ನವದೆಹಲಿ: ಬಾಂಗ್ಲಾದೇಶದಲ್ಲಿ ಹಿಂದೂ ಸಮುದಾಯದ ವಿರುದ್ಧ ಕ್ರಮ ಮುಂದುವರಿದ್ದು, ಇನ್ನೂ ಇಬ್ಬರು ಇಸ್ಕಾನ್ ಸನ್ಯಾಸಿಗಳನ್ನು ಬಂಧಿಸಲಾಗಿದೆ ಎಂದು ವರದಿಯಾಗಿದೆ.
ಬಾಂಗ್ಲಾದೇಶದ ಚಟ್ಟೋಗ್ರಾಮದಲ್ಲಿ ಚಿನ್ಮಯ ಕೃಷ್ಣ ದಾಸ್ ಅವರಿಗೆ ಆಹಾರವನ್ನು ತಲುಪಿಸಲು ಹೋದಾಗ ಅವರನ್ನು ಬಂಧಿಸಲಾಯಿತು, ಅವರ ಬಂಧನವು ವ್ಯಾಪಕ ಪ್ರತಿಭಟನೆಗೆ ಕಾರಣವಾಯಿತು.
ಇದು ಇತ್ತೀಚಿನ ತಿಂಗಳುಗಳಲ್ಲಿ ಬಾಂಗ್ಲಾದೇಶದಲ್ಲಿ ಅಲ್ಪಸಂಖ್ಯಾತ ಸಮುದಾಯಗಳ ಮೇಲೆ ವಿಶೇಷವಾಗಿ ಹಿಂದೂ ಸಮುದಾಯದ ಮೇಲೆ ದಾಳಿಗಳು ಹೆಚ್ಚಾಗಿ ವರದಿಯಾಗಿವೆ. ಇದರಲ್ಲಿ ದೇವಾಲಯಗಳು ಮತ್ತು ದೇವತೆಗಳ ವಿಗ್ರಹಗಳ ಧ್ವಂಸವೂ ಸೇರಿದೆ. ನವೆಂಬರ್ 25 ರಂದು, ಬಾಂಗ್ಲಾದೇಶದ ರಾಷ್ಟ್ರಧ್ವಜಕ್ಕೆ ಅಗೌರವ ತೋರಿದ್ದಾರೆಂದು ದೇಶದ್ರೋಹದ ಆರೋಪದ ಮೇಲೆ ಚಿನ್ಮಯ ಕೃಷ್ಣ ದಾಸ್ ಅವರನ್ನು ಬಂಧಿಸಲಾಯಿತು. ನಂತರ ನ್ಯಾಯಾಲಯವು ಅವರಿಗೆ ಜಾಮೀನು ನಿರಾಕರಿಸಿತು.
ಇಬ್ಬರು ಹಿಂದೂ ಸನ್ಯಾಸಿಗಳ ಬಂಧನ
ಇಬ್ಬರು ಸನ್ಯಾಸಿಗಳಾತ ರುದ್ರಪ್ರೋತಿ ಕೇಶವ ದಾಸ್ ಮತ್ತು ರಂಗನಾಥ ಶ್ಯಾಮ ಸುಂದರ ದಾಸ್ ಅವರನ್ನು ಬಂಧಿಸಲಾಗಿದೆ ಎಂದು ವರದಿಯಾಗಿದೆ.
ಇಂಟರ್‌ನ್ಯಾಶನಲ್ ಸೊಸೈಟಿ ಆಫ್ ಕೃಷ್ಣಾ ಕಾನ್ಶಿಯಸ್‌ನೆಸ್ (ಇಸ್ಕಾನ್) ಕೋಲ್ಕತ್ತಾದ ಉಪಾಧ್ಯಕ್ಷ ಮತ್ತು ವಕ್ತಾರ ರಾಧಾರಮಣ ದಾಸ್ ಅವರು ಈ ಸನ್ಯಾಸಿಗಳನ್ನು ಬಂಧಿಸಿದ ಕ್ರಮವನ್ನು ಪ್ರಶ್ನಿಸಿದ್ದಾರೆ ಮತ್ತು 150 ಕ್ಕೂ ಹೆಚ್ಚು ದೇಶಗಳಲ್ಲಿ ಇಸ್ಕಾನ್ ಭಕ್ತರು ಬಾಂಗ್ಲಾದೇಶಿ ಅಲ್ಪಸಂಖ್ಯಾತರ ಸುರಕ್ಷತೆಗಾಗಿ ಪ್ರಾರ್ಥಿಸಲು ಕರೆ ನೀಡಿದ್ದಾರೆ.
ಬಾಂಗ್ಲಾದೇಶದಲ್ಲಿ ಭಾರತೀಯರ ಮೇಲೆ ದಾಳಿ
ಏತನ್ಮಧ್ಯೆ, ಪಶ್ಚಿಮ ಬಂಗಾಳದ ಉತ್ತರ 24 ಪರಗಣದ ಸಯಾನ್ ಘೋಷ್ ಎಂಬ ಪ್ರವಾಸಿಗ ನವೆಂಬರ್ 23 ರಂದು ಬಾಂಗ್ಲಾದೇಶದಲ್ಲಿ ಸ್ನೇಹಿತನನ್ನು ಭೇಟಿ ಮಾಡಲು ಹೋಗಿದ್ದಾಗ ಗುಂಪೊಂದು ಕ್ರೂರವಾಗಿ ಹಲ್ಲೆ ನಡೆಸಿದೆ ಎಂದು ವರದಿಯಾಗಿದೆ. ಆತನನ್ನು ದಾಖಲಿಸಿಕೊಳ್ಳಲು ಆಸ್ಪತ್ರೆ ನಿರಾಕರಿಸಿದ ನಂತರ ತಲೆ ಮತ್ತು ಮುಖದ ಮೇಲೆ ಗಾಯಗಳೊಂದಿಗೆ ಕಷ್ಟಪಟ್ಟು ಭಾರತಕ್ಕೆ ಮರಳಿದ್ದಾರೆ.
“ನಾನು ಹಿಂತಿರುಗಬೇಕಾದ ದಿನ, ನನ್ನ ಸ್ನೇಹಿತನು ಆತನೊಂದಿಗೆ ಮಾರುಕಟ್ಟೆಗೆ ಬರಲು ನನಗೆ ಒತ್ತಾಯಿಸಿದ. ಒಂದು ಗುಂಪು ಬಂದು ಮಾರುಕಟ್ಟೆಯಲ್ಲಿ ನನ್ನ ಮನೆ ಮತ್ತು ಧರ್ಮದ ಬಗ್ಗೆ ಕೇಳಲು ಆರಂಭಿಸಿತು. ನಾನು ಭಾರತೀಯ ಮತ್ತು ಹಿಂದೂ ಎಂದು ತಿಳಿದಾಗ ಅವರು ನನ್ನನ್ನು ಎಳೆದೊಯ್ದು ಚಾಕುವಿನಿಂದ ಹಲ್ಲೆ ನಡೆಸಿದರು. ಅವರು ನನ್ನ ಫೋನ್ ಮತ್ತು ಹಣವನ್ನು ಕಸಿದುಕೊಂಡು ನನ್ನ ತಲೆಗೆ ಕಲ್ಲಿನಿಂದ ಹೊಡೆದರು. ನನ್ನ ಸ್ನೇಹಿತ ಅವರನ್ನು ತಡೆಯಲು ಪ್ರಯತ್ನಿಸಿದ ಮತ್ತು ಅವರು ಆತನ ಫೋನ್ ಅನ್ನು ಕಸಿದುಕೊಂಡರು. ಅವರು ಓಡಿಹೋದ ನಂತರ, ನಾನು ಆಂಬ್ಯುಲೆನ್ಸ್‌ಗೆ ಕರೆ ಮಾಡಿದೆ ಮತ್ತು ಅವರು ಸಹ ನನ್ನ ಗುರುತನ್ನು ಪ್ರಶ್ನಿಸಿದರು ಎಂದು ಸಯಾನ್ ಘೋಷ ಹೇಳಿದರು.
ಸಯಾನ್ ತಾನು ಆಸ್ಪತ್ರೆಗೆ ತಲುಪಲು ನಾಲ್ಕು ಗಂಟೆಗಳನ್ನು ತೆಗೆದುಕೊಂಡಿದ್ದಾಗಿ ಹೇಳಿದರು. ನಂತರ ಅದು ಆತನಿಗೆ ಪ್ರವೇಶ ನಿರಾಕರಿಸಿತು. ಇದಲ್ಲದೆ, ಕೆಲವರು ಅವರ ಸ್ನೇಹಿತನ ಮನೆಗೆ ಬಂದು ಬೆದರಿಕೆ ಹಾಕಿದ್ದಾರೆ ಎಂದು ವರದಿಯಾಗಿದೆ. “ನಾನು ಹೇಗೋ ಹಿಂತಿರುಗಿ ಬಂದೆ. ದಯವಿಟ್ಟು ಅಲ್ಲಿ ಸಿಲುಕಿರುವವರಿಗೆ ಸಹಾಯ ಮಾಡುವಂತೆ ನಾನು ಭಾರತ ಸರ್ಕಾರವನ್ನು ವಿನಂತಿಸುತ್ತೇನೆ ಎಂದು ಅವರು ಹೇಳಿದರು.
ನಿಮ್ಮ ಕಾಮೆಂಟ್ ಬರೆಯಿರಿ