ಜಿ20 ಸಮಯದಲ್ಲಿ ಭಾರತ ನೀಡಿದ ಅಧ್ಯಕ್ಷೀಯ ಸೂಟ್‌ನಲ್ಲಿ ಉಳಿಯಲು ನಿರಾಕರಿಸಿದ್ದ ಕೆನಡಾದ ಪ್ರಧಾನಿ ಟ್ರುಡೊ : ವರದಿ…!

ನವದೆಹಲಿ: ಭಾರತದಲ್ಲಿ G20 ಶೃಂಗಸಭೆಯ ಸಂದರ್ಭದಲ್ಲಿ ಕೆನಡಾದ ಪ್ರಧಾನ ಮಂತ್ರಿ ಜಸ್ಟಿನ್ ಟ್ರುಡೊ ಅವರು ನವದೆಹಲಿಯ ದಿ ಲಲಿತ್ ಹೋಟೆಲ್‌ನಲ್ಲಿ ವಿಶೇಷವಾಗಿ ಸಿದ್ಧಪಡಿಸಲಾದ ಅಧ್ಯಕ್ಷೀಯ ಸೂಟ್‌ (ರೂಂ)ನಲ್ಲಿ ಉಳಿಯಲು ನಿರಾಕರಿಸಿದ್ದರು. ಇದು ಹೀಗಾಗಿ ಭಾರತೀಯ ಗುಪ್ತಚರ ಅಧಿಕಾರಿಗಳಲ್ಲಿ ಕಳವಳಕ್ಕೆ ಕಾರಣವಾಗಿತ್ತು ಎಂದು ವರದಿಯೊಂದು ತಿಳಿಸಿದೆ.
ಮೂಲಗಳ ಪ್ರಕಾರ, ಕೆನಡಾದ ಪ್ರಧಾನಿ ಜಸ್ಟಿನ್ ಟ್ರುಡೊ ಅವರಿಗೆ ನವದೆಹಲಿಯ ಲಲಿತ್ ಹೋಟೆಲ್‌ನಲ್ಲಿ ಪ್ರತ್ಯೇಕ ಅಧ್ಯಕ್ಷೀಯ ಸೂಟ್ ಅನ್ನು ಕಾಯ್ದಿರಿಸಲಾಗಿತ್ತು, ಆದರೆ ಅವರು ಒಂದು ದಿನವೂ ಅಧ್ಯಕ್ಷೀಯ ಸೂಟ್ ಅನ್ನು ಬಳಸಲಿಲ್ಲ. ಬದಲಾಗಿ, ಭಾರತದಲ್ಲಿ ತಂಗಿದ್ದ ಸಮಯದಲ್ಲಿ ಜಸ್ಟಿನ್ ಟ್ರುಡೊ ಹೋಟೆಲ್‌ನಲ್ಲಿ ಸಾಮಾನ್ಯ ಕೊಠಡಿಯಲ್ಲಿ ಉಳಿದುಕೊಂಡರು.

ಭಾರತ ಸರ್ಕಾರವು ದೆಹಲಿಯಲ್ಲಿರುವ ಎಲ್ಲಾ ರಾಷ್ಟ್ರಗಳ ಮುಖ್ಯಸ್ಥರು ಮತ್ತು ಪ್ರತಿನಿಧಿಗಳಿಗೆ ವಿವಿಐಪಿ ಹೋಟೆಲ್‌ಗಳನ್ನು ಕಾಯ್ದಿರಿಸಿತ್ತು. ದೆಹಲಿ ಪೊಲೀಸರು ಮತ್ತು ಎಲ್ಲಾ ಭದ್ರತಾ ಏಜೆನ್ಸಿಗಳು ಎಲ್ಲಾ ಅಧ್ಯಕ್ಷೀಯ ಸೂಟ್‌ಗಳಿಗೆ ಸಂಪೂರ್ಣ ಭದ್ರತೆಯ ಉಸ್ತುವಾರಿ ವಹಿಸಿದ್ದರು.
ಇದರ ಹೊರತಾಗಿಯೂ, ಕೆನಡಾದ ಪ್ರಧಾನಿ ಅಧ್ಯಕ್ಷೀಯ ಸೂಟ್‌ನಲ್ಲಿ ಉಳಿಯಲಿಲ್ಲ ಮತ್ತು ಹೋಟೆಲ್‌ನ ಸಾಮಾನ್ಯ ಕೊಠಡಿಯಲ್ಲಿ ಉಳಿದುಕೊಂಡರು ಎಂದು ಮೂಲಗಳು ಹೇಳಿವೆ.
G20 ಶೃಂಗಸಭೆಯ ಸಂದರ್ಭದಲ್ಲಿ ದೆಹಲಿ-ಎನ್‌ಸಿಆರ್‌ನಲ್ಲಿ 30 ಕ್ಕೂ ಹೆಚ್ಚು ಹೋಟೆಲ್‌ಗಳು ಪ್ರತಿನಿಧಿಗಳು ಮತ್ತು ಸರ್ಕಾರಗಳ ಮುಖ್ಯಸ್ಥರಿಗೆ ಆತಿಥ್ಯ ವಹಿಸಿವೆ. ಅಮೆರಿಕ ಅಧ್ಯಕ್ಷ ಜೋ ಬೈಡನ್‌ ITC ಮೌರ್ಯ ಶೆರಾಟನ್‌ನಲ್ಲಿ ಉಳಿದುಕೊಂಡರು ಮತ್ತು ತಾಜ್ ಅರಮನೆಯು ಚೀನಾದ ಪ್ರಧಾನಿಗೆ ಆತಿಥ್ಯ ವಹಿಸಿತು. ಒಟ್ಟಾರೆಯಾಗಿ, ದೆಹಲಿಯ 23 ಹೋಟೆಲ್‌ಗಳು ಮತ್ತು ಎನ್‌ಸಿಆರ್‌ನ ಒಂಬತ್ತು ಹೋಟೆಲ್‌ಗಳು ಜಿ 20 ಪ್ರತಿನಿಧಿಗಳಿಗೆ ಆತಿಥ್ಯ ವಹಿಸಿವೆ ಎಂದು ಮೂಲಗಳು ತಿಳಿಸಿವೆ.

ಪ್ರಮುಖ ಸುದ್ದಿ :-   ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಅಧ್ಯಕ್ಷ ಸ್ಥಾನದಿಂದ ಕೆಳಗಿಳಿದ ವಿಜಯಶೇಖರ ಶರ್ಮಾ

ಭದ್ರತಾ ವ್ಯವಸ್ಥೆಗಳು….
ವಿದೇಶಿ ಅತಿಥಿಗಳ ಭದ್ರತೆಯನ್ನು ಖಚಿತಪಡಿಸಿಕೊಳ್ಳಲು ಕೇಂದ್ರ ಅರೆಸೇನಾ ಪಡೆಗಳು, ಎನ್‌ಎಸ್‌ಜಿ ಕಮಾಂಡೋಗಳು ಮತ್ತು ದೆಹಲಿ ಪೊಲೀಸ್ ತಂಡಗಳು ಭಾಗಿಯಾಗಿದ್ದವು. ಎಲ್ಲಾ ಭದ್ರತಾ ಏಜೆನ್ಸಿಗಳ ಕಮಾಂಡೋಗಳಿಗೆ ವಿವಿಧ ಜವಾಬ್ದಾರಿಗಳನ್ನು ನೀಡಲಾಗಿತ್ತು. ಭದ್ರತಾ ವ್ಯವಸ್ಥೆಗಳ ಕುರಿತು ಚರ್ಚಿಸಲು ಗೃಹ ಸಚಿವಾಲಯವು ಹಲವು ಸಭೆಗಳನ್ನು ನಡೆಸಿತು. ಜಿ20 ಪ್ರತಿನಿಧಿಗಳ ಭದ್ರತೆಗಾಗಿ ಐವತ್ತು ಸಿಆರ್‌ಪಿಎಫ್ ಗಾರ್ಡ್‌ಗಳನ್ನು ನಿಯೋಜಿಸಲಾಗಿತ್ತು.
G20 ಶೃಂಗಸಭೆಯಲ್ಲಿ ವಿದೇಶಿ ಅತಿಥಿಗಳ ಭದ್ರತೆಯನ್ನು ಖಾತ್ರಿಪಡಿಸುವ ಗ್ರೇಟರ್ ನೋಯ್ಡಾದ VIP ಭದ್ರತಾ ತರಬೇತಿ ಕೇಂದ್ರದಲ್ಲಿ CRPF 1,000 ಸಿಬ್ಬಂದಿಯ ತಂಡವನ್ನು ಆಯೋಜಿಸಿತ್ತು.

3 / 5. 4

ಶೇರ್ ಮಾಡಿ :

ನಿಮ್ಮ ಕಾಮೆಂಟ್ ಬರೆಯಿರಿ

advertisement