ಭೋಪಾಲ್: ಮಧ್ಯಪ್ರದೇಶದ ಧಾರ್ ಜಿಲ್ಲೆಯ ಧಮ್ನೋಡ್ನಲ್ಲಿ, ನಂಬಲಾಗದ ವಿದ್ಯಮಾನವೊಂದು ನಡೆದಿದೆ. ವಕೀಲರು ಹಾಗೂ ಆ ಪ್ರದೇಶದಲ್ಲಿ ಖಾಸಗಿ ಶಾಲೆಯನ್ನು ನಡೆಸುತ್ತಿರುವ ವಿನೋದ್ ಡೊಂಗ್ಲೆ ಎಂಬವರು ಎಂದಿನಂತೆ ತಮ್ಮ ಡಿಮ್ಯಾಟ್ ಖಾತೆ ತೆರೆದಾಗ ಅವರಿಗೆ ಅಚ್ಚರಿ ಕಾದಿತ್ತು. ಯಾಕೆಂದರೆ ಅವರ ಬ್ಯಾಂಕ್ ಖಾತೆಯಲ್ಲಿ ಬ್ಯಾಲೆನ್ಸ್ 2,817 ಕೋಟಿ ರೂ.ಗಳಿವೆ ಎಂದು ಅದು ತೋರಿಸಿತು. ಇದನ್ನು ನೋಡಿ ಅವರು ಒಂದು ಕ್ಷಣ ಮೂಕವಿಸ್ಮಿತರಾದರು.
ಎನ್ಡಿಟವಿ ವರದಿ ಮಾಡಿದಂತೆ ಅವರ ಪೋರ್ಟ್ಫೋಲಿಯೊದಲ್ಲಿ ಹರ್ಸಿಲ್ ಆಗ್ರೋ ಲಿಮಿಟೆಡ್ನ 1,312 ಷೇರುಗಳಿದ್ದು, ಪ್ರತಿಯೊಂದೂ ಷೇರಿಗೆ 2.14 ಕೋಟಿ ರೂ.ಗಳಿಗಿಂತ ಹೆಚ್ಚು ಮೌಲ್ಯದ್ದು ಎಂದು ತೋರಿಸಿದೆ. ಅದರ ಒಟ್ಟು ಮೊತ್ತವು 28,17,41,29,408 ರೂ.ಗಳಷ್ಟು ಎಂದು ಅಲ್ಲಿ ಪ್ರದರ್ಶಿತವಾಗುತ್ತಿತ್ತು.
ವಿನೋದ ಡೋಂಗ್ಲೆ ಅವರು,ಒಂದು ಕ್ಷಣ ತಮ್ಮ ಜೀವನ ಶಾಶ್ವತವಾಗಿ ಬದಲಾಯಿತು ಎಂದು ಭಾವಿಸಿದರು. ತಮಗೆ “ಭೂಮಿಯ ಮೇಲಿನ ಪ್ರತಿಯೊಂದು ಲಾಟರಿಯನ್ನು ಗೆದ್ದಂತೆ ಭಾಸವಾಯಿತು” ಎಂದು ಹೇಳಿ ಅವರು ನಕ್ಕಿದ್ದಾರೆ.
ದುರದೃಷ್ಟವಶಾತ್, ಈ ಕನಸು ಹೆಚ್ಚು ಕಾಲ ಉಳಿಯಲಿಲ್ಲ. ಕೆಲವೇ ನಿಮಿಷಗಳಲ್ಲಿ, ನಿಗೂಢ ಮೌಲ್ಯಮಾಪನವು ತನ್ನನ್ನು ತಾನೇ ಸರಿಪಡಿಸಿಕೊಂಡು, ಅವರ ಖಾತೆಯನ್ನು ಅದರ ನಿಯಮಿತ ಬ್ಯಾಲೆನ್ಸ್ಗೆ ಮರಳಿ ತಂದಿತು. ಖಾತೆಯಲ್ಲಿನ ತಾಂತ್ರಿಕ ದೋಷವು ಅವರನ್ನು ಕೆಲವೇ ಕ್ಷಣಗಳಿಗೆ ಶತಕೋಟ್ಯಧಿಪತಿಯಾಗಿ ಆಗಿ ಪರಿವರ್ತಿಸಿತ್ತು, ನಂತರ ವಾಸ್ತವವು ಮತ್ತೆ ಮರಳಿ ಬಂದಿತು.
ಅಂತಹ ದೋಷ ಹೇಗೆ ಸಂಭವಿಸಬಹುದು?
ದೋಷದ ನಿಖರವಾದ ಕಾರಣ ಸ್ಪಷ್ಟವಾಗಿಲ್ಲವಾದರೂ, ಸಿಸ್ಟಂನ ತಾತ್ಕಾಲಿಕ ಅಸಮರ್ಪಕ ಕಾರ್ಯಗಳು ಅಥವಾ ಸ್ಟಾಕ್ ಮಾರುಕಟ್ಟೆ ಡೇಟಾಬೇಸ್ಗಳಲ್ಲಿನ ಡೇಟಾ ಹೊಂದಾಣಿಕೆಯಲ್ಲಿ ಆಗುವ ವ್ಯತ್ಯಾಸಗಳ ಕಾರಣದಿಂದ ಇಂತಹ ಘಟನೆಗಳು ಸಂಭವಿಸಬಹುದು ಎಂದು ಹಣಕಾಸು ತಜ್ಞರು ಹೇಳುತ್ತಾರೆ. ಸಾಂದರ್ಭಿಕವಾಗಿ, ಅಲ್ಗಾರಿದಮಿಕ್ ದೋಷಗಳಿಂದಾಗಿ ಇಂತಹ ತಪ್ಪು ಪ್ರದರ್ಶಿತವಾಗಬಹುದು. ವಿನೋದ ಡೊಂಗ್ಲೆಯಂತಹ ಸಾಮಾನ್ಯ ಜನರನ್ನು ಕೆಲವು ಸೆಕೆಂಡುಗಳ ಕಾಲ “ಡಿಜಿಟಲ್ ಬಿಲಿಯನೇರ್ಗಳು” ಆಗಿ ಪರಿವರ್ತಿಸುತ್ತದೆ.
ಒಂದು ಕ್ಷಣ ಬಿಲಿಯನೇರ್
ಕೊನೆಯಲ್ಲಿ, ವಿನೋದ್ ಡಾಂಗಲ್ ಶತಕೋಟಿಗಳನ್ನು ಇಟ್ಟುಕೊಂಡಿಲ್ಲದಿರಬಹುದು, ಆದರೆ ಅವರ ಕಥೆಯು ಇತ್ತೀಚಿನ ದಿನಗಳಲ್ಲಿ ಅತ್ಯಂತ ಮೋಜಿನ ದೋಷಗಳಲ್ಲಿ ಒಂದಾಗಿ ನೆನಪಿನಲ್ಲಿ ಉಳಿಯುತ್ತದೆ. ಸ್ವಲ್ಪ ಸಮಯದವರೆಗೆ, ತಂತ್ರಜ್ಞಾನವು ಅವರನ್ನು ಕೋಟ್ಯಾಧಿಪತಿಯನ್ನಾಗಿ ಮಾಡಿತು, ಡಿಜಿಟಲ್ ಯುಗದಲ್ಲಿ, ಖಾತೆಯ ದೋಷವೂ ಸಹ ಸಾಮಾನ್ಯ ದಿನವನ್ನು ಮರೆಯಲಾಗದ ದಿನವನ್ನಾಗಿ ಮಾಡುತ್ತದೆ ಎಂದು ಸಾಬೀತುಪಡಿಸಿತು.
ನಿಮ್ಮ ಕಾಮೆಂಟ್ ಬರೆಯಿರಿ