ಇಸ್ರೇಲ್‌ನ ಸಂಶೋಧಕರು ಇಸಿಜಿ ಪರೀಕ್ಷೆಗಳನ್ನು ವಿಶ್ಲೇಷಿಸುವ ಮತ್ತು ಅಭೂತಪೂರ್ವ ನಿಖರತೆಯ ದರದೊಂದಿಗೆ ಹೃದಯ ವೈಫಲ್ಯವನ್ನು ಊಹಿಸುವ ಸಾಮರ್ಥ್ಯವಿರುವ ಕೃತಕ ಬುದ್ಧಿಮತ್ತೆ ಸಾಧನ ತಯಾರಿಸಿದ್ದಾರೆ.
ಇಸ್ರೇಲ್‌ನ ಸಂಶೋಧಕರು ಕೃತಕ ಬುದ್ಧಿಮತ್ತೆ (artificial intelligence) ಉಪಕರಣವನ್ನು ತಯಾರಿಸಿದ್ದು, ಅದು ಇಸಿಜಿ (ECG) ಪರೀಕ್ಷೆಗಳನ್ನು ವಿಶ್ಲೇಷಿಸುತ್ತದೆ ಮತ್ತು ಅದು ಸಂಭವಿಸಬಹುದಾದ ಹೃದಯ ವೈಫಲ್ಯವನ್ನು ವಾರಗಳ ಮೊದಲು ಊಹಿಸುತ್ತದೆ ಎಂದು ಹೇಳಲಾಗಿದೆ.
ಟೈಮ್ಸ್ ಆಫ್ ಇಸ್ರೇಲ್ ಪ್ರಕಾರ, ಹೊಸ ತಂತ್ರಜ್ಞಾನವನ್ನು ಪ್ರಸ್ತುತ ಮೈಯೋಸಿಟಿಸ್ ಅಥವಾ ಸ್ನಾಯು ಉರಿಯೂತದಿಂದ ಬಳಲುತ್ತಿರುವ ರೋಗಿಗಳಿಗೆ ಬಳಸಲಾಗುತ್ತಿದೆ. ಮೈಯೋಸಿಟಿಸ್ ಹೃದಯ ವೈಫಲ್ಯದ ಅಪಾಯವನ್ನು ಹೆಚ್ಚಿಸುತ್ತದೆ. 2000 ಮತ್ತು 2020 ರ ನಡುವೆ ಮಯೋಸಿಟಿಸ್‌ನಿಂದ ಬಳಲುತ್ತಿರುವ 89 ರೋಗಿಗಳ ECG ಸ್ಕ್ಯಾನ್‌ಗಳು ಮತ್ತು ವೈದ್ಯಕೀಯ ದಾಖಲೆಗಳಿಂದ ಡೇಟಾವನ್ನು ಫೀಡ್ ಮಾಡುವ ಮೂಲಕ ಕೃತಕ ಬುದ್ಧಿಮತ್ತೆ (AI) ಮಾದರಿಯನ್ನು ನವೀಕರಿಸಲಾಗಿದೆ. ನಂತರ ಅಲ್ಗಾರಿದಮ್ ಇಸಿಜಿ (ECG)ಗಳಲ್ಲಿ ಸೂಕ್ಷ್ಮ ಮಾದರಿಗಳ ಚಿತ್ರವನ್ನು ನಿರ್ಮಿಸಿತು, ಇದು ಹೃದಯ ವೈಫಲ್ಯದ ಹೆಚ್ಚಿನ ಅವಕಾಶಕ್ಕೆ ಸಂಬಂಧಿಸಿದೆ.
ಸಂಶೋಧನೆಯ ನೇತೃತ್ವ ವಹಿಸಿರುವ ರಾಂಬಮ್ ಹೆಲ್ತ್‌ಕೇರ್ ಕ್ಯಾಂಪಸ್‌ನ ಡಾ. ಶೆಹರ್ ಶೆಲ್ಲಿ ಔಟ್‌ಲೆಟ್‌ನೊಂದಿಗೆ ಮಾತನಾಡಿ, ಇದು ವಿಶೇಷವಾಗಿ ಈ ಜನಸಂಖ್ಯೆಗಾಗಿ ತಯಾರಿಸಲಾದ ಮೊದಲ ಕೃತಕ ಬುದ್ಧಿಮತ್ತೆ (AI) ಸಾಧನವಾಗಿದೆ ಎಂದು ಹೇಳಿದರು. ಈ ಉಪಕರಣವು ವಿಶಿಷ್ಟವಾದ ಹೃದಯದ ಮಾದರಿಗಳನ್ನು ವಿಶ್ಲೇಷಿಸುತ್ತದೆ ಮತ್ತು ಪ್ರಸ್ತುತ ಸಾಧ್ಯವಾಗುವುದಕ್ಕಿಂತ ಮುಂಚಿತವಾಗಿ ಪತ್ತೆಹಚ್ಚುವಿಕೆ ಮಾಡಬಹುದು ಎಂದು ಅವರು ವಿವರಿಸಿದ್ದಾರೆ. ತನ್ನ ಸಂಶೋಧನೆಯಲ್ಲಿ, ಮಯೋಸಿಟಿಸ್ ರೋಗಿಗಳ ಮಾದರಿಯಲ್ಲಿ 80 ಪ್ರತಿಶತದಷ್ಟು ಹೃದಯ ವೈಫಲ್ಯದ ಪ್ರಕರಣಗಳನ್ನು ಅಲ್ಗಾರಿದಮ್ ಯಶಸ್ವಿಯಾಗಿ ಊಹಿಸಿದೆ ಎಂದು ಡಾ. ಶೆಲ್ಲಿ ಹೇಳಿದರು.
“ನಾವು ಕೃತಕ ಬುದ್ಧಿಮತ್ತೆ ಮಾದರಿಯ ಮೂಲಕ ಇಸಿಜಿ ಪರೀಕ್ಷೆಗಳನ್ನು ನಡೆಸುತ್ತಿದ್ದೇವೆ, ಇದು ವೈದ್ಯರು ಸಾಮಾನ್ಯವಾಗಿ ಪತ್ತೆಹಚ್ಚಲು ಸಾಧ್ಯವಾಗದ ವಿವರಗಳನ್ನು ನೋಡುತ್ತದೆ ಮತ್ತು ನಂತರ ಯಾರಿಗೆ ಹೃದಯ ವೈಫಲ್ಯದ ಅಪಾಯವಿದೆ ಎಂದು ಅದು ಊಹಿಸುತ್ತದೆ” ಎಂದು ಡಾ. ಶೆಲ್ಲಿ ಹೇಳಿದರು.
ಈ ಹೃದಯದ ಅಪಸಾಮಾನ್ಯ ಕ್ರಿಯೆಗಳು ಸಾಮಾನ್ಯವಾಗಿ ಜನರ ಸಾವಿಗಾ ಕಾರಣವಾಗುತ್ತದೆ, ಆದರೆ ಇದು ಜೀವಗಳನ್ನು ಉಳಿಸಬಹುದು” ಎಂದು ಅವರು ಹೇಳಿದರು.
ಅಮೆರಿಕದ ಮೂಲದ ಮೇಯೊ ಕ್ಲಿನಿಕ್ ಮೆಡಿಕಲ್ ಸೆಂಟರ್‌ನಲ್ಲಿ ಕಾರ್ಡಿಯಾಲಜಿ ವಿಭಾಗದ ಡಾ. ಶೆಲ್ಲಿ ಮತ್ತು ಇತರ ಸಂಶೋಧಕರು ಈ ಅಧ್ಯಯನವನ್ನು ನಡೆಸಿದರು. ಹೊಸ ತಂತ್ರಜ್ಞಾನವನ್ನು ಚಿಕಿತ್ಸಾಲಯಗಳಲ್ಲಿ ನಿಯೋಜಿಸದಿದ್ದರೂ ಸಹ, ಈ ಮಾದರಿಯ ಬಳಕೆಯು ರೋಗಿಗಳ ವೈದ್ಯಕೀಯ ಸ್ಥಿತಿಯು ಹದಗೆಡುವ ಮೊದಲು ಆರಂಭಿಕ ಹಂತದಲ್ಲಿ ಸೂಕ್ತ ಚಿಕಿತ್ಸೆಯನ್ನು ಒದಗಿಸಲು ಅನುವು ಮಾಡಿಕೊಡುತ್ತದೆ ಎಂದು ಡಾ. ಶೆಲ್ಲಿ ನಂಬುತ್ತಾರೆ.
“ನಾವು ಇಲ್ಲಿ ಗಂಭೀರವಾದ ಅನಾರೋಗ್ಯ ಮತ್ತು ಸಾವುಗಳನ್ನು ತಡೆಗಟ್ಟುವ ಬಗ್ಗೆ ಮಾತನಾಡುತ್ತಿದ್ದೇವೆ” ಎಂದು ಡಾ ಶೆಲ್ಲಿ ಔಟ್ಲೆಟ್‌ಗೆ ತಿಳಿಸಿದರು. “ಹೃದಯ ವೈಫಲ್ಯದ ಹೆಚ್ಚಿನ ಅಪಾಯದಲ್ಲಿರುವ ಜನಸಂಖ್ಯೆಗೆ, ಇದು ಬಹಳ ದೊಡ್ಡ ವ್ಯತ್ಯಾಸವನ್ನು ಮಾಡಬಹುದು” ಎಂದು ಅವರು ಹೇಳಿದರು.
ನಿಮ್ಮ ಕಾಮೆಂಟ್ ಬರೆಯಿರಿ