ನವದೆಹಲಿ: ಬೇರಿಯಾಟ್ರಿಕ್ ಆರೈಕೆಯಲ್ಲಿ ಮಹತ್ವದ ಸಾಧನೆಯೊಂದರಲ್ಲಿ, ದೆಹಲಿಯ ಆಲ್ ಇಂಡಿಯಾ ಇನ್‌ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್ (AIIMS) ನ ವೈದ್ಯರು ಉತ್ತರ ಪ್ರದೇಶದ 31 ವರ್ಷದ ಸರ್ಕಾರಿ ಉದ್ಯೋಗಿಯೊಬ್ಬರಿಗೆ ಹೈ-ರಿಸ್ಕ್ ತೂಕ ನಷ್ಟ ಶಸ್ತ್ರಚಿಕಿತ್ಸೆಯನ್ನು ಯಶಸ್ವಿಯಾಗಿ ನಡೆಸಿದ್ದಾರೆ. ಶಸ್ತ್ರಚಿಕಿತ್ಸೆಗೆ ಒಳಗಾದ ವ್ಯಕ್ತಿಯ ತೂಕವು 254 ಕೆಜಿ ತಲುಪಿತ್ತು.
75.5 ರ ಬಾಡಿ ಮಾಸ್ ಇಂಡೆಕ್ಸ್ (BMI) ಹೊಂದಿರುವ ‘ಸೂಪರ್-ಸೂಪರ್ ಬೊಜ್ಜು’ ಎಂದು ವರ್ಗೀಕರಿಸಲಾದ ಈ ವ್ಯಕ್ತಿಯು ಬಾಲ್ಯದಿಂದಲೂ ಬೊಜ್ಜಿನಿಂದ ಬಳಲುತ್ತಿದ್ದರು. ಆಹಾರ ಡಯಟ್‌ ಮತ್ತು ವ್ಯಾಯಾಮದಿಂದ ಬೊಜ್ಜು ಕರಗಿಸುವ ಪ್ರಯತ್ನ ವಿಫಲವಾದ ನಂತರ ಬೇರಿಯಾಟ್ರಿಕ್ ಶಸ್ತ್ರಚಿಕಿತ್ಸೆ ನಡೆಸಬೇಕಾಯಿತು.
ಕಳೆದ ಮೂರು ವರ್ಷಗಳಿಂದ ಕಟ್ಟುನಿಟ್ಟಿನ ಆಹಾರ ಕಟ್ಟುಪಾಡು ಅನುಸರಿಸುತ್ತಿದ್ದರೂ ಮತ್ತು ವ್ಯಾಯಾಮ ಮಾಡುತ್ತಿದ್ದರೂ, ವ್ಯಕ್ತಿಗೆ ತನ್ನ ತೂಕವನ್ನು ಕಡಿಮೆ ಮಾಡಲು ಸಾಧ್ಯವಾಗಲಿಲ್ಲ.
ಸುಮಾರು ಒಂದು ದಶಕದ ಹಿಂದೆ ಅವರು ಒಂದು ಸಲ ಅವರು 90 ಕೆಜಿ ಕಳೆದುಕೊಂಡಿದ್ದರು. ಆದರೆ ನಂತರ ಅವರ ತೂಕ ಮೊದಲನಂತೆಯೇ ಹೆಚ್ಚಾಯಿತು. ಇದು ಅವರ ವೈಯಕ್ತಿಕ ಮತ್ತು ವೃತ್ತಿಪರ ಜೀವನದ ಮೇಲೆ ಗಮನಾರ್ಹವಾಗಿ ಪರಿಣಾಮ ಬೀರಿತು. ಸಾಂಪ್ರದಾಯಿಕ ತೂಕ ನಷ್ಟ ವಿಧಾನಗಳು ನಿಷ್ಪರಿಣಾಮಕಾರಿ ಎಂದು ಸಾಬೀತಾದ ಕಾರಣ, ಏಮ್ಸ್ (AIIMS) ವೈದ್ಯರಿಗೆ ಶಸ್ತ್ರಚಿಕಿತ್ಸೆ ನಡೆಸುವುದು ಅನಿವಾರ್ಯವಾಯಿತು.
ಡಾ. ಮಂಜುನಾಥ ಮಾರುತಿ ಪೋಳ ನೇತೃತ್ವದಲ್ಲಿ, ವೈದ್ಯಕೀಯ ತಂಡವು ‘ಒನ್-ಅನಾಸ್ಟೊಮೋಸಿಸ್ ಗ್ಯಾಸ್ಟ್ರಿಕ್ ಬೈಪಾಸ್’ ಶಸ್ತ್ರಚಿಕಿತ್ಸೆ ನಡೆಸಿತು. ಇದು ಹೊಟ್ಟೆಯ ಗಾತ್ರವನ್ನು 60-80 ಮಿಲಿಗೆ ಇಳಿಸುವ ಮತ್ತು ಜೀರ್ಣಾಂಗವ್ಯೂಹವನ್ನು ಸಣ್ಣ ಕರುಳಿಗೆ ಮರುಮಾರ್ಗಗೊಳಿಸುವ ಬ್ಯಾರಿಯಾಟ್ರಿಕ್ ವಿಧಾನವಾಗಿದೆ. ಈ ಶಸ್ತ್ರಚಿಕಿತ್ಸೆಯು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ಮತ್ತು ಅಧಿಕ ರಕ್ತದೊತ್ತಡ ಮತ್ತು ಅಧಿಕ ಕೊಲೆಸ್ಟ್ರಾಲ್‌ನಂತಹ ಪರಿಸ್ಥಿತಿಗಳನ್ನು ಸುಧಾರಿಸಲು ಸಹಾಯ ಮಾಡುವ ಹಾರ್ಮೋನುಗಳ ಬದಲಾವಣೆಗಳನ್ನು ಉತ್ತೇಜಿಸುತ್ತದೆ.
ರೋಗಿಯ ತೀವ್ರ ಬೊಜ್ಜುತನವನ್ನು ಗಮನದಲ್ಲಿಟ್ಟುಕೊಂಡು, ಶಸ್ತ್ರಚಿಕಿತ್ಸೆ ನಡೆಸುವುದು ಬಹಳ ರಿಸ್ಕ್ ಆಗಿತ್ತು. ಶಸ್ತ್ರಚಿಕಿತ್ಸೆಗೆ ಮುನ್ನ, ಪ್ರತಿರೋಧಕ ನಿದ್ರೆಯಲ್ಲಿ ಉಸಿರುಕಟ್ಟುವಿಕೆಯನ್ನು ನಿರ್ವಹಣೆ ಮಾಡಲು ಅವರನ್ನು ಸಿ-ಪಿಎಪಿ ಯಂತ್ರದಲ್ಲಿ ಇರಿಸಲಾಯಿತು ಮತ್ತು ಅವರ ರಕ್ತದೊತ್ತಡ ಮತ್ತು ಮಧುಮೇಹವನ್ನು ಸ್ಥಿರಗೊಳಿಸಲಾಯಿತು. ಅವರು ಭೌತಚಿಕಿತ್ಸೆ ಮತ್ತು ಮೇಲ್ವಿಚಾರಣೆಯ ತೂಕ ನಷ್ಟ ಕಾರ್ಯಕ್ರಮಕ್ಕೆ ಒಳಗಾದರು.
ಯಶಸ್ವಿ ಶಸ್ತ್ರಚಿಕಿತ್ಸೆಯ ನಂತರ, ಅವರನ್ನು ಐಸಿಯುನಲ್ಲಿ ನಿಕಟವಾಗಿ ಮೇಲ್ವಿಚಾರಣೆ ಮಾಡಲಾಯಿತು, ಅಲ್ಲಿ ಅವರಿಗೆ ರಕ್ತ ಹೆಪ್ಪುಗಟ್ಟುವಿಕೆಯಂತಹ ತೊಡಕುಗಳು ಸಂಭವಿಸಿದಂತೆ ತೀವ್ರ ನಿಗಾ ವಹಿಸಲಾಯಿತು. ಅಂತಹ ಶಸ್ತ್ರಚಿಕಿತ್ಸೆಗಳು ಉಸಿರಾಟದ ಸಮಸ್ಯೆಗಳು, ಕರುಳಿನ ಸೋರಿಕೆ ಮತ್ತು ಪೌಷ್ಟಿಕಾಂಶದ ಕೊರತೆಗಳ ಅಪಾಯ ಸಂಭವಿಸಬಹುದಾಗಿತ್ತು. ಇದಕ್ಕಾಗಿ ಅವರನ್ನು ವೈದ್ಯರು ಗಮನಿಸುತ್ತಲೇ ಇದ್ದರು. ಇದಕ್ಕೆ ಬಹುಶಿಸ್ತೀಯ ಬ್ಯಾರಿಯಾಟ್ರಿಕ್ ತಂಡದಿಂದ ನಿರಂತರ ಮೇಲ್ವಿಚಾರಣೆಯ ಅಗತ್ಯವಿರುತ್ತದೆ. ಮೇ 30 ರಂದು ಅವರನ್ನು ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಯಿತು.
ನಿಮ್ಮ ಕಾಮೆಂಟ್ ಬರೆಯಿರಿ