ವಾಷಿಂಗ್ಟನ್: ಅಧ್ಯಕ್ಷ ಜೋ ಬೈಡನ್ ಆದೇಶದ ಮೇರೆಗೆ ಸೊಮಾಲಿಯಾದಲ್ಲಿ ಅಮೆರಿಕ ಮಿಲಿಟರಿ ದಾಳಿ ನಡೆಸಿ ಇಸ್ಲಾಮಿಕ್ ಸ್ಟೇಟ್ (Islamic State) ಗುಂಪಿನ ಪ್ರಮುಖ ಪ್ರಾದೇಶಿಕ ನಾಯಕ ಬಿಲಾಲ್ ಅಲ್-ಸುಡಾನಿಯನ್ನು ಕೊಂದು ಹಾಕಿದೆ ಎಂದು ಅಮೆರಿಕದ ಅಧಿಕಾರಿಗಳು ಗುರುವಾರ ತಿಳಿಸಿದ್ದಾರೆ.
ಸುಡಾನಿಯನ್ನು ಸೆರೆಹಿಡಿಯುವ ಭರವಸೆಯೊಂದಿಗೆ ಉತ್ತರ ಸೊಮಾಲಿಯಾದಲ್ಲಿನ ಪರ್ವತ ಗುಹೆಯ ಸಂಕೀರ್ಣಕ್ಕೆ ಅಮೆರಿಕ ಪಡೆಗಳು ಇಳಿದ ನಂತರ ಗುಂಡಿನ ಚಕಮಕಿಯಲ್ಲಿ ಸುಡಾನಿ ಕೊಲ್ಲಲ್ಪಟ್ಟರು ಎಂದು ಅಮೆರಿಕ ಅಧಿಕಾರಿಗಳು ತಿಳಿಸಿದ್ದಾರೆ.
ಜೊತೆಗೆ ಸುಡಾನಿಯ ಸುಮಾರು 10 ಇಸ್ಲಾಮಿಕ್ ಸ್ಟೇಟ್ ಸಹಚರರು ಸ್ಥಳದಲ್ಲಿ ಕೊಲ್ಲಲ್ಪಟ್ಟರು, ಆದರೆ ಅಮೆರಿಕ ಪಡೆಗಳಲ್ಲಿ ಯಾವುದೇ ಸಾವುನೋವುಗಳು ಸಂಭವಿಸಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
“ಜನವರಿ 25 ರಂದು, ಅಮೆರಿಕದ ಅಧ್ಯಕ್ಷರ ಆದೇಶದ ಮೇರೆಗೆ, ಅಮೆರಿಕ ಮಿಲಿಟರಿ ಉತ್ತರ ಸೊಮಾಲಿಯಾದಲ್ಲಿ ದಾಳಿ ಕಾರ್ಯಾಚರಣೆಯನ್ನು ನಡೆಸಿತು, ಇದು ಬಿಲಾಲ್ ಅಲ್-ಸುಡಾನಿ ಸೇರಿದಂತೆ ಹಲವಾರು ಐಸಿಸ್ ಸದಸ್ಯರ ಸಾವಿಗೆ ಕಾರಣವಾಯಿತು ಎಂದು ರಕ್ಷಣಾ ಕಾರ್ಯದರ್ಶಿ ಲಾಯ್ಡ್ ಆಸ್ಟಿನ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
“ಆಫ್ರಿಕಾದಲ್ಲಿ ಐಸಿಸ್ (ISIS) ಬೆಳೆಯುವುದನ್ನು ಪೋಷಿಸಲು ಮತ್ತು ಅಫ್ಘಾನಿಸ್ತಾನ ಸೇರಿದಂತೆ ವಿಶ್ವದಾದ್ಯಂತ ಗುಂಪಿನ ಕಾರ್ಯಾಚರಣೆಗಳಿಗೆ ಧನಸಹಾಯ ಸಂಗ್ರಹಕ್ಕೆ ಅಲ್-ಸುಡಾನಿ ಕಾರಣನಾಗಿದ್ದ ಎಂದು ಆಸ್ಟಿನ್ ಹೇಳಿದರು.
ಉತ್ತರ ಸೊಮಾಲಿಯಾದಲ್ಲಿರುವ ತನ್ನ ಪರ್ವತ ಪ್ರದೇಶದ ನೆಲೆಯಿಂದ, ಆತ ಆಫ್ರಿಕಾದಲ್ಲಿ ಮಾತ್ರವಲ್ಲದೆ ಅಫ್ಘಾನಿಸ್ತಾನದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಇಸ್ಲಾಮಿಕ್-ಸ್ಟೇಟ್ ಖೊರಾಸಾನ್‌ನ IS ಶಾಖೆಗಳಿಗೆ ಹಣ ಒದಗಿಸುತ್ತಿದ್ದ ಮತ್ತು ಸಂಘಟಿಸುತ್ತಿದ್ದ ಎಂದು ಅಮೆರಿಕದ ಅಧಿಕಾರಿಯೊಬ್ಬರು ಹೆಸರು ಹೇಳದ ಷರತ್ತಿನ ಮೇಲೆ ತಿಳಿಸಿದ್ದಾರೆ.
ಹತ್ತು ವರ್ಷಗಳ ಹಿಂದೆ, ಆತ ಇಸ್ಲಾಮಿಕ್ ಸ್ಟೇಟ್‌ಗೆ ಸೇರುವ ಮೊದಲು, ಸೊಮಾಲಿಯಾದಲ್ಲಿ ಉಗ್ರಗಾಮಿ ಅಲ್-ಶಬಾಬ್ ಚಳವಳಿಗೆ ಹೋರಾಟಗಾರರನ್ನು ನೇಮಿಸಿಕೊಳ್ಳುವ ಮತ್ತು ತರಬೇತಿ ನೀಡುವಲ್ಲಿ ತೊಡಗಿಸಿಕೊಂಡಿದ್ದ.
ತಿಂಗಳುಗಳ ಯೋಜನೆ…
ಸುಡಾನಿ ಅಡಗಿರುವ ಭೂಪ್ರದೇಶದ ಮಾದರಿಯಲ್ಲಿ ನಿರ್ಮಿಸಲಾದ ಸೈಟ್‌ನಲ್ಲಿ ಅಮೆರಿಕ ಪಡೆಗಳು ಪೂರ್ವಾಭ್ಯಾಸ ಮಾಡುವುದದರ ಕಾರ್ಯಾಚರಣೆಯನ್ನು ತಿಂಗಳುಗಳ ಅವಧಿಯಲ್ಲಿ ಕಾರ್ಯಾಚರಣೆಗೆ ಸಿದ್ಧವಾಗಿದ್ದಾರೆ.
ಉನ್ನತ ರಕ್ಷಣಾ, ಗುಪ್ತಚರ ಮತ್ತು ಭದ್ರತಾ ಅಧಿಕಾರಿಗಳೊಂದಿಗೆ ಸಮಾಲೋಚಿಸಿದ ನಂತರ ಅಧ್ಯಕ್ಷ ಬೈಡನ್ ಈ ವಾರದ ಆರಂಭದಲ್ಲಿ ದಾಳಿಗೆ ಮುದ್ರೆ ಒತ್ತಿದರು ಎಂದು ಅಧಿಕಾರಿ ತಿಳಿಸಿದ್ದಾರೆ.
“ಉದ್ದೇಶಿತ ಕಾರ್ಯಾಚರಣೆಯು ಕಾರ್ಯಾಚರಣೆಯ ಗುಪ್ತಚರ ಮೌಲ್ಯವನ್ನು ಗರಿಷ್ಠಗೊಳಿಸಲು ಮತ್ತು ಸವಾಲಿನ ಭೂಪ್ರದೇಶದಲ್ಲಿ ಅದರ ನಿಖರತೆಯನ್ನು ಹೆಚ್ಚಿಸಲು ಅತ್ಯುತ್ತಮ ಆಯ್ಕೆಯಾಗಿದೆ ಎಂದು ಅಂತಿಮವಾಗಿ ನಿರ್ಧರಿಸಲಾಯಿತು” ಎಂದು ಇನ್ನೊಬ್ಬ ಆಡಳಿತ ಅಧಿಕಾರಿ ಹೇಳಿದರು.
ದಾಳಿಯಲ್ಲಿ ಒಬ್ಬ ಅಮೆರಿಕದ ಸೈನಿಕನಿಗೆ ಆದ ಏಕೈಕ ಗಾಯವೆಂದರೆ ಆ ಸೈನಿಕನನ್ನು ಅಮೆರಿಕ ಮಿಲಿಟರಿ ಕಾರ್ಯಪಡೆ ನಾಯಿ ಕಚ್ಚಿದೆ ಎಂದು ಅಧಿಕಾರಿ ಹೇಳಿದ್ದಾರೆ.
“ಈ ಕಾರ್ಯಾಚರಣೆ ಮತ್ತು ಇತರರು, ಅಧ್ಯಕ್ಷ ಬೈಡನ್ ಅವರು ಅಮೆರಿಕದ ಜನರಿಗೆ ಭಯೋತ್ಪಾದಕ ಬೆದರಿಕೆಗಳನ್ನು ಪತ್ತೆಹಚ್ಚಲು ಮತ್ತು ಅವರು ಎಲ್ಲಿಯೇ ಅಡಗಿದ್ದರೂ, ಎಷ್ಟೇ ದೂರದಲ್ಲಿದ್ದರೂ ಅವರನ್ನು ನಾಶ ಮಾಡಲು ನಾವು ಬದ್ಧರಾಗಿದ್ದೇವೆ ಎಂದು ಸ್ಪಷ್ಟಪಡಿಸಿದ್ದಾರೆ ಎಂದು ಅಧಿಕಾರಿ ಹೇಳಿದರು.
ಅಮೆರಿಕ ಪಡೆಗಳು ಸರ್ಕಾರದ ಪರವಾಗಿ ಮತ್ತು ಸಮನ್ವಯದೊಂದಿಗೆ ಸೊಮಾಲಿಯಾದಲ್ಲಿ ದೀರ್ಘಕಾಲ ಕಾರ್ಯನಿರ್ವಹಿಸುತ್ತಿವೆ, ಹೆಚ್ಚಾಗಿ ಶಬಾಬ್ ಬಂಡುಕೋರರ ವಿರುದ್ಧ ಹೋರಾಡುವ ಅಧಿಕೃತ ಪಡೆಗಳನ್ನು ಬೆಂಬಲಿಸಲು ನಿಯಮಿತವಾಗಿ ವೈಮಾನಿಕ ದಾಳಿಗಳನ್ನು ನಡೆಸುತ್ತವೆ. ಅವುಗಳಲ್ಲಿ ಕೆಲವು ಸೊಮಾಲಿಯಾದ ಉತ್ತರದಲ್ಲಿರುವ ಜಿಬೌಟಿಯಲ್ಲಿರುವ ಅಮೆರಿಕದ ನೆಲೆಯಿಂದ ನಡೆಸಲ್ಪಟ್ಟಿವೆ ಎಂದು ನಂಬಲಾಗಿದೆ.
2021 ರಲ್ಲಿ ಬೈಡನ್ ಅಧ್ಯಕ್ಷರಾದ ನಂತರ, ವೈಮಾನಿಕ ಸ್ಟ್ರೈಕ್‌ಗಳು 2022 ರಲ್ಲಿ ಕೇವಲ 16 ಕ್ಕೆ ಕುಸಿದಿವೆ ಮತ್ತು ರಾಷ್ಟ್ರೀಯ ಭದ್ರತಾ ಚಿಂತಕರ ಚಾವಡಿಯಾದ ನ್ಯೂ ಅಮೆರಿಕಾ ಸಂಗ್ರಹಿಸಿದ ಮಾಹಿತಿಯ ಪ್ರಕಾರ ಯಾವುದೇ ಭೂ ದಾಳಿಗಳು ದಾಖಲಾಗಿಲ್ಲ.
ನಿಮ್ಮ ಕಾಮೆಂಟ್ ಬರೆಯಿರಿ