ತನ್ನ ಸಿಂಗಲ್-ಡೋಸ್ ಕೋವಿಡ್ ಲಸಿಕೆ ಡೆಲ್ಟಾ ರೂಪಾಂತರದ ವಿರುದ್ಧ ಭರವಸೆ ಚಿಹ್ನೆ ತೋರಿಸಿದೆ, ಕನಿಷ್ಠ 8 ತಿಂಗಳು ಇರುತ್ತದೆ ಎಂದ ಜಾನ್ಸನ್ ಮತ್ತು ಜಾನ್ಸನ್

ನ್ಯೂಜೆರ್ಸಿ: ಜಾನ್ಸನ್ ಮತ್ತು ಜಾನ್ಸನ್ ಗುರುವಾರ (ಸ್ಥಳೀಯ ಸಮಯ) ತನ್ನ ಸಿಂಗಲ್-ಶಾಟ್ ಕೋವಿಡ್‌-19 ಲಸಿಕೆ ಅಮೆರಿಕ ಮತ್ತು ಇತರ ದೇಶಗಳಲ್ಲಿ ವೇಗವಾಗಿ ಹರಡುತ್ತಿರುವ ಡೆಲ್ಟಾ ರೂಪಾಂತರದ ವಿರುದ್ಧ ರಕ್ಷಣೆಯ ಭರವಸೆ ಚಿಹ್ನೆಗಳನ್ನು ತೋರಿಸಿದೆ ಎಂದು ಸಣ್ಣ ಪ್ರಯೋಗಾಲಯ ಅಧ್ಯಯನದಲ್ಲಿ ಪ್ರಕಟಿಸಿದೆ.
ಕಂಪನಿಯ ವರದಿಯ ಪ್ರಕಾರ, ಲಸಿಕೆ ವೇಗವಾಗಿ ಹರಡುವ ಡೆಲ್ಟಾ ರೂಪಾಂತರ ಮತ್ತು ಇತರ ಹೆಚ್ಚು ಪ್ರಚಲಿತದಲ್ಲಿರುವ SARS-CoV-2 ವೈರಲ್ ರೂಪಾಂತರಗಳ ವಿರುದ್ಧ ಬಲವಾದ, ನಿರಂತರ ಪ್ರತಿಕ್ರಿಯೆ ಉಂಟುಮಾಡಿದೆ. ಹೆಚ್ಚುವರಿಯಾಗಿ, ಪ್ರತಿರಕ್ಷಣಾ ಪ್ರತಿಕ್ರಿಯೆಯ ಬಾಳಿಕೆ ಕನಿಷ್ಠ ಎಂಟು ತಿಂಗಳುಗಳ ವರೆಗೆ ಇರುತ್ತದೆ ಎಂದು ಡೇಟಾ ತೋರಿಸಿದೆ,
ಇಲ್ಲಿಯವರೆಗೆ ಮೌಲ್ಯಮಾಪನ ಮಾಡಿದ ಸಮಯ. ಎರಡುಪೂರ್ವ ಮುದ್ರಣ ಅಧ್ಯಯನದ ಸಾರಾಂಶಗಳನ್ನು ಇಂದು ಜೀವ ವಿಜ್ಞಾನಗಳಿಗೆ ಲಾಭರಹಿತ ಪ್ರಿಪ್ರಿಂಟ್ ಸರ್ವರ್ ಬಯೋ ಆರ್‌ಕ್ಸಿವ್‌ (bioRxiv)ಗೆ ಸಲ್ಲಿಸಲಾಗಿದೆ. ಹೊಸದಾಗಿ ಘೋಷಿಸಲಾದ ಅಧ್ಯಯನಗಳು ಜಾಗತಿಕವಾಗಿ ಜನರ ಆರೋಗ್ಯವನ್ನು ರಕ್ಷಿಸಲು ಸಹಾಯ ಮಾಡುವ ಜಾನ್ಸನ್ ಮತ್ತು ಜಾನ್ಸನ್ ಕೋವಿಡ್‌-19 ಲಸಿಕೆಯ ಸಾಮರ್ಥ್ಯವನ್ನು ಬಲಪಡಿಸುತ್ತದೆ “ಎಂದು ಕಾರ್ಯಕಾರಿ ಸಮಿತಿಯ ಉಪಾಧ್ಯಕ್ಷ ಮತ್ತು ಜಾನ್ಸನ್ ಮತ್ತು ಜಾನ್ಸನ್‌ನ ಮುಖ್ಯ ವೈಜ್ಞಾನಿಕ ಅಧಿಕಾರಿ ಪಾಲ್ ಸ್ಟೋಫೆಲ್ಸ್ ಹೇಳಿದ್ದಾರೆ.
ನಮ್ಮ ಲಸಿಕೆ ಕೋವಿಡ್‌-19 ರ ವಿರುದ್ಧ ಬಾಳಿಕೆ ಬರುವ ರಕ್ಷಣೆಯನ್ನು ನೀಡುತ್ತದೆ ಮತ್ತು ಡೆಲ್ಟಾ ರೂಪಾಂತರದ ವಿರುದ್ಧ ತಟಸ್ಥಗೊಳಿಸುವ ಪ್ರತಿಕ್ರಿಯೆ ನೀಡುತ್ತದೆ ಎಂದು ನಾವು ನಂಬುತ್ತೇವೆ. ಇದು ನಮ್ಮ ಒಂದೇ ಡೊಸ್‌ ಲಸಿಕೆಯ ಅನೇಕ ವಿಭಿನ್ನ ಕಾಳಜಿಗಳಿಂದ ರಕ್ಷಿಸುವ ಸಾಮರ್ಥ್ಯವನ್ನು ಬೆಂಬಲಿಸುವ ಕ್ಲಿನಿಕಲ್ ಡೇಟಾಕ್ಕೆ ಸೇರಿಸುತ್ತದೆ” ಎಂದು ಸ್ಟಾಫೆಲ್ಸ್‌ ಹೇಳಿದ್ದಾರೆ.
ಜಾನ್ಸನ್ ಮತ್ತು ಜಾನ್ಸನ್, ಜಾನ್ಸ್‌ನ್ ರಿಸರ್ಚ್ & ಡೆವಲಪ್‌ಮೆಂಟ್‌ನ ಗ್ಲೋಬಲ್ ಮುಖಯಸ್ಥ ಹಾಗೂ ವ್ಯವಸ್ಥಾಪಕ ನಿರ್ದೇಶಕ ಮಥೈ ಮಾಮೆನ್ , ಇಲ್ಲಿಯವರೆಗೆ ಅಧ್ಯಯನ ಮಾಡಿದ ಎಂಟು ತಿಂಗಳ ಪ್ರಸ್ತುತ ಮಾಹಿತಿಯು ಸಿಂಗಲ್-ಡೋಸ್‌ ಜಾನ್ಸನ್ ಮತ್ತು ಜಾನ್ಸನ್ ಕೋವಿಡ್‌-19 ಲಸಿಕೆ ಬಲವಾದ ತಟಸ್ಥಗೊಳಿಸುವ ಪ್ರತಿಕಾಯ ಪ್ರತಿಕ್ರಿಯೆಯನ್ನು ಉತ್ಪಾದಿಸುತ್ತದೆ ಎಂದು ತೋರಿಸುತ್ತದೆ. ಅದು ಕ್ಷೀಣಿಸುವುದಿಲ್ಲ; ಬದಲಿಗೆ, ಕಾಲಾನಂತರದಲ್ಲಿ ನಾವು ಸುಧಾರಣೆಯನ್ನು ಗಮನಿಸುತ್ತೇವೆ. ಇದಲ್ಲದೆ, ನಿರಂತರ ಮತ್ತು ನಿರ್ದಿಷ್ಟವಾಗಿ ದೃಢವಾದ, ಹೆಚ್ಚುಕಾಲ ಇರುವ ಸೆಲ್ಯುಲಾರ್ ಪ್ರತಿರಕ್ಷಣಾ ಪ್ರತಿಕ್ರಿಯೆಯನ್ನು ನಾವು ಗಮನಿಸುತ್ತೇವೆ ಎಂದು ಹೇಳಿದ್ದಾರೆ.
ಪ್ರತಿ ಹೊಸ ಡೇಟಾಸೆಟ್‌ನೊಂದಿಗೆ, ಸಾಂಕ್ರಾಮಿಕ ರೋಗವನ್ನು ಕೊನೆಗೊಳಿಸುವಲ್ಲಿ ನಮ್ಮ ಸಿಂಗಲ್-ಡೋಸ್‌ ಕೋವಿಡ್‌-19 ಲಸಿಕೆ ನಿರ್ಣಾಯಕ ಪಾತ್ರ ವಹಿಸುತ್ತದೆ ಎಂಬುದಕ್ಕೆ ನಮ್ಮ ದೃಢವಾದ ಆಧಾರವನ್ನು ನಾವು ಕೊಡುತ್ತೇವೆ, ಕೋವಿಡ್‌-19 ವಿಕಸನಗೊಳ್ಳುತ್ತಲೇ ಇದೆ ಮತ್ತು ಜಾಗತಿಕ ಆರೋಗ್ಯಕ್ಕೆ ಹೊಸ ಸವಾಲುಗಳನ್ನು ಒಡ್ಡುತ್ತದೆ” ಎಂದು ಮಾಮೆನ್ ಹೇಳಿದರು.
ಜಾನ್ಸನ್ ಮತ್ತು ಜಾನ್ಸನ್ ಸಿಂಗಲ್-ಡೋಸ್‌ ಕೋವಿಡ್‌-19 ಲಸಿಕೆಯಿಂದ ಉತ್ಪತ್ತಿಯಾಗುವ ಹ್ಯೂಮರಲ್ ಮತ್ತು ಸೆಲ್ಯುಲಾರ್ ರೋಗನಿರೋಧಕ ಪ್ರತಿಕ್ರಿಯೆಗಳು ಕನಿಷ್ಠ ಎಂಟು ತಿಂಗಳವರೆಗೆ ಇರುತ್ತದೆ ಎಂದು ಡೇಟಾ ತೋರಿಸಿದೆ ಎಂದು ಕಂಪನಿ ಹೇಳಿದೆ.
ಲಸಿಕೆ ಈಗ ಅನೇಕ ಪ್ರದೇಶಗಳು ಮತ್ತು ದೇಶಗಳಲ್ಲಿ ತುರ್ತು ಸಾಂಕ್ರಾಮಿಕ ಅವಧಿಯಲ್ಲಿ ಲಾಭರಹಿತ ಆಧಾರದ ಮೇಲೆ ಲಭ್ಯವಿದೆ. ಇದು ಫೆಬ್ರವರಿ 27 ರಂದು ಯುಅಮೆರಿಕದಲ್ಲಿ ತುರ್ತು ಬಳಕೆ ದೃಢೀಕರಣ (ಇಯುಎ) ಮತ್ತು ಮಾರ್ಚ್ 11 ರಂದು ಯುರೋಪಿಯನ್ ಕಮಿಷನ್ ಷರತ್ತುಬದ್ಧ ಮಾರ್ಕೆಟಿಂಗ್ ಆಥರೈಜೇಶನ್ (ಸಿಎಂಎ) ಅನ್ನು ಪಡೆದುಕೊಂಡಿತು.

ಮೇಲಿನ ಸುದ್ದಿಗೆ ರೇಟಿಂಗ್ ನೀಡಿ

5 / 5. ಒಟ್ಟು ವೋಟುಗಳು 1

ನಿಮ್ಮ ಕಾಮೆಂಟ್ ಬರೆಯಿರಿ