ವಾಷಿಂಗ್ಟನ್ : ಭಾರತೀಯ ಸರಕುಗಳ ಮೇಲಿನ ಸುಂಕವನ್ನು ತೀವ್ರವಾಗಿ ಹೆಚ್ಚಿಸುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಬೆದರಿಕೆಯನ್ನು ರಿಪಬ್ಲಿಕನ್ ನಾಯಕಿ ನಿಕ್ಕಿ ಹ್ಯಾಲಿ ಟೀಕಿಸಿದ್ದಾರೆ. ಈ ಕ್ರಮವು ಅಮೆರಿಕದ ಪ್ರಮುಖ ಕಾರ್ಯತಂತ್ರದ ಪಾಲುದಾರಿಕೆಯನ್ನು ದುರ್ಬಲಗೊಳಿಸುವ ಅಪಾಯಕ್ಕೆ ಕಾರಣವಾಗುತ್ತದೆ ಎಂದು ಎಚ್ಚರಿಸಿದ್ದಾರೆ.
ಭಾರತವನ್ನು ಸುಂಕದ ಮೂಲಕ ದೂರವಿಡದಂತೆ ಮಾಜಿ ವಿಶ್ವಸಂಸ್ಥೆಯ ರಾಯಭಾರಿ ನಿಕ್ಕಿ ಹ್ಯಾಲಿ ಅಮೆರಿಕ ಅಧ್ಯಕ್ಷ ಟ್ರಂಪ್ ಅವರನ್ನು ಒತ್ತಾಯಿಸಿದರು. ಅಮೆರಿಕವು ಚೀನಾಕ್ಕೆ ಸುಂಕ ಸಡಿಲಿಕೆ ನೀಡುತ್ತಿದೆ. ಚೀನಾವು ರಷ್ಯಾ ಮತ್ತು ಇರಾನ್ ದೇಶಗಳ ತೈಲದ ಪ್ರಮುಖ ಖರೀದಿದಾರ ದೇಶ ಎಂದು ಹೇಳಿದ್ದಾರೆ. ಟ್ರಂಪ್ “ಚೀನಾಕ್ಕೆ ಅವಕಾಶ” ನೀಡುತ್ತಿದ್ದಾರೆ ಎಂದು ಆರೋಪಿಸಿದ ಅವರು “ಭಾರತದಂತಹ ಬಲವಾದ ಮಿತ್ರ” ರಾಷ್ಟ್ರದೊಂದಿಗಿನ ಸಂಬಂಧವನ್ನು ಹಾಳು ಮಾಡಿಕೊಳ್ಳದಂತೆ ಎಚ್ಚರಿಸಿದ್ದಾರೆ.
ಭಾರತದ ಬಗ್ಗೆ ಡೊನಾಲ್ಡ್ ಟ್ರಂಪ್ ಅವರ ವ್ಯಾಪಾರ ನಿಲುವಿನ ಬಗ್ಗೆ ಅತ್ಯಂತ ತೀಕ್ಷ್ಣವಾದ ರಿಪಬ್ಲಿಕನ್ ಟೀಕೆಯಲ್ಲಿ, ನಿಕ್ಕಿ ಹ್ಯಾಲಿ ಎಕ್ಸ್ ನಲ್ಲಿ ಬರೆದಿದ್ದು, “ಭಾರತವು ರಷ್ಯಾದಿಂದ ತೈಲವನ್ನು ಖರೀದಿಸಬಾರದು. ಆದರೆ ಅಮೆರಿಕದ ಪ್ರಮುಖ ಎದುರಾಳಿ ಚೀನಾವು ರಷ್ಯಾ ಮತ್ತು ಇರಾನ್ ದೇಶಗಳ ನಂಬರ್ ಒನ್ ತೈಲ ಖರೀದಿದಾರ ದೇಶವಾದ ಚೀನಾಕ್ಕೆ 90 ದಿನಗಳ ಸುಂಕ ವಿರಾಮ ನೀಡಲಾಗಿದೆ” ಎಂದು ಟೀಕಿಸಿದ್ದಾರೆ.
ಭಾರತದ ಕಾರ್ಯತಂತ್ರದ ಪ್ರಮುಖ ಪ್ರತಿಪಾದಕಿಯಾಗಿ ದೀರ್ಘಕಾಲದಿಂದ ತನ್ನನ್ನು ತಾನು ಇರಿಸಿಕೊಂಡಿರುವ ನಿಕ್ಕಿ ಹ್ಯಾಲಿ, “ಚೀನಾಕ್ಕೆ ಅವಕಾಶ ನೀಡಬೇಡಿ ಮತ್ತು ಭಾರತದಂತಹ ಬಲವಾದ ಮಿತ್ರ ರಾಷ್ಟ್ರದೊಂದಿಗೆ ಸಂಬಂಧವನ್ನು ಸುಂಕದ ಮೂಲಕ ಕಡಿದುಕೊಳ್ಳಬೇಡಿ ಎಂದು ಸಲಹೆ ನೀಡಿದ್ದಾರೆ.
ಭಾರತಕ್ಕೆ ಡೊನಾಲ್ಡ್ ಟ್ರಂಪ್ ಮತ್ತೆ ಎಚ್ಚರಿಕೆ
ಭಾರತವು ರಷ್ಯಾದಿಂದ ಕಚ್ಚಾ ತೈಲವನ್ನು ನಿರಂತರವಾಗಿ ಆಮದು ಮಾಡಿಕೊಳ್ಳುವುದನ್ನು ಉಲ್ಲೇಖಿಸಿ, 24 ಗಂಟೆಗಳ ಒಳಗೆ ಭಾರತೀಯ ಸರಕುಗಳ ಮೇಲಿನ ಸುಂಕವನ್ನು “ಬಹಳ ಗಣನೀಯವಾಗಿ” ಹೆಚ್ಚಿಸಲಾಗುವುದು ಎಂದು ಡೊನಾಲ್ಡ್ ಟ್ರಂಪ್ ಅವರ ಮತ್ತೊಂದು ಎಚ್ಚರಿಕೆಯ ನಂತರ ನಿಕ್ಕಿ ಹ್ಯಾಲಿ ಅವರ ಹೇಳಿಕೆಗಳು ಬಂದಿವೆ. ಸಿಎನ್ಬಿಸಿಗೆ ಮಾತನಾಡಿದ ಡೊನಾಲ್ಡ್ ಟ್ರಂಪ್, ಅಮೆರಿಕವು “ಭಾರತದೊಂದಿಗೆ ಕಡಿಮೆ ವ್ಯವಹಾರ” ಮಾಡುತ್ತಿದೆ ಆದರೆ ಭಾರತವು “ನಮ್ಮೊಂದಿಗೆ ಬಹಳಷ್ಟು ವ್ಯವಹಾರ” ಮಾಡುತ್ತಿದೆ ಎಂದು ಹೇಳಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ