ಲಂಡನ್: ಸೋಮವಾರ (ಜುಲೈ 18 ರಂದು) ಟೋರಿ ನಾಯಕತ್ವಕ್ಕಾಗಿ ನಡೆದ ಮೂರನೇ ಸುತ್ತಿನ ಮತದಾನದಲ್ಲಿ, 358 ರಲ್ಲಿ 357 ಸಂಸದರು ಮತ ಚಲಾಯಿಸಿದ್ದು, ಭಾರತೀಯ ಮೂಲದ ಹಾಗೂ ಇನ್ಫಿ ನಾರಾಯಣ ಮೂರ್ತಿ ಅಳಿಯ ರಿಷಿ ಸುನಕ್ ಅವರು ತಮ್ಮ ನಂಬರ್ 1 ಸ್ಥಾನ ಉಳಿಸಿಕೊಂಡಿದ್ದಾರೆ. ಎರಡನೇ ಸುತ್ತಿನಲ್ಲಿ 101 ಮತಗಳನ್ನು ಪಡೆದಿದ್ದ ಅವರು ಮೂರನೇ ಸುತ್ತಿನಲ್ಲಿ ಅದನ್ನು 115 ಕ್ಕೆ ಹೆಚ್ಚಿಸಿಕೊಂಡಿದ್ದಾರೆ. ಟ್ರೇಡ್ ಸೆಕ್ರೆಟರಿ, ಪೆನ್ನಿ ಮೊರ್ಡಾಂಟ್ 82 ಮತಗಳಲ್ಲಿ ಎರಡನೇ ಸ್ಥಾನದಲ್ಲಿದ್ದಾರೆ. ಇದು ಹಿಂದಿನ ಸುತ್ತಿಗಿಂತ ಒಂದು ಮತ ಕಡಿಮೆಯಾಗಿದೆ. ಮೂರನೇ ಸ್ಥಾನದಲ್ಲಿ ವಿದೇಶಾಂಗ ಕಾರ್ಯದರ್ಶಿ ಲಿಜ್ ಟ್ರಸ್ ಅವರು ತಮ್ಮ ಮತಗಳ ಪಾಲನ್ನು 71 ಕ್ಕೆ ಹೆಚ್ಚಿಸಿಕೊಂಡರು. ಮತ್ತು ಹಿಂದಿನ ಸುತ್ತಿನಲ್ಲಿ 49 ಕ್ಕೆ ಹೋಲಿಸಿದರೆ 58 ಮತಗಳನ್ನು ಪಡೆದ ಕೆಮಿ ಬಡೆನೋಚ್ ನಾಲ್ಕನೇ ಸ್ಥಾನದಲ್ಲಿದ್ದರು.
ಟಾಮ್ ತುಗೆಂಧತ್ ಅವರು ಈ ಬಾರಿ 31 ಮತಗಳನ್ನು ಪಡೆದು ಸ್ಪರ್ಧೇಯಿಂದ ಹೊರಬಿದ್ದರು. ಮುಂದೆ ತುಗೇಂದತ್ ಯಾರನ್ನು ಬೆಂಬಲಿಸುತ್ತಾರೆ ಎಂಬುದನ್ನು ಸ್ಪಷ್ಟಪಡಿಸಿಲ್ಲ.
ಉಳಿದಿರುವ ನಾಲ್ಕು ಅಭ್ಯರ್ಥಿಗಳು ಮಂಗಳವಾರ ನಾಲ್ಕನೇ ಸುತ್ತಿನ ಮತದಾನವನ್ನು ಪ್ರವೇಶಿಸುತ್ತಾರೆ ಮತ್ತು ಕೊನೆಯ ಮತದಾನವು ಬುಧವಾರದಂದು ಇಬ್ಬರು ಅಭ್ಯರ್ಥಿಗಳ ನಡುವೆ ನಡೆಯುತ್ತದೆ. ನಂತರ ಅವರು ದೇಶಾದ್ಯಂತ ಟೋರಿ ಪಕ್ಷದ ಸದಸ್ಯರ ಬೆಂಬಲಕ್ಕಾಗಿ ಪ್ರಚಾರಕ್ಕೆ ಹೋಗುತ್ತಾರೆ.
ವಿಶೇಷವಾಗಿ ಎರಡು ದೂರದರ್ಶನ ಚರ್ಚೆಗಳ ನಂತರ, ಉಳಿದಿರುವ ಇಬ್ಬರು ಅಭ್ಯರ್ಥಿಗಳಲ್ಲಿ ಒಬ್ಬರು ರಿಷಿ ಸುನಕ್ ಆಗಿರುತ್ತಾರೆ ಎಂಬುದರಲ್ಲಿ ಯಾವುದೇ ಸಂದೇಹವಿಲ್ಲ. ಎರಡನೆಯವರು ಯಾರು ಎಂಬುದು ಪ್ರಶ್ನೆ ಎದುರಾಗಿದೆ.
ಪ್ರಸ್ತುತ ಉಸ್ತುವಾರಿ ಪ್ರಧಾನಿ ಬೋರಿಸ್ ಜಾನ್ಸನ್, ಸುನಕ್ ಅವರನ್ನು ಬದಲಿಸುವವರಲ್ಲ ಎಂದು ಹೇಳಲು ತಮ್ಮ ಅತ್ಯುತ್ತಮ ಪ್ರಯತ್ನ ಮಾಡುತ್ತಿದ್ದಾರೆ ಮತ್ತು ಆದ್ದರಿಂದ ಅವರು ತೆರೆಮರೆಯಲ್ಲಿ ಯಾವುದೇ ಅವಕಾಶಗಳನ್ನು ಬಿಡುತ್ತಿಲ್ಲ. ಎರಡನೆಯದಾಗಿ, ಕೊನೆಯ ಕ್ಷಣದಲ್ಲಿ ಇಬ್ಬರು ಪ್ರಮುಖ ಅಭ್ಯರ್ಥಿಗಳು ಕೈ ಜೋಡಿಸಬಹುದು. ಮೂರನೆಯದಾಗಿ, ಟೋರಿ ಪಕ್ಷದ ಮಟ್ಟದ ಮತದಾನದಲ್ಲಿ, ರಿಷಿ ಸುನಕ್ ಅವರಿಗೆ ತೊಂದರೆ ನೀಡಬಹುದಾಗಿದೆ. ಆದರೆ ರಿಷಿ ಸುನಕ್ ಆತ್ಮ ವಿಶ್ವಾದ ಹೊಂದಿದ್ದಾರೆ.
ಸುನಕ್ ಶಿಬಿರವು ತನ್ನ ಗೆಲುವಿನ ಬಗ್ಗೆ ತುಂಬಾ ವಿಶ್ವಾಸ ಹೊಂದಿದೆ ಮತ್ತು ಈಗಾಗಲೇ ಕ್ಯಾಬಿನೆಟ್ ಅನ್ನು ನಿರ್ಧರಿಸುತ್ತಿದೆ ಎಂದು ಒಳಗಿನವರು ನಂಬಿದ್ದಾರೆ. ನಾಯಕತ್ವ ಚುನಾವಣೆಯ ಅಂತಿಮ ಫಲಿತಾಂಶವನ್ನು ಸೆಪ್ಟೆಂಬರ್ 5 ರೊಳಗೆ ಘೋಷಿಸಬೇಕು.
ನಿಮ್ಮ ಕಾಮೆಂಟ್ ಬರೆಯಿರಿ