ಅಂತಾರಾಷ್ಟ್ರೀಯ ಮಹಿಳಾ ಕ್ರಿಕೆಟ್‍: ಫೀಲ್ಡಿಂಗ್ ಮಾಡಿದ ನಾಯಿಗೆ ಐಸಿಸಿ ಪುರಸ್ಕಾರ..! ವಿಡಿಯೋ ವೀಕ್ಷಿಸಿ

ದುಬೈ: ಕ್ರಿಕೆಟ್ ಅಂಗಳದಲ್ಲಿ ಆಟಗಾರರ ವಿಶೇಷ ಸಾಧನೆಗೆ ಅಂತರಾಷ್ಟ್ರೀಯ ಕ್ರಿಕೆಟ್ ಮಂಡಳಿ(ಐಸಿಸಿ) ಪುರಸ್ಕಾರ ನೀಡುವುದು ಗೊತ್ತಿದೆ. ಆದರೆ ಐಸಿಸಿ ಈಗ ಕ್ರಿಕೆಟ್ ಆಟದ ವೇಳೆ ಫೀಲ್ಡಿಂಗ್ ಮಾಡಿದ ಶ್ವಾನವೊಂದಕ್ಕೆ ವಿಶೇಷವಾಗಿ ಡಾಗ್ ಆಫ್ ದಿ ಮಂತ್ ಎಂಬ ಬಿರುದು ನೀಡಿದೆ..!
ಕ್ರಿಕೆಟ್ ನಡೆಯುತ್ತಿರುವಾಗ ಅಭಿಮಾನಿಗಳು ಕ್ರಿಕೆಟ್ ಅಂಗಳಕ್ಕೆ ಲಗ್ಗೆ ಇಡುವುದನ್ನು ನೋಡಿದ್ದೇವೆ. ಆದರೆ ಉತ್ತರ ಐರ್ಲೆಂಡಿನ ಮಗೇರಮೆಸಾನ್‍ನಲ್ಲಿರುವ ಬ್ರೆಡಿ ಕ್ರಿಕೆಟ್ ಕ್ಲಬ್ ಮೈದಾನದಲ್ಲಿ ಬ್ರೆಡಿ ಮತ್ತು ಸಿಎಸ್‍ಎನ್‍ಐ ಮಹಿಳಾ ತಂಡಗಳ ನಡುವೆ ಆಲ್ ಐರ್ಲೆಂಡ್ ಟಿ-20 ಕಪ್ ಟೂರ್ನಿಯ ಸೆಮಿಫೈನಲ್ ಪಂದ್ಯ ನಡೆಯುವಾಗ ನಾಯಿ ಬಾಲ್‌ ಹಿಡಿದಿದೆ..!

ಈ ವೇಳೆ ಬ್ಯಾಟಿಂಗ್ ಮಾಡುತ್ತಿದ್ದ ಅಬ್ಬಿ ಲೆಖಿ ಚೆಂಡನ್ನು ಆಫ್ ಸೈಡ್‍ಗೆ ಹೊಡೆದ್ದಾರೆ. ತಕ್ಷಣ ಫೀಲ್ಡರ್ ರನ್ ಔಟ್ ಮಾಡಲು ಚೆಂಡನ್ನು ವಿಕೆಟ್ ಕೀಪರ್ ಕೈಗೆ ಎಸೆದಿದ್ದಾರೆ. ಕೀಪರ್ ರನ್ ಔಟ್ ಮಾಡುವ ಬರದಲ್ಲಿ ಎಸೆದ ಚೆಂಡು ಗುರಿ ತಪ್ಪಿ ಮೈದಾನದ ಮತ್ತೊಂದು ಭಾಗಕ್ಕೆ ಹೋಗಿದೆ. ಇದನ್ನು ಕಂಡ ಸ್ಟೇಡಿಯಂನಲ್ಲಿದ್ದ ಶ್ವಾನವೊಂದು ಮೈದಾನಕ್ಕೆ ನುಗ್ಗಿದೆ. ದೌಡಾಯಿಸಿ ಬಂದ ನಾಯಿ ಚೆಂಡನ್ನು ಬಾಯಿಯಿಂದ ಹಿಡಿದು ಮೈದಾನದಲ್ಲಿ ಸುತ್ತ ಓಡಲು ಪ್ರಾರಂಭಿಸಿದೆ. ಈ ವೇಳೆ ಫೀಲ್ಡರ್ ಗಳು ಮತ್ತು ಶ್ವಾನದ ಮಾಲೀಕ ಅದನ್ನು ಹಿಡಿಯುವ ಪ್ರಯತ್ನ ಮಾಡಿದರೂ ಅವರಿಗೆ ಸಿಗಲಿಲ್ಲ. ಕೊನೆಗೆ ನಾಯಿ ನಾನ್ ಸ್ಟ್ರೈಕರ್ ನಲ್ಲಿದ್ದ ಅಯೋಫೆ ಫಿಶರ್ ಅವರ ಬಳಿ ಬಂದು ಚೆಂಡನ್ನು ಅವರಿಗೆ ನೀಡಿತು. ನೋಡುಗರನ್ನು ಭರಪೂರ ಮನರಂಜಿಸಿತು.
ಈ ಸ್ವಾರಸ್ಯಕರ ಘಟನೆಗೆ ಶ್ವಾನ ಪ್ರಿಯರು ಖುಷಿ ಹಂಚಿಕೊಂಡಿದ್ದರು. ಇದನ್ನು ಗಮನಿಸಿದ್ದ ಐಸಿಸಿ ಮೈದಾನಕ್ಕಿಳಿದು ಅದ್ಭುತವಾದ ಫೀಲ್ಡಿಂಗ್ ನಡೆಸಿದ ಶ್ವಾನಕ್ಕೆ ಐಸಿಸಿ ಡಾಗ್ ಆಫ್ ದಿ ಮಂತ್ ಪುರಸ್ಕಾರ ನೀಡಲಾಗುವುದು ಎಂದು ಟ್ವಿಟ್ಟರ್‍ ನಲ್ಲಿ ಹೇಳಿಕೊಂಡಿದೆ.
ಈ ಶ್ವಾನ ಕೇವಲ ಒಂದು ಕ್ಷಣದಲ್ಲಿ ಪ್ರಶಸ್ತಿಯನ್ನು ತನ್ನ ಮುಡಿಗೇರಿಸಿಕೊಂಡಿದೆ

ಪ್ರಮುಖ ಸುದ್ದಿ :-   ಕೋಟಿಗಟ್ಟಲೆ ಬೆಲೆಗೆ ಮಾರಾಟವಾಗಿ ನೂತನ ದಾಖಲೆ ನಿರ್ಮಿಸಿದ ಭಾರತದ ಮೂಲದ ಈ ತಳಿಯ ಹಸು..! ಬೆಲೆ ಕೇಳಿದ್ರೆ ದಂಗಾಗ್ತೀರಾ...!!

5 / 5. 1

ಶೇರ್ ಮಾಡಿ :

ನಿಮ್ಮ ಕಾಮೆಂಟ್ ಬರೆಯಿರಿ

advertisement