ಕೋವಿಡ್‌-19 ವೈರಸ್‌ ಚೀನಾದ ವುಹಾನ್ ಸಮುದ್ರಾಹಾರ ಮಾರ್ಕೆಟ್‌ನಲ್ಲಿ ಮಾರಾಟವಾಗುವ ಸೋಂಕಿತ ರಕೂನ್ ನಾಯಿಗಳಿಂದ ಹರಡಿರಬಹುದು : ಹೊಸ ಅಧ್ಯಯನ

ಕೋವಿಡ್‌-19 ಸಾಂಕ್ರಾಮಿಕವು ಜಗತ್ತನ್ನು ತಲ್ಲಣಗೊಳಿಸಿದಾಗಿನಿಂದ, ಅದರ ಮೂಲವು ಯಾವುದೆಂಬುದು ಸಂಶೋಧಕರನ್ನು ಗೊಂದಲಕ್ಕೀಡು ಮಾಡಿದೆ. ಈಗ, ಚೀನಾದ ವುಹಾನ್‌ನಲ್ಲಿರುವ ಸಮುದ್ರಾಹಾರ ಮಾರುಕಟ್ಟೆಯಲ್ಲಿ ಅಕ್ರಮವಾಗಿ ಮಾರಾಟವಾಗುತ್ತಿರುವ ಸೋಂಕಿತ ರಕೂನ್ ನಾಯಿಗಳಿಂದ ವೈರಸ್ ಹರಡಿರಬಹುದು ಎಂದು ಸೂಚಿಸುವ ಪುರಾವೆಗಳನ್ನು ಅಂತಾರಾಷ್ಟ್ರೀಯ ತಜ್ಞರ ತಂಡವು ಕಂಡುಹಿಡಿದಿದೆ ಎಂದು ನ್ಯೂಯಾರ್ಕ್ ಟೈಮ್ಸ್ ವರದಿ ಮಾಡಿದೆ.
ವೈರಸ್ ತಜ್ಞರ ಅಂತಾರಾಷ್ಟ್ರೀಯ ತಂಡದ ಪ್ರಕಾರ ಮಾರಣಾಂತಿಕ ಕೋವಿಡ್ -19 ಸಾಂಕ್ರಾಮಿಕವು ಚೀನಾದ ವುಹಾನ್ ಮಾರುಕಟ್ಟೆಯಲ್ಲಿ ರಕೂನ್ ನಾಯಿಗಳಿಂದ ಹರಡಿರುವ ಸಾಧ್ಯತೆಯಿದೆ. ಸಾಂಕ್ರಾಮಿಕ ರೋಗದ ಸುಮಾರು ಮೂರು ವರ್ಷಗಳ ನಂತರವೂ ಕೋವಿಡ್ -19 ನ ಮೂಲವು ಸ್ಪಷ್ಟವಾಗಿಲ್ಲ. ಕೊರೊನಾವೈರಸ್ ಬಾವಲಿಗಳಿಂದ ಜನರಿಗೆ ಹಾರಿದೆ ಅಥವಾ ಪ್ರಯೋಗಾಲಯದಿಂದ ಸೋರಿಕೆಯಾಗಿದೆ ಎಂದು ಜಾಗತಿಕವಾಗಿ ವಿಜ್ಞಾನಿಗಳು ಮತ್ತು ರಾಜಕಾರಣಿಗಳೊಂದಿಗೆ ರಾಜಕೀಯ ಮತ್ತು ವೈಜ್ಞಾನಿಕವಾಗಿ ಚರ್ಚೆ ನಡೆದಿದೆ.
ಇದರ ಮಧ್ಯೆ ಬಂದ ಈ ಹೊಸ ಅಧ್ಯಯನವು ಇನ್ನೂ ಪ್ರಕಟವಾಗಬೇಕಿದೆ. ಇದು ಅರಿಝೋನಾ, ಉತಾಹ್ ಮತ್ತು ಸಿಡ್ನಿ ವಿಶ್ವವಿದ್ಯಾನಿಲಯಗಳು ಮತ್ತು ಸ್ಕ್ರಿಪ್ಸ್ ರಿಸರ್ಚ್ ಇನ್ಸ್ಟಿಟ್ಯೂಟ್ ಸೇರಿದಂತೆ ತಜ್ಞರ ನೇತೃತ್ವದ ತಂಡವು 2020ರ ಜನವರಿಯಲ್ಲಿ ಹುವಾನಾನ್ ಸಮುದ್ರಾಹಾರ ಸಗಟು ಮಾರುಕಟ್ಟೆಯಿಂದ ಮತ್ತು ಅದರ ಸುತ್ತಮುತ್ತಲಿನ ಸ್ವ್ಯಾಬ್‌ಗಳಿಂದ ಪಡೆದ ಆನುವಂಶಿಕ ಡೇಟಾವನ್ನು ಆಧರಿಸಿದೆ ಎಂದು ನ್ಯೂಯಾರ್ಕ್ ಟೈಮ್ಸ್ ವರದಿ ಮಾಡಿದೆ.

ಕೋವಿಡ್ ಸಾಂಕ್ರಾಮಿಕ ರೋಗಕ್ಕೆ ಕಾರಣವಾದ ನಂತರ ಚೀನಾದ ಅಧಿಕಾರಿಗಳು ಮಾರುಕಟ್ಟೆಯನ್ನು ಮುಚ್ಚಿದ್ದರೂ ಮತ್ತು ಪ್ರಾಣಿಗಳನ್ನು ಅಲ್ಲಿಂದ ತೆರವುಗೊಳಿಸಿದ್ದರೂ, ಸಂಶೋಧಕರು ಪ್ರಾಣಿಗಳ ಪಂಜರಗಳನ್ನು ಬಳಸುವ ಲೋಹದ ಗೋಡೆಗಳು, ಲೋಹದ ಪಂಜರಗಳು ಮತ್ತು ಬಂಡಿಗಳಿಂದ ಸ್ಯಾಂಪಲ್‌ಗಳನ್ನು ಪಡೆದರು. ಇದರಲ್ಲಿನ ಹೆಚ್ಚಿನ ಪ್ರಮಾಣದ ಆನುವಂಶಿಕ ವಸ್ತುಗಳು ರಕೂನ್ ನಾಯಿಗೆ ಹೊಂದಿಕೆಯಾಗುತ್ತವೆ ಎಂದು ಫಲಿತಾಂಶಗಳು ತೋರಿಸಿವೆ ಎಂದು ನ್ಯೂಯಾರ್ಕ್ ಟೈಮ್ಸ್ ವರದಿ ಹೇಳಿದೆ.
ಮಾದರಿಗಳ ವಿಶ್ಲೇಷಣೆಯು ಸ್ಯಾಂಪಲ್‌ ಸಹ ವೈರಸ್‌ನಿಂದ ಸೋಂಕಿಗೆ ಒಳಗಾಗಿದೆ ಎಂದು ಕಂಡುಬಂದಿದೆ, ಅವುಗಳು ರಕೂನ್ ನಾಯಿಗಳು ಸೇರಿದಂತೆ ಪ್ರಾಣಿಗಳ ಆನುವಂಶಿಕ ವಸ್ತುಗಳನ್ನು ಸಾಗಿಸುತ್ತವೆ ಎಂದು ತಿಳಿದುಬಂದಿದೆ. ರಕೂನ್ ನಾಯಿಗಳು ಸೋಂಕಿಗೆ ಒಳಗಾಗಿರುವುದನ್ನು ಮತ್ತು ಅವು ಮನುಷ್ಯರಿಗೆ ವೈರಸ್ ಅನ್ನು ಹರಡಿರುವುದನ್ನು ಇದು ದೃಢೀಕರಿಸದಿದ್ದರೂ, ವಿಜ್ಞಾನಿಗಳು ಸಾಕ್ಷ್ಯವು ಕಾಡು ಪ್ರಾಣಿಗಳಿಂದ ವೈರಸ್ ಹರಡುವ ಸನ್ನಿವೇಶದ ಕಡೆಗೆ ತೋರಿಸಿದೆ ಎಂದು ವರದಿ ಹೇಳಿದೆ.

ರಕೂನ್ ನಾಯಿಗಳು ನರಿಗಳ ಜೊತೆ ಅನುವಂಶಿಕ ಸಂಬಂಧ ಹೊಂದಿವೆ ಮತ್ತು ಕೊರೊನಾವೈರಸ್ ಅನ್ನು ಹರಡಲು ಸಮರ್ಥವಾಗಿವೆ ಎಂದು ತಿಳಿದುಬಂದಿದೆ. ಈ ಮಾದರಿಗಳಲ್ಲಿ ಕನಿಷ್ಠ ಒಂದರಲ್ಲಿ ವೈರಸ್ ನ್ಯೂಕ್ಲಿಯಿಕ್ ಆಮ್ಲವಿದೆ. ಸಾಕಷ್ಟು ರಕೂನ್ ನಾಯಿಗಳಲ್ಲಿಯೂ ಅದೇ ತರಹದ ನ್ಯೂಕ್ಲಿಯಿಕ್ ಆಮ್ಲವಿದೆ ಎಂದು ನಾವು ತುಲನಾತ್ಮಕವಾಗಿ ಕಂಡುಹಿಡಿಯಲು ಸಾಧ್ಯವಾಯಿತು ಎಂದು ಉತಾಹ್ ವಿಶ್ವವಿದ್ಯಾನಿಲಯದ ವೈರಾಲಜಿಸ್ಟ್ ಸ್ಟೀಫನ್ ಗೋಲ್ಡ್‌ಸ್ಟೈನ್ ವಿಶ್ಲೇಷಣೆ ಮಾಡಿದ್ದಾರೆ ಎಂದು ಉಲ್ಲೇಖಿಸಲಾಗಿದೆ. (ನ್ಯೂಕ್ಲಿಯಿಕ್ ಆಮ್ಲಗಳು ಆನುವಂಶಿಕ ಮಾಹಿತಿಯನ್ನು ಸಾಗಿಸುವ ರಾಸಾಯನಿಕ ಬಿಲ್ಡಿಂಗ್ ಬ್ಲಾಕ್ಸ್‌ ಗಳಾಗಿವೆ.)
ಆದಾಗ್ಯೂ, ತಂಡವು “ವೈರಸ್ ಮತ್ತು ಪ್ರಾಣಿಯ ಆನುವಂಶಿಕ ವಸ್ತುಗಳು ತುಲನಾತ್ಮಕವಾಗಿ ಒಂದೇ ಎಂಬುದು ಕಂಡುಬಂದರೂ ರಕೂನ್ ನಾಯಿ ಸ್ವತಃ ಸೋಂಕಿಗೆ ಒಳಗಾಗಿದೆ ಎಂಬುದನ್ನು ಅದು ಸಾಬೀತುಪಡಿಸುವುದಿಲ್ಲ. ಮತ್ತು ರಕೂನ್ ನಾಯಿ ಸೋಂಕಿಗೆ ಒಳಗಾಗಿದ್ದರೂ ಸಹ, ನಾಯಿಯು ಜನರಿಗೆ ವೈರಸ್‌ ಹರಡಿದೆ ಎಂಬುದು ಸ್ಪಷ್ಟವಾಗಿಲ್ಲ ಎಂದು ವರದಿ ಹೇಳುತ್ತದೆ.
“ಮತ್ತೊಂದು ಪ್ರಾಣಿಯು ಜನರಿಗೆ ವೈರಸ್ ಅನ್ನು ರವಾನಿಸಿರಬಹುದು, ಅಥವಾ ವೈರಸ್ ಸೋಂಕಿತ ಯಾರಾದರೂ ರಕೂನ್ ನಾಯಿಗೆ ವೈರಸ್ ಅನ್ನು ಹರಡಿರಲೂಬಹುದು ಎಂದು ವಿಜ್ಞಾನಿಗಳು ಹೇಳಿದ್ದಾರೆ.

“ನಮ್ಮಲ್ಲಿ ಸೋಂಕಿತ ಪ್ರಾಣಿ ಇಲ್ಲ, ಮತ್ತು ಆ ಸ್ಟಾಲ್‌ನಲ್ಲಿ ಸೋಂಕಿತ ಪ್ರಾಣಿ ಇತ್ತು ಎಂದು ನಾವು ಖಚಿತವಾಗಿ ಸಾಬೀತುಪಡಿಸಲು ಸಾಧ್ಯವಿಲ್ಲ” ಎಂದು ಗೋಲ್ಡ್‌ಸ್ಟೈನ್ ಹೇಳಿದ್ದಾರೆ. ಆದರೆ ವೈರಸ್‌ನಿಂದ ಆನುವಂಶಿಕ ವಸ್ತುವು ಸಾಕಷ್ಟು ಸ್ಥಿರವಾಗಿದೆ, ಅದು ನಿಖರವಾಗಿ ಯಾವಾಗ ಮಾರುಕಟ್ಟೆಗೆ ಬಂದಿತು ಎಂಬುದು ಸ್ಪಷ್ಟವಾಗಿಲ್ಲ ಎಂದು ಅವರು ಹೇಳಿದ್ದಾರೆ.
ಆನುವಂಶಿಕ ಡೇಟಾವನ್ನು ಚೀನೀ ಸಂಶೋಧಕರು GISAID ನಲ್ಲಿ ಪೋಸ್ಟ್ ಮಾಡಿದ್ದಾರೆ, ಇದು ಮುಕ್ತ ಪ್ರವೇಶ ಜೀನೋಮಿಕ್ ಡೇಟಾಬೇಸ್ ಆಗಿದೆ. ನಂತರ ಅದನ್ನು ಉತ್ತರ ಅಮೆರಿಕ, ಆಸ್ಟ್ರೇಲಿಯಾ ಮತ್ತು ಯುರೋಪಿನ ವಿಜ್ಞಾನಿಗಳು ಡೌನ್‌ಲೋಡ್ ಮಾಡಿ ವಿಶ್ಲೇಷಿಸಿದ್ದಾರೆ. ಡೇಟಾವನ್ನು ಅಪ್‌ಲೋಡ್ ಮಾಡಿದ ಚೀನಾದ ಸಂಶೋಧಕರು ಈಗಾಗಲೇ ಮಾದರಿಗಳನ್ನು ಪರಿಶೀಲಿಸಿದ್ದಾರೆ. ಆದರೆ ಅವರ ಅಧ್ಯಯನವು “SARS-CoV-2 ನ ಯಾವುದೇ ಪ್ರಾಣಿ ಸಂಕುಲದಿಂದ ಬಂದಿದ್ದರ ಬಗ್ಗೆ ನಿರ್ಣಯಿಸಲು ಸಾಧ್ಯವಿಲ್ಲ” ಎಂದು ಹೇಳಿದೆ. ಮಾರುಕಟ್ಟೆಯಲ್ಲಿ ಕಂಡುಬರುವ ವೈರಸ್ ಸೋಂಕಿತ ವ್ಯಕ್ತಿಯಿಂದ ಬಂದಿರಬಹುದು. ಮತ್ತು ಅದು ಅಲ್ಲಿ ಮಾರಾಟವಾಗುತ್ತಿರುವ ಕಾಡು ಪ್ರಾಣಿಯಿಂದಲ್ಲ ಎಂದು ವಿಶ್ಲೇಷಣೆ ಸೂಚಿಸಿದೆ ಎಂದು ವರದಿ ತಿಳಿಸಿದೆ.
ಏತನ್ಮಧ್ಯೆ, ವೈರಸ್ ಹೊಂದಿರುವ ಮಾದರಿಗಳ ತಾಜಾ ವಿಶ್ಲೇಷಣೆ, ಸಾಮಾನ್ಯ ರಕೂನ್ ನಾಯಿಗೆ ಹೊಂದಿಕೆಯಾಗುವ ಪ್ರಾಣಿಗಳ ಆನುವಂಶಿಕ ವಸ್ತುವನ್ನು ಕಂಡುಹಿಡಿದಿದೆ. ಕಂಪ್ಯೂಟೇಶನಲ್ ಬಯಾಲಜಿಸ್ಟ್ ಅಲೆಕ್ಸ್ ಕ್ರಿಟ್ಸ್-ಕ್ರಿಸ್ಟೋಫ್ ಪ್ರಕಾರ, ಆನುವಂಶಿಕ ದತ್ತಾಂಶವು “ಸ್ಪಷ್ಟವಾಗಿದೆ” ಎಂದು ಹೇಳಿದ್ದಾರೆ.