ಕೇಂದ್ರ ಸಚಿವ ಅಶ್ವಿನಿ ವೈಷ್ಣವ್ ಅವರು ಇತ್ತೀಚೆಗೆ ಐಐಟಿ ಮದ್ರಾಸ್‌ನಲ್ಲಿರುವ ಹೈಪರ್‌ಲೂಪ್ ಪರೀಕ್ಷಾ ಸೌಲಭ್ಯಕ್ಕೆ ಭೇಟಿ ನೀಡಿದ್ದರು, ಅಲ್ಲಿ ಅವರು ಅಭಿವೃದ್ಧಿಪಡಿಸುತ್ತಿರುವ ಹೈಪರ್‌ಲೂಪ್ ಟ್ಯೂಬ್ ಪರಿಶೀಲಿಸಿದ ನಂತರ ಇದು ವಿಶ್ವದ ಅತಿ ಉದ್ದ ಹೈಪರ್‌ ಲೂಪ್‌ ಆಗಲಿದ್ದು 410 ಮೀಟರ್ ಉದ್ದವಿರಲಿದೆ ಎಂದು ಘೋಷಿಸಿದರು.
ಪ್ರಸ್ತುತ, ಐಐಟಿ ಮದ್ರಾಸ್‌ನಲ್ಲಿರುವ ಟೆಸ್ಟ್ ಟ್ಯೂಬ್ ಏಷ್ಯಾದ ಅತಿ ಉದ್ದದ ಹೈಪರ್‌ಲೂಪ್ ಪರೀಕ್ಷಾ ಸೌಲಭ್ಯವಾಗಿದೆ.
ಹೈಪರ್‌ಲೂಪ್, 2013 ರಲ್ಲಿ ಎಲೋನ್ ಮಸ್ಕ್ ಅವರ ಪರಿಕಲ್ಪನೆಯಾಗಿದೆ, ಇದು ಗಂಟೆಗೆ 1,000 ಕಿಮೀಗಿಂತ ಹೆಚ್ಚಿನ ವೇಗದಲ್ಲಿ ನಿರ್ವಾತ-ಮುಚ್ಚಿದ ಟ್ಯೂಬ್‌ಗಳ ಮೂಲಕ ಪಾಡ್‌ಗಳನ್ನು ಮುಂದೂಡಲು ವಿನ್ಯಾಸಗೊಳಿಸಲಾದ ಅತ್ಯಾಧುನಿಕ ಹೈ-ಸ್ಪೀಡ್ ಸಾರಿಗೆ ವ್ಯವಸ್ಥೆಯಾಗಿದೆ.
ಈ ಕ್ರಾಂತಿಕಾರಿ ತಂತ್ರಜ್ಞಾನವು ಸಾರಿಗೆ ಸಮಯವನ್ನು ಗಮನಾರ್ಹವಾಗಿ ಕಡಿಮೆ ಮಾಡುತ್ತದೆ ಹಾಗೂ ಅದರ ದಕ್ಷತೆಯನ್ನು ಹೆಚ್ಚಿಸಲಿದೆ. ಅಲ್ಲದೆ, ಸಾಂಪ್ರದಾಯಿಕ ಸಾರಿಗೆ ವಿಧಾನಗಳಿಗೆ ಪರ್ಯಾಯವಾಗಲಿದೆ ಎಂದು ನಿರೀಕ್ಷಿಸಲಾಗಿದೆ.
ತಮ್ಮ ಭೇಟಿಯ ಸಮಯದಲ್ಲಿ, ಸಚಿವರು ಚೆನ್ನೈನ ಇಂಟೆಗ್ರಲ್ ಕೋಚ್ ಫ್ಯಾಕ್ಟರಿಯಲ್ಲಿ ಹೈಪರ್‌ಲೂಪ್‌ಗಾಗಿ ಎಲೆಕ್ಟ್ರಾನಿಕ್ ಘಟಕಗಳನ್ನು ಅಭಿವೃದ್ಧಿಪಡಿಸುವ ಯೋಜನೆಯನ್ನು ಪ್ರಕಟಿಸಿದರು.
ಸ್ಥಳೀಯ ಹೈಪರ್‌ಲೂಪ್ ಅಭಿವೃದ್ಧಿಗೆ ಚಾಲನೆ ನೀಡಲು ರೈಲ್ವೇ ಸಚಿವಾಲಯವು ಐಐಟಿ ಮದ್ರಾಸ್‌ಗೆ 8.34 ಕೋಟಿ ರೂ.ಗಳನ್ನು 2022ರ ಮೇ ತಿಂಗಳಲ್ಲಿ ಮಂಜೂರು ಮಾಡಿದೆ.
ಐಐಟಿ ಮದ್ರಾಸ್ ತನ್ನ ಆವಿಷ್ಕಾರಗಳಿಗಾಗಿ ಶ್ಲಾಘಿಸಿದ ವೈಷ್ಣವ್, ಇದರ ಪರೀಕ್ಷಾ ವ್ಯವಸ್ಥೆಯಲ್ಲಿ ಸ್ಥಳೀಯ ತಂತ್ರಜ್ಞಾನದ ಬಳಕೆ ಬಗ್ಗೆ ಹೇಳಿದ್ದಾರೆ.
2013 ರಲ್ಲಿ ಎಲೋನ್ ಮಸ್ಕ್ ಅವರು ಪರಿಕಲ್ಪನೆ ಮಾಡಿದ ಹೈಪರ್‌ಲೂಪ್ ತಂತ್ರಜ್ಞಾನವನ್ನು ಐದನೇ ಸಾರಿಗೆ ವಿಧಾನವೆಂದು ಶ್ಲಾಘಿಸಲಾಗಿದೆ, ಇದು ನಿರ್ವಾತ ಟ್ಯೂಬ್‌ಗಳ ಮೂಲಕ ಅಲ್ಟ್ರಾ-ಹೈ-ಸ್ಪೀಡ್ ಪ್ರಯಾಣಕ್ಕೆ ಅನುವು ಮಾಡಿಕೊಡುತ್ತದೆ. ಗಾಳಿಯ ಪ್ರತಿರೋಧವನ್ನು ತೀವ್ರವಾಗಿ ಕಡಿಮೆ ಮಾಡುವ ಮೂಲಕ, ಕ್ಯಾಪ್ಸುಲ್ಗಳು ಪ್ರತಿ ಗಂಟೆಗೆ 1,000 ಕಿಮೀ ವೇಗವನ್ನು ಸಾಧಿಸಲಿದೆ ಎಂದು ಹೇಳಲಾಗಿದೆ. ಸಾರಿಗೆ ಕ್ರಾಂತಿಗೆ ದಾರಿ ಮಾಡಿಕೊಡುತ್ತವೆ.
ನಿಮ್ಮ ಕಾಮೆಂಟ್ ಬರೆಯಿರಿ