ನವದೆಹಲಿ: 2027ರ ಐಸಿಸಿ ಪುರುಷರ ಏಕದಿನ ಕ್ರಿಕೆಟ್‌ ವಿಶ್ವಕಪ್‌ (ICC Men’s Cricket World Cup 2027) ಪಂದ್ಯಾವಳಿಯ ಸಂಪೂರ್ಣ ವೇಳಾಪಟ್ಟಿಯನ್ನು ಐಸಿಸಿ ಪ್ರಕಟಿಸಿದೆ. ದಕ್ಷಿಣ ಆಫ್ರಿಕಾ, ಜಿಂಬಾಬ್ವೆ ಹಾಗೂ ನಮೀಬಿಯಾ ಆತಿಥ್ಯ ವಹಿಸಿರುವ ಈ ಬಾರಿಯ ವಿಶ್ವಕಪ್‌ ಇದುವರೆಗಿನ ಅತಿದೊಡ್ಡ ಟೂರ್ನಿಯಾಗಲಿದ್ದು, ಒಟ್ಟು 14 ತಂಡಗಳು ಪ್ರಶಸ್ತಿಗಾಗಿ ಪೈಪೋಟಿ ನಡೆಸಲಿವೆ. ಹಿಂದಿನ ವಿಶ್ವಕಪ್‌ಗಿಂತ ನಾಲ್ಕು ತಂಡಗಳು ಹೆಚ್ಚು ಭಾಗವಹಿಸುತ್ತಿರುವುದು ವಿಶೇಷ.
ಭಾರತ ತನ್ನ ಮೊದಲ ಪಂದ್ಯವನ್ನು ಹಾಲಿ ಚಾಂಪಿಯನ್ ಆಸ್ಟ್ರೇಲಿಯಾ ವಿರುದ್ಧ ಅಕ್ಟೋಬರ್‌ 7ರಂದು ಕೇಪ್‌ಟೌನ್‌ನಲ್ಲಿ ಆಡಲಿದೆ. ಅಕ್ಟೋಬರ್‌ 10ರಂದು ಜೋಹಾನ್ಸ್‌ಬರ್ಗ್‌ನಲ್ಲಿ ಭಾರತ ಮತ್ತು ಪಾಕಿಸ್ತಾನ ತಂಡಗಳು ಮುಖಾಮುಖಿಯಾಗಲಿವೆ. ಶುಭ್‌ಮನ್‌ ಗಿಲ್‌ ನೇತೃತ್ವದ ಭಾರತ ತಂಡವು ಅಫ್ಘಾನಿಸ್ತಾನ ವಿರುದ್ಧ ಅಕ್ಟೋಬರ್‌ 14ರಂದು, ಕ್ವಾಲಿಫೈಯರ್‌ ‘ಎ’ ವಿರುದ್ಧ ಅಕ್ಟೋಬರ್‌ 17ರಂದು ಹಾಗೂ ಜಿಂಬಾಬ್ವೆ ವಿರುದ್ಧ ಅಕ್ಟೋಬರ್‌ 24ರಂದು ಸೆಣಸಲಿದೆ.
ಟೂರ್ನಿಯ ವೇಳಾಪಟ್ಟಿಯ ಪ್ರಕಾರ ಭಾರತ ಮತ್ತು ಪಾಕಿಸ್ತಾನ ತಂಡಗಳು ಸೂಪರ್‌ 7 ಹಂತ, ಸೆಮಿಫೈನಲ್‌ ಹಾಗೂ ಫೈನಲ್‌ಗೆ ಅರ್ಹತೆ ಪಡೆದರೆ ಒಟ್ಟು ಮೂರು ಬಾರಿ ಮುಖಾಮುಖಿಯಾಗುವ ಸಾಧ್ಯತೆ ಇದೆ.
ಹೊಸ ಮಾದರಿಯಲ್ಲಿ ವಿಶ್ವಕಪ್‌
2027ರ ವಿಶ್ವಕಪ್‌ನಲ್ಲಿ ಸಂಪೂರ್ಣ ಹೊಸ ಮಾದರಿಯನ್ನು ಪರಿಚಯಿಸಲಾಗಿದೆ. ಟೂರ್ನಿ ‘ಸೂಪರ್‌ ಸಿರೀಸ್‌’ ಹಂತದಿಂದ ಆರಂಭವಾಗಲಿದೆ. ಮುಂದಿನ ವರ್ಷದ ಫೆಬ್ರವರಿ–ಮಾರ್ಚ್‌ನಲ್ಲಿ ನಡೆಯುವ ಐಸಿಸಿ ವಿಶ್ವಕಪ್‌ ಕ್ವಾಲಿಫೈಯರ್‌ನಲ್ಲಿ ಎರಡನೇ, ಮೂರನೇ ಮತ್ತು ನಾಲ್ಕನೇ ಸ್ಥಾನ ಗಳಿಸುವ ತಂಡಗಳು ಈ ಹಂತದಲ್ಲಿ ಆಡಲಿವೆ. ರೌಂಡ್‌ ರಾಬಿನ್‌ ಮಾದರಿಯಲ್ಲಿ ಒಟ್ಟು ಮೂರು ಪಂದ್ಯಗಳು ನಡೆಯಲಿದ್ದು, ವಿಜೇತ ತಂಡವು ಎರಡನೇ ಹಂತಕ್ಕೆ (Qualifier B) ಪ್ರವೇಶಿಸಲಿದೆ.
ಎರಡನೇ ಹಂತದಲ್ಲಿ 12 ತಂಡಗಳನ್ನು ‘ಎ’ ಮತ್ತು ‘ಬಿ’ ಗುಂಪುಗಳಾಗಿ ವಿಭಜಿಸಲಾಗುತ್ತದೆ. ಭಾರತ, ನ್ಯೂಜಿಲೆಂಡ್‌, ಆಸ್ಟ್ರೇಲಿಯಾ, ಪಾಕಿಸ್ತಾನ, ಇಂಗ್ಲೆಂಡ್‌, ಶ್ರೀಲಂಕಾ, ಅಫ್ಘಾನಿಸ್ತಾನ ಹಾಗೂ ಬಾಂಗ್ಲಾದೇಶ ತಂಡಗಳು 2026ರ ಸೆಪ್ಟೆಂಬರ್‌ 30ರ ಐಸಿಸಿ ಏಕದಿನ ರ‍್ಯಾಂಕಿಂಗ್‌ ಆಧಾರದ ಮೇಲೆ ಅರ್ಹತೆ ಪಡೆದಿವೆ. ಆತಿಥೇಯ ರಾಷ್ಟ್ರಗಳಾದ ದಕ್ಷಿಣ ಆಫ್ರಿಕಾ ಮತ್ತು ಜಿಂಬಾಬ್ವೆ ನೇರ ಪ್ರವೇಶ ಪಡೆದಿವೆ. ವಿಶ್ವಕಪ್‌ ಕ್ವಾಲಿಫೈಯರ್‌ ವಿಜೇತ ತಂಡ ‘Qualifier A’ ಆಗಿ ಹಾಗೂ ಸೂಪರ್‌ ಸಿರೀಸ್‌ ವಿಜೇತ ತಂಡ ‘Qualifier B’ ಆಗಿ ಟೂರ್ನಿಗೆ ಪ್ರವೇಶಿಸಲಿವೆ.
ಗುಂಪು ಹಂತದಲ್ಲಿ ಒಟ್ಟು 30 ಪಂದ್ಯಗಳು ನಡೆಯಲಿವೆ. ಬಳಿಕ ಎರಡು ಗುಂಪುಗಳಿಂದ ತಲಾ ಮೂರು ತಂಡಗಳು ಹಾಗೂ ನಾಲ್ಕನೇ ಸ್ಥಾನದಲ್ಲಿರುವ ಅತ್ಯುತ್ತಮ ಒಂದು ತಂಡ ಸೇರಿ ಒಟ್ಟು ಏಳು ತಂಡಗಳು ‘ಸೂಪರ್‌ 7’ ಹಂತಕ್ಕೇರಲಿವೆ. ಇಲ್ಲಿ ಮತ್ತೊಮ್ಮೆ ರೌಂಡ್‌ ರಾಬಿನ್‌ ಮಾದರಿಯಲ್ಲಿ 21 ಪಂದ್ಯಗಳು ನಡೆಯಲಿದ್ದು, ಅಗ್ರ ನಾಲ್ಕು ತಂಡಗಳು ಸೆಮಿಫೈನಲ್‌ಗೆ ಪ್ರವೇಶಿಸಲಿವೆ. ಫೈನಲ್‌ ಪಂದ್ಯ ನವೆಂಬರ್‌ 21ರಂದು ಜೋಹಾನ್ಸ್‌ಬರ್ಗ್‌ನಲ್ಲಿ ನಡೆಯಲಿದೆ.
ಭಾರತ, ಆಸ್ಟ್ರೇಲಿಯಾ ‘ಎ’ ಗುಂಪಿನಲ್ಲಿ
ಐಸಿಸಿ 2027ರ ಏಕದಿನ ವಿಶ್ವಕಪ್‌ಗಾಗಿ ಭಾರತ ಮತ್ತು ಪಾಕಿಸ್ತಾನ ಎರಡೂ ತಂಡಗಳು ‘ಎ’ ಗುಂಪಿನಲ್ಲಿವೆ. ಈ ಗುಂಪಿನಲ್ಲಿ ಆಸ್ಟ್ರೇಲಿಯಾ, ಅಫ್ಘಾನಿಸ್ತಾನ, ಜಿಂಬಾಬ್ವೆ ಹಾಗೂ ಕ್ವಾಲಿಫೈಯರ್‌ ‘ಎ’ ತಂಡಗಳೂ ಸೇರಿವೆ.
‘ಬಿ’ ಗುಂಪಿನಲ್ಲಿ ಇಂಗ್ಲೆಂಡ್‌, ದಕ್ಷಿಣ ಆಫ್ರಿಕಾ
‘ಬಿ’ ಗುಂಪಿನಲ್ಲೂ ಬಲಿಷ್ಠ ತಂಡಗಳೇ ಸ್ಥಾನ ಪಡೆದಿವೆ. ಇಂಗ್ಲೆಂಡ್‌ ಮತ್ತು ದಕ್ಷಿಣ ಆಫ್ರಿಕಾ ತಂಡಗಳ ಜೊತೆಗೆ ಬಾಂಗ್ಲಾದೇಶ, ಶ್ರೀಲಂಕಾ, ನ್ಯೂಜಿಲೆಂಡ್‌ ಹಾಗೂ ಕ್ವಾಲಿಫೈಯರ್‌ ‘ಬಿ’ ತಂಡಗಳು ಈ ಗುಂಪಿನಲ್ಲಿವೆ.
ಸೂಪರ್‌ ಸಿರೀಸ್‌ ವೇಳಾಪಟ್ಟಿ
ಅಕ್ಟೋಬರ್‌ 2: QF1 vs QF3 – ವಿಂಡ್‌ಹೋಕ್‌
ಅಕ್ಟೋಬರ್‌ 4: QF1 vs QF2 – ವಿಂಡ್‌ಹೋಕ್‌
ಅಕ್ಟೋಬರ್‌ 6: QF2 vs QF3 – ವಿಂಡ್‌ಹೋಕ್‌
ಗುಂಪು ಹಂತದ ವೇಳಾಪಟ್ಟಿ
ಅಕ್ಟೋಬರ್‌ 7: ಭಾರತ vs ಆಸ್ಟ್ರೇಲಿಯಾ – ಕೇಪ್‌ಟೌನ್‌
ಅಕ್ಟೋಬರ್‌ 8: ಪಾಕಿಸ್ತಾನ vs ಅಫ್ಘಾನಿಸ್ತಾನ – ತ್ಷ್ವಾನೆ
ಅಕ್ಟೋಬರ್‌ 8: ಇಂಗ್ಲೆಂಡ್‌ vs ಬಾಂಗ್ಲಾದೇಶ – ವಿಂಡ್‌ಹೋಕ್‌
ಅಕ್ಟೋಬರ್‌ 9: ಜಿಂಬಾಬ್ವೆ vs ಕ್ವಾಲಿಫೈಯರ್‌ ಎ – ಬುಲಾವಾಯೊ
ಅಕ್ಟೋಬರ್‌ 9: ದಕ್ಷಿಣ ಆಫ್ರಿಕಾ vs ನ್ಯೂಜಿಲೆಂಡ್‌ – ಕೇಪ್‌ಟೌನ್‌
ಅಕ್ಟೋಬರ್‌ 10: ಭಾರತ vs ಪಾಕಿಸ್ತಾನ – ಜೋಹಾನ್ಸ್‌ಬರ್ಗ್‌
ಅಕ್ಟೋಬರ್‌ 10: ಶ್ರೀಲಂಕಾ vs ಕ್ವಾಲಿಫೈಯರ್‌ ಬಿ – ವಿಂಡ್‌ಹೋಕ್‌
ಅಕ್ಟೋಬರ್‌ 11: ಜಿಂಬಾಬ್ವೆ vs ಅಫ್ಘಾನಿಸ್ತಾನ – ಬುಲಾವಾಯೊ
ಅಕ್ಟೋಬರ್‌ 12: ಆಸ್ಟ್ರೇಲಿಯಾ vs ಕ್ವಾಲಿಫೈಯರ್‌ ಎ – ಪಾರ್ಲ್‌
ಅಕ್ಟೋಬರ್‌ 12: ನ್ಯೂಜಿಲೆಂಡ್‌ vs ಬಾಂಗ್ಲಾದೇಶ – ಕುಗೊಂಪೊ ಸಿಟಿ
ಅಕ್ಟೋಬರ್‌ 13: ಇಂಗ್ಲೆಂಡ್‌ vs ಶ್ರೀಲಂಕಾ – ವಿಂಡ್‌ಹೋಕ್‌
ಅಕ್ಟೋಬರ್‌ 13: ದಕ್ಷಿಣ ಆಫ್ರಿಕಾ vs ಕ್ವಾಲಿಫೈಯರ್‌ ಬಿ – ಪಾರ್ಲ್‌
ಅಕ್ಟೋಬರ್‌ 14: ಭಾರತ vs ಅಫ್ಘಾನಿಸ್ತಾನ – ತ್ಷ್ವಾನೆ
ಅಕ್ಟೋಬರ್‌ 15: ಪಾಕಿಸ್ತಾನ vs ಕ್ವಾಲಿಫೈಯರ್‌ ಎ – ಬ್ಲೂಮ್‌ಫಾಂಟೇನ್‌
ಅಕ್ಟೋಬರ್‌ 15: ಜಿಂಬಾಬ್ವೆ vs ಆಸ್ಟ್ರೇಲಿಯಾ – ಹರಾರೆ
ಅಕ್ಟೋಬರ್‌ 16: ಶ್ರೀಲಂಕಾ vs ಬಾಂಗ್ಲಾದೇಶ – ಡರ್ಬನ್‌
ಅಕ್ಟೋಬರ್‌ 16: ದಕ್ಷಿಣ ಆಫ್ರಿಕಾ vs ಇಂಗ್ಲೆಂಡ್‌ – ಗ್ಕೆಬೆರ್ಹಾ
ಅಕ್ಟೋಬರ್‌ 17: ಭಾರತ vs ಕ್ವಾಲಿಫೈಯರ್‌ ಎ – ಬ್ಲೂಮ್‌ಫಾಂಟೇನ್‌
ಅಕ್ಟೋಬರ್‌ 17: ನ್ಯೂಜಿಲೆಂಡ್‌ vs ಕ್ವಾಲಿಫೈಯರ್‌ ಬಿ – ಹರಾರೆ
ಅಕ್ಟೋಬರ್‌ 18: ಆಸ್ಟ್ರೇಲಿಯಾ vs ಅಫ್ಘಾನಿಸ್ತಾನ – ಕುಗೊಂಪೊ ಸಿಟಿ
ಅಕ್ಟೋಬರ್‌ 19: ಜಿಂಬಾಬ್ವೆ vs ಪಾಕಿಸ್ತಾನ – ಹರಾರೆ
ಅಕ್ಟೋಬರ್‌ 19: ದಕ್ಷಿಣ ಆಫ್ರಿಕಾ vs ಬಾಂಗ್ಲಾದೇಶ – ಡರ್ಬನ್‌
ಅಕ್ಟೋಬರ್‌ 20: ನ್ಯೂಜಿಲೆಂಡ್‌ vs ಶ್ರೀಲಂಕಾ – ಜೋಹಾನ್ಸ್‌ಬರ್ಗ್‌
ಅಕ್ಟೋಬರ್‌ 20: ಇಂಗ್ಲೆಂಡ್‌ vs ಕ್ವಾಲಿಫೈಯರ್‌ ಬಿ – ಹರಾರೆ
ಅಕ್ಟೋಬರ್‌ 21: ಅಫ್ಘಾನಿಸ್ತಾನ vs ಕ್ವಾಲಿಫೈಯರ್‌ ಎ – ಕುಗೊಂಪೊ ಸಿಟಿ
ಅಕ್ಟೋಬರ್‌ 22: ಆಸ್ಟ್ರೇಲಿಯಾ vs ಪಾಕಿಸ್ತಾನ – ಪಾರ್ಲ್‌
ಅಕ್ಟೋಬರ್‌ 22: ದಕ್ಷಿಣ ಆಫ್ರಿಕಾ vs ಶ್ರೀಲಂಕಾ – ಜೋಹಾನ್ಸ್‌ಬರ್ಗ್‌
ಅಕ್ಟೋಬರ್‌ 23: ಇಂಗ್ಲೆಂಡ್‌ vs ನ್ಯೂಜಿಲೆಂಡ್‌ – ಗ್ಕೆಬೆರ್ಹಾ
ಅಕ್ಟೋಬರ್‌ 23: ಬಾಂಗ್ಲಾದೇಶ vs ಕ್ವಾಲಿಫೈಯರ್‌ ಬಿ – ತ್ಷ್ವಾನೆ
ಅಕ್ಟೋಬರ್‌ 24: ಜಿಂಬಾಬ್ವೆ vs ಭಾರತ – ವಿಕ್ಟೋರಿಯಾ ಫಾಲ್ಸ್‌
ಸೂಪರ್‌ 7 ಹಂತ
ಅಕ್ಟೋಬರ್‌ 25: A2 (ಆಸ್ಟ್ರೇಲಿಯಾ) vs B3 (ಶ್ರೀಲಂಕಾ) – ಜೋಹಾನ್ಸ್‌ಬರ್ಗ್‌
ಅಕ್ಟೋಬರ್‌ 26: B1 (ನ್ಯೂಜಿಲೆಂಡ್‌) vs A3 (ಪಾಕಿಸ್ತಾನ) – ಗ್ಕೆಬೆರ್ಹಾ
ಅಕ್ಟೋಬರ್‌ 27: B2 (ದಕ್ಷಿಣ ಆಫ್ರಿಕಾ) vs AB4 (ಇಂಗ್ಲೆಂಡ್‌) – ತ್ಷ್ವಾನೆ
ಅಕ್ಟೋಬರ್‌ 28: A1 (ಭಾರತ) vs A2 (ಆಸ್ಟ್ರೇಲಿಯಾ) – ವಿಕ್ಟೋರಿಯಾ ಫಾಲ್ಸ್‌
ಅಕ್ಟೋಬರ್‌ 29: B1 (ನ್ಯೂಜಿಲೆಂಡ್‌) vs B3 (ಶ್ರೀಲಂಕಾ) – ಕುಗೊಂಪೊ ಸಿಟಿ
ಅಕ್ಟೋಬರ್‌ 30: A3 (ಪಾಕಿಸ್ತಾನ) vs AB4 (ಇಂಗ್ಲೆಂಡ್‌) – ವಿಕ್ಟೋರಿಯಾ ಫಾಲ್ಸ್‌
ಅಕ್ಟೋಬರ್‌ 31: B2 (ದಕ್ಷಿಣ ಆಫ್ರಿಕಾ) vs A1 (ಭಾರತ) – ಜೋಹಾನ್ಸ್‌ಬರ್ಗ್‌
ನವೆಂಬರ್‌ 1: A2 (ಆಸ್ಟ್ರೇಲಿಯಾ) vs B1 (ನ್ಯೂಜಿಲೆಂಡ್‌) – ವಿಕ್ಟೋರಿಯಾ ಫಾಲ್ಸ್‌
ನವೆಂಬರ್‌ 2: B3 (ಶ್ರೀಲಂಕಾ) vs AB4 (ಇಂಗ್ಲೆಂಡ್‌) – ಕೇಪ್‌ಟೌನ್‌
ನವೆಂಬರ್‌ 3: B2 (ದಕ್ಷಿಣ ಆಫ್ರಿಕಾ) vs A3 (ಪಾಕಿಸ್ತಾನ) – ಡರ್ಬನ್‌
ನವೆಂಬರ್‌ 4: A1 (ಭಾರತ) vs B1 (ನ್ಯೂಜಿಲೆಂಡ್‌) – ಪಾರ್ಲ್‌
ನವೆಂಬರ್‌ 5: A2 (ಆಸ್ಟ್ರೇಲಿಯಾ) vs AB4 (ಇಂಗ್ಲೆಂಡ್‌) – ಡರ್ಬನ್‌
ನವೆಂಬರ್‌ 6: B2 (ದಕ್ಷಿಣ ಆಫ್ರಿಕಾ) vs B3 (ಶ್ರೀಲಂಕಾ) – ಬ್ಲೂಮ್‌ಫಾಂಟೇನ್‌
ನವೆಂಬರ್‌ 7: A1 (ಭಾರತ) vs A3 (ಪಾಕಿಸ್ತಾನ) – ಕೇಪ್‌ಟೌನ್‌
ನವೆಂಬರ್‌ 8: B1 (ನ್ಯೂಜಿಲೆಂಡ್‌) vs AB4 (ಇಂಗ್ಲೆಂಡ್‌) – ಡರ್ಬನ್‌
ನವೆಂಬರ್‌ 9: B2 (ದಕ್ಷಿಣ ಆಫ್ರಿಕಾ) vs A2 (ಆಸ್ಟ್ರೇಲಿಯಾ) – ಗ್ಕೆಬೆರ್ಹಾ
ನವೆಂಬರ್‌ 10: A3 (ಪಾಕಿಸ್ತಾನ) vs B3 (ಶ್ರೀಲಂಕಾ) – ಬ್ಲೂಮ್‌ಫಾಂಟೇನ್‌
ನವೆಂಬರ್‌ 11: A1 (ಭಾರತ) vs AB4 (ಇಂಗ್ಲೆಂಡ್‌) – ಗ್ಕೆಬೆರ್ಹಾ
ನವೆಂಬರ್‌ 12: B2 (ದಕ್ಷಿಣ ಆಫ್ರಿಕಾ) vs B1 (ನ್ಯೂಜಿಲೆಂಡ್‌) – ಕೇಪ್‌ಟೌನ್‌
ನವೆಂಬರ್‌ 13: A2 (ಆಸ್ಟ್ರೇಲಿಯಾ) vs A3 (ಪಾಕಿಸ್ತಾನ) – ಬ್ಲೂಮ್‌ಫಾಂಟೇನ್‌
ನವೆಂಬರ್‌ 14: A1 (ಭಾರತ) vs B3 (ಶ್ರೀಲಂಕಾ) – ಡರ್ಬನ್‌
ನಾಕೌಟ್‌ ಹಂತ
ನವೆಂಬರ್‌ 17: ಸೆಮಿಫೈನಲ್‌ 1 – ಕೇಪ್‌ಟೌನ್‌
ನವೆಂಬರ್‌ 18: ಸೆಮಿಫೈನಲ್‌ 2 – ತ್ಷ್ವಾನೆ
ನವೆಂಬರ್‌ 21: ಫೈನಲ್‌ – ಜೋಹಾನ್ಸ್‌ಬರ್ಗ್‌
ವಿಶ್ವ ಕ್ರಿಕೆಟ್‌ನ ಅತ್ಯಂತ ಪ್ರತಿಷ್ಠಿತ ಟೂರ್ನಿಯ ಈ ಆವೃತ್ತಿಯಲ್ಲಿ ಹೊಸ ಮಾದರಿ, ಹೆಚ್ಚಿದ ತಂಡಗಳ ಸಂಖ್ಯೆ ಹಾಗೂ ಭಾರತ–ಪಾಕಿಸ್ತಾನ ನಡುವಿನ ಬಹುಮುಖ ಮುಖಾಮುಖಿ ಸಾಧ್ಯತೆಗಳು ಅಭಿಮಾನಿಗಳ ಕುತೂಹಲವನ್ನು ಮತ್ತಷ್ಟು ಹೆಚ್ಚಿಸಿವೆ. 46 ದಿನಗಳ ಕಾಲ ನಡೆಯಲಿರುವ ಈ ಮಹಾ ಕ್ರಿಕೆಟ್‌ ಉತ್ಸವದ ಅಂತಿಮ ಪಂದ್ಯ ನವೆಂಬರ್‌ 21ರಂದು ಜೋಹಾನ್ಸ್‌ಬರ್ಗ್‌ನಲ್ಲಿ ನಡೆಯಲಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ