ಚೆಕ್ ಮೇಲೆ ‘ಸೇವನ್‌ ಥರ್ಸಡೇ ಸಿಕ್ಸ್‌ ಹರೇಂದ್ರ ’ ಎಂದು ಬರೆದ ಪ್ರಾಂಶುಪಾಲರು; ತಪ್ಪು ತಪ್ಪಾಗಿ ಬರೆದಿದ್ದಕ್ಕೆ ಚೆಕ್‌ ರಿಜೆಕ್ಟ್‌ ; ನೋಡಿದ್ರೆ ನಗ್ತೀರಾ

ಇತ್ತೀಚಿನ ದಿನಗಳಲ್ಲಿ ಶಾಲೆಗಳು ಹೆಚ್ಚಿನ ಶುಲ್ಕವನ್ನು ವಿಧಿಸುತ್ತವೆ ಮತ್ತು ಪೋಷಕರು ಹೆಚ್ಚುತ್ತಿರುವ ಶಿಕ್ಷಣ ವೆಚ್ಚವನ್ನು ನಿಭಾಯಿಸಲು ಹೆಣಗಾಡುತ್ತಾರೆ. ಅದೇ ಸಮಯದಲ್ಲಿ, ಈ ಶಾಲೆಗಳನ್ನು ನಡೆಸುತ್ತಿರುವ ಜನರಿಂದ ಉತ್ತಮ ಗುಣಮಟ್ಟವನ್ನು ಅನೇಕರು ನಿರೀಕ್ಷಿಸುವುದು ಸಹಜ. ಆದರೆ ಇಲ್ಲೊಬ್ಬ ಶಾಲಾ ಪ್ರಾಂಶುಪಾಲರು ಬರೆದ ಚೆಕ್‌ನ ಫೋಟೋ ಎಲ್ಲಾ ತಪ್ಪು ಕಾರಣಗಳಿಗಾಗಿ ಸುದ್ದಿಯಾಗುತ್ತಿದೆ.
ಈ ಘಟನೆ ಹಿಮಾಚಲ ಪ್ರದೇಶದ ಸಿರ್ಮೌರ್‌ನಲ್ಲಿ ನಡೆದಿದೆ ಎಂದು ವರದಿಯಾಗಿದೆ. ಅಲ್ಲಿ ರೋನ್‌ಹ್ಯಾಟ್ನಲ್ಲಿರುವ ಸರ್ಕಾರಿ ಹಿರಿಯ ಮಾಧ್ಯಮಿಕ ಶಾಲೆಯ ಪ್ರಾಂಶುಪಾಲರಾದ 7,616 ರೂ.ಗಳ ಚೆಕ್‌ಗೆ ಸಹಿ ಹಾಕಿದರು.

ಚೆಕ್‌ನಲ್ಲಿರುವ ಸಂಖ್ಯೆಗಳನ್ನು ಸರಿಯಾಗಿ ಬರೆಯಲಾಗಿದ್ದರೂ, ವರು ಮೊತ್ತವನ್ನು ಅಕ್ಷರದಲ್ಲಿ ಬರೆದಿದ್ದು ಮಾತ್ರ ಚೆಕ್‌ ನೋಡಿದವರು ಹೌಹಾರುವಂತೆ ಮಾಡಿದೆ. ಅವರು ಬರೆದ ಶಬ್ದಗಳು ಎಲ್ಲರನ್ನೂ ಆಘಾತಗೊಳಿಸಿದವು. ಚೆಕ್‌ನಲ್ಲಿ ಹೀಗೆ ಬರೆಯಲಾಗಿದೆ: “ಸೇವನ್‌ ಥರ್ಸಡೇ ಸಿಕ್ಸ್‌ ಹರೇಂದ್ರ ಸಿಕ್ಸ್ಟಿ ರುಪೀಸ್‌ ಓನ್ಲಿ (Saven Thursday Six Harendra Sixty Rupees Only) ಎಂದು ಬರೆಯಲಾಗಿದೆ. ಅವರು ನಿಜವಾಗಿ ಅವರು seven thousand six hundred sixteen ಎಂದು ಬರೆಯಬೇಕಾಗಿತ್ತು.
X (ಹಿಂದಿನ ಟ್ವಿಟರ್) ನಲ್ಲಿ ಬಳಕೆದಾರರು ಚೆಕ್‌ನ ಫೋಟೋವನ್ನು “ 7,616 ರೂ. ..…‘ಸೇವನ್‌ ಥರ್ಸಡೇ ಸಿಕ್ಸ್‌ ಹರೇಂದ್ರ ಸಿಕ್ಸ್ಟಿ ರುಪೀಸ್‌ ಓನ್ಲಿ ’ (Saven Thursday Six Harendra Sixty Rupees Only) ಎಂಬ ಶೀರ್ಷಿಕೆಯೊಂದಿಗೆ ಚೆಕ್‌ನ ಫೋಟೋವನ್ನು ಹಂಚಿಕೊಂಡಿದ್ದಾರೆ.

ಈ ಕಾರಣಕ್ಕೆ ಸಿರ್ಮೌರ್‌ನ ರೋನ್‌ಹ್ಯಾಟ್‌ನಲ್ಲಿರುವ ಸರ್ಕಾರಿ ಹಿರಿಯ ಮಾಧ್ಯಮಿಕ ಶಾಲೆಯ ಪ್ರಾಂಶುಪಾಲರು ನೀಡಿದ 7,616 ರೂ.ಗಳ ಚೆಕ್ ಸುದ್ದಿಯಾಗುತ್ತಿದೆ. ಮೊತ್ತಕ್ಕಿಂತ ಹೆಚ್ಚಾಗಿ, ಈ ಚೆಕ್ ನಲ್ಲಿ ಬರೆದ ಪದಗಳಿಂದಾಗಿ ವೈರಲ್ ಆಗಿದೆ ಎಂದು ಅವರು ಬರೆದಿದ್ದಾರೆ.
ಸೆಪ್ಟೆಂಬರ್ 29 ರಂದು ಅಪ್‌ಲೋಡ್ ಮಾಡಲಾದ ಪೋಸ್ಟ್ ಹಲವರಿಗೆ, ಈ ಚೆಕ್ ಕೊನೆಯಿಲ್ಲದ ಜೋಕ್‌ಗಳ ಮೂಲವಾಗಿ ಬದಲಾಯಿತು. ಆದರೆ ಶಾಲಾ ಆಡಳಿತಕ್ಕೆ ಮಾತ್ರ ಇದು ದೊಡ್ಡ ಮುಜುಗರವಾಗಿತ್ತು. ಪ್ರಾಂಶುಪಾಲರು “ಥೌಸಂಡ್‌” ಬದಲಿಗೆ ಥರ್ಸಡೇ ಮತ್ತು “ಹಂಡ್ರೆಡ್‌” ಬದಲಿಗೆ “ಹರೇಂದ್ರ”  ಸಿಕ್ಸ್ಟೀನ್‌ ಬದಲಿಗೆ ಸಿಕ್ಸ್ಟಿ ಎಂಬ ಶಬ್ದವನ್ನು ಹೇಗೆ ಬರೆದಿರಬಹುದು   ಎಂದು ಆನ್‌ಲೈನ್ ನಲ್ಲಿ ಜನರು ಪ್ರಶ್ನಿಸಿದ್ದಾರೆ.
ಕೆಲವರು ತಮ್ಮ ಶಾಲಾ ಮುಖ್ಯಸ್ಥರು ಇಂತಹ ತಪ್ಪುಗಳನ್ನು ಮಾಡಿದರೆ ವಿದ್ಯಾರ್ಥಿಗಳು ಅವರಿಂದ ಯಾವ ರೀತಿಯ ಪಾಠಗಳನ್ನು ನಿರೀಕ್ಷಿಸಬಹುದು ಎಂದು ಪ್ರಶ್ನಿಸಿದ್ದಾರೆ

ನಂತರ ವರದಿಗಳು ಚೆಕ್ ಅನ್ನು ಬ್ಯಾಂಕ್ ತಿರಸ್ಕರಿಸಿದೆ ಎಂದು ದೃಢಪಡಿಸಿವೆ ಎಂದು ಕೆಲವು ವರದಿಗಳು ತಿಳಿಸಿವೆ. ನಂತರ ಶಾಲೆಯು ಸರಿಪಡಿಸಿದ ಚೆಕ್ ಅನ್ನು ನೀಡಬೇಕಾಯಿತು. ಆದರೆ ಹಾನಿ ಈಗಾಗಲೇ ಸಂಭವಿಸಿತ್ತು. ತಿರಸ್ಕರಿಸಿದ ಚೆಕ್‌ನ ಫೋಟೋ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್‌ ಆಗಿ, ಶಿಕ್ಷಣದ ಗುಣಮಟ್ಟದ ಬಗ್ಗೆ ಚರ್ಚೆಗೆ ಕಾರಣವಾಯಿತು.ಹಿರಿಯ ಮಾಧ್ಯಮಿಕ ಶಾಲೆಯ ಪ್ರಾಂಶುಪಾಲರು ಚೆಕ್ ಬರೆದಿದ್ದಾರೆಯೇ ಅಥವಾ ಬೇರೆಯವರು ಬರೆದಿದ್ದಕ್ಕೆ ಇವರು ಸಹಿ ಹಾಕಿದ್ದಾರೆಯೇ ಎಂಬುದು ಸ್ಪಷ್ಟವಾಗಿಲ್ಲ. ಆದರೂ ಸಹಿ ಮಾಡುವ ಮೊದಲು ಕಾಗುಣಿತವನ್ನು ಪರಿಶೀಲಿಸಬೇಕಿತ್ತು ಎಂದು ಅನೇಕರು ಹೇಳಿದ್ದಾರೆ. ಕೆಲವರು ಪ್ರಾಂಶುಪಾಲರನ್ನು ಸಮರ್ಥಿಸಿಕೊಂಡರು, ಕಾಗುಣಿತ ತಪ್ಪುಗಳು ಯಾರಿಗಾದರೂ ಸಂಭವಿಸಬಹುದು ಎಂದು ಹೇಳಿದ್ದಾರೆ.