ನ್ಯೂಯಾರ್ಕ್: ಗುರುವಾರ ನ್ಯೂಯಾರ್ಕ್‌ನ ಹಡ್ಸನ್ ನದಿಗೆ ಪ್ರವಾಸಿ ಹೆಲಿಕಾಪ್ಟರ್ ಅಪಘಾತಕ್ಕೀಡಾಗಿ ಮೂವರು ಮಕ್ಕಳು ಸೇರಿದಂತೆ ಐವರು ಸ್ಪ್ಯಾನಿಷ್ ಪ್ರವಾಸಿಗರ ಕುಟುಂಬ ಸೇರಿ ಆರು ಜನ ಸಾವಿಗೀಡಾಗಿದ್ದಾರೆ.
ಸಾಮಾಜಿಕ ಮಾಧ್ಯಮಗಳಲ್ಲಿನ ವೀಡಿಯೊಗಳು – ಬೆಲ್ 206 – ಹೆಲಿಕಾಪ್ಟರ್‌ನ ಭಾಗಗಳು – ನ್ಯೂಜೆರ್ಸಿಯ ಜೆರ್ಸಿ ನಗರದ ಕರಾವಳಿಯ ಬಳಿ ಗಾಳಿಯಲ್ಲಿ ನೀರಿಗೆ ಬೀಳುತ್ತಿರುವುದನ್ನು ತೋರಿಸಿವೆ.
ಪೈಲಟ್ ಜೊತೆಗೆ, ಸೀಮೆನ್ಸ್ ಕಾರ್ಯನಿರ್ವಾಹಕ ಅಧಿಕಾರಿ ಅಗಸ್ಟಿನ್ ಎಸ್ಕೋಬಾರ್, ಅವರ ಪತ್ನಿ ಮರ್ಸೆ ಕ್ಯಾಂಪ್ರುಬಿ ಮಾಂಟಲ್ ಮತ್ತು ಮೂವರು ಮಕ್ಕಳು ಮೃತರಲ್ಲಿ ಸೇರಿದ್ದಾರೆ ಎಂದು ತನಿಖೆಯ ಬಗ್ಗೆ ಮಾಹಿತಿ ನೀಡಿದ ವ್ಯಕ್ತಿಯೊಬ್ಬರು ಸುದ್ದಿ ಸಂಸ್ಥೆ ಎಪಿ (AP)ಗೆ ತಿಳಿಸಿದ್ದಾರೆ.
ಹೆಲಿಕಾಪ್ಟರ್ ಗುರುವಾರ ಸ್ಥಲೀಯ ಕಾಲಮಾನ ಮಧ್ಯಾಹ್ನ 3 ಗಂಟೆ ಸುಮಾರಿಗೆ ಡೌನ್‌ಟೌನ್ ಸ್ಕೈಪೋರ್ಟ್‌ನಿಂದ ಹೊರಟು ದಕ್ಷಿಣಕ್ಕೆ ಹಾರಿ ಮ್ಯಾನ್‌ಹ್ಯಾಟನ್ ತೀರದ ಜಾರ್ಜ್ ವಾಷಿಂಗ್ಟನ್ ಸೇತುವೆ ಬಳಿಗೆ ಒಯ್ದಿತು ಎಂದು ನ್ಯೂಯಾರ್ಕ್ ನಗರದ ಪೊಲೀಸ್ ಆಯುಕ್ತ ಜೆಸ್ಸಿಕಾ ಟಿಶ್ ತಿಳಿಸಿದ್ದಾರೆ.
ನಂತರ ಅದು ಡೌನ್‌ಟೌನ್ ಮ್ಯಾನ್‌ಹ್ಯಾಟನ್ ಹೆಲಿಪೋರ್ಟ್ ಕಡೆಗೆ ಹಿಂತಿರುಗುವಾಗ ನಿಯಂತ್ರಣ ಕಳೆದುಕೊಂಡು ಹೊಬೊಕೆನ್ ಪಿಯರ್ ಬಳಿ ನೀರಿಗೆ ಡಿಕ್ಕಿ ಹೊಡೆದಿದೆ ಎಂದು ಶ್ರೀಮತಿ ಟಿಶ್ ಹೇಳಿದರು.
“ಡೈವರ್‌ಗಳು ಅಪಘಾತದ ಸ್ಥಳದಿಂದ ನಾಲ್ವರನ್ನು ಹೊರತೆಗೆದಿದ್ದಾರೆ, ಮತ್ತು ನಂತರ ಇಬ್ಬರನ್ನು ಹೊರತೆಗೆದಿದ್ದಾರೆ. ಘಟನಾ ಸ್ಥಳದಲ್ಲಿದ್ದ ಹಡಗುಗಳಲ್ಲಿ ಮತ್ತು ಪಕ್ಕದ ಪಿಯರ್‌ನಲ್ಲಿ ತಕ್ಷಣದ ಜೀವರಕ್ಷಕ ಕ್ರಮಗಳನ್ನು ಕೈಗೊಳ್ಳಲಾಯಿತು” ಎಂದು ಅವರು ಹೇಳಿದರು.
“ನಾಲ್ವರು ಸ್ಥಳದಲ್ಲೇ ಸಾವಿಗೀಡಾಗಿದ್ದಾರೆ. ಗಾಯಗೊಂಡಿದ್ದ ಇನ್ನಿಬ್ಬರನ್ನು ಸ್ಥಳೀಯ ಪ್ರದೇಶದ ಆಸ್ಪತ್ರೆಗಳಿಗೆ ಸ್ಥಳಾಂತರಿಸಲಾಯಿತು, ಅಲ್ಲಿ, ಅವರು ಗಾಯಗಳಿಂದಾಗಿ ಬದುಕಿ ಉಳಿಯಲಿಲ್ಲ” ಎಂದು ಪೊಲೀಸ್ ಮುಖ್ಯಸ್ಥರು ಹೇಳಿದರು.
ನ್ಯೂಜೆರ್ಸಿಯ ಹೊಬೊಕೆನ್‌ನಲ್ಲಿರುವ ನದಿಯ ಉದ್ದಕ್ಕೂ ಇರುವ ರೆಸ್ಟೋರೆಂಟ್‌ನಲ್ಲಿರುವ ಒಬ್ಬ ಹೊಸ್ಟೆಸ್, ಹೆಲಿಕಾಪ್ಟರ್ ಅನಿಯಂತ್ರಿತವಾಗಿ ತಿರುಗುತ್ತಿದ್ದು, “ಹೊಗೆಯ ಗುಂಪೇ ಹೊರಬರುತ್ತಿತ್ತು, ನಂತರ ಅದು ನೀರಿಗೆ ಅಪ್ಪಳಿಸಿತು ಎಂದು ಎಪಿಗೆ ತಿಳಿಸಿದರು,
ಹೆಲಿಕಾಪ್ಟರ್‌ನ ರೋಟರ್ ಬ್ಲೇಡ್ “ಆಕಾಶದಲ್ಲಿ ಛಿದ್ರಗೊಂಡಂತೆ” ಕಾಣಿಸಿಕೊಂಡಿದೆ, ಮತ್ತು ಅದು ಛಿದ್ರಗೊಂಡ ನಂತರ, ನಾವು ಹೆಲಿಕಾಪ್ಟರ್ ಸುರುಳಿಯಾಕಾರದಲ್ಲಿ ಸುತ್ತಿದ್ದನ್ನು ಕಂಡಿದ್ದೇವೆ… ಮತ್ತು ನಂತರ ಅದು ಹಾಗೆಯೇ ನೀರಿಗೆ ಅಪ್ಪಳಿಸಿತು” ಎಂದು ಎಂದು ಮತ್ತೊಬ್ಬ ಪ್ರತ್ಯಕ್ಷದರ್ಶಿ ಹೇಳಿದರು.
ನಿಮ್ಮ ಕಾಮೆಂಟ್ ಬರೆಯಿರಿ