ನವದೆಹಲಿ: ದೇಶದ ಸಶಸ್ತ್ರ ಪಡೆಗಳಿಗೆ ದೊಡ್ಡ ಬಲ ನೀಡಲಿರುವ 31 MQ-9B ಪ್ರಿಡೇಟರ್ ಡ್ರೋನ್‌ಗಳ ಖರೀದಿಗೆ ಭಾರತವು ಅಮೆರಿಕದೊಂದಿಗೆ ಒಪ್ಪಂದಕ್ಕೆ ಸಹಿ ಹಾಕಿದೆ.
ಅಮೆರಿಕದಿಂದ 31 ಪ್ರಿಡೇಟರ್ ಡ್ರೋನ್‌ಗಳ ಖರೀದಿಗೆ ಭಾರತ ಹಾಗೂ ಅಮೆರಿಕವು 32,000 ಕೋಟಿ ರೂಪಾಯಿಗಳ ಒಪ್ಪಂದಕ್ಕೆ ಸಹಿ ಹಾಕಿವೆ. ಇದು ಭಾರತೀಯ ಸೇನೆಯ ಕಣ್ಗಾವಲು ಸಾಮರ್ಥ್ಯವನ್ನು ಇನ್ನಷ್ಟು ಹೆಚ್ಚಿಸುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಭದ್ರತಾ ಕ್ಯಾಬಿನೆಟ್ ಸಮಿತಿ (CCS) ಮಂಗಳವಾರ ಇವುಗಳ ಖರೀದಿಗೆ ಅನುಮೋದನೆ ನೀಡಿತು, ನೌಕಾಪಡೆಗೆ 15 ಡ್ರೋನ್‌ಗಳನ್ನು ಪೂರೈಸಲಾಗುತ್ತದೆ ಮತ್ತು ಉಳಿದವುಗಳನ್ನು ಸೇನೆ ಮತ್ತು ವಾಯುಪಡೆಯ ನಡುವೆ ಸಮಾನವಾಗಿ ಹಂಚಿಕೆ ಮಾಡಲಾಗುತ್ತದೆ ಎಂದು ಹೇಳಲಾಗಿದೆ.
ಭಾರತದಲ್ಲಿ ನಿರ್ವಹಣೆ, ದುರಸ್ತಿ ಮತ್ತು ಕೂಲಂಕುಷ ಪರೀಕ್ಷೆ (MRO) ಸೌಲಭ್ಯಕ್ಕಾಗಿ ವಿದೇಶಿ ಮಿಲಿಟರಿ ಮಾರಾಟ ಒಪ್ಪಂದಕ್ಕೆ ಮಂಗಳವಾರ ಸಹಿ ಹಾಕಲಾಯಿತು. ಒಪ್ಪಂದವನ್ನು ಅಧಿಕೃತಗೊಳಿಸಲು ಅಮೆರಿಕ ಮಿಲಿಟರಿ ಮತ್ತು ಕಾರ್ಪೊರೇಟ್ ಪ್ರತಿನಿಧಿಗಳು ಈಗಾಗಲೇ ಭಾರತದಲ್ಲಿದ್ದಾರೆ. ಸಮಾರಂಭದಲ್ಲಿ ನೌಕಾ ಸೌಲಭ್ಯಗಳ ಜಂಟಿ ಕಾರ್ಯದರ್ಶಿ ಸೇರಿದಂತೆ ಉನ್ನತ ಭಾರತೀಯ ರಕ್ಷಣಾ ಅಧಿಕಾರಿಗಳು ಉಪಸ್ಥಿತರಿದ್ದರು.
ಕಾರ್ಯತಂತ್ರದ ಚರ್ಚೆ
ಈ ಶಕ್ತಿಶಾಲಿ ಪ್ರಿಡೇಟರ್ ಡ್ರೋನಗಳನ್ನು ಚೆನ್ನೈ ಬಳಿಯ ಐಎನ್‌ಎಸ್ ರಾಜಾಲಿ, ಗುಜರಾತ್‌ನ ಪೋರಬಂದರ್ ಮತ್ತು ಸರ್ಸಾವಾ ಮತ್ತು ಉತ್ತರ ಪ್ರದೇಶದ ಗೋರಖ್‌ಪುರದಂತಹ ಸ್ಥಳಗಳಿಗೆ ಭಾರತ ಡ್ರೋನ್‌ಗಳನ್ನು ನಿಯೋಜಿಸಲಿದೆ. ಮಿಲಿಟರಿ ಅಗತ್ಯಗಳ ವೈಜ್ಞಾನಿಕ ವಿಶ್ಲೇಷಣೆಯ ಆಧಾರದ ಮೇಲೆ ತ್ರಿ-ಸೇವಾ ಒಪ್ಪಂದದ ಮೂಲಕ ಡ್ರೋನ್‌ಗಳನ್ನು ಖರೀದಿಸಲಾಗಿದೆ.
ನಡುವಿನ ವಿದೇಶಿ ಮಿಲಿಟರಿ ಮಾರಾಟ ಒಪ್ಪಂದದಡಿಯಲ್ಲಿ ಅಮೆರಿಕನ್ ತಯಾರಕ ಜನರಲ್ ಅಟಾಮಿಕ್ಸ್ ಏರೋನಾಟಿಕಲ್ ಸಿಸ್ಟಮ್ಸ್ (GA-ASI) ಈ ಡ್ರೋನ್‌ಗಳನ್ನು ತಯಾರಿಸಿದೆ. MQ-9B ಪ್ರಿಡೇಟರ್ ಡ್ರೋನ್ GA-ASI ಅಭಿವೃದ್ಧಿಪಡಿಸಿದ MQ-9 ‘ರೀಪರ್’ ನ ಒಂದು ರೂಪಾಂತರವಾಗಿದೆ ಮತ್ತು ಇದನ್ನು ಎತ್ತರದ, ದೀರ್ಘ-ಸಹಿಷ್ಣುತೆ ಹೊಂದಿರುವ ಮಾನವರಹಿತ ವೈಮಾನಿಕ ವಾಹನ (UAV) ಎಂದು ವರ್ಗೀಕರಿಸಲಾಗಿದೆ. ಡ್ರೋನ್ 40,000 ಅಡಿ ಎತ್ತರದಲ್ಲಿ ಒಮ್ಮೆಗೆ 40 ಗಂಟೆಗಳ ಕಾಲ ಹಾರಬಲ್ಲ ಸಾಮರ್ಥ್ಯ ಹೊಂದಿದೆ.
ಅದರ ಕಣ್ಗಾವಲು ಸಾಮರ್ಥ್ಯಗಳ ಹೊರತಾಗಿ, MQ-9B ಕ್ಷಿಪಣಿಗಳನ್ನೂ ಉಡಾಯಿಸಬಲ್ಲದು. ಇದು ಹೆಚ್ಚಿನ ನಿಖರತೆಯೊಂದಿಗೆ ಟಾರ್ಗೆಟ್‌ ಗಳನ್ನು ಹೊಡೆಯುತ್ತದೆ. ಡುತ್ತದೆ. ಈ ಸಾಮರ್ಥ್ಯಗಳು ಈ ಡ್ರೋನ್ ಅನ್ನು ಭೂಮಿ, ಸಮುದ್ರ ಹಾಗೂ ವಾಯು ದಾಳಿಗೆ ಬಳಸಲಾಗುತ್ತದೆ.,
ನಿಮ್ಮ ಕಾಮೆಂಟ್ ಬರೆಯಿರಿ