ಒಬ್ಬ ವ್ಯಕ್ತಿಗೆ ಪ್ರತಿದಿನ ಸುಮಾರು 6-8 ಗಂಟೆಗಳ ನಿದ್ರೆಯ ಅಗತ್ಯವಿರುತ್ತದೆ. ಚೆನ್ನಾಗಿ ನಿದ್ರೆ ಮಾಡದಿದ್ದರೆ ಕೆಲಸ ಮಾಡುವುದು ತುಂಬಾ ಕಷ್ಟವಾಗುತ್ತದೆ. ಆದರೆ ಇಲ್ಲೊಬ್ಬ ವ್ಯಕ್ತಿ 60 ವರ್ಷಗಳಿಂದ ನಿದ್ದೆಯನ್ನೇ ಮಾಡಿಲ್ಲವಂತೆ…! ಈ ವ್ಯಕ್ತಿ 1962 ರಿಂದ ನಿದ್ದೆ ಮಾಡಿಲ್ಲ ಎಂದು ಹೇಳಿಕೊಳ್ಳುವ ವಿಯೆಟ್ನಾಂ ವ್ಯಕ್ತಿಯ ಕುರಿತಾದ ವೀಡಿಯೊವೊಂದು ಇಂಟರ್ನೆಟ್ ಅನ್ನು ಬಿರುಗಾಳಿ ಎಬ್ಬಿಸಿದೆ.
80 ವರ್ಷದ ವಿಯೆಟ್ನಾಂನ ಥಾಯ್ ಎನ್‌ಗೊಕ್ ಎಂಬ ವ್ಯಕ್ತಿ ಬಾಲ್ಯದಲ್ಲಿ ಜ್ವರಕ್ಕೆ ತುತ್ತಾದ ನಂತರ ಅವರು ಈವರೆಗೂ ನಿದ್ದೆಯನ್ನೇ ಮಾಡಿಲ್ಲವಂತೆ. ಆತ ಇತರರಂತೆ ನಿದ್ದೆ ಮಾಡಲು ಬಯಸುತ್ತಾನೆ, ಆದರೆ 1962 ರಲ್ಲಿ ಬಾಧಿಸಿದ ಜ್ವರ ತನ್ನ ನಿದ್ರೆಯನ್ನು ಶಾಶ್ವತವಾಗಿ ಕಸಿದುಕೊಂಡಿದೆ ಎಂದು ಅವರು ಹೇಳುತ್ತಾರೆ.
ಅವರ ಪತ್ನಿ, ಮಕ್ಕಳು, ಸ್ನೇಹಿತರು ಮತ್ತು ನೆರೆಹೊರೆಯವರು ಸೇರಿದಂತೆ ಎನ್‌ಗೊಕ್ ಅವರ ಕುಟುಂಬವು ಆತ ಮಲಗಿರುವುದನ್ನು ನೋಡಿಯೇ ಇಲ್ಲ ಎಂದು ಸ್ಥಳೀಯ ಮಾಧ್ಯಮ ವರದಿಗಳು ಸೂಚಿಸುತ್ತವೆ. ಅನೇಕರು ಥಾಯ್ ಎನ್‌ಗೊಕ್ ಈ ಬಗ್ಗೆ ಆತನನ್ನು ಪರೀಕ್ಷಿಸಿದ್ದಾರೆ, ಆದಾಗ್ಯೂ, ಅವರ್ಯಾರಿಗೂ ಆತ ನಿದ್ದೆ ಮಾಡುವುದಿಲ್ಲ ಎಂಬುದನ್ನು ಅಲ್ಲಗಳೆಯಲು ಸಾಧ್ಯವಾಗಲಿಲ್ಲ.
80 ವರ್ಷ ವಯಸ್ಸಿನವರ ಈ ವೃದ್ಧನ ಸ್ಥಿತಿಯನ್ನು ನಿದ್ರಾಹೀನತೆ ಎಂದು ಕರೆಯಲಾಗುತ್ತದೆ. ಥಾಯ್ ನೋಕ್‌ಗೆ ಸ್ಲೀಪ್ ಡಿಸಾರ್ಡರ್ ಕಾಯಿಲೆ ಇರುವುದು ಪತ್ತೆಯಾಗಿದೆ. ಕಾಯಿಲೆಯ ಗುಣಪಡಿಸಿಕೊಳ್ಳಲು ಅವರು ಎಷ್ಟೋ ಔಷಧಿಗಳನ್ನು ತೆಗೆದುಕೊಂಡಿದ್ದಾರೆ, ವೈದ್ಯರನ್ನು ಭೇಟಿ ಮಾಡಿದ್ದೇವೆ. ಆದರೆ ಪರಿಹಾರ ಮಾತ್ರ ಸಿಕ್ಕಿಲ್ಲ. ನಿದ್ದೆಯಿಲ್ಲದ ರಾತ್ರಿಗಳಿಂದಾಗಿ ವ್ಯಕ್ತಿಯ ದೈಹಿಕ ಮತ್ತು ಮಾನಸಿಕ ಆರೋಗ್ಯದ ಪರಿಣಾಮ ಬೀರುತ್ತವೆ. ಆದರೆ ಈ ಪ್ರಕರಣದಲ್ಲಿ ಥಾಯ್ ಎನ್‌ಗೊಕ್ ಆರೋಗ್ಯದ ಮೇಲೆ ಯಾವುದೇ ಪರಿಣಾಮ ಬೀರಿಲ್ಲ. ಥಾಯ್ ಎನ್‌ಗೊಕ್ ಫಿಟ್ ಆಗಿದ್ದಾರೆ ಮತ್ತು ಉತ್ತಮ ಆಹಾರಕ್ರಮವನ್ನು ಅನುಸರಿಸುವ ಮೂಲಕ ತನ್ನ ಆರೋಗ್ಯವನ್ನು ಕಾಪಾಡಿಕೊಂಡಿದ್ದಾರೆ. ಅವರು ಉತ್ತಮ ಪೌಷ್ಟಿಕ ಆಹಾರ ಸೇವಿಸುತ್ತಾರೆ, ಗ್ರೀನ್‌ ಟೀ ಕುಡಿಯುತ್ತಾರೆ ಮತ್ತು ವೈನ್ ಅನ್ನು ಇಷ್ಟಪಡುತ್ತಾರೆ.
ಆದರೆ ಅವರು ನಿದ್ರೆ ಮಾಡದವರು ಜೀವನದಲ್ಲಿ ಯಾವ ಶೂನ್ಯತೆ ಅನುಭವಿಸುತ್ತಾರೆಯೋ ಅದೇ ಶೂನ್ಯತೆಯನ್ನು ಅನುಭವಿಸುತ್ತಿದ್ದಾರೆ. ಡ್ರೂ ಬಿನ್ಸ್ಕಿ ಎಂಬ ಹೆಸರಿನ ಯೂಟ್ಯೂಬರ್ ವಿಯೆಟ್ನಾಂನಲ್ಲಿ ಥಾಯ್ ಎನ್ಗೋಕ್ ಅವರನ್ನು ಮಾತನಾಡಿಸಿದ್ದಾರೆ. ಫೆಬ್ರವರಿ 2 ರಂದು ಪೋಸ್ಟ್ ಮಾಡಲಾದ ವೀಡಿಯೊವು 36 ಲಕ್ಷ ವೀಕ್ಷಣೆಗಳನ್ನು ಪಡೆದಿದೆ, ಹಾಗೂ ಏರುತ್ತಲೇ ಇದೆ.
ಸ್ವಾಭಾವಿಕವಾಗಿ, ಇದರ ಬಗ್ಗೆ ಗೊತ್ತಾಗಿ ಜನರು ಆಶ್ಚರ್ಯಚಕಿತರಾಗಿದ್ದಾರೆ. ಅವರ ಕಥೆ ಸ್ವಲ್ಪ ಸಮಯದವರೆಗೆ ವಿಯೆಟ್ನಾಂ ಮಾಧ್ಯಮದಲ್ಲಿ ವ್ಯಾಪಕವಾಗಿ ಸುದ್ದಿಯಾಗಿತ್ತು. ನಾನು ಚಿಕ್ಕವನಿದ್ದಾಗ ಅವರ ಬಗ್ಗೆ ಓದಿದ ನೆನಪು. ಅವರು ಇನ್ನೂ ಆರೋಗ್ಯವಾಗಿ ಮತ್ತು ಚೆನ್ನಾಗಿರುವುದನ್ನು ನೋಡುವುದು ಸಂತೋಷವಾಗಿದೆ ಎಂದು ಬಳಕೆದಾರರೊಬ್ಬರು ಪ್ರತಿಕ್ರಿಯಿಸಿದ್ದಾರೆ, “ಮೂಲತಃ ಈ ಮನುಷ್ಯನು ಭೂಮಿಯ ಮೇಲೆ ವಾಸಿಸುತ್ತಿದ್ದವರಲ್ಲಿ ಹೆಚ್ಚಿನ ಸಮಯವನ್ನು ಪಡೆದಿದ್ದಾನೆ.”
ನಿಮ್ಮ ಕಾಮೆಂಟ್ ಬರೆಯಿರಿ