ಹೈದರಾಬಾದ್: ತೆಲಂಗಾಣದ ಸೈಬರ್ ಸೆಕ್ಯುರಿಟಿ ಬ್ಯೂರೋಗೆ ವ್ಯಕ್ತಿಯೊಬ್ಬರಿಂದ ಅತಿದೊಡ್ಡ ಸೈಬರ್ ಹಣಕಾಸು ವಂಚನೆ ದೂರು ಬಂದಿದ್ದು, 75 ವರ್ಷದ ವ್ಯಕ್ತಿಯೊಬ್ಬರು ₹ 13 ಕೋಟಿ ಕಳೆದುಕೊಂಡಿದ್ದಾರೆ ಎಂದು ವರದಿಯಾಗಿದೆ.
ಸಂತ್ರಸ್ತ ವ್ಯಕ್ತಿ ಸಾರ್ವಜನಿಕ ವಲಯದ ಘಟಕದ ಹಿರಿಯ ವ್ಯವಸ್ಥಾಪಕರಾಗಿ ನಿವೃತ್ತರಾಗಿದ್ದರು ಎಂದು ಹೇಳಲಾಗಿದೆ. ಈ ವ್ಯಕ್ತಿ ಜುಲೈ 1 ರಂದು ವಾಟ್ಸ್ಆ್ಯಪ್ ಮೂಲಕ ಹೂಡಿಕೆಯ ಪ್ರಸ್ತಾಪವನ್ನು ಸ್ವೀಕರಿಸಿದ್ದಾರೆ ಎಂದು ವರದಿಯಾಗಿದೆ ಮತ್ತು 10 ದಿನಗಳಲ್ಲಿ, ಅವರು ವಂಚಕರು ನಿರೀಕ್ಷಿಸಿದ ಹೆಚ್ಚಿನ ಲಾಭದ ಆಮಿಷಕ್ಕೆ ಒಳಗಾಗಿ ₹ 4 ಕೋಟಿ ಹೂಡಿಕೆ ಮಾಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
ಅವರ ಖಾತೆಯಲ್ಲಿ ₹ 10 ಕೋಟಿ ತೋರಿಸಿದಾಗ ಅವರು ಹಣವನ್ನು ಹಿಂಪಡೆಯಲು ಬಯಸಿದ್ದರು. ನಂತರ ಅವರು ಜಿಎಸ್ಟಿ, ಸಿಜಿಎಸ್ಟಿ, ಪರಿವರ್ತನೆ ತೆರಿಗೆ, ವಿದೇಶಿ ವಿನಿಮಯ ತೆರಿಗೆ ಮತ್ತು ಮುಂತಾದವುಗಳನ್ನು ಪಾವತಿಸಬೇಕಾಗುತ್ತದೆ ಎಂದು ಹೇಳಲಾಯಿತು.
ಅವರು ತಮ್ಮ ಹೂಡಿಕೆಯ ಹಣವನ್ನು ಮತ್ತು “ರಿಟರ್ನ್ಸ್” ಅನ್ನು ಮರುಪಡೆಯಲು ಆಶಿಸುತ್ತಾ 15 ದಿನಗಳಲ್ಲಿ ಇನ್ನೂ ₹ 9 ಕೋಟಿಗಳನ್ನು ಪಾವತಿಸಲು ಸೂಚಿಸಲಾಯಿತು.
ಈ ಹೂಡಿಕೆಗಳನ್ನು ಮಾಡಲು, ಅವರು ಮ್ಯೂಚುವಲ್ ಫಂಡ್ಗಳು ಮತ್ತು ಇತರ ಉಳಿತಾಯಗಳಿಂದ ಹಣವನ್ನು ತೆಗೆದು ತಮ್ಮ ಸ್ವಂತ ಬ್ಯಾಂಕ್ ಖಾತೆಯ ಮೂಲಕ ಚಂಚಕರು ಹೇಳಿದ್ದಕ್ಕೆ ವರ್ಗಾಯಿಸಿದ್ದರು. ಸುಮಾರು 50 ದಿನಗಳ ನಂತರವಷ್ಟೇ ತಾನು ವಂಚನೆಗೊಳಗಾಗಿರುವುದು ಅವರಿಗೆ ಗೊತ್ತಾಗಿದೆ.
ಸೋಮವಾರ ಅವರು ತೆಲಂಗಾಣ ಸೈಬರ್ ಸೆಕ್ಯುರಿಟಿ ಬ್ಯೂರೋಗೆ ದೂರು ನೀಡಲು ಬಂದಿದ್ದರು. ಆದರೆ ಈ ವಿಷಯವನ್ನು ವರದಿ ಮಾಡುವಲ್ಲಿನ ವಿಳಂಬದಿಂದ ಹಣ ಹಿಂಪಡೆಯುವ ಭರವಸೆಯನ್ನು ಸ್ವಲ್ಪವೇ ಉಳಿಸಿದೆ.
ಅವರ ಬ್ಯಾಂಕ್ನಿಂದ ಹೊರ ಹೋದ ಒಟ್ಟು ₹ 13 ಕೋಟಿಯಲ್ಲಿ ₹ 20 ಲಕ್ಷ ಹಣವನ್ನು ಪೊಲೀಸರಿಗೆ ಉಳಿಸಲು ಸಾಧ್ಯವಾಯಿತು.
ನಂತರ ರಾಜಸ್ಥಾನ, ಗುಜರಾತ್, ಮಹಾರಾಷ್ಟ್ರ, ಕೇರಳದಂತಹ ರಾಜ್ಯಗಳಲ್ಲಿ ಹರಡಿರುವ ಅನೇಕ ಖಾತೆಗಳಿಂದ ಚೆಕ್, ಎಟಿಎಂ ಕಾರ್ಡ್ಗಳು ಮುಂತಾದವುಗಳ ಮೂಲಕ ಮೊತ್ತವನ್ನು ಹಿಂಪಡೆಯಲಾಗಿದೆ. ದೂರದ ದುಬೈನಿಂದ ₹ 2 ಕೋಟಿ ಹಿಂಪಡೆಯಲಾಗಿದೆ.
ಹೈದರಾಬಾದ್ನಲ್ಲಿ ಒಂದೆರಡು ಜನರನ್ನು ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ, ಅಲ್ಲಿಂದ ಸ್ವಲ್ಪ ಹಣವನ್ನು ಹಿಂಪಡೆಯಲಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ