ಗಾಜಾ: ಗಾಜಾ ನಗರದ ಅಲ್-ಶಿಫಾ ಆಸ್ಪತ್ರೆಯ ಬಳಿ ಇಸ್ರೇಲಿ ನಡೆಸಿದ ದಾಳಿಯಲ್ಲಿ ಕನಿಷ್ಠ ಐದು ಅಲ್ ಜಜೀರಾ ಪತ್ರಕರ್ತರು ಸಾವಿಗೀಡಾಗಿದ್ದಾರೆ. ಮೃತರಲ್ಲಿ ಅಲ್ ಜಜೀರಾ ವರದಿಗಾರರಾದ ಅನಾಸ್ ಅಲ್-ಶರೀಫ್ ಮತ್ತು ಮೊಹಮ್ಮದ್ ಕ್ರೈಖೆ, ಹಾಗೆಯೇ ಕ್ಯಾಮೆರಾಮೆನ್ ಇಬ್ರಾಹಿಂ ಜಹೀರ್, ಮೊವಾಮೆನ್ ಅಲಿವಾ ಮತ್ತು ಮೊಹಮ್ಮದ್ ನೌಫಲ್ ಸೇರಿದ್ದಾರೆ ಎಂದು ಅಲ್ ಜಜೀರಾ ತಿಳಿಸಿದೆ.
ಅಲ್-ಶಿಫಾ ಆಸ್ಪತ್ರೆಯ ಮುಖ್ಯ ದ್ವಾರದ ಹೊರಗೆ ಪತ್ರಿಕಾ ಟೆಂಟ್ ಅನ್ನು ಗುರಿಯಾಗಿಸಿಕೊಂಡು ಇಸ್ರೇಲಿ ನಡೆಸಿದ ದಾಳಿಯಲ್ಲಿ ಸಾವಿಗೀಡಾದ ಏಳು ಜನರಲ್ಲಿ ಇವರೂ ಸೇರಿದ್ದಾರೆ ಎಂದು ಅಲ್ ಜಜೀರಾ ಹೇಳಿದೆ.
ದಾಳಿಯ ಸ್ವಲ್ಪ ಸಮಯದ ನಂತರ, ಇಸ್ರೇಲಿ ಸೇನೆಯು ಅನಾಸ್ ಅಲ್-ಶರೀಫ್ ಅವರನ್ನು ಗುರಿಯಾಗಿಸಿಕೊಂಡು ದಾಳಿ ನಡೆಸಿದ್ದಾಗಿಹೇಳಿಕೆಯಲ್ಲಿ ಒಪ್ಪಿಕೊಂಡಿತು. ಹಾಗೂ ವರದಿಗಾರನಿಗೆ “ಭಯೋತ್ಪಾದಕ” ಎಂದು ಕರೆದಿದೆ. ಈತ “ಹಮಾಸ್ನಲ್ಲಿ ಭಯೋತ್ಪಾದಕ ಘಟಕದ ಮುಖ್ಯಸ್ಥರಾಗಿ ಸೇವೆ ಸಲ್ಲಿಸಿದ್ದ ” ಎಂದು ಹೇಳಿದೆ.
ಇಪ್ಪತ್ತೆಂಟು ವರ್ಷದ ಅಲ್-ಶರೀಫ್ ತನ್ನ ಸಾವಿಗೆ ಕೆಲವು ಕ್ಷಣಗಳ ಮೊದಲು ಎಕ್ಸ್ನಲ್ಲಿ ಪೋಸ್ಟ್ ಮಾಡುತ್ತಿದ್ದಂತೆ ಕಂಡುಬಂದಿತು, ಗಾಜಾ ನಗರದೊಳಗೆ ಇಸ್ರೇಲಿ ಬಾಂಬ್ ದಾಳಿಯನ್ನು ತೀವ್ರಗೊಳಿಸಿದೆ ಎಂದು ವರದಿ ಮಾಡಿದ್ದಾರೆ. ಸ್ನೇಹಿತನಿಂದ ಮೊದಲೇ ಬರೆಯಲ್ಪಟ್ಟ ಮತ್ತು ಪೋಸ್ಟ್ ಮಾಡಲಾದ ಪೋಸ್ಟ್ ಅನ್ನು ಅವರು ಸಾವಿಗೀಡಾಗಿದ್ದಾರೆ ಎಂದು ವರದಿಯಾದ ನಂತರ ಅವರ ಖಾತೆಯಿಂದ ಪ್ರಕಟಿಸಲಾಯಿತು.
ಗಾಜಾದಲ್ಲಿ 22 ತಿಂಗಳ ಯುದ್ಧದಲ್ಲಿ ಪತ್ರಕರ್ತರನ್ನು ಗುರಿಯಾಗಿಸಿಕೊಂಡು ನಡೆದ ದಾಳಿ ಇದು, ಸಂಘರ್ಷದ ಸಮಯದಲ್ಲಿ ಸುಮಾರು 200 ಮಾಧ್ಯಮ ಕಾರ್ಯಕರ್ತರು ಸಾವಿಗೀಡಾಗಿದ್ದಾರೆ ಎಂದು ಮಾಧ್ಯಮ ವೀಕ್ಷಣಾ ಸಂಸ್ಥೆಗಳು ತಿಳಿಸಿವೆ.
ಅಲ್ ಜಜೀರಾ ಹೇಳಿಕೆ
“ಗಾಜಾ ನಗರದಲ್ಲಿ ಪತ್ರಕರ್ತರಿಗೆ ವಸತಿ ಕಲ್ಪಿಸಲಾಗಿದ್ದ ಟೆಂಟ್ ಮೇಲೆ ಇಸ್ರೇಲ್ ನಡೆಸಿದ ದಾಳಿಯಲ್ಲಿ ಅಲ್ ಜಜೀರಾ ಪತ್ರಕರ್ತ ಅನಸ್ ಅಲ್-ಶರೀಫ್ ಜೊತೆಗೆ ನಾಲ್ವರು ಸಹೋದ್ಯೋಗಿಗಳು ಸಾವಿಗೀಡಾಗಿದ್ದಾರೆ” ಎಂದು ಕತಾರ್ ಮೂಲದ ಅಲ್ ಜಜೀರಾ ಹೇಳಿಕೆ ತಿಳಿಸಿದೆ.
“ಆಸ್ಪತ್ರೆಯ ಮುಖ್ಯ ದ್ವಾರದ ಹೊರಗೆ ಪತ್ರಕರ್ತರಿಗಾಗಿ ನಿರ್ಮಿಸಲಾಗಿದ್ದ ಟೆಂಟ್ ಮೇಲೆ ದಾಳಿ ನಡೆದ ನಂತರ ಭಾನುವಾರ 28 ವರ್ಷದ ಅಲ್-ಶರೀಫ್ ಸಾವಿಗೀಡಾಗಿದ್ದಾರೆ. ಅಲ್ ಜಜೀರಾ ಅರೇಬಿಕ್ ವರದಿಗಾರರಾದ ಅವರು ಉತ್ತರ ಗಾಜಾದವರು ಎಂದು ವರದಿಯಾಗಿದೆ. ಉಳಿದವರನ್ನು ಮೊಹಮ್ಮದ್ ಕ್ರೈಕೆಹ್, ಕ್ಯಾಮೆರಾ ನಿರ್ವಾಹಕರು ಇಬ್ರಾಹಿಂ ಜಹರ್, ಮೊಹಮ್ಮದ್ ನೌಫಲ್ ಮತ್ತು ಮೊಮೆನ್ ಅಲಿವಾ ಎಂದು ಗುರುತಿಸಲಾಗಿದೆ. ಭಾವನಾತ್ಮಕ ಕ್ಲಿಪ್ನಲ್ಲಿ, ಅಲ್ ಜಜೀರಾ ನಿರೂಪಕರೊಬ್ಬರು ತಮ್ಮ ಸಹೋದ್ಯೋಗಿಗಳ ಸಾವಿನ ಬಗ್ಗೆ ವರದಿ ಮಾಡುವಾಗ ಕಣ್ಣೀರು ಹಾಕಿದ್ದು ಕಂಡುಬಂದಿದೆ.
ಇಸ್ರೇಲ್ನ ಹೇಳಿಕೆ
ಇಸ್ರೇಲ್ ಸೇನೆಯು ದಾಳಿ ನಡೆಸಿರುವುದಾಗಿ ದೃಢಪಡಿಸಿದ್ದು, ಅಲ್ ಜಜೀರಾದ ಅಲ್-ಶರೀಫ್ ಮೇಲೆ ದಾಳಿ ನಡೆಸಿರುವುದಾಗಿ ಹೇಳಿದೆ ಮತ್ತು “ಪತ್ರಕರ್ತನಂತೆ ನಟಿಸಿದ್ದ” ಆತನನ್ನು “ಭಯೋತ್ಪಾದಕ” ಎಂದು ಕರೆದಿದೆ. “ಅನಸ್ ಅಲ್-ಶರೀಫ್ ಹಮಾಸ್ ಭಯೋತ್ಪಾದಕ ಸಂಘಟನೆಯಲ್ಲಿ ಭಯೋತ್ಪಾದಕ ಘಟಕದ ಮುಖ್ಯಸ್ಥನಾಗಿ ಸೇವೆ ಸಲ್ಲಿಸಿದ್ದ ಮತ್ತು ಇಸ್ರೇಲಿ ನಾಗರಿಕರು ಮತ್ತು ಐಡಿಎಫ್ ಪಡೆಗಳ ವಿರುದ್ಧ ರಾಕೆಟ್ ದಾಳಿಗಳನ್ನು ನಡೆಸುವ ಜವಾಬ್ದಾರಿ ಹೊಂದಿದ್ದ ” ಎಂದು ಐಡಿಎಫ್ ಹೇಳಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ