ಬಂಡುಕೋರರು ರಾಜಧಾನಿ ದಮಾಸ್ಕಸ್ ಅನ್ನು ವಶಪಡಿಸಿಕೊಂಡ ಬೆನ್ನಲ್ಲೇ 13 ವರ್ಷಗಳ ಅಂತರ್ಯುದ್ಧ ಮತ್ತು ಆರು ದಶಕಗಳ ಅಸ್ಸಾದ್ ಕುಟುಂಬದ ನಿರಂಕುಶ ಆಡಳಿತ ಕೊನೆಗೊಂಡಿತು. ಅಧ್ಯಕ್ಷ ಬಶರ್ ಅಲ್-ಅಸ್ಸಾದ್ ರಷ್ಯಾಕ್ಕೆ ಪಲಾಯನ ಮಾಡಿದ ಕೆಲವೇ ಗಂಟೆಗಳ ನಂತರ, ಅಮೆರಿಕ ಸಿರಿಯಾದೊಳಗಿನ ಐಸಿಸ್ ಘಟಕಗಳ ಮೇಲೆ ದಾಳಿ ನಡೆಸಿದೆ.
ಐಸಿಸ್ ಎಂದು ಸಾಮಾನ್ಯವಾಗಿ ಕರೆಯಲ್ಪಡುವ ಇಸ್ಲಾಮಿಕ್ ಸ್ಟೇಟ್ ಉಗ್ರಗಾಮಿ ಗುಂಪು ಸಿರಿಯಾದಲ್ಲಿ ” ಉಂಟಾದ ನಿರ್ವಾತದ ಲಾಭವನ್ನು ಪಡೆಯಲು ಪ್ರಯತ್ನಿಸುತ್ತದೆ” ಎಂದು ವಾಷಿಂಗ್ಟನ್ “ಸ್ಪಷ್ಟವಾಗಿ ನೋಡಿದೆ” ಎಂದು ಅಮೆರಿಕ ಅಧ್ಯಕ್ಷ ಜೋ ಬೈಡನ್‌ ಹೇಳಿದ್ದಾರೆ, ನಾವು ಅದನ್ನು ಸಂಭವಿಸಲು ಬಿಡುವುದಿಲ್ಲ” ಎಂದು ಹೇಳಿದ್ದಾರೆ.
ಶ್ವೇತಭವನದಲ್ಲಿ ಮಾತನಾಡಿದ ಅವರು, ತಮ್ಮ ಪಡೆಗಳು ಭಾನುವಾರ ಸಿರಿಯಾದೊಳಗೆ ಐಸಿಸ್ ವಿರುದ್ಧ ದಾಳಿಗಳನ್ನು ನಡೆಸಿದ್ದು, ತಮ್ಮ ಯುದ್ಧವಿಮಾನಗಳು ಇಸ್ಲಾಮಿಕ್ ಸ್ಟೇಟ್ ಶಿಬಿರಗಳನ್ನು ಟಾರ್ಗೆಟ್‌ ಮಾಡಿ ದಾಳಿ ನಡೆಸಿವೆ ಎಂದು ಅಮೆರಿಕ ಮಿಲಿಟರಿ ದೃಢಪಡಿಸಿತು. ಕೇಂದ್ರ ಸಿರಿಯಾದಲ್ಲಿ “B-52s, F-15s, ಮತ್ತು A-10s ಸೇರಿದಂತೆ ಅಮೆರಿಕದ ಏರ್ ಫೋರ್ಸ್ 75 ಕ್ಕೂ ಹೆಚ್ಚು ದಾಳಿ ನಡೆಸಲಾಯಿತು ಎಂದು ಅಮೆರಿಕದ ಸೆಂಟ್ರಲ್ ಕಮಾಂಡ್ ಅಧಿಕೃತ ಹೇಳಿಕೆಯಲ್ಲಿ ತಿಳಿಸಿದೆ. ಇಸ್ಲಾಮಿಕ್ ಸ್ಟೇಟ್ ಹೋರಾಟಗಾರರ ವಿರುದ್ಧ ಹೋರಾಡಲು ಆಗ್ನೇಯ ಸಿರಿಯಾದಲ್ಲಿ ಸುಮಾರು 900 ಸೈನಿಕರ ಪಡೆಯನ್ನು ಅಮೆರಿಕ ನಿರ್ವಹಿಸುತ್ತದೆ.
ಅಧ್ಯಕ್ಷ ಅಸ್ಸಾದ್ ಆಡಳಿತದ ಪತನವು “ನ್ಯಾಯದ ಮೂಲಭೂತ ಕಾರ್ಯ” ಎಂದು ಬೈಡನ್‌ ಹೇಳಿದ್ದಾರೆ. “ಸಿರಿಯಾದ ದೀರ್ಘಕಾಲದಿಂದ ಬಳಲುತ್ತಿರುವ ಜನರಿಗೆ ಇದು ಐತಿಹಾಸಿಕ ಅವಕಾಶದ ಕ್ಷಣವಾಗಿದೆ” ಎಂದು ಅವರು ಹೇಳಿದರು. ಪದಚ್ಯುತ ಸಿರಿಯಾದ ಅಧ್ಯಕ್ಷ ಬಶರ್ ಅಲ್-ಅಸ್ಸಾದ್ ಮತ್ತು ಅವರ ಕುಟುಂಬವು ಮಾಸ್ಕೋಕ್ಕೆ ಪಲಾಯನ ಮಾಡಿ ಆಶ್ರಯ ಪಡೆದಿದೆ ಎಂದು ವರದಿಯಾಗಿದೆ. ಇಸ್ಲಾಮಿ ಹಯಾತ್‌ನ 11 ದಿನಗಳ ನಂತರ ಅವರ ಸರ್ಕಾರವು ಪತನಗೊಂಡಿತು. ತಹ್ರೀರ್ ಅಲ್-ಶಾಮ್ (HTS) ಬಂಡುಕೋರ ಗುಂಪು ಐದು ದಶಕಗಳಿಗೂ ಹೆಚ್ಚು ಅಸ್ಸಾದ್ ಕುಟುಂಬದ ಆಳ್ವಿಕೆಯನ್ನು ಅಂತ್ಯಗೊಳಿಸಿತು. ಬಂಡುಕೋರರು ನವೆಂಬರ್ 27 ರಂದು ತಮ್ಮ ಆಕ್ರಮಣ ಪ್ರಾರಂಭಿಸಿದರು. 2011 ರಲ್ಲಿ ಪ್ರಾರಂಭವಾದ ಸಿರಿಯಾದ ಅಂತರ್ಯುದ್ಧವು 5,00,000 ಕ್ಕೂ ಹೆಚ್ಚು ಜನರ ಸಾವಿಗೆ ಕಾರಣವಾಗಿದೆ ಮತ್ತು ಜನಸಂಖ್ಯೆಯ ಅರ್ಧದಷ್ಟು ಜನರು ತಮ್ಮ ಮನೆಗಳಿಂದ ಪಲಾಯನ ಮಾಡಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ