ಇಸ್ರೇಲಿ ಪಡೆಗಳು ಗಾಜಾ ಪಟ್ಟಿಯ ಮೇಲೆ ದಾಳಿ ಮಾಡುವುದನ್ನು ಮುಂದುವರೆಸಿದ್ದು, ಹಮಾಸ್ ಜೊತೆಗಿನ ಸಂಘರ್ಷವು ಆರನೇ ದಿನಕ್ಕೆ ಪ್ರವೇಶಿಸುತ್ತಿದ್ದಂತೆ ಸಂಭವನೀಯ ಭೂ ಆಕ್ರಮಣಕ್ಕೆ ತಯಾರಿ ನಡೆಸಿದೆ. ಹಮಾಸ್ ಭಯೋತ್ಪಾದಕರು ಒತ್ತೆಯಾಳಾಗಿರಿಸಿಕೊಂಡ 150 ಜನರನ್ನು ಬಿಡುಗಡೆ ಮಾಡುವವರೆಗೂ ಗಾಜಾಗೆ ಎಲ್ಲ ರೀತಿಯ ಪೂರೈಕೆ ಸ್ಥಗಿತಗೊಳಿಸಿರುವುದನ್ನು ಹಿಂಪಡೆಯುವುದಿಲ್ಲ ಎಂದು ಇಸ್ರೇಲ್ ಹೇಳಿದೆ.
ಇಸ್ರೇಲ್‌ನ ಮಿಲಿಟರಿ ಶುಕ್ರವಾರ ಉತ್ತರ ಗಾಜಾದಿಂದ 24 ಗಂಟೆಗಳ ಒಳಗೆ ಸ್ಥಳಾಂತರಗೊಳ್ಳುವಂತೆ ಅಲ್ಲಿನ ಜನರಿಗೆ ಆದೇಶಿಸಿದೆ, ಇದು 11 ಲಕ್ಷ ಜನರಿಗೆ ನೆಲೆಯಾಗಿದೆ. ಒಟ್ಟಾರೆ ಗಾಜಾ ಪ್ರದೇಶದ ಜನಸಂಖ್ಯೆಯ ಅರ್ಧದಷ್ಟು ಇಲ್ಲಿಯೇ ಇದೆ . ವಿಶ್ವಸಂಸ್ಥೆ ವಕ್ತಾರ ಸ್ಟೀಫನ್ ಡುಜಾರಿಕ್ ಆದೇಶವನ್ನು “ವಿನಾಶಕಾರಿ ಹಾಗೂ “ಅಸಾಧ್ಯ” ಎಂದು ಕರೆದಿದ್ದಾರೆ.
ಈ ಮಧ್ಯೆ ಹೆಚ್ಚಿನ ಸಾವುನೋವುಗಳನ್ನು ಉಂಟುಮಾಡುವ ನಿರೀಕ್ಷಿತ ನೆಲದ ಆಕ್ರಮಣಕ್ಕೆ ಮುಂಚಿತವಾಗಿ ದಕ್ಷಿಣಕ್ಕೆ ಸ್ಥಳಾಂತರಗೊಳ್ಳಲು ಇಸ್ರೇಲ್ ಮಿಲಿಟರಿಯ 24-ಗಂಟೆಗಳ ಎಚ್ಚರಿಕೆ ನೀಡಿದ ನಂತರ ಹಲವಾರು ಕಾರುಗಳಲ್ಲಿ ಜನರು ತಮ್ಮ ಬಟ್ಟೆಗಳು ಮತ್ತು ಹಾಸಿಗೆಗಳನ್ನು ಕಟ್ಟಿಕೊಂಡು ಸ್ಥಳಾಂತರವಾಗುತ್ತಿರುವುದನ್ನು ವೀಡಿಯೊ ತೋರಿಸಿದೆ.
X ನಲ್ಲಿ ಪ್ಯಾಲೇಸ್ಟಿನಿಯನ್ ವ್ಯವಹಾರಗಳ ವರದಿಗಾರನ ಪೋಸ್ಟ್ ಪ್ರಕಾರ, ದೃಶ್ಯಗಳು ಉತ್ತರ ಗಾಜಾದಿಂದ ಬಂದಿವೆ. “ಗಾಜಾ ನಗರದ ನಾಗರಿಕರೇ, ನಿಮ್ಮ ಸ್ವಂತ ಸುರಕ್ಷತೆ ಮತ್ತು ನಿಮ್ಮ ಕುಟುಂಬಗಳ ಸುರಕ್ಷತೆಗಾಗಿ ದಕ್ಷಿಣಕ್ಕೆ ಸ್ಥಳಾಂತರಗೊಳ್ಳಿ ಮತ್ತು ನಿಮ್ಮನ್ನು ಮಾನವ ಗುರಾಣಿಗಳಾಗಿ ಬಳಸುತ್ತಿರುವ ಹಮಾಸ್ ಭಯೋತ್ಪಾದಕರಿಂದ ದೂರವಿರಿ” ಎಂದು ಇಸ್ರೇಲ್ ಮಿಲಿಟಿರಿ ಗಾಜಾ ನಾಗರಿಕರಿಗೆ ಸೂಚನೆ ನೀಡಿದೆ. ಹಮಾಸ್ ನಾಗರಿಕ ಮಧ್ಯದಲ್ಲಿ ಅಡಗಿಕೊಂಡಿದೆ ಎಂದು ಅದು ಆರೋಪಿಸಿದೆ.
ಒಂದು ವಾರದ ಪ್ರತೀಕಾರದ ವೈಮಾನಿಕ ದಾಳಿಗಳು ಮತ್ತು ಸಂಪೂರ್ಣ ಇಸ್ರೇಲಿ ದಿಗ್ಬಂಧನದ ನಂತರ ಪ್ಯಾಲೇಸ್ಟಿನಿಯನ್ ಎನ್‌ಕ್ಲೇವ್‌ನಲ್ಲಿ ವಿದ್ಯುತ್ ಸರಬರಾಜು ಕಡಿತ ಮತ್ತು ಆಹಾರ ಮತ್ತು ನೀರು ಕಡಿಮೆಯಾಗುವುದರಿಂದ ಎಲ್ಲರನ್ನೂ ಸ್ಥಳಾಂತರಿಸುವುದು ಅಸಾಧ್ಯವೆಂದು ವಿಶ್ವಸಂಸ್ಥೆ ಹೇಳಿದೆ. ವಿಶ್ವ ಆರೋಗ್ಯ ಸಂಸ್ಥೆ ಇಸ್ರೇಲ್ ಆದೇಶದ ಬಗ್ಗೆ ಕಳವಳ ವ್ಯಕ್ತಪಡಿಸಿದೆ, ಉತ್ತರ ಗಾಜಾದಿಂದ ದುರ್ಬಲ ಆಸ್ಪತ್ರೆ ರೋಗಿಗಳನ್ನು ಸ್ಥಳಾಂತರಿಸುವುದು ಅಸಾಧ್ಯವೆಂದು ಸ್ಥಳೀಯ ಆರೋಗ್ಯ ಅಧಿಕಾರಿಗಳು ತಿಳಿಸಿದ್ದಾರೆ. “ತೀವ್ರವಾಗಿ ಅಸ್ವಸ್ಥರಾಗಿರುವ ಜನರಿದ್ದಾರೆ, ಅವರು ಬದುಕುಳಿಯುವ ಏಕೈಕ ಅವಕಾಶಗಳು ಮೆಕ್ಯಾನಿಕಲ್ ವೆಂಟಿಲೇಟರ್‌ಗಳಂತಹ ಜೀವ ಬೆಂಬಲ” ಎಂದು WHO ವಕ್ತಾರ ತಾರಿಕ್ ಜಸರೆವಿಕ್ ಹೇಳಿದ್ದಾರೆ. “ಆದ್ದರಿಂದ ಆ ಜನರನ್ನು ಸ್ಥಳಾಂತರಿಸುವುದು ಮರಣದಂಡನೆಯಾಗಿದೆ. ಆಹಾಗೆ ಸೂಚಿಸುವುದು ಕ್ರೂರವಾಗಿದೆ” ಎಂದು ಅವರು ಹೇಳಿದರು.
ಏತನ್ಮಧ್ಯೆ, ಇಸ್ರೇಲಿ ಮಿಲಿಟರಿಯು ಸ್ಥಳಾಂತರಗೊಳ್ಳುವಂತೆ ನೀಡಿದ ಆದೇಶದ ನಂತರ ಶುಕ್ರವಾರ ತಮ್ಮ ಮನೆಗಳನ್ನು ಬಿಟ್ಟು ಹೋಗದಂತೆ ಗಾಜಾ ಪಟ್ಟಿಯ ನಿವಾಸಿಗಳಿಗೆ ಹಮಾಸ್ ಹೇಳಿದೆ. ಇಸ್ರೇಲಿನಿಂದ ನಿರೀಕ್ಷಿತ ಭೂ ಆಕ್ರಮಣವು ಹೆಚ್ಚಿನ ಸಾವುನೋವುಗಳಿಗೆ ಕಾರಣವಾಗಬಹುದಾಗಿದೆ.
ಗಾಜಾ ಪಟ್ಟಿ ಮೇಲೆ ಆಕ್ರಮಣಕ್ಕೆ ಬೆಂಬಲ ಪಡೆದುಕೊಳ್ಳುವ ಪ್ರಯತ್ನದಲ್ಲಿ, ಇಸ್ರೇಲ್ ಸತ್ತ ಮಕ್ಕಳು ಮತ್ತು ನಾಗರಿಕರ ಗ್ರಾಫಿಕ್ ಚಿತ್ರಗಳನ್ನು ಅಮೆರಿಕ ವಿದೇಶಾಂಗ ಕಾರ್ಯದರ್ಶಿ ಆಂಟೋನಿ ಬ್ಲಿಂಕೆನ್ ಮತ್ತು ನ್ಯಾಟೋ ರಕ್ಷಣಾ ಮಂತ್ರಿಗಳಿಗೆ ತೋರಿಸಿದೆ. ಅವರೆಲ್ಲ ಹಮಾಸ್‌ನಿಂದ ಕೊಲ್ಲಲ್ಪಟ್ಟರು ಎಂದು ಹೇಳಿದೆ.
ಇರಾನ್‌ನ ವಿಶ್ವಸಂಸ್ಥೆಯ ಮಿಷನ್ ಇಸ್ರೇಲ್ ತನ್ನ ಬಾಂಬ್ ದಾಳಿ ನಿಲ್ಲಿಸದಿದ್ದರೆ, ಯುದ್ಧವು ‘ಇತರ ಒಕ್ಕೂಟಗಳು’ ಪಾಲ್ಗೊಳ್ಳುವಂತಾಗಬಹುದು ಎಂದು ಎಚ್ಚರಿಸಿದೆ. ಹಮಾಸ್ ದಾಳಿಯಲ್ಲಿ ಭಾಗಿಯಾಗಿರುವುದನ್ನು ಇರಾನ್ ನಿರಾಕರಿಸಿದರೂ, ಕಾರ್ಯಾಚರಣೆಯ ಯಶಸ್ಸಿನ ಬಗ್ಗೆ ಅದು ಇಸ್ರೇಲ್‌ನ “ದೊಡ್ಡ ವೈಫಲ್ಯ” ಎಂದು ಲೇಬಲ್ ಮಾಡಿದೆ.
ಇಸ್ರೇಲ್ ಶುಕ್ರವಾರ ವಿಶ್ವಸಂಸ್ಥೆಗೆ ಮಾಹಿತಿ ನೀಡಿದ್ದು, ಉತ್ತರ ಗಾಜಾದ 11 ಲಕ್ಷ ನಿವಾಸಿಗಳು ಹಮಾಸ್ ಆಳ್ವಿಕೆಯ ಭೂಪ್ರದೇಶದಿಂದ 24 ಗಂಟೆಗಳ ಒಳಗೆ ಮತ್ತಷ್ಟು ದಕ್ಷಿಣದತ್ತ ತೆರಳಲು ಆದೇಶಿಸಿದೆ. “ವಿನಾಶಕಾರಿ ಪರಿಣಾಮಗಳನ್ನು” ತಪ್ಪಿಸಲು ಇಸ್ರೇಲ್ ತನ್ನ ಸ್ಥಳಾಂತರಗೊಳ್ಳಬೇಕು ಎಂಬ ಆದೇಶವನ್ನು ಹಿಂತೆಗೆದುಕೊಳ್ಳುವಂತೆ ವಿಶ್ವಸಂಸ್ಥೆ ಒತ್ತಾಯಿಸಿದೆ.
ವಿಶ್ವಸಂಸ್ಥೆಗೆ ಇಸ್ರೇಲ್‌ನ ರಾಯಭಾರಿಯಾಗಿರುವ ಗಿಲಾಡ್ ಎರ್ಡಾನ್ ಅವರು ಗಾಜಾದ ನಿವಾಸಿಗಳಿಗೆ ಇಸ್ರೇಲ್ ನೀಡಿದ ಎಚ್ಚರಿಕೆಗೆ ವಿಶ್ವಸಂಸ್ಥೆಯ ಪ್ರತಿಕ್ರಿಯೆಯನ್ನು “ನಾಚಿಕೆಗೇಡು” ಎಂದು ಬಣ್ಣಿಸಿದ್ದಾರೆ, ಇದು ಹಮಾಸ್ ನಡೆಯನ್ನು ಖಂಡಿಸುವ ಮತ್ತು ಇಸ್ರೇಲ್‌ನ ಆತ್ಮರಕ್ಷಣೆಯ ಹಕ್ಕನ್ನು ಬೆಂಬಲಿಸುವತ್ತ ಗಮನಹರಿಸಬೇಕು ಎಂದು ಹೇಳಿದರು ಎಂದು ಟೈಮ್ಸ್ ಆಫ್ ಇಸ್ರೇಲ್ ವರದಿ ಮಾಡಿದೆ.
ಹಮಾಸ್‌ನ ಹಠಾತ್ ದಾಳಿಗೆ ಪ್ರತಿಕ್ರಿಯೆಯಾಗಿ, ಇಸ್ರೇಲ್ 3,60,000 ಮೀಸಲು ಪಡೆಗಳನ್ನು ಸಜ್ಜುಗೊಳಿಸಿದೆ, ಗಾಜಾದ ಬಳಿ ಸಾಮೂಹಿಕ ಪಡೆಗಳು ಬರುತ್ತಿವೆ. ಮತ್ತು ಹತ್ತಿರದ ಜನವಸತಿ ಪ್ರದೇಶಗಳಿಂದ ಹತ್ತಾರು ಸಾವಿರ ನಿವಾಸಿಗಳನ್ನು ಸ್ಥಳಾಂತರಿಸಿದೆ.
ಯುದ್ಧವು ಮುಂದುವರಿದಂತೆ, ಅಂತರರಾಷ್ಟ್ರೀಯ ಸಂಸ್ಥೆಗಳು ಮತ್ತು ನಾಯಕರು ತಕ್ಷಣದ ಕದನ ವಿರಾಮ ಘೋಷಿಸುವಂತೆ ಮತ್ತು ಕ್ರಾಸ್‌ಫೈರ್‌ನಲ್ಲಿ ಸಿಲುಕಿರುವ ನಾಗರಿಕರ ರಕ್ಷಣೆಗೆ ಕರೆ ನೀಡಿದ್ದಾರೆ. ಇತ್ತೀಚಿನ ದಿನಗಳಲ್ಲಿ 4,00,000 ಕ್ಕೂ ಹೆಚ್ಚು ಪ್ಯಾಲೆಸ್ಟೀನಿಯನ್ನರು ತಮ್ಮ ಮನೆಗಳನ್ನು ತೊರೆದಿರುವ ಗಾಜಾ ಮತ್ತು ಆಕ್ರಮಿತ ಪಶ್ಚಿಮ ದಂಡೆಯಲ್ಲಿ “ಅತ್ಯಂತ ತುರ್ತು ಅಗತ್ಯಗಳನ್ನು” ಪೂರೈಸಲು ವಿಶ್ವಸಂಸ್ಥೆಯು ಗುರುವಾರ $294 ಮಿಲಿಯನ್‌ಗೆ ತುರ್ತು ಮನವಿ ನೀಡಿತು.
ಏತನ್ಮಧ್ಯೆ, ಸುಮಾರು 230 ಭಾರತೀಯರ ಮೊದಲ ಬ್ಯಾಚ್ ಶುಕ್ರವಾರ ಬೆಳಿಗ್ಗೆ ಚಾರ್ಟರ್ ಫ್ಲೈಟ್‌ನಲ್ಲಿ ಇಸ್ರೇಲ್‌ನಿಂದ ಭಾರತಕ್ಕೆ ಮರಳಿತು. ಗಾಜಾ ಪಟ್ಟಿಯಲ್ಲಿರುವ ಹಮಾಸ್ ಉಗ್ರಗಾಮಿಗಳ ವಿರುದ್ಧ ಪ್ರತೀಕಾರದ ಕ್ರಮವನ್ನು ಹೆಚ್ಚಿಸಲು ಇಸ್ರೇಲ್ ಸಿದ್ಧವಾಗುತ್ತಿರುವಾಗ ಭಾರತವು ಸ್ವದೇಶಕ್ಕೆ ಮರಳಲು ಬಯಸುವ ಭಾರತೀಯರಿಗೆ ಮರಳಿ ಬರಲು ಅನುಕೂಲವಾಗುವಂತೆ ಭಾರತವು ಆಪರೇಷನ್ ಅಜಯ ಪ್ರಾರಂಭಿಸಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ