ವೀಡಿಯೊ…| ರಣಥಂಬೋರಿನ ಹುಲಿಗಳ ಕಾಳಗ : ಪ್ರದೇಶದ ಮೇಲೆ ಹತೋಟಿಗಾಗಿ ತಾಯಿ ಹುಲಿ ಜೊತೆ ಮಗಳ ಸೆಣಸಾಟ…!

ಮಂಗಳವಾರ ರಣಥಂಬೋರ್‌ ರಾಷ್ಟ್ರೀಯ ಉದ್ಯಾನವನದಲ್ಲಿ ಪ್ರವಾಸಿಗರು ಅಪರೂಪದ ಮತ್ತು ತೀವ್ರವಾದ ಹುಲಿಗಳ ಕಾಳಗವನ್ನು ವೀಕ್ಷಿಸಿದರು, ಪ್ರಸಿದ್ಧ ಹುಲಿ ರಿದ್ಧಿ (T-124) ತನ್ನ ಮಗಳು ಮೀರಾ ಜೊತೆ ಅಭಯಾರಣ್ಯದ ವಲಯ 3 ರಲ್ಲಿ ಭೂಪ್ರದೇಶದಲ್ಲಿ ತನ್ನ ಹಿಡಿತ ಸಾಧಿಸಲು ಘರ್ಷಣೆ ನಡೆಸಿತು. ಕಾಡಿನ ಸಫಾರಿಯ ಸಮಯದಲ್ಲಿ ಹುಲಿಗಳ ಕಾಳಗವನ್ನು ಸೆರೆ ಹಿಡಿಯಲಾಗಿದೆ.
ಬೆಳಗಿನ ಸಫಾರಿಯ ಸಮಯದಲ್ಲಿ, ತಾಯಿ ಹುಲಿ ಮತ್ತು ಅದರ ಮಗಳನ್ನು ಮೊದಲು ಪರಸ್ಪರ ಹತ್ತಿರದಲ್ಲಿ ನೋಡಲಾಯಿತು. ಶೀಘ್ರದಲ್ಲೇ, ಮಗಳು ಮೀರಾ ತನ್ನ ವ್ಯಾಪ್ತಿ ಪ್ರದೇಶದಲ್ಲಿ ಹಿಡಿತ ಸಾಧಿಸಲು ಪ್ರಯತ್ನಿಸುತ್ತಾ ರಿದ್ಧಿ ಹುಲಿಗೆ ಸವಾಲು ಹಾಕಿತು. ಬಹುತೇಕ ತಕ್ಷಣ, ಈ ಸವಾಲು ಹಿಂಸಾತ್ಮಕ ಹೋರಾಟವಾಗಿ ಮಾರ್ಪಟ್ಟಿತು. ಎರಡೂ ಹುಲಿಗಳು ಜೋರಾಗಿ ಘರ್ಜಿಸಿದವು, ಮತ್ತು ಅವುಗಳ ಶಬ್ದಗಳು ಕಾಡಿನಲ್ಲಿ ಪ್ರತಿಧ್ವನಿಸಿದವು. ಹೋರಾಟವು ಅಲ್ಪ ಕಾಲದ್ದಾಗಿತ್ತು; ಆದರೆ ತೀವ್ರವಾಗಿತ್ತು. ರಿದ್ಧಿ ಹೋರಾಟದಲ್ಲಿ ರಿದ್ಧಿ ಮುನ್ನಡೆ ಸಾಧಿಸಿತು. ಮಗಳು ಮೀರಾ ಹೋರಾಟ ಬಿಟ್ಟು ಮತ್ತೆ ಕಾಡಿಗೆ ಓಡಿಹೋಯಿತು.

ರಿದ್ಧಿ ಮತ್ತು ಮೀರಾ ಇಬ್ಬರೂ ಗಾಯಗೊಂಡರು. ಅರಣ್ಯ ಅಧಿಕಾರಿಗಳು ಇದು ಪ್ರಾದೇಶಿಕ ಹೋರಾಟ, ವನ್ಯಜೀವಿ ನಡವಳಿಕೆಯ ನೈಸರ್ಗಿಕ ಭಾಗ ಎಂದು ದೃಢಪಡಿಸಿದರು, ವಿಶೇಷವಾಗಿ ಮರಿಗಳು ವಯಸ್ಕ ಹುಲಿಯಾದಾಗ ಮತ್ತು ತಮ್ಮದೇ ಆದ ಸ್ಥಳವನ್ನು ಹುಡುಕಲು ಪ್ರಾರಂಭಿಸಿದಾಗ ಇಂತಹ ಘರ್ಷಣೆಗಳು ಹೆಚ್ಚಾಗಿ ಸಂಭವಿಸುತ್ತವೆ.
ರಿದ್ಧಿಯ ಮೂರು ಮರಿಗಳು ವಯಸ್ಕ ಹುಲಿಯಾದ ನಂತರ ಮತ್ತು ತಮ್ಮ ತಾಯಿಯಿಂದ ಪ್ರತ್ಯೇಕವಾಗಿ ತಮ್ಮದೇ ಆದ ಪ್ರದೇಶಗಳಲ್ಲಿ ಹತೋಟಿ ಸ್ಥಾಪಿಸಲು ಪ್ರಾರಂಭಿಸಿದಾಗ ಘರ್ಷಣೆ ಸಂಭವಿಸಿದೆ. ವನ್ಯಜೀವಿ ತಜ್ಞರು ಹೇಳುವಂತೆ, ಮರಿ ತನ್ನದೇ ಆದ ಪ್ರದೇಶವನ್ನು ಪಡೆಯಲು ಪ್ರಯತ್ನಿಸಿದಾಗ, ಅದರ ಮೊದಲ ಸವಾಲು ಸಾಮಾನ್ಯವಾಗಿ ತಾಯಿಯೊಂದಿಗೆ ಇರುತ್ತದೆ.

ರಣಥಂಬೋರ್ ರಾಷ್ಟ್ರೀಯ ಉದ್ಯಾನವನದ ಪ್ರಕಾರ, ರಿದ್ಧಿ ಹುಲಿ ಪ್ರಸಿದ್ಧ ಮಚಾಲಿ ಹುಲಿಯ ಐದನೇ ಪೀಳಿಗೆಗೆ ಸೇರಿದೆ. ಅವಳು ಹುಲಿ ಏರೋ ಹೆಡ್‌ ಮಗಳು ಮತ್ತು ಅವಳ ಮುತ್ತಜ್ಜಿಯಷ್ಟೇ ಬಲಿಷ್ಠ ಮತ್ತು ಪ್ರಭಾವಶಾಲಿ ಎಂದು ಹೇಳಲಾಗುತ್ತದೆ. ರಿದ್ಧಿ ಈಗ ತನ್ನ ತಾಯಿಯ ಪ್ರದೇಶದೊಳಗೆ ತನ್ನದೇ ಆದ ಪ್ರದೇಶವನ್ನು ಮಾಡಿಕೊಂಡಿದ್ದು, 3 ಮತ್ತು 4 ವಲಯಗಳಲ್ಲಿ ಪದಮ್ ಸರೋವರ, ರಾಜ್-ಬಾಗ್, ಮಲಿಕ್ ಸರೋವರ ಮತ್ತು ಮಂಡೂಬ್ ಪ್ರದೇಶದಲ್ಲಿ ಈ ಹುಲಿಯನ್ನು ಹೆಚ್ಚಾಗಿ ಕಾಣಬಹುದು.

ಈ ಪ್ರದೇಶವನ್ನು ರಣಥಂಬೋರ್‌ನ ಹೃದಯಭಾಗವೆಂದು ಪರಿಗಣಿಸಲಾಗಿದೆ, ಅಲ್ಲಿ ಪ್ರಬಲ ಹುಲಿಗಳ ಪರಂಪರೆ ಮಚಾಲಿಯಿಂದ ಪ್ರಾರಂಭವಾಯಿತು, ನಂತರ ಅದರ ಮಗಳು ಸುಂದರಿ, ನಂತರ ಕೃಷ್ಣ, ಏರೋ ಹೆಡ್ ಮತ್ತು ಈಗ ರಿದ್ಧಿ ಇದೇ ಪರಂಪರೆಗೆ ಸೇರಿವೆ.
ಈ ಹಿಂದೆ, ಸುಮಾರು 3.5 ವರ್ಷ ವಯಸ್ಸಿನ ಗಂಡು ಹುಲಿ ಅಮಾ ಘಾಟಿ ಅರಣ್ಯ ಪ್ರದೇಶದ ರಣಥಂಬೋರ್ ರಾಷ್ಟ್ರೀಯ ಉದ್ಯಾನವನದಲ್ಲಿ ಭೂಪ್ರದೇಶಕ್ಕಾಗಿ ನಡೆದ ಹೋರಾಟದಲ್ಲಿ ಮೃತಪಟ್ಟಿತ್ತು. ಆರಂಭಿಕ ವರದಿಗಳು T-2309 ಮತ್ತೊಂದು ಹುಲಿ T-120 (ಗಣೇಶ) ಜೊತೆ ನಡೆದ ಪ್ರದೇಶದ ಮೇಲೆ ಹತೋಟಿ ಪಡೆಯುವ ಹೋರಾಟದಲ್ಲಿ ಮೃತಪಟ್ಟಿವೆ ಎಂದು ಸೂಚಿಸಿವೆ. ಈ ಹುಲಿ 6.5 ವರ್ಷ ವಯಸ್ಸಿನದ್ದಾಗಿದೆ.