ಇಸ್ರೇಲ್-ಹಮಾಸ್ ಯುದ್ಧವು ಪ್ರಾರಂಭವಾಗಿ ಒಂದು ತಿಂಗಳಾಗಲು ಒಂದು ದಿನ ಬಾಕಿಯಿರುವಾಗ, ಇಸ್ರೇಲ್‌ನ ಮಿಲಿಟರಿ ಗಾಜಾ ನಗರವನ್ನು ಸುತ್ತುವರಿಯಲಾಗಿದ್ದು ಅದನ್ನು ಎರಡು ಭಾಗಗಳಾಗಿ ವಿಂಗಡಿಸಿದೆ ಎಂದು ಘೋಷಿಸಿದೆ. ಏತನ್ಮಧ್ಯೆ, ಅಮೆರಿಕ ವಿದೇಶಾಂಗ ಕಾರ್ಯದರ್ಶಿ ಆಂಟೋನಿ ಬ್ಲಿಂಕೆನ್ ಅವರು ಪ್ಯಾಲೆಸ್ತೀನ್ ಅಧ್ಯಕ್ಷರನ್ನು ಭೇಟಿಯಾಗಿದ್ದಾರೆ, ನಂತರ ಇರಾಕ್‌ಗೆ ಹಠಾತ್ ಭೇಟಿ ನೀಡಿದ್ದಾರೆ.
ಗಾಜಾದಲ್ಲಿ ನಾಲ್ಕು ವಾರಗಳಿಗೂ ಹೆಚ್ಚು ಕಾಲ ನಡೆಯುತ್ತಿರುವ ಯುದ್ಧದಲ್ಲಿ ಕನಿಷ್ಠ 9,770 ಜನರು ಸಾವಿಗೀಡಾಗಿದ್ದಾರೆ ಎಂದು ಹಮಾಸ್ ಆಡಳಿತದ ಆರೋಗ್ಯ ಸಚಿವಾಲಯ ತಿಳಿಸಿದೆ. ಇಸ್ರೇಲ್‌ನ ಇತಿಹಾಸದಲ್ಲಿ ನಡೆದ ಅತ್ಯಂತ ಭೀಕರ ದಾಳಿಯಲ್ಲಿ ಉಗ್ರಗಾಮಿಗಳು 1,400 ಕ್ಕೂ ಹೆಚ್ಚು ಜನರನ್ನು ಕೊಂದು 240 ಒತ್ತೆಯಾಳುಗಳನ್ನು ತೆಗೆದುಕೊಂಡ ನಂತರ ಗಾಜಾದ ಹಮಾಸ್ ನೆಲೆಗಳ ಮೇಲೆ ಪ್ರತೀಕಾರದ ಕಾರ್ಯಾಚರಣೆ ಪ್ರಾರಂಭವಾಯಿತು.
ಗಾಜಾ ನಗರವನ್ನು ಈಗ ಎರಡು ಭಾಗಗಳಾಗಿ ವಿಂಗಡಿಸಲಾಗಿದೆ ಎಂದು ರೇರ್ ಅಡ್ಮ್ ಡೇನಿಯಲ್ ಹಗರಿ ಅವರು ಭಾನುವಾರ ರಾತ್ರಿ ಹೇಳಿದ್ದಾರೆ. “ಇಂದು ಉತ್ತರ ಗಾಜಾ ಮತ್ತು ದಕ್ಷಿಣ ಗಾಜಾ ಎಂದು ಪ್ರತ್ಯೇಕಿಸಲಾಗಿದೆ, ಇದು ಹಮಾಸ್ ವಿರುದ್ಧ ಇಸ್ರೇಲಿನ ಯುದ್ಧದಲ್ಲಿನ “ಮಹತ್ವದ ಹಂತ” ಎಂದು ಅವರು ಕರೆದರು, ಇಸ್ರೇಲಿ ಮಾಧ್ಯಮಗಳು ಇಸ್ರೇಲಿ ಪಡೆಗಳು 48 ಗಂಟೆಗಳ ಒಳಗೆ ಗಾಜಾ ನಗರವನ್ನು ಪ್ರವೇಶಿಸುವ ನಿರೀಕ್ಷೆಯಿದೆ ಎಂದು ಹೇಳಿವೆ. ರಾತ್ರಿಯ ನಂತರ ಗಾಜಾ ಉತ್ತರದಲ್ಲಿ ಬಲವಾದ ಸ್ಫೋಟಗಳು ವರದಿಯಾಗಿವೆ. .
ಯುದ್ಧ ಪ್ರಾರಂಭವಾದ ನಂತರ ಮೂರನೇ ಬಾರಿಗೆ ಭಾನುವಾರ ಗಾಜಾದಲ್ಲಿ ಎಲ್ಲಾ ಸಂವಹನಗಳು ಮತ್ತು ಇಂಟರ್ನೆಟ್ ಸೇವೆಗಳನ್ನು ಸ್ಥಗಿತಗೊಳಿಸಲಾಗಿದೆ. ಸಂಪರ್ಕದ ಸ್ಥಗಿತವನ್ನು ಇಂಟರ್ನೆಟ್ ಪ್ರವೇಶದ ಅಡ್ವೊಕಸಿ ಗ್ರೂಪ್ NetBlocks.org ವರದಿ ಮಾಡಿದೆ ಮತ್ತು ಪ್ಯಾಲೇಸ್ತಿನಿಯನ್ ಟೆಲಿಕಾಂ ಕಂಪನಿ ಪಾಲ್ಟೆಲ್ ದೃಢಪಡಿಸಿದೆ. ಗಾಜಾದಲ್ಲಿ ಮೊದಲ ಸಂಪರ್ಕ ಕಡಿತವು 36 ಗಂಟೆಗಳ ಕಾಲ ಮತ್ತು ಎರಡನೆಯದು ಕೆಲವು ಗಂಟೆಗಳ ಕಾಲ ನಡೆದಿತ್ತು.
ಕದನ ವಿರಾಮಕ್ಕಾಗಿ ಹೆಚ್ಚುತ್ತಿರುವ ಅಂತಾರಾಷ್ಟ್ರೀಯ ಒತ್ತಾಯವನ್ನು ಇಸ್ರೇಲ್ ಮತ್ತೊಮ್ಮೆ ತಳ್ಳಿಹಾಕಿತು, ಏಕೆಂದರೆ ತನ್ನ ಪಡೆಗಳು ಗಾಜಾ ನಗರವನ್ನು ಯಶಸ್ವಿಯಾಗಿ ಸುತ್ತುವರೆದಿವೆ ಎಂದು ಅದು ಹೇಳಿದೆ.
ಏತನ್ಮಧ್ಯೆ ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಆಂಟೋನಿ ಬ್ಲಿಂಕೆನ್ ಅವರು ನಡೆಯುತ್ತಿರುವ ಯುದ್ಧದ ಮಧ್ಯೆ ತಮ್ಮ ರಾಜತಾಂತ್ರಿಕ ಪ್ರಯತ್ನಗಳಲ್ಲಿ ಭಾನುವಾರ ಆಕ್ರಮಿತ ಪಶ್ಚಿಮ ದಂಡೆಗೆ ಹೋದರು. ಅವರು ಪ್ಯಾಲೇಸ್ಟಿನಿಯನ್ ಅಧ್ಯಕ್ಷ ಮಹಮೂದ್ ಅಬ್ಬಾಸ್ ಅವರನ್ನು ಭೇಟಿ ಮಾಡಿದರು ಮತ್ತು ಬೈಡನ್‌ ಆಡಳಿತವು ಗಾಜಾದ ನಾಗರಿಕರ ದುಃಸ್ಥಿತಿಯನ್ನು ಸರಾಗಗೊಳಿಸುವ ಪ್ರಯತ್ನಗಳನ್ನು ವೇಗಗೊಳಿಸುತ್ತಿದೆ ಎಂದು ಭರವಸೆ ನೀಡಲು ಪ್ರಯತ್ನಿಸಿದರು. ಸಿದರು.
ಇರಾಕ್ ಮತ್ತು ಇತರೆಡೆಗಳಲ್ಲಿ ಇರಾನಿನ ಮಿತ್ರ ಸೇನಾಪಡೆಗಳ ದಾಳಿಯ ಉಲ್ಬಣ ಎದುರಿಸುತ್ತಿರುವ ಪ್ರದೇಶದಲ್ಲಿ ಅಮೆರಿಕನ್ ಪಡೆಗಳ ಬಗ್ಗೆ ಹೆಚ್ಚುತ್ತಿರುವ ಕಳವಳಗಳ ಮಧ್ಯೆ, ಬ್ಲಿಂಕನ್ ನಂತರ ಇರಾಕಿನ ಪ್ರಧಾನ ಮಂತ್ರಿ ಮೊಹಮ್ಮದ್ ಶಿಯಾ ಅಲ್-ಸುಡಾನಿ ಅವರೊಂದಿಗೆ ಮಾತುಕತೆ ನಡೆಸಲು ಬಾಗ್ದಾದ್‌ಗೆ ಬಂದಿಳಿದರು. ಬ್ಲಿಂಕನ್ ಬಾಗ್ದಾದ್‌ನಿಂದ ಟರ್ಕಿಗೆ ಪ್ರಯಾಣ ಬೆಳೆಸಿದರು.
ಭಾನುವಾರ, ಇಸ್ರೇಲಿ ಯುದ್ಧವಿಮಾನಗಳು ಎರಡು ನಿರಾಶ್ರಿತರ ಶಿಬಿರಗಳ ಮೇಲೆ ದಾಳಿ ಮಾಡಿದವು, ಇದು ಕನಿಷ್ಠ 53 ಜನರ ಸಾವಿಗೆ ಕಾರಣವಾಯಿತು. ಮತ್ತು ಕೇಂದ್ರ ಗಾಜಾದಲ್ಲಿ ಡಜನ್ಗಟ್ಟಲೆ ಜನ ಗಾಯಗೊಂಡರು. ಇಸ್ರೇಲ್‌ನ ಸೇನೆಯು ಪ್ಯಾಲೇಸ್ಟಿನಿಯನ್ ನಾಗರಿಕರನ್ನು ಆಶ್ರಯ ಪಡೆಯಲು ಒತ್ತಾಯಿಸಿದ ವಲಯ ಇದಾಗಿದೆ. ಹತಾಶ ನಾಗರಿಕರಿಗೆ ನೆರವು ಪಡೆಯಲು ಸಂಕ್ಷಿಪ್ತ ವಿರಾಮಗಳಿಗೆ ಯುಎಸ್ ಮನವಿಯ ಹೊರತಾಗಿಯೂ, ಹಮಾಸ್ ಅನ್ನು ಹತ್ತಿಕ್ಕಲು ತನ್ನ ಆಕ್ರಮಣವನ್ನು ಮುಂದುವರೆಸುವುದಾಗಿ ಇಸ್ರೇಲ್ ಹೇಳಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ