ಕಟ್ಟುನಿಟ್ಟಿನ ಲಾಕ್‌ಡೌನ್ ಮಧ್ಯೆ ಚೀನಾದ ಶಾಂಘೈನ ಖಾಲಿ ಬೀದಿಗಳಲ್ಲಿ ಲೌಡ್‌ ಸ್ಪೀಕರ್‌ನಿಂದ ಕೋವಿಡ್‌ ಸೂಚನೆ ಕೂಗುತ್ತ ಹೋಗುವ ರೋಬೋಟ್ ನಾಯಿ ..! ವೀಕ್ಷಿಸಿ

ಈಗ ಚೀನಾದ ಶಾಂಘೈ ನಗರದಲ್ಲಿ ಕಟ್ಟುನಿಟ್ಟಿನ ಲಾಕ್ಡೌನ್‌ ಮಧ್ಯೆ ಈಗ ಕೋವಿಡ್‌-19 ಸುರಕ್ಷತಾ ಪ್ರೋಟೋಕಾಲ್‌ಗಳನ್ನು ಕೂಗುತ್ತ ಜನರನ್ನು ಎಚ್ಚರಿಸುವುದು ಹಾಗೂ ಸೂಚನೆಗಳನ್ನು ಪ್ರಸಾರ ಮಾಡುವುದು ಮನುಷ್ಯರಲ್ಲ, ಯಾವುದೇ ಪೊಲೀಸ್‌ ಜೀಪ್‌ ಅಲ್ಲ, ಬದಲಿಗೆ ರೋಬೋಟ್‌ ನಾಯಿ..! ಜೊತೆಗೆ ಇದು ಬೀದಿಗಳಲ್ಲಿ ಗಸ್ತು ತಿರುಗುತ್ತದೆ.

ರೋಬೋಟ್ ನಾಯಿ ಇತ್ತೀಚೆಗೆ ಚೀನಾದ ಶಾಂಘೈನ ಖಾಲಿ ಬೀದಿಗಳಲ್ಲಿ ಗಸ್ತು ತಿರುಗುತ್ತಿರುವುದು ಮತ್ತು ಲಾಕ್‌ಡೌನ್ ಮಧ್ಯೆ ನಿವಾಸಿಗಳಿಗೆ ಕೋವಿಡ್‌-19 ಸುರಕ್ಷತಾ ಪ್ರೋಟೋಕಾಲ್‌ಗಳ ಬಗ್ಗೆ ಕೂಗಿ ಹೇಳುವುದನ್ನು ಗುರುತಿಸಲಾಗಿದೆ. ನ್ಯೂಸ್‌ಫ್ಲೇರ್ ಪ್ರಕಾರ, ರೋಬೋಟ್‌ ನಾಯಿಯು ತನ್ನ ರೆಕಾರ್ಡ್‌ ಮಾಡಲಾದ ಧ್ವನಿವರ್ಧಕದಲ್ಲಿನ ಆಡಿಯೊ ಸಂದೇಶವನ್ನು ನಿವಾಸಿಗಳಿಗೆ ಮಾಸ್ಕ್ ಧರಿಸುವುದು, ಆಗಾಗ್ಗೆ ಕೈ ತೊಳೆಯುವುದು, ತಾಪಮಾನವನ್ನು ಪರೀಕ್ಷಿಸುವುದು ಮತ್ತು ಇತರ ಕೋವಿಡ್‌ ಸಂಬಂಧಿ ಸೂಚನೆಗಳನ್ನು ನೀಡುವುದನ್ನು ಕೇಳಬಹುದು.

ಜೊತೆಗೆ ಗುಂಪುಗೂಡದಿರಿ ಹಾಗೂ ಒಳಾಂಗಣದ ವಾತಾಯನವನ್ನು ಸುಧಾರಿಸಿ”, ಹಾಗೆಯೇ, “ವಿಜ್ಞಾನದೊಂದಿಗೆ ಸೇರಿ ಸಾಂಕ್ರಾಮಿಕ ರೋಗದ ವಿರುದ್ಧ ಹೋರಾಡಿ ಮತ್ತು ಹೊರಾಂಗಣದಲ್ಲಿ ನಾಗರಿಕ ವರ್ತನೆ ತೋರಿ ಎಂದು ಈ ರೋಬೋಟ್‌ ನಾಯಿ ಸೂಚನೆ ನೀಡುತ್ತ ಹೋಗುತ್ತದೆ ಎಂದು ಸೌತ್ ಚೀನಾ ಮಾರ್ನಿಂಗ್ ಪೋಸ್ಟ್ ವರದಿ ಮಾಡಿದೆ.

ಮಾರ್ಚ್ 29 ರಂದು ಶಾಂಘೈ ನಗರದ ವಸತಿ ಸಮುಚ್ಚಯದಲ್ಲಿ ವೀಡಿಯೊವನ್ನು ಚಿತ್ರೀಕರಿಸಲಾಗಿದೆ. ಸಮೀಪದ ಸನ್‌ಬ್ಯಾಟಿಂಗ್ ನಿವಾಸಿಯೊಬ್ಬರು ಮೊದಲಿಗೆ ಇದು ಡ್ರೋನ್ ಎಂದು ಭಾವಿಸಿದ್ದರು ಆದರೆ ನಂತರ ಅದು ರೋಬೋಟ್ ನಾಯಿ ಎಂದು ತಿಳಿದುಕೊಂಡರು. ಅವರು ಅದನ್ನು ಹಿಂದೆಂದೂ ನೋಡಿಲ್ಲವಾದ್ದರಿಂದ ಅದು ತುಂಬಾ ಅಲಂಕಾರಿಕವಾಗಿದೆ ಎಂದು ಭಾವಿಸಿದರು.
ಈ ವೀಡಿಯೊ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದಂತೆ ನೆಟಿಜನ್‌ಗಳು ಕಪ್ಪು ರೋಬೋ ನಾಯಿ ಬಗ್ಗೆ ತಮ್ಮ ಪ್ರತಿಕ್ರಿಯೆಗಳನ್ನು ಹಂಚಿಕೊಂಡಿದ್ದಾರೆ.

ಮೇಲಿನ ಸುದ್ದಿಗೆ ರೇಟಿಂಗ್ ನೀಡಿ

5 / 5. ಒಟ್ಟು ವೋಟುಗಳು 2

advertisement

ನಿಮ್ಮ ಕಾಮೆಂಟ್ ಬರೆಯಿರಿ