ಇದೇ ಮೊದಲ ಬಾರಿಗೆ ರಷ್ಯಾದಿಂದ ಪರಮಾಣು ಅಲ್ಲದ ಖಂಡಾಂತರ ಬ್ಯಾಲಿಸ್ಟಿಕ್ ಕ್ಷಿಪಣಿ (ICBM) ಉಡಾವಣೆಯಾಗುತ್ತಿರುವುದನ್ನು ತೋರಿಸುವ ವೀಡಿಯೊವೊಂದು ಹೊರಹೊಮ್ಮಿದೆ. ಇದು ಯುದ್ಧದಲ್ಲಿ ಖಂಡಾಂತರ ಬ್ಯಾಲಿಸ್ಟಿಕ್ ಕ್ಷಿಪಣಿಯ ಮೊದಲ ಬಳಕೆ ಎಂದು ಹೇಳಲಾಗಿದೆ. ಇದು ರಷ್ಯಾ ಮತ್ತು ಉಕೇನ್‌ ನಡುವೆ ನಡೆಯುತ್ತಿರುವ ಸಂಘರ್ಷದ ಉಲ್ಬಣವನ್ನು ಸೂಚಿಸುತ್ತದೆ.
ಉಕ್ರೇನ್‌ನ ಕೇಂದ್ರ ನಗರವಾದ ದ್ನಿಪ್ರೊವನ್ನು ಗುರಿಯಾಗಿಟ್ಟುಕೊಂಡು ಪರಮಾಣು ಸಿಡಿತಲೆ ಹೊತ್ತೊಯ್ಯುವ ಸಾಮರ್ಥ್ಯವಿರುವ ಕ್ಷಿಪಣಿಯನ್ನು ರಷ್ಯಾ ಉಡಾವಣೆ ಮಾಡಿರುವುದನ್ನು ಈ ವೀಡಿಯೊ ತೋರಿಸುತ್ತದೆ. ಆಕಾಶದಿಂದ ಪ್ರಖರವಾದ ದೀಪಗಳು ಹೊರಸೂಸುವುದನ್ನು ಕಾಣಬಹುದು.
ಉಕ್ರೇನ್ ಆರೋಪಿಸಿದಂತೆ ಇದು ರಷ್ಯಾದ ವಾಯುಪಡೆಯ RS-26 ಕ್ಷಿಪಣಿಯಾಗಿದೆ. 2012 ರಲ್ಲಿ ಇದನ್ನು ಮೊದಲ ಬಾರಿಗೆ ಯಶಸ್ವಿಯಾಗಿ ಪರೀಕ್ಷಿಸಲಾಯಿತು. ಕ್ಷಿಪಣಿಯು 12 ಮೀಟರ್ (40 ಅಡಿ) ಉದ್ದ ಮತ್ತು 36 ಟನ್ ತೂಕವನ್ನು ಹೊಂದಿದೆ ಎಂದು ಸೆಂಟರ್ ಫಾರ್ ಸ್ಟ್ರಾಟೆಜಿಕ್ ಮತ್ತು ಇಂಟರ್ನ್ಯಾಷನಲ್ ಸ್ಟಡೀಸ್ (CSIS) ಪ್ರಕಾರ ಅಂದಾಜಿಸಲಾಗಿದೆ. RS 26 ಕ್ಷಿಪಣಿಯು 800-kg (1,765-ಪೌಂಡ್) ಪರಮಾಣು ಸಿಡಿತಲೆ ಹೊತ್ತೊಯ್ಯುವ ಸಾಮರ್ಥ್ಯವನ್ನು ಹೊಂದಿದೆ.
ಹೇಳಿಕೆಯೊಂದರಲ್ಲಿ, ಉಕ್ರೇನಿನ ವಾಯುಪಡೆಯು ಕ್ಷಿಪಣಿಯನ್ನು ರಷ್ಯಾದ ಪ್ರದೇಶವಾದ ಅಸ್ಟ್ರಾಖಾನ್‌ ಎಂಬ ಸ್ಥಳದಿಂದ ಉಡಾಯಿಸಲಾಯಿತು, ಇದು ಡ್ನಿಪ್ರೊದಿಂದ 700 ಕಿಮೀ (435 ಮೈಲುಗಳು) ದೂರದಲ್ಲಿದೆ ಎಂದು ಹೇಳಿದೆ.
ಹೇಳಿಕೆಯು ಕ್ಷಿಪಣಿ ಅಥವಾ ಸಿಡಿತಲೆ ಬಳಸಿದ ಪ್ರಕಾರವನ್ನು ನಿರ್ದಿಷ್ಟಪಡಿಸಿಲ್ಲ ಮತ್ತು ಅದು ಪರಮಾಣು-ಶಸ್ತ್ರಸಜ್ಜಿತವಾಗಿದೆಯೇ ಎಂಬ ಬಗ್ಗೆ ಯಾವುದೇ ಸೂಚನೆಯಿಲ್ಲ.
ಆದಾಗ್ಯೂ, ರಷ್ಯಾ ತನ್ನ ಪರಮಾಣು ನೀತಿಯನ್ನು ಈ ವಾರ ನವೀಕರಿಸಿದ ನಂತರ ಪರಮಾಣು ಸಂಘರ್ಷವನ್ನು ತಪ್ಪಿಸಲು “ಗರಿಷ್ಠ ಪ್ರಯತ್ನ” ಮಾಡುತ್ತಿದೆ ಎಂದು ರಷ್ಯಾ ವಕ್ತಾರ ಡಿಮಿಟ್ರಿ ಪೆಸ್ಕೋವ್ ಹೇಳಿದ್ದಾರೆ. ಪರಿಷ್ಕೃತ ನೀತಿಯು ಪರಮಾಣು ಅಲ್ಲದ ರಾಜ್ಯಗಳ ವಿರುದ್ಧ ಪರಮಾಣು ಶಸ್ತ್ರಾಸ್ತ್ರಗಳನ್ನು ಬಳಸಲು ರಷ್ಯಾಕ್ಕೆ ಅವಕಾಶ ನೀಡುತ್ತದೆ.
ಇತ್ತೀಚಿನ ದಿನಗಳಲ್ಲಿ ರಷ್ಯಾ ಮತ್ತು ಉಕ್ರೇನ್ ಯುದ್ಧದಲ್ಲಿ ದೀರ್ಘ-ಶ್ರೇಣಿಯ ಕ್ಷಿಪಣಿಗಳ ಬಳಕೆ ಹೆಚ್ಚಿಸಿದ ನಂತರ ಈ ದಾಳಿ ನಡೆದಿದೆ. ಉಕ್ರೇನ್ ಈ ವಾರದ ಆರಂಭದಲ್ಲಿ ರಷ್ಯಾದ ನಿರ್ದಿಷ್ಟ ಟಾರ್ಗೆಟ್‌ಗಳ ಮೇಲೆ ಅಮೆರಿಕ ಮತ್ತು ಬ್ರಿಟನ್‌ ಸರಬರಾಜು ಮಾಡಿದ ಕ್ಷಿಪಣಿಗಳನ್ನು ಉಡಾಯಿಸಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ