ಸೋಷಿಯಲ್ ಮೀಡಿಯಾ ಜಗತ್ತಿನಲ್ಲಿ ಪ್ರತಿದಿನ ಹೊಸ ಹೊಸ ವೈರಲ್ ಸುದ್ದಿಗಳು ಬರುತ್ತಲೇ ಇರುತ್ತವೆ. ಇತ್ತೀಚಿನ ಅಸಮಾಮಾನ್ಯ ವಿದ್ಯಮಾನವೊಂದರಲ್ಲಿ ಉಜ್ಬೇಕಿಸ್ತಾನದ ವ್ಯಕ್ತಿಯೊಬ್ಬರು ತಾನು ಕಳೆದ ಹಲವು ವರ್ಷಗಳಿಂದ ಪ್ರತಿದಿನ ಬೆಳಿಗ್ಗೆ ಉಪಾಹಾರಕ್ಕೆ 110 ಹಸಿ ಮೊಟ್ಟೆಗಳನ್ನು ಕುಡಿಯುತ್ತೇನೆ ಎಂದು ಹೇಳಿಕೊಂಡಿದ್ದಾರೆ. ಆತ ಮೊಟ್ಟೆಗಳನ್ನು ಬೇಯಿಸುವುದೂ ಇಲ್ಲ. ಹಾಗೆಯೇ ಕುಡಿದು ಬಿಡುತ್ತಾರೆ..!
ತನ್ನ ಈ ಹೇಳಿಕೆಯನ್ನು ದೃಢೀಕರಿಸಲು ಇದರ ವೀಡಿಯೊವನ್ನು ಸಹ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ವೀಡಿಯೊದಲ್ಲಿ ಆತನನ್ನು ನೋಡಿದರೆ, ಆತ ಒಬ್ಬ ಸೂಪರ್ಹೀರೋನಂತೆ ಕಾಣುತ್ತಾನೆ, ಆದರೆ ಪ್ರಶ್ನೆ ಏನೆಂದರೆ ಇದು ನಿಜವಾಗಿಯೂ ಆರೋಗ್ಯಕ್ಕೆ ಪ್ರಯೋಜನಕಾರಿಯೇ, ಅಥವಾ ಪ್ರಾಣಾಂತಿಕ ಅಪಾಯವೇ? ವೀಡಿಯೊವನ್ನು ಹಂಚಿಕೊಂಡ ತಕ್ಷಣ, ಅದು ವೈರಲ್ ಆಗಿದೆ. ಅನೇಕ ಜನರು ಈ ವ್ಯಕ್ತಿಯನ್ನು ಮನುಷ್ಯನಲ್ಲ ಎಂದು ಹೇಳುತ್ತಿದ್ದಾರೆ.
ಪುರಾವೆಯೊಂದಿಗೆ ಹೇಳಿಕೆ
ಈ ವೀಡಿಯೊವನ್ನು NEXTA (@nexta_tv) ಎಂಬ ಹೆಸರಿನ ಅಕೌಂಟ್ನಿಂದ ಟ್ವಿಟರ್ನಲ್ಲಿ ಹಂಚಿಕೊಳ್ಳಲಾಗಿದೆ. ಇದು ಮಧ್ಯಪ್ರಾಚ್ಯ ಮತ್ತು ಪೂರ್ವ ಯುರೋಪ್ನ ಪ್ರಮುಖ ಸುದ್ದಿ ಸಂಸ್ಥೆಯಾಗಿದೆ. ಇದರಲ್ಲಿ ಉಜ್ಬೇಕಿಸ್ತಾನದ ಈ ಅನಾಮಧೇಯ ವ್ಯಕ್ತಿ ಕಾಣಿಸಿಕೊಂಡಿದ್ದಾನೆ, ಆತ ಕ್ಯಾಮರಾ ಮುಂದೆ ಮೊಟ್ಟೆಗಳ ಬಟ್ಟಲನ್ನು ಎತ್ತಿಕೊಳ್ಳುತ್ತಾನೆ. ಇದು ತನ್ನ ಪ್ರತಿದಿನದ ಬೆಳಗಿನ ಉಪಾಹಾರ ಎಂದು ಆತ ಹೇಳಿದ್ದಾನೆ. ಅವನ ಬಟ್ಟಲಿನಲ್ಲಿ 110 ಹಸಿ ಮೊಟ್ಟೆಗಳಿದ್ದವು. ಈ ಮೊಟ್ಟೆಗಳನ್ನು ಕುಡಿಯುವುದರಿಂದ ಸ್ನಾಯುಗಳು ಗಟ್ಟಿಯಾಗುತ್ತವೆ, ಸಹಿಷ್ಣುತೆ ಹೆಚ್ಚುತ್ತದೆ ಮತ್ತು ದಿನವಿಡೀ ಶಕ್ತಿ ಇರುತ್ತದೆ ಎಂದು ಆತ ಹೇಳಿಕೊಂಡಿದ್ದಾನೆ. ವೀಡಿಯೊದಲ್ಲಿ ಆತ ಬಟ್ಟಲಿನಿಂದ ನೇರವಾಗಿ ಮೊಟ್ಟೆಗಳನ್ನು ಕುಡಿಯುತ್ತಿರುವುದು ಕಂಡುಬಂದಿದೆ.
ಇದರ ಜೊತೆಗೆ, ಆ ವ್ಯಕ್ತಿ ಇನ್ನೊಂದು ಆಶ್ಚರ್ಯಕರ ವಿಷಯವನ್ನು ಹೇಳಿದ್ದಾನೆ. ಆತನ ಪ್ರಕಾರ, ಆತ ಕಳೆದ ಹಲವು ವರ್ಷಗಳಿಂದ ಒಂದು ದಿನವೂ ಅನಾರೋಗ್ಯಕ್ಕೆ ಬಿದ್ದಿಲ್ಲ. ಮೊಟ್ಟೆಗಳನ್ನು ಕುಡಿಯುವುದರಿಂದ ತನಗೆ 20 ವರ್ಷದ ಯುವಕನಂತೆ ಅನಿಸುತ್ತದೆ ಎಂದು ಆತ ಹೇಳಿಕೊಂಡಿದ್ದಾನೆ. ಈ ವೀಡಿಯೊಗೆ ಇದುವರೆಗೆ ಲಕ್ಷಾಂತರ ವೀಕ್ಷಣೆಗಳು ಬಂದಿವೆ.
ವಿಜ್ಞಾನದ ದೃಷ್ಟಿಯಿಂದ ನೋಡಿದರೆ, ಹಸಿ ಮೊಟ್ಟೆಗಳಲ್ಲಿ ವಿಟಮಿನ್ ಬಿ12, ಡಿ, ಕೊಲೆಸ್ಟ್ರಾಲ್ ಮತ್ತು ಕೊಬ್ಬಿನಲ್ಲಿ ಕರಗುವ ಪೋಷಕಾಂಶಗಳಿವೆ, ಇದು ಸ್ನಾಯುಗಳ ಬೆಳವಣಿಗೆ ಮತ್ತು ಶಕ್ತಿಗೆ ಉತ್ತಮವಾಗಿದೆ. ಒಂದು ಅಧ್ಯಯನದ (Journal of the International Society of Sports Nutrition, 2017) ಪ್ರಕಾರ, ಬೇಯಿಸಿದ ಮೊಟ್ಟೆಗಳಿಗಿಂತ ಹಸಿ ಮೊಟ್ಟೆಗಳಿಂದ ಶೇ. 50 ರಷ್ಟು ಕಡಿಮೆ ಪ್ರೋಟೀನ್ ಹೀರಿಕೊಳ್ಳಲ್ಪಡುತ್ತದೆ, ಏಕೆಂದರೆ ಓವೊಮುಕಾಯ್ಡ್ (ovomucoid) ಪ್ರೋಟೀನ್ ಜೀರ್ಣಕ್ರಿಯೆಯನ್ನು ತಡೆಯುತ್ತದೆ.
ಆದರೆ, ಪ್ರಯೋಜನಗಳ ಜೊತೆಗೆ ಅಪಾಯವೂ ಇದೆ. ಹಸಿ ಮೊಟ್ಟೆಗಳಲ್ಲಿ ಸಾಲ್ಮೊನೆಲ್ಲಾ ಬ್ಯಾಕ್ಟೀರಿಯಾ ಇರುತ್ತದೆ. ಸಿಡಿಸಿ (CDC) ಪ್ರಕಾರ, ಪ್ರತಿ 20,000 ಮೊಟ್ಟೆಗಳಲ್ಲಿ ಒಂದು ಸಾಲ್ಮೊನೆಲ್ಲಾದಿಂದ ಸೋಂಕಿಗೆ ಒಳಗಾಗಿರುತ್ತದೆ. ಪ್ರತಿದಿನ 110 ಮೊಟ್ಟೆಗಳು ಎಂದರೆ ವರ್ಷದಲ್ಲಿ 40,000 ಮೊಟ್ಟೆಗಳು, ಅಂದರೆ ಹೆಚ್ಚಿನ ಅಪಾಯ. ಇದರಿಂದ ವಾಂತಿ, ಭೇದಿ ಮತ್ತು ಆಹಾರ ವಿಷವಾಗುವ (Food Poisoning) ಸಾಧ್ಯತೆ ಇರುತ್ತದೆ.
ನಿಮ್ಮ ಕಾಮೆಂಟ್ ಬರೆಯಿರಿ