ವೀಡಿಯೊ…| ಶಬ್ದದ ವೇಗಕ್ಕಿಂತ ವೇಗವಾಗಿ ಹಾರಾಟ ಮಾಡುವ ʼ ಶಬ್ದ ರಹಿತ ಸೂಪರ್‌ಸಾನಿಕ್‌ ವಿಮಾನʼ ಅನಾವರಣಗೊಳಿಸಿದ ನಾಸಾ

ನಾಸಾ (NASA) ಮತ್ತು ಅಮೆರಿಕ ರಕ್ಷಣಾ ಕಂಪನಿ ಲಾಕ್ಹೀಡ್ ಮಾರ್ಟಿನ್ ಆರು ವರ್ಷಗಳ ಸಂಶೋಧನೆಯ ನಂತರ X-59 ಸೂಪರ್‌ಸಾನಿಕ್‌ ವಿಮಾನವನ್ನು ಅನಾವರಣಗೊಳಿಸಿದೆ. ಹಗೂ ಇದನ್ನು ಪ್ರಯಾಣಿಕರ ವಿಮಾನವಾಗಿಸುವ ನಿಟ್ಟಿನಲ್ಲಿ ತನ್ನ ಕೆಲಸ ಮುಂದುವರಿಸಿದೆ.
‘ಶಬ್ದ ರಹಿತ’ ಸೂಪರ್‌ಸಾನಿಕ್ ವಿಮಾನವು ಹಿಂದಿನ ಸೂಪರ್‌ಸಾನಿಕ್ ವಿಮಾನಗಳ ಅಪ್‌ಗ್ರೇಡ್ ಆಗಿದೆ. X-59 ಶಬ್ದಕ್ಕಿಂತ 1.4 ಪಟ್ಟು ವೇಗದಲ್ಲಿ ಅಥವಾ ಸುಮಾರು ಗಂಟೆಗೆ 1,480 km ವೇಗದಲ್ಲಿ ಹಾರಬಲ್ಲದು. ಸೂಪರ್ಸಾನಿಕ್ ವಿಮಾನಗಳು ಶಬ್ದದ ವೇಗಕ್ಕಿಂತ ವೇಗವಾಗಿ ಚಲಿಸುವ ವಿಮಾನಗಳಾಗಿವೆ. ಆದರೆ ಅದು ಹಾರಾಟವಾಗುವಾಗ ದೊಡ್ಡ ಭೂಮ್‌ ಶಬ್ದ ಇರುವುದಿಲ್ಲ, ಅದು ಸಣ್ಣ ಶಬ್ವನ್ನು ಮಾತ್ರ ಉಂಟು ಮಾಡತ್ತದೆ ಎಂದು ಹೇಳಲಾಗಿದೆ.
ಸೂಪರ್‌ಸಾನಿಕ್ ಹಾರಾಟವು ಗುಡುಗು ಶಬ್ದದ ಸೂಪರ್‌ಸಾನಿಕ್ ಬೂಮ್ ಅನ್ನು ತರುತ್ತದೆ. ಯುರೋನ್ಯೂಸ್‌ನ ವರದಿಯ ಪ್ರಕಾರ, ಈ ಪ್ರದೇಶದಲ್ಲಿ ವಾಸಿಸುವ ನಮಗೆ ಈ ಶಬ್ದದ ಬಗ್ಗೆ ಪರಿಚಿತವಾಗಿದೆ ”ಎಂದು ನಾಸಾದ ಉಪ ನಿರ್ವಾಹಕರಾದ ಪಾಮ್ ಮೆಲ್ರಾಯ್ ಉಡಾವಣಾ ಕಾರ್ಯಕ್ರಮದ ಸಂದರ್ಭದಲ್ಲಿ ಹೇಳಿದರು.

“ಸೂಪರ್‌ಸಾನಿಕ್ ವಿಮಾನದ ಹಾರಾಟವನ್ನು ಜನನಿಬಿಡ ಪ್ರದೇಶಗಳಲ್ಲಿ ನಿರ್ಬಂಧಿಸಲಾಗಿದೆ. ಆದರೆ X-59 ಆ ತಡೆಗೋಡೆಯನ್ನು ಬ್ರೇಕ್‌ ಮಾಡಲಿದೆ. ಯಾಕೆಂದರೆ ನಿಖರವಾಗಿ ವಿನ್ಯಾಸಗೊಳಿಸಲಾಗಿದೆ, ಇದು ಸೌಮ್ಯವಾದ ಶಬ್ದವನ್ನು ಉತ್ಪಾದಿಸುತ್ತದೆ. ಹಿಂದಿನ ವಿಮಾನದ ವಿಚ್ಛಿದ್ರಕಾರಕ ಬೂಮ್‌(ದೊಡ್ಡ ಶಬ್ದ)ಗಳಿಗೆ ಹೋಲಿಸಿದರೆ ಕೇವಲ ಪಿಸುಮಾತುನಷ್ಟು ಇರುತ್ತದೆ ”ಎಂದು ಮೆಲ್ರಾಯ್ ಹೇಳಿದ್ದಾರೆ.
X-59 ವಿಮಾನವು 30 ಮೀಟರ್ ಉದ್ದ ಮತ್ತು 9 ಮೀಟರ್ ಅಗಲ (99.7 ಅಡಿ ಉದ್ದ ಮತ್ತು 29.5 ಅಡಿ ಅಗಲ)ವಿದೆ ಮತ್ತು ತೆಳ್ಳಗಿನ, ಮೊನಚಾದ ಮೂಗು ಹೊಂದಿದೆ, ಈ ಮೂಗು ಅದರ ಉದ್ದದ ಮೂರನೇ ಒಂದು ಭಾಗವಿದೆ. ಸೋನಿಕ್ ಬೂಮ್ ಸಮಯದಲ್ಲಿ ಉಂಟಾಗುವ ಆಘಾತ ತರಂಗಗಳನ್ನು ಬ್ರೇಕ್‌ ಮಾಡಲು ವಿಮಾನವು ಮೊನಚಾದ ಮೂಗು ಸಹಾಯ ಮಾಡುತ್ತದೆ ಎಂದು ಬಾಹ್ಯಾಕಾಶ ಸಂಸ್ಥೆ ಹೇಳಿದೆ.

ಎಂಜಿನಿಯರ್‌ಗಳು ಸಾಮಾನ್ಯವಾಗಿ ಇತರ ವಿಮಾನಗಳಲ್ಲಿ ಇರುವ ಮುಂಭಾಗದ ಕಿಟಕಿಗಳನ್ನು ತೆಗೆದುಹಾಕಿದ್ದಾರೆ ಮತ್ತು ಅದರ ಸೂಪರ್ಸಾನಿಕ್ ಕಾರ್ಯಕ್ಷಮತೆಯನ್ನು ಸುಧಾರಿಸುವ ಪ್ರಯತ್ನದಲ್ಲಿ ಕಾಕ್‌ಪಿಟ್ ಅನ್ನು ವಿಮಾನದ ಅರ್ಧದಷ್ಟು ಉದ್ದಕ್ಕೆ ಇರಿಸಿದ್ದಾರೆ. ಇಂಜಿನ್ ಅನ್ನು ಮೇಲ್ಭಾಗದಲ್ಲಿ ಜೋಡಿಸಲಾಗಿದೆ ಮತ್ತು ವಿಜ್ಞಾನಿಗಳು ” ಸೋನಿಕ್ ಬೂಮ್‌ಗೆ ಕಾರಣವಾಗದಂತೆ ಆಘಾತ ತರಂಗಗಳನ್ನುತಡೆಯಲು ಸಹಾಯ ಮಾಡಲು ಮೃದುವಾದ ಕೆಳಭಾಗವನ್ನು ನೀಡಿದ್ದಾರೆ.
ಸೋನಿಕ್ ಬೂಮ್ ಎನ್ನುವುದು ಸ್ಫೋಟ ಅಥವಾ ಗುಡುಗಿನಂತೆ ಮಾನವ ಕಿವಿಗೆ ಹೋಲುವ ದೊಡ್ಡ ಶಬ್ದವಾಗಿದೆ ಮತ್ತು ವಸ್ತುವು ಶಬ್ದದ ವೇಗಕ್ಕಿಂತ ವೇಗವಾಗಿ ಗಾಳಿಯ ಮೂಲಕ ಚಲಿಸಿದಾಗ ಇದು ಸಂಭವಿಸುತ್ತದೆ.
X-59 ವಿಮಾನವು ಜನರು ಪ್ರಯಾಣಿಸುವ ಮಾರ್ಗವನ್ನು ಬದಲಾಯಿಸುತ್ತದೆ ಎಂದು ಮೆಲ್ರಾಯ್ ಹೇಳಿದರು. X-59 2018 ರಲ್ಲಿ ಬಿಡುಗಡೆಯಾದ ಕ್ವೆಸ್ಟ್ ಮಿಷನ್‌ನ ಉತ್ಪನ್ನವಾಗಿದ್ದು, ಈಗ ಕಾರ್ಯಾಚರಣೆಯಿಂದ ನಿವೃತ್ತಿಯಾಗಿರುವ ಕಾಂಕಾರ್ಡ್‌ನಂತೆ ಸಾಂಪ್ರದಾಯಿಕ ಸೂಪರ್‌ಸಾನಿಕ್ ವಿಮಾನಕ್ಕಿಂತ ಕಡಿಮೆ ಶಬ್ದವನ್ನು ಉತ್ಪಾದಿಸುವ ಸೂಪರ್‌ಸಾನಿಕ್ ವಿಮಾನವನ್ನು ನಿರ್ಮಿಸುವ ಗುರಿಯನ್ನು ಹೊಂದಿದೆ.

“ಕೇವಲ ಕೆಲವೇ ವರ್ಷಗಳಲ್ಲಿ ನಾವು ಮಹತ್ವಾಕಾಂಕ್ಷೆಯ ಪರಿಕಲ್ಪನೆಯಿಂದ ವಾಸ್ತವಕ್ಕೆ ಹೋಗಿದ್ದೇವೆ. ನಾಸಾದ X-59 ವಿಮನವು ನಾವು ಪ್ರಯಾಣಿಸುವ ಮಾರ್ಗವನ್ನು ಬದಲಾಯಿಸಲು ಸಹಾಯ ಮಾಡುತ್ತದೆ, ಈ ಪ್ರಗತಿಯು ನಿಜವಾಗಿಯೂ ಭೂಮಿಯ ಮೇಲಿನ ವಾಣಿಜ್ಯ ಸೂಪರ್ಸಾನಿಕ್ ಪ್ರಯಾಣದ ಕಾರ್ಯಸಾಧ್ಯತೆಯನ್ನು ಮರುವ್ಯಾಖ್ಯಾನಿಸುತ್ತದೆ” ಎಂದು ನಾಸಾ (NASA) ಉಪ ನಿರ್ವಾಹಕರು ಹೇಳಿದ್ದಾರೆ.
ಹಾರಾಟ ಪರೀಕ್ಷೆ ಮುಗಿದ ನಂತರ, X-59 ಉತ್ಪಾದಿಸುವ ಧ್ವನಿ ಮತ್ತು ಜನರು ಅದನ್ನು ಹೇಗೆ ಕೇಳುತ್ತಾರೆ ಎಂಬುದರ ಕುರಿತು ಪ್ರತಿಕ್ರಿಯೆಯನ್ನು ಪಡೆಯಲು ನಾಸಾ (NASA) ಅಮೆರಿಕದ ಆಯ್ದ ನಗರಗಳ ಮೇಲೆ ವಿಮಾನವನ್ನು ಹಾರಿಸುತ್ತದೆ.

ದಿ ಗಾರ್ಡಿಯನ್ ಪ್ರಕಾರ, ನಾಸಾದ ಏರೋನಾಟಿಕ್ಸ್ ರಿಸರ್ಚ್ ಮಿಷನ್‌ನ ಅಸೋಸಿಯೇಟ್ ಅಡ್ಮಿನಿಸ್ಟ್ರೇಟರ್ ಬಾಬ್ ಪಿಯರ್ಸ್, “ಗ್ರೌಂಡ್ಡ್ ಫ್ಲೈಟ್ ಪರೀಕ್ಷೆಯು ನಮಗೆ ಸೋನಿಕ್ ಬೂಮ್ ಬದಲಿಗೆ ಮೃದುವಾದ ಥಂಪ್ ಅನ್ನು ಉತ್ಪಾದಿಸುವ ವಿಮಾನವನ್ನು ವಿನ್ಯಾಸಗೊಳಿಸಲು ಸಾಧ್ಯ ಎಂದು ತೋರಿಸಿದೆ. ಸೂಪರ್ಸಾನಿಕ್ ವಿಮಾನವು ಜನರ ಪ್ರಯಾಣಕ್ಕೆ ಅನುಮತಿಸುವಷ್ಟು ಶಾಂತ(ಶಬ್ದ ರಹಿತ) ವಾಗಿದೆಯೇ? ಎಂಬುದಕ್ಕೆ ನಮ್ಮ ಪ್ರಯೋಗಾಲಯ ಅಧ್ಯಯನಗಳು ಹೌದು ಎಂದು ಹೇಳುತ್ತವೆ, ಆದರೆ ದೈನಂದಿನ ಜೀವನದಲ್ಲಿ ಅದನ್ನು ಕೇಳುವ ಜನರನ್ನು ತೊಡಗಿಸಿಕೊಳ್ಳುವ ಮೂಲಕ ಮಾತ್ರ ನಿಜವಾದ ಉತ್ತರವನ್ನು ಕಂಡುಹಿಡಿಯಬಹುದು ಎಂದು ಹೇಳಿದ್ದಾರೆ.