ಕೆನಡಾದ ಒಂಟಾರಿಯೊದಲ್ಲಿ ಹೆದ್ದಾರಿಯ ಮೇಲೆ ನಿರ್ಮಿಸಲಾದ ಪಿಕರಿಂಗ್ ಪಾದಚಾರಿ ಸೇತುವೆ, ಇದುವರೆಗೆ ನಿರ್ಮಿಸಿದ ವಿಶ್ವದ ಅತಿ ಉದ್ದದ ಸುತ್ತುವರಿದ ಪಾದಚಾರಿ ಸೇತುವೆಯಾಗಿದ್ದು, ಹೊಸ ಗಿನ್ನಿಸ್ ದಾಖಲೆ ನಿರ್ಮಿಸಿದೆ.
ಹೆದ್ದಾರಿ 401 ರಲ್ಲಿ ಮೆಟ್ರೊಲಿಂಕ್ಸ್ ನಿರ್ಮಿಸಿದ ಈ ಸೇತುವೆಯು 820 ಅಡಿಗಳ ಉದ್ದ ಹೊಂದಿದೆ. ಇದರ ವಿಸ್ಮಯದ ಉದ್ದವನ್ನು ಇತ್ತೀಚೆಗೆ ಗಿನ್ನೆಸ್‌ನಿಂದ ವಿಶ್ವದ ಅತಿ ಉದ್ದದ ಪಾದಚಾರಿ ಸೇತುವೆ ಎಂದು ಪರಿಶೀಲಿಸಲಾಗಿದೆ.
ಪಿಕರಿಂಗ್ ಗೋ ರೈಲು ನಿಲ್ದಾಣವನ್ನು ಪಿಕರಿಂಗ್ ಟೌನ್ ಕೇಂದ್ರಕ್ಕೆ ಸಂಪರ್ಕಿಸುವ ಇದು ಹೆದ್ದಾರಿಯ 14 ಪಥಗಳು, ಆರು ರೈಲ್ವೆ ಹಳಿಗಳು ಮತ್ತು ಇಡೀ ನಗರದ ರಸ್ತೆಯನ್ನು ವ್ಯಾಪಿಸಿದೆ.
ಮೆಟ್ರೊಲಿಂಕ್ಸ್ ವಕ್ತಾರ ಅನ್ನಿ ಮೇರಿ ಐಕಿನ್ಸ್ ಅವರು ಸೇತುವೆ ಸೆಪ್ಟೆಂಬರ್ 2018 ರಲ್ಲಿ ಪೂರ್ಣಗೊಂಡಿತು. ಆದರೆ ಸಾರಿಗೆ ಸಂಸ್ಥೆ 2020 ರಲ್ಲಿ ಗಿನ್ನೆಸ್ ವಿಶ್ವ ದಾಖಲೆಗೆ ಸ್ಪರ್ಧಿಸಲು ನಿರ್ಧರಿಸಿತು. ಆದಾಗ್ಯೂ, ದಾಖಲೆಗಾಗಿ ಅರ್ಜಿ ಮತ್ತು ಅನುಮೋದನೆ ಪ್ರಕ್ರಿಯೆಯು ಒಂದು ವರ್ಷದ ನಂತರ ಪೂರ್ಣಗೊಂಡಿದೆ.
ನಾವು ಏನಾದರೂ ವಿಶೇಷತೆ ಹೊಂದಿದ್ದೇವೆ ಎಂದು ನಮಗೆ ತಿಳಿದಿತ್ತು ಎಂದು ಐಕಿನ್ಸ್ ಮಾಧ್ಯಮಗಳಿಗೆ ಹೇಳಿದರು.
ಈ ಪಾದಚಾರಿ ಸೇತುವೆ ಅತಿ ಉದ್ದದ ಪಅದಚಾರಿ ಸೇತುವೆ ಅಂತಾರಾಷ್ಟ್ರೀಯ ಹೆಡ್ಲೈನ್ಸ್‌ ಮಾಡಿದ್ದರೆ, ಚೀನಾದ ಜಿಯಾಂಗ್ ಪ್ರಾಂತ್ಯದ ಗಾಜಿನ ಸೇತುವೆ ಜನರನ್ನು ತುಂಬಾ ಗೊಂದಲಕ್ಕೀಡು ಮಾಡಿತು, ಇದು ನಿಜವಲ್ಲ ಎಂದು ಹಲವರು ಭಾವಿಸಿದರು.
ಸೇತುವೆಗೆ ‘ದಿ ರೂಯಿ ಗ್ಲಾಸ್ ಬ್ರಿಡ್ಜ್’ ಎಂದು ಹೆಸರಿಸಲಾಗಿದೆ. ಇದು ನೆಲದಿಂದ 140 ಮೀಟರ್ ಎತ್ತರದಲ್ಲಿದೆ ಮತ್ತು ಇದು ಹೇಗೆ ಕಾಣುತ್ತದೆ ಎಂಬ ಕಾರಣಕ್ಕೆ ಇದನ್ನು ‘ಬಾಗುವ’ ಸೇತುವೆ ಎಂದು ಕರೆಯಲಾಗುತ್ತದೆ.
ಚೀನಾದ ಸೇತುವೆಯನ್ನು 2017 ರಲ್ಲಿ ಮತ್ತೆ ಅನಾವರಣಗೊಳಿಸಲಾಯಿತು ಮತ್ತು 2020 ರಲ್ಲಿ ಸ್ಥಳೀಯರಿಗೆ ತೆರೆಯಲಾಯಿತು. ಕಳೆದ ಒಂದು ವರ್ಷದಿಂದ, ಇದು ಪ್ರವಾಸಿಗರ ಆಕರ್ಷಣೆಯ ಕೇಂದ್ರವಾಗಿದೆ. ಸೇತುವೆಯ ತುಣುಕು ಈ ವರ್ಷದ ಆರಂಭದಲ್ಲಿ ಎಲ್ಲಾ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ವೈರಲ್ ಆಗಿತ್ತು.
ನಿಮ್ಮ ಕಾಮೆಂಟ್ ಬರೆಯಿರಿ