ಚೀನಾ ಈ ವಾರದಲ್ಲಿ ಒಂದು ದಿನದಲ್ಲಿ 3.7 ಕೋಟಿ ಕೊರೊನಾ ವೈರಸ್ ಪ್ರಕರಣಗಳನ್ನು ವರದಿ ಮಾಡಿರಬಹುದು ಎಂದು ವರದಿಗಳು ತಿಳಿಸಿವೆ. ಇದು ಬ್ಲೂಮ್‌ಬರ್ಗ್‌ನ ವರದಿಯ ಪ್ರಕಾರ ಇದು ಇದುವರೆಗಿನ ಅತಿದೊಡ್ಡ ಏಕದಿನದ ಉಲ್ಬಣವಾಗಿದೆ. ವರದಿಯು ಸರ್ಕಾರದ ಉನ್ನತ ಆರೋಗ್ಯ ಪ್ರಾಧಿಕಾರದ ಅಂದಾಜನ್ನು ಉಲ್ಲೇಖಿಸಿದೆ.
ಈ ವರ್ಷದ ಡಿಸೆಂಬರ್‌ನ ಮೊದಲ 20 ದಿನಗಳಲ್ಲಿ ಚೀನಾದಲ್ಲಿ 24.8 ಕೋಟಿ ಜನರು ಸೋಂಕಿಗೆ ಒಳಗಾಗಿದ್ದಾರೆ ಎಂದು ವರದಿ ಅಂದಾಜಿಸಿದೆ. ಬುಧವಾರ ನಡೆದ ಚೀನಾದ ರಾಷ್ಟ್ರೀಯ ಆರೋಗ್ಯ ಆಯೋಗದ ಆಂತರಿಕ ಸಭೆಯ ಮಾಹಿತಿಯನ್ನು ಬ್ಲೂಮ್‌ಬರ್ಗ್ ವರದಿ ಉಲ್ಲೇಖಿಸಿದೆ.
ವರದಿಯ ಪ್ರಕಾರ ಡಿಸೆಂಬರ್ 20 ರಂದು 3.7 ಕೋಟಿ ದೈನಂದಿನ ಪ್ರಕರಣಗಳು ದಾಖಲಾಗಿವೆ. ಆದರೆ ಚೀನಾದ ಅಧಿಕೃತ ಲೆಕ್ಕಾಚಾರ ಕೇವಲ 3,049 ಸೋಂಕುಗಳು ದಾಖಲಾಗಿವೆ ಎಂದು ಹೇಳಿಕೊಂಡಿದೆ.
3.7 ಕೋಟಿ ದೈನಂದಿನ ಪ್ರಕರಣಗಳ ಅಂದಾಜು ನಿಖರವಾಗಿದ್ದರೆ, ಈ ಸಂಖ್ಯೆಗಳು ಜನವರಿ 2022 ರಲ್ಲಿ ವರದಿಯಾದ 40 ಲಕ್ಷದ ಹಿಂದಿನ ಏಕದಿನ ಪ್ರಕರಣಗಳ ದಾಖಲೆಯನ್ನು ಛಿದ್ರಗೊಳಿಸುತ್ತವೆ.
ಚೀನಾ ತನ್ನ ಶೂನ್ಯ-ಕೋವಿಡ್ ನೀತಿಯ ಮೇಲೆ ತಿರುವು ನೀಡಿದ ವಾರಗಳ ನಂತರ ಸೋಂಕುಗಳ ಉಲ್ಬಣವನ್ನು ಎದುರಿಸುತ್ತಿದೆ. ಕೋವಿಡ್ ಉಲ್ಬಣದ ನಂತರ ಆರೋಗ್ಯ ವ್ಯವಸ್ಥೆಯು ಅಪಾರ ಒತ್ತಡಕ್ಕೆ ಒಳಗಾದ ಕಾರಣ ಆಸ್ಪತ್ರೆಗಳ ಒತ್ತಡವನ್ನು ತೋರಿಸುವ ಹಲವಾರು ವೀಡಿಯೊಗಳನ್ನು ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ಗಳಲ್ಲಿ ಹಂಚಿಕೊಳ್ಳಲಾಗಿದೆ.
ಮುಂಬರುವ ಕೆಲವು ತಿಂಗಳುಗಳಲ್ಲಿ ಲಕ್ಷಾಂತರ ಜನರು ವೈರಸ್‌ಗೆ ತುತ್ತಾಗುವ ಸಾಧ್ಯತೆಯಿದೆ ಮತ್ತು ಲಕ್ಷಾಂತರ ಜನರು ವೈರಸ್‌ಗೆ ಸಾಔಿಗೀಡಾಗಬಹುದು ಎಂದು ಸಾಂಕ್ರಾಮಿಕ ರೋಗಶಾಸ್ತ್ರಜ್ಞರು ಮುನ್ಸೂಚನೆ ನೀಡಿದ್ದಾರೆ. ವೈರಸ್ ಬ್ರೇಕ್ಔಟ್ ಮೊದಲ ಬಾರಿಗೆ ವರದಿಯಾದ ಮೂರು ವರ್ಷಗಳ ನಂತರ ಚೀನಾವನ್ನು ಮತ್ತೊಮ್ಮೆ ಭೀಕರ ಕೊರಿನಾ ಸೋಂಕನ್ನು ಎದುರಿಸುತ್ತಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ