ಹಿಂದೆ ನಡೆದ ಹಲವು ಜಾಗತಿಕ ವಿದ್ಯಮಾನಗಳನ್ನು ನಿಖರವಾಗಿ ಊಹಿಸಿದ್ದ ಬಾಲ್ಕನ್ ನಾಸ್ಟ್ರಾಡಾಮಸ್ ಎಂದೇ ಖ್ಯಾತರಾದ ಬಾಬಾ ವಂಗಾ ಎಂಬ ಅತಿಂದ್ರೀಯ ಮಹಿಳೆ, 2026ನೇ ವರ್ಷದ ಬಗ್ಗೆ ಅತ್ಯಂತ ಭಯಾನಕ ಭವಿಷ್ಯ ನುಡಿದಿದ್ದಾರೆ. ಇವರ ಅನುಯಾಯಿಗಳ ಪ್ರಕಾರ, 2026ರಲ್ಲಿ ಜಗತ್ತು ಆಮೂಲಾಗ್ರ ಬದಲಾವಣೆಗೆ ಸಾಕ್ಷಿಯಾಗಲಿದೆ.
ಮೂರನೇ ಮಹಾಯುದ್ಧದ ಭೀತಿ (World War III)
ಬಾಬಾ ವಂಗಾ ಅವರ ಪ್ರಕಾರ, 2026ರಲ್ಲಿ ಜಗತ್ತು ದೊಡ್ಡ ಯುದ್ಧಕ್ಕೆ ಸಾಕ್ಷಿಯಾಗಲಿದೆ. ಪೂರ್ವದಲ್ಲಿ ಆರಂಭವಾಗುವ ಈ ಯುದ್ಧವು ಪಶ್ಚಿಮ ದೇಶಗಳ ವಿನಾಶಕ್ಕೆ ಕಾರಣವಾಗಬಹುದು. ಈ ಯುದ್ಧದ ನಂತರ ರಷ್ಯಾದ ನಾಯಕ ವಿಶ್ವದ ಅತ್ಯಂತ ಶಕ್ತಿಶಾಲಿ ನಾಯಕನಾಗಿ ಹೊರಹೊಮ್ಮಲಿದ್ದಾರೆ ಮತ್ತು “ಜಗದ ಒಡೆಯ” (Lord of the World) ಆಗಲಿದ್ದಾರೆ ಎಂದು ಅವರು ಭವಿಷ್ಯ ನುಡಿದಿದ್ದಾರೆ. ಇದನ್ನು ವಿಶ್ಲೇಷಕರು ಅಧ್ಯಕ್ಷ ವ್ಲಾದಿಮಿರ್ ಪುತಿನ್ ಎಂದು ಊಹಿಸಿದ್ದಾರೆ.
ಸದ್ಯದ ರಷ್ಯಾ-ಉಕ್ರೇನ್ ಸಂಘರ್ಷ, ಇಸ್ರೇಲ್ನ ಬಹುಮುಖಿ ಯುದ್ಧಗಳು ಮತ್ತು ಚೀನಾ-ತೈವಾನ್ ನಡುವಿನ ಉದ್ವಿಗ್ನತೆಯು ಈ ಮಹಾಯುದ್ಧಕ್ಕೆ ನಾಂದಿ ಹಾಡಬಹುದು ಎಂದು ವಿಶ್ಲೇಷಿಸಲಾಗುತ್ತಿದೆ. ಅಮೆರಿಕ ಅಧ್ಯಕ್ಷ ಟ್ರಂಪ್ ಅವರು ರಷ್ಯಾ ಮೇಲೆ ಒತ್ತಡ ಹೇರಿದರೂ ಪರಿಸ್ಥಿತಿ ಹತೋಟಿಗೆ ಬರುತ್ತಿಲ್ಲ ಎಂಬುದು ಗಮನಾರ್ಹ ಅಂಶ.
ಭೂಮಿಗೆ ಬರಲಿದ್ದಾರೆ ಏಲಿಯನ್ಗಳು (Alien Contact)
ಬಾಬಾ ವಂಗಾ ಅವರ ಭವಿಷ್ಯದಂತೆ, 2026ರಲ್ಲಿ ಮನುಕುಲವು ಮೊದಲ ಬಾರಿಗೆ ಅನ್ಯಗ್ರಹ ಜೀವಿಗಳೊಂದಿಗೆ (Aliens) ಅಧಿಕೃತವಾಗಿ ಸಂಪರ್ಕ ಸಾಧಿಸಲಿದೆ.
2026ರ ನವೆಂಬರ್ ತಿಂಗಳಲ್ಲಿ ಬೃಹತ್ ಅನ್ಯಗ್ರಹ ನೌಕೆಯೊಂದು ಭೂಮಿಗೆ ಬರಲಿದೆ ಎಂದು ಅವರು ಊಹಿಸಿದ್ದಾರೆ. 2025ರಲ್ಲಿ ಕ್ರೀಡಾಕೂಟವೊಂದರ ವೇಳೆ ಏಲಿಯನ್ಗಳ ಸಂಪರ್ಕವಾಗಲಿದೆ ಎಂದು ಅವರು ಈ ಹಿಂದೆ ಹೇಳಿದ್ದರು, ಅದರ ಮುಂದುವರಿದ ಭಾಗವಾಗಿ 2026ರ ಭವಿಷ್ಯವನ್ನು ನೋಡಲಾಗುತ್ತಿದೆ. ನವೆಂಬರ್ 2026 ರಲ್ಲಿ ಭೂಮಿಗೆ ದೊಡ್ಡ ಬಾಹ್ಯಾಕಾಶ ನೌಕೆ ಆಗಮಿಸುತ್ತದೆ. ಇದು ಭೂವಾಸಿಗಳು ಮತ್ತು ಅನ್ಯಗ್ರಹ ಜೀವಿಗಳ ನಡುವಿನ ಮೊದಲ ಅಧಿಕೃತ ಸಂಪರ್ಕವಾಗಿರುತ್ತದೆ ಎಂದು ಅವರು ಹೇಳಿದರು. ಆದಾಗ್ಯೂ, ಈ ಭವಿಷ್ಯವಾಣಿಯು ಅಸಂಭವವೆಂದು ಹಲವರು ಹೇಳಿದ್ದಾರೆ.
ಪ್ರಾಕೃತಿಕ ವಿಕೋಪಗಳು ಮತ್ತು ಹವಾಮಾನ ವೈಪರೀತ್ಯ
ಹವಾಮಾನ ಬದಲಾವಣೆಯು 2026ರಲ್ಲಿ ಜಗತ್ತಿಗೆ ಭಾರೀ ಹೊಡೆತ ನೀಡಲಿದೆ. ಭೂಕಂಪಗಳು ಮತ್ತು ಜ್ವಾಲಾಮುಖಿ ಸ್ಫೋಟಗಳಿಂದಾಗಿ ಭೂಮಿಯ ಒಟ್ಟು ಭೂಭಾಗದ ಶೇ. 7 ರಿಂದ 8 ರಷ್ಟು ಭಾಗ ಬದಲಾಗಬಹುದು ಅಥವಾ ನಾಶವಾಗಬಹುದು. ಇದು ಸಂಪೂರ್ಣ ಪರಿಸರ ವ್ಯವಸ್ಥೆಯನ್ನು ಅಸ್ತವ್ಯಸ್ತಗೊಳಿಸಲಿದೆ.
ಕೃತಕ ಬುದ್ಧಿಮತ್ತೆ (AI) ಮತ್ತು ತಂತ್ರಜ್ಞಾನದ ಅಧಿಪತ್ಯ
ಮನುಷ್ಯನ ದಿನನಿತ್ಯದ ಬದುಕನ್ನು ತಂತ್ರಜ್ಞಾನ ಸಂಪೂರ್ಣವಾಗಿ ಆವರಿಸಿಕೊಳ್ಳಲಿದೆ. 2026ರಲ್ಲಿ ಕೃತಕ ಬುದ್ಧಿಮತ್ತೆಯು (AI) ಮನುಷ್ಯರ ಉದ್ಯೋಗ, ವೈಯಕ್ತಿಕ ಸಂಬಂಧಗಳು ಮತ್ತು ದೈನಂದಿನ ಚಟುವಟಿಕೆಗಳನ್ನು ನಿಯಂತ್ರಿಸಲು ಪ್ರಾರಂಭಿಸುತ್ತದೆ ಎಂದು ಹೇಳಿರುವ ಅವರು, ಕೃತಕ ಬುದ್ಧಿಮತ್ತೆಯ ಏರಿಕೆಯನ್ನು ಅದು ಮನುಷ್ಯರನ್ನು ನಿಯಂತ್ರಿಸಲು ಪ್ರಾರಂಭಿಸುವ ಮಟ್ಟಕ್ಕೆ ತಲುಪುವ ಮುನ್ಸೂಚನೆ ನೀಡಿದ್ದಾರೆ ಎಂದು ಹೇಳಲಾಗುತ್ತದೆ. ಇದು ಹಲವಾರು ಉದ್ಯೋಗಗಳಿಗೆ ಹಾನಿ ಮಾಡುತ್ತದೆ, ವೈಯಕ್ತಿಕ ಸಂಬಂಧಗಳ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ಮಾನವನ ಮೂಲಭೂತ ದಿನಚರಿಗಳವರೆಗೆ ಎಲ್ಲವೂ AI ನಿಂದ ಪ್ರಭಾವಿತವಾಗಿರುತ್ತದೆ ಎಂದು ಊಹಿಸಲಾಗಿದೆ.
ಲೆಸ್ ಪ್ರೊಫೆಟೀಸ್ ಎಂಬ ಪುಸ್ತಕದಿಂದ ಪ್ರಸಿದ್ಧರಾದ ಫ್ರೆಂಚ್ ಜ್ಯೋತಿಷಿ ನಾಸ್ಟ್ರಾಡಾಮಸ್ ಕೂಡ ತಂತ್ರಜ್ಞಾನದ ಬಗ್ಗೆ ಇದೇ ರೀತಿಯ ಭಯಾನಕ ಭವಿಷ್ಯ ನುಡಿದಿದ್ದಾರೆ ಎಂದು ಹೇಳಲಾಗುತ್ತದೆ. 2026 ರಲ್ಲಿ AI ಜಗತ್ತನ್ನು ಆಕ್ರಮಿಸಿಕೊಳ್ಳುತ್ತದೆ ಎಂದು ಅವರು ಬರೆದಿದ್ದಾರೆ.
ಫ್ರೆಂಚ್ ಜ್ಯೋತಿಷಿ ನಾಸ್ಟ್ರಾಡಾಮಸ್ ಕೂಡ 2026ರಲ್ಲಿ ತಂತ್ರಜ್ಞಾನವು ಜಗತ್ತನ್ನು ಆಳಲಿದೆ ಎಂದು ಇದೇ ರೀತಿಯ ಮುನ್ಸೂಚನೆ ನೀಡಿದ್ದಾರೆ ಎಂದು ವಿಶ್ಲೇಷಿಸಲಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ