ಹೈದರಾಬಾದ್: ಹೈದರಾಬಾದ್ನ ಖಾಸಗಿ ಶಾಲೆಯ ಕಟ್ಟಡವೊಂದರಲ್ಲಿ ನಡೆಯುತ್ತಿದ್ದ ಮಾದಕ ದ್ರವ್ಯ ಜಾಲವನ್ನು ಪೊಲೀಸರು ಭೇದಿಸಿದ್ದು, ಅದರ ನಿರ್ದೇಶಕ ಸೇರಿದಂತೆ ಮೂವರನ್ನು ಬಂಧಿಸಿದ್ದಾರೆ.
ಮೇಧಾ ಶಾಲೆಯ ನಿರ್ದೇಶರಾದ ಮಲೇಲಾ ಜಯಪ್ರಕಾಶ ಗೌಡ್ ಎಂಬಾತ ತರಗತಿ ಕೊಠಡಿಗಳು ಮತ್ತು ನಿರ್ಬಂಧಿತ ಪ್ರದೇಶಗಳನ್ನು ರಹಸ್ಯವಾಗಿ ಆಲ್ಪ್ರಜೋಲಮ್ ಡ್ರಗ್ಸ್ ಉತ್ಪಾದನೆ ಮಾಡುವ ಘಟಕವಾಗಿ ಪರಿವರ್ತಿಸಿದ್ದಾನೆ, ಇದು ನಿಷೇಧಿತ ಡ್ರಗ್ಸ್ ಆಗಿದೆ. ತೆಲಂಗಾಣ ಪೊಲೀಸರ ಎಲೈಟ್ ಆಕ್ಷನ್ ಗ್ರೂಪ್ ಫಾರ್ ಡ್ರಗ್ ಲಾ ಎನ್ಫೋರ್ಸ್ಮೆಂಟ್ (EAGLE) ತಂಡವು ದೊಡ್ಡ ಪ್ರಮಾಣದ ಔಷಧ ಉತ್ಪಾದನೆಗೆ ಬಳಸುವ ಎಂಟು ರಿಯಾಕ್ಟರ್ಗಳು ಮತ್ತು ಡ್ರೈಯರ್ಗಳನ್ನು ಹೊಂದಿದ ರಸಾಯನಶಾಸ್ತ್ರ ಪ್ರಯೋಗಾಲಯವನ್ನು ಕಂಡುಹಿಡಿದಿದೆ.
ಗುರುವಾರೆಡ್ಡಿ ಎಂಬ ಸಹಚರನಿಂದ ಮಲೇಲಾ ಜಯಪ್ರಕಾಶ ಗೌಡ್ ಮಾದಕ ದ್ರವ್ಯ ತಯಾರಿಕೆಯ ವಿಧಾನವನ್ನು ಕಲಿತಿದ್ದಾನೆ. ಕಲಿತರು ಮತ್ತು ಅದನ್ನು ಮೆಹಬೂಬ್ನಗರದ ಆಲ್ಪ್ರಜೋಲಮ್ ಡಿಪೋಗಳಿಗೆ ಮಾರಾಟ ಮಾಡಿದ್ದಾನೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಪೊಲೀಸರು 7 ಕೆಜಿಗೂ ಹೆಚ್ಚು ಆಲ್ಪ್ರಜೋಲಮ್, 21 ಲಕ್ಷ ರೂಪಾಯಿ ನಗದು, ಬೃಹತ್ ಪ್ರಮಾಣದ ಕಚ್ಚಾ ರಾಸಾಯನಿಕಗಳು ಮತ್ತು ಉತ್ಪಾದನಾ ಉಪಕರಣಗಳನ್ನು ವಶಪಡಿಸಿಕೊಂಡಿದ್ದಾರೆ.
ಘಟಕದಲ್ಲಿ ಕಾರ್ಯಾಚರಣೆಗಳು ಸುಮಾರು ಆರು ತಿಂಗಳಿನಿಂದ ನಡೆಯುತ್ತಿದ್ದವು. ಗೌಡ್ ವಾರದಲ್ಲಿ ಆರು ದಿನಗಳು ಘಟಕ ನಡೆಸುತ್ತಿದ್ದ ಮತ್ತು ಭಾನುವಾರ ಇದರ ವಿತರಣೆಗೆ ವ್ಯವಸ್ಥೆ ಮಾಡಿದ್ದ ಎಂದು ಆರೋಪಿಸಲಾಗಿದೆ. ಕಟ್ಟಡದ ನೆಲ ಮತ್ತು ಮೊದಲ ಮಹಡಿಗಳಲ್ಲಿ ಶಾಲಾ ತರಗತಿಗಳು ನಡೆಯುತ್ತಿತ್ತು. ಘಟಕವು ಎರಡನೇ ಮಹಡಿಯಲ್ಲಿತ್ತು. ಗೌಡ ಮತ್ತು ಆತನ ಇಬ್ಬರು ಸಹಾಯಕರನ್ನು ಬಂಧಿಸಲಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ