ಅಹಮದಾಬಾದ್‌: ಗುರುವಾರ ಗುಜರಾತ್‌ನ ಬಾವ್ಲಾದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರ ಸಾರ್ವಜನಿಕ ಸಭೆಯ ವೇಳೆ ‘ನೋ ಡ್ರೋನ್ ಫ್ಲೈಯಿಂಗ್ ಝೋನ್’ನಲ್ಲಿ ಡ್ರೋನ್ ಹಾರಾಟ ನಡೆಸಿದ್ದಕ್ಕಾಗಿ ಗುಜರಾತ್ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಮೂವರನ್ನು ಬಂಧಿಸಿದ್ದಾರೆ.
ನೋ ಡ್ರೋನ್ ಫ್ಲೈಯಿಂಗ್ ಜೋನ್‌ನಲ್ಲಿ ಡ್ರೋನ್ ಕಾಣಿಸಿಕೊಂಡಿದ್ದು, ಪ್ರಧಾನಿ ಭದ್ರತಾ ಸಿಬ್ಬಂದಿ (ಎನೆಸ್‌ಜಿ) ಗುಂಡು ಹಾರಿಸಿ ಅದನ್ನು ಕಡೆವಿದ್ದಾರೆ. ನಂತರ ಡ್ರೋನ್ ಅನ್ನು ಬಾಂಬ್ ನಿಷ್ಕ್ರಿಯ ತಂಡವು ಪರಿಶೀಲಿಸಿದಾಗ ಅದನ್ನು ಅನುಮತಿಯಿಲ್ಲದೆ ವೀಡಿಯೊ ಚಿತ್ರೀಕರಣಕ್ಕೆ ಬಳಸಿರುವುದು ಕಂಡುಬಂದಿದೆ. ಐಪಿಸಿ ಸೆಕ್ಷನ್ 128 ರ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.
ಪ್ರಧಾನಿ ಮೋದಿಯವರ ಭೇಟಿಯ ವೇಳೆ ಡ್ರೋನ್ ಬಳಸಿ ವಿಡಿಯೋ ರೆಕಾರ್ಡ್ ಮಾಡಿದ್ದಕ್ಕಾಗಿ ಮತ್ತು ‘ನೋ ಡ್ರೋನ್ ಫ್ಲೈ ಝೋನ್’ ಉಲ್ಲಂಘಿಸಿದ್ದಕ್ಕಾಗಿ ನಿಕುಲ್ ರಮೇಶಭಾಯ್ ಪರ್ಮಾರ್, ರಾಕೇಶ್ ಕಲುಭಾಯ್ ಭರ್ವಾಡ್ ಮತ್ತು ರಾಜೇಶ್‌ಕುಮಾರ್ ಮಂಗೀಲಾಲ್ ಪ್ರಜಾಪತಿ ಎಂಬ ಮೂವರನ್ನು ಬಂಧಿಸಲಾಗಿದೆ ಎಂದು ವರದಿಯಾಗಿದೆ.
ಬಂಧಿತ ಮೂವರನ್ನು ವಿಚಾರಣೆ ನಡೆಸಿದಾಗ ಬಿಜೆಪಿಯವರೇ ವೀಡಿಯೋಗ್ರಫಿ ಮಾಡುವಂತೆ ಆದೇಶಿಸಿರುವುದು ಪೊಲೀಸರಿಗೆ ಗೊತ್ತಾಗಿದೆ. ಮೂವರು ವ್ಯಕ್ತಿಗಳು ಕೇವಲ ವೀಡಿಯೋಗ್ರಫಿ ಉದ್ಯೋಗದಲ್ಲಿ ತೊಡಗಿಸಿಕೊಂಡಿದ್ದು, ಈ ಹಿಂದೆ ಯಾವುದೇ ಅಪರಾಧದಲ್ಲಿ ಭಾಗಿಯಾಗಿಲ್ಲ ಎಂಬ ಅಂಶವೂ ಬಹಿರಂಗವಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ