ಸಿರಿಯಾದ ಭದ್ರತಾ ಪಡೆಗಳು ಮತ್ತು ಪದಚ್ಯುತ ಅಧ್ಯಕ್ಷ ಬಶರ್ ಅಸ್ಸಾದ್ ಅವರ ಬೆಂಬಲಿಗರ ನಡುವಿನ ಎರಡು ದಿನಗಳ ಘರ್ಷಣೆಗಳಲ್ಲಿ ಚ1,000 ಕ್ಕಿಂತ ಹೆಚ್ಚಿನ ಜನರು ಸಾವಿಗೀಡಾಗಿದ್ದಾರೆ ಎಂದು ಯುದ್ಧ ಮೇಲ್ವಿಚಾರಣಾ ಗುಂಪು ಶನಿವಾರ ಹೇಳಿದೆ. ಇದು 14 ವರ್ಷಗಳ ಹಿಂದೆ ಸಿರಿಯಾದಲ್ಲಿ ಸಂಘರ್ಷ ಪ್ರಾರಂಭವಾದ ನಂತರದ ಮಾರಕ ಹಿಂಸಾಚಾರದ ಕೃತ್ಯಗಳಲ್ಲಿ ಒಂದಾಗಿದೆ.
ಬ್ರಿಟನ್ ಮೂಲದ ಸಿರಿಯನ್ ಮಾನವ ಹಕ್ಕುಗಳ ವೀಕ್ಷಣಾಲಯವು 745 ನಾಗರಿಕರನ್ನು ಕೊಲ್ಲಲಾಯಿತು, ಹೆಚ್ಚಾಗಿ ಗುಂಡಿನ ದಾಳಿಯಲ್ಲಿ ಜನರು ಸಾವಿಗೀಡಾಗಿದ್ದಾರೆ. 125 ಸರ್ಕಾರಿ ಭದ್ರತಾ ಪಡೆ ಸದಸ್ಯರು ಮತ್ತು 148 ಉಗ್ರಗಾಮಿಗಳು ಅಸ್ಸಾದ್‌ನೊಂದಿಗೆ ಸಂಬಂಧ ಹೊಂದಿದ ಸಶಸ್ತ್ರ ಗುಂಪುಗಳ ಜೊತೆಗಿನ ಸಂಘರ್ಷದಲ್ಲಿ ಕೊಲ್ಲಲ್ಪಟ್ಟರು ಎಂದು ಹೇಳಿದೆ. ಲಟಾಕಿಯಾ ನಗರದ ಸುತ್ತಮುತ್ತಲಿನ ದೊಡ್ಡ ಪ್ರದೇಶಗಳಲ್ಲಿ ವಿದ್ಯುತ್ ಮತ್ತು ಕುಡಿಯುವ ನೀರನ್ನು ಪೂರೈಕೆಯನ್ನು ಕಡಿತಗೊಳಿಸಲಾಗಿದೆ ಎಂದು ಅದು ಹೇಳಿದೆ.
ಸಿರಿಯಾದಲ್ಲಿ ಅಸ್ಸಾದ್ ಅವರನ್ನು ಅಧಿಕಾರದಿಂದ ಕಿತ್ತೊಗೆದ ನಂತರ ದಂಗೆಕೋರರು ಅಧಿಕಾರ ವಹಿಸಿಕೊಂಡ ಮೂರು ತಿಂಗಳ ನಂತರ ಗುರುವಾರ ಘರ್ಷಣೆಗಳು ಭುಗಿಲೆದ್ದಿದ್ದು, ಇದು ಹೊಸ ಸರ್ಕಾರಕ್ಕೆ ಪ್ರಮುಖ ಸವಾಲಾಗಿ ಪರಿಣಮಿಸಿದೆ.
ಅಸ್ಸಾದ್‌ನ ಅಲ್ಪಸಂಖ್ಯಾತ ಅಲಾವೈಟ್ ಪಂಗಡದ ಸದಸ್ಯರ ವಿರುದ್ಧ ಸರ್ಕಾರಕ್ಕೆ ನಿಷ್ಠರಾಗಿರುವ ಸುನ್ನಿ ಮುಸ್ಲಿಂ ಬಂದೂಕುಧಾರಿಗಳಿಂದ ಶುಕ್ರವಾರ ಪ್ರಾರಂಭವಾದ ಸೇಡಿನ ಹತ್ಯೆಗಳು ಹಿಂದಿನ ಸರ್ಕಾರವನ್ನು ಉರುಳಿಸಲು ಕಾರಣವಾದ ಹಯಾತ್ ತಹ್ರೀರ್ ಅಲ್-ಶಾಮ್‌ಗೆ ದೊಡ್ಡ ಹೊಡೆತವಾಗಿದೆ. ಅಲಾವೈಟ್‌ಗಳು ದಶಕಗಳಿಂದ ಅಸ್ಸಾದ್‌ನ ಬೆಂಬಲದ ಬಹುಪಾಲು ಹೊಂದಿದ್ದರು.
ಅಲಾವೈಟ್ ಗ್ರಾಮಗಳು ಮತ್ತು ಪಟ್ಟಣಗಳ ನಿವಾಸಿಗಳು ಅಸೋಸಿಯೇಟೆಡ್ ಪ್ರೆಸ್‌ನೊಂದಿಗೆ ಮಾತನಾಡಿ, ಆ ಸಮಯದಲ್ಲಿ ಬಂದೂಕುಧಾರಿಗಳು ಅಲಾವೈಟ್‌ಗಳನ್ನು ಗುಂಡಿಕ್ಕಿ ಹೊಡೆದರು, ಅವರಲ್ಲಿ ಹೆಚ್ಚಿನವರು ಪುರುಷರು, ಬೀದಿಗಳಲ್ಲಿ ಅಥವಾ ಅವರ ಮನೆಗಳ ಗೇಟ್‌ಗಳಲ್ಲಿ. ಅಲಾವೈಟ್‌ಗಳ ಅನೇಕ ಮನೆಗಳನ್ನು ಲೂಟಿ ಮಾಡಲಾಯಿತು ಮತ್ತು ನಂತರ ವಿವಿಧ ಪ್ರದೇಶಗಳಲ್ಲಿ ಬೆಂಕಿ ಹಚ್ಚಲಾಯಿತು ಎಂದು ಸಿರಿಯಾದ ಕರಾವಳಿ ಪ್ರದೇಶದ ಇಬ್ಬರು ನಿವಾಸಿಗಳು ತಮ್ಮ ಅಡಗುತಾಣಗಳಿಂದ ಅಸೋಸಿಯೇಟೆಡ್ ಪ್ರೆಸ್‌ಗೆ ತಿಳಿಸಿದ್ದಾರೆ.
ಸಾವಿರಾರು ಜನರು ಸುರಕ್ಷತೆಗಾಗಿ ಹತ್ತಿರದ ಪರ್ವತಗಳಿಗೆ ಓಡಿಹೋಗಿದ್ದಾರೆ. ಹಿಂಸಾಚಾರದಿಂದ ಹೆಚ್ಚು ಹಾನಿಗೊಳಗಾದ ಪಟ್ಟಣಗಳಲ್ಲಿ ಒಂದಾದ ಬನಿಯಾಸ್‌ನ ನಿವಾಸಿಗಳು, ಶವಗಳು ಬೀದಿಗಳಲ್ಲಿ ಚೆಲ್ಲಾಪಿಲ್ಲಿಯಾಗಿ ಬಿದ್ದಿವೆ. ಬಂದೂಕುಧಾರಿಗಳು ಶುಕ್ರವಾರ ಕೊಲ್ಲಲ್ಪಟ್ಟ ಅಕ್ಕಪಕ್ಕದ ಐವರ ಶವಗಳನ್ನು ತೆಗೆಯದಂತೆ ಗಂಟೆಗಳ ಕಾಲ ನಿವಾಸಿಗಳನ್ನು ತಡೆದರು ಎಂದು ನಿವಾಸಿಯೊಬ್ಬರು ಹೇಳಿದ್ದಾರೆ.
ಪದಚ್ಯುತ ಅಧ್ಯಕ್ಷ ಅಸ್ಸಾದ್ ಬೆಂಬಲಿಗರು ತಮ್ಮ ವಶಕ್ಕೆ ತೆಗೆದುಕೊಂಡ ಹೆಚ್ಚಿನ ಪ್ರದೇಶಗಳನ್ನು ಮರಳಿ ವಶಕ್ಕೆ ಪಡೆಯಲಾಗಿದೆ ಎಂದು ಸಿರಿಯಾ ಸರ್ಕಾರ ಹೇಳಿದೆ. ಇದೇವೇಳೆ ಫ್ರಾನ್ಸ್ ಹಿಂಸಾಚಾರವನ್ನು ಖಂಡಿಸಿದೆ. ಅದರ ವಿದೇಶಾಂಗ ಸಚಿವಾಲಯವು, “ಧಾರ್ಮಿಕತೆ ಆಧಾರದ ಮೇಲೆ ನಾಗರಿಕರ ವಿರುದ್ಧ ನಡೆಸಿದ ದೌರ್ಜನ್ಯವನ್ನು ಪ್ಯಾರಿಸ್ ಪ್ರಬಲವಾದ ಪದಗಳಲ್ಲಿ ಖಂಡಿಸುತ್ತದೆ ಎಂದು ಹೇಳಿದ್ದಾರೆ.
ಏತನ್ಮಧ್ಯೆ, ಜೀವಭಯದಿಂದ ಅಲ್ಪಸಂಖ್ಯಾತ ಸಾವಿರಾರು ಅಲಾವೈಟ್‌ಗಳು ಪಲಾಯನ ಮಾಡಿದ್ದಾರೆ, ಅನೇಕರು ರಷ್ಯಾದ ಹ್ಮೈಮಿಮ್ ವಾಯುನೆಲೆಯಲ್ಲಿ ಆಶ್ರಯ ಪಡೆದಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ