತದೆ.
ಕರೋಲ್ ಮತ್ತು ಬಾಬ್, ರೇಂಜರ್ ಗಾಡ್ಲಿವಿಂಗ್ ಶೂ ಜೊತೆಯಲ್ಲಿ, ಮುಂಜಾನೆ ಸಫಾರಿ ರೈಡ್ ಪ್ರಾರಂಭಿಸಿದರು. ಗಾಡ್‌ ಲಿವಿಂಗ್‌ ಗೆ ಈ ಪ್ರದೇಶದಲ್ಲಿ ಚಿರತೆಯೊಂದು ಅಡಗಿದೆ ಎಂದು ತಿಳಿದಿತ್ತು ಮತ್ತು ಆಕೆಯನ್ನು ಪತ್ತೆಹಚ್ಚಲು ಪ್ರಯತ್ನಿಸಲು ಇದು ಉತ್ತಮ ಸಮಯ ಎಂದು ಭಾವಿಸಿದರು. ಇದು ತಿಳಿಯುವ ಮೊದಲೇ ಇಬ್ಬರೂ ಚಿರತೆಯನ್ನು ಗುರುತಿಸಿದ್ದಾರೆ. ಮತ್ತು ತಾಯಿ ಚಿರತೆ ಹಾಗೂ ಎರಡು ಮರಿಗಳು ಕಂಡುಬಂದಿವೆ. ಆದರೆ ಏನೋ ವ್ಯತ್ಯಾಸವಾದಂತೆ ಅನಿಸುತ್ತಿತ್ತು. ಚಿರತೆ ಬಂಡೆಯೊಂದರ ಮೇಲೆ ನಿಂತಿರುವುದು ಕಂಡು ಬಂತು.
“ಚಿರತೆ ತನ್ನ ಗುಹೆಯ ಹೊರಗಿತ್ತು, ಅದು ಸಿಂಹಿಣಿಯನ್ನು ಕೆಲವೇ ಮೀಟರ್‌ಗಳ ದೂರದಲ್ಲಿ ಗಮನಿಸಿದೆ, ಅದೇ ದಿಕ್ಕಿನಲ್ಲಿ ನೋಡುತ್ತಿತ್ತು” ಎಂದು ಕರೋಲ್ ನೆನಪಿಸಿಕೊಂಡರು.
“ನಾವು ಆರಂಭದಲ್ಲಿ ಎರಡು ಪ್ರತ್ಯೇಕ ಘಟನೆಗಳು ತೆರೆದುಕೊಳ್ಳುತ್ತಿವೆ ಎಂದು ಭಾವಿಸಿದೆವು. ಚಿರತೆ ಮತ್ತು ಅದರ ಮರಿಗಳು, ಹಾಗೂ ಸಿಂಹಿಣಿಯು ದೂರದಲ್ಲಿ ಕಾಡಾನೆ ನೋಡುತ್ತಿತ್ತು, ಆದರೆ ಸಿಂಹಿಣಿ ಮುಂದೆ ಸಾಗುತ್ತಿದ್ದಂತೆ, ಅದು ನಿಜವಾಗಿಯೂ ಚಿರತೆಗಳ ಮೇಲೆ ಗಮನ ಕೇಂದ್ರೀಕರಿಸಿತ್ತು ಎಂದು ನಾವು ಅರಿತುಕೊಂಡೆವು ಎಂದು ಅವರು ಹೇಳಿದ್ದಾರೆ.
ಸಿಂಹವು ಚಿರತೆಯೆಡೆಗೆ ಸಾಗಿತು ಮತ್ತು ತಾಯಿ ಚಿರತೆ ತನ್ನ ಮರಿಗಳ ರಕ್ಷಣೆಗೆ ತನ್ನ ಜೀವದ ಬಗ್ಗೆ ಚಿಂತಿಸದೆ ಜಿಗಿದು ಸಿಂಹಿಣಿ ಜೊತೆ ಕಾದಾಟಕ್ಕೆ ಇಳಿಯಿತು. ಉಗ್ರ ಚಿರತೆ ಸಿಂಹಿಣಿ ಹಿಂದಕ್ಕೆ ನೆಗೆಯುವಂತೆ ಮಾಡಿತು, ಗಾಯಗೊಂಡ ನಾಯಿಮರಿಯಂತೆ ಅವಳ ಪಂಜವನ್ನು ಹಿಡಿದುಕೊಂಡಿತು. ಮರಿಗಳು ತಮ್ಮನ್ನು ಮರೆಯಾಗಿಸಿಕೊಳ್ಳಲು ಈ ಸಮಯವನ್ನು ಬಳಸಿದವು. ಸಿಂಹಿಣಿ ಹಿಂದಕ್ಕೆ ಹಾರಿದಾಗ ಚಿರತೆಯೂ ತಪ್ಪಿಸಿಕೊಂಡಿದೆ.
ವರದಿಯ ಪ್ರಕಾರ, ಚಿರತೆ ತನ್ನ ಮರಿಗಳನ್ನು ಮಧ್ಯಾಹ್ನ ಎರಡು ಬಾರಿ ಸ್ಥಳಾಂತರಿಸಬೇಕಾಯಿತು. “ಅದು ಕಾದಾಟದಿಂದ ದಣಿದಿರುವಂತೆ ತೋರುತ್ತಿತ್ತು, ಆದರೆ ಕೇವಲ ಸಣ್ಣ ಗಾಯಗಳಾಗಿತ್ತು ಅಷ್ಟೆ. ಸಿಂಹಿಣಿ ನೋಯುತ್ತಿರುವ ಕಾಲಿನಿಂದ ದೂರ ಸಾಗಿತ್ತು.
ನಿಮ್ಮ ಕಾಮೆಂಟ್ ಬರೆಯಿರಿ