ನೇಪಾಳದಲ್ಲಿ ನಡೆದ ಅಚ್ಚರಿಯ ವಿದ್ಯಮಾನವೊಂದರಲ್ಲಿ ಖಡ್ಗಮೃಗವೊಂದು ಮದುವೆ ಕಾರ್ಯಕ್ರಮಕ್ಕೆ ಅನಿರೀಕ್ಷಿತ ಅತಿಥಿಯಾಗಿ ಆಗಮಿಸುವ ಮೂಲಕ ಎಲ್ಲರಿಗೂ ಅಚ್ಚರಿ ಹಾಗೂ ಗಾಬರಿ ಎರಡನ್ನೂ ಉಂಟು ಮಾಡಿದೆ.
ಈ ಘಟನೆ ಯುನೆಸ್ಕೋ ವಿಶ್ವ ಪರಂಪರೆಯ ತಾಣವಾದ ಚಿಟ್ವಾನ್ ರಾಷ್ಟ್ರೀಯ ಉದ್ಯಾನವನದ ಹೊಂದಿಕೊಂಡಿರುವ ಹಳ್ಳಿಯಲ್ಲಿ ಸಂಭವಿಸಿದೆ, ಈ ವಿಶ್ವ ಪರಂಪರೆ ತಾಣವು ಶ್ರೀಮಂತ ಜೀವವೈವಿಧ್ಯಕ್ಕೆ ಹೆಸರುವಾಸಿಯಾಗಿದೆ ಮತ್ತು 600 ಕ್ಕೂ ಹೆಚ್ಚು ಒಂಟಿ ಕೊಂಬಿನ ಖಡ್ಗಮೃಗಗಳಿಗೆ ನೆಲೆಯಾಗಿದೆ.
ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ವೀಡಿಯೊವು ಒಂಟಿ ಕೊಂಬಿನ ಖಡ್ಗಮೃಗವು ಮದುವೆಯ ಆರತಕ್ಷತೆ ಕಾರ್ಯಕ್ರಮಕ್ಕೆ ಬಂದು ಅಲೆದಾಡಿದ ಆಶ್ಚರ್ಯಕರ ಕ್ಷಣವನ್ನು ತೋರಿಸುತ್ತದೆ. ದೀಪಗಳು ಮತ್ತು ಇತರ ಹಬ್ಬದ ಅಲಂಕಾರಗಳಿಂದ ಹೊಳೆಯುತ್ತಿದ್ದ ಸುಂದರವಾಗಿ ಅಲಂಕರಿಸಲ್ಪಟ್ಟ ಮದುವೆ ಕಾರ್ಯಕ್ರಮದಲ್ಲಿ ಖಡ್ಗಮೃಗವು ಶಾಂತವಾಗಿ ಅಡ್ಡಾಡುತ್ತದೆ.
ವೀಡಿಯೊ ಮುಂದುವರಿಯುತ್ತಿದ್ದಂತೆ, ಒಂದು ಮಗು ಖಡ್ಗಮೃಗವನ್ನು ನೋಡಿದ ನಂತರ ಓಡಿಹೋಗುವುದನ್ನು ಕಾಣಬಹುದು, ಆದರೆ ಇನ್ನೊಬ್ಬ ವ್ಯಕ್ತಿ ತನ್ನ ಫೋನ್‌ನಲ್ಲಿ ದೃಶ್ಯವನ್ನು ಸೆರೆಹಿಡಿದಿದ್ದಾನೆ, ಆ ಬೃಹತ್ ಪ್ರಾಣಿ ಸ್ಥಳಕ್ಕೆ ಬರುತ್ತಿದೆ. ಕುತೂಹಲಕಾರಿಯಾಗಿ, ಖಡ್ಗಮೃಗವು ಹೆಚ್ಚಿನ ಮದುವೆಯ ಅತಿಥಿಗಳು ಸೇರುವ ಪ್ರದೇಶವನ್ನು ತಪ್ಪಿಸುತ್ತದೆ, ಬದಲಿಗೆ ನಿಶ್ಯಬ್ದ, ಕಡಿಮೆ ಜನದಟ್ಟಣೆಯ ಇರುವ ಕಡೆಗೆ ಅಲೆದಾಡುತ್ತದೆ.. ಈ ವೀಡಿಯೊ ಆನ್‌ಲೈನ್‌ನಲ್ಲಿ ಹೆಚ್ಚಿನ ಗಮನ ಸೆಳೆದಿದೆ.
ಮೊದಲು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಳ್ಳಲಾದ ಈ ವೀಡಿಯೊದಲ್ಲಿ, ಚಿಟ್ವಾನ್ ರಾಷ್ಟ್ರೀಯ ಉದ್ಯಾನವನದಿಂದ ಹಳ್ಳಿಗೆ ಬಂದಿದೆ ಎಂದು ನಂಬಲಾದ ಒಂಟಿ ಕೊಂಬಿನ ಖಡ್ಗಮೃಗವು ಮದುವೆಯ ಆರತಕ್ಷತೆಯನ್ನು ಪ್ರವೇಶಿಸುವುದನ್ನು ತೋರಿಸುತ್ತದೆ.
ಚಿಟ್ವಾನ್ ರಾಷ್ಟ್ರೀಯ ಉದ್ಯಾನವನವು 750 ಚದರ ಕಿ.ಮೀ ವಿಸ್ತೀರ್ಣದ ಬಫರ್ ಝೋನ್‍ನಿಂದ ಆವೃತವಾಗಿದ್ದು, ಇದರ ಸುತ್ತಮುತ್ತಲೂ ಸುಮಾರು 45,000 ಕುಟುಂಬಗಳು ವಾಸಿಸುತ್ತವೆ. ಈ ಪ್ರದೇಶದಾದ್ಯಂತದ ನಗರಗಳಲ್ಲಿನ ರಸ್ತೆಗಳಲ್ಲಿ ಖಡ್ಗಮೃಗಗಳು ನಡೆದುಕೊಂಡು ಹೋಗುವುದು, ರೆಸ್ಟೋರೆಂಟ್‌ಗಳು ಮತ್ತು ಹೋಟೆಲ್ ಬಳಿ ವಿಶ್ರಾಂತಿ ಪಡೆಯುವುದು ಅಥವಾ ಜನರ ತೋಟಗಳಲ್ಲಿ ಹೆಚ್ಚಾಗಿ ಕಂಡುಬರುತ್ತವೆಯಂತೆ.
1973ರಲ್ಲಿ ಈ ಉದ್ಯಾನವನವನ್ನು ಸ್ಥಾಪಿಸಿದಾಗ ಸುಮಾರು 100 ದೈತ್ಯಾಕಾರದ ಒಂದು ಕೊಂಬಿನ ಘೇಂಡಾಮೃಗಗಳು ಇದ್ದವು ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ. ಇಂದು, ಚಿಟ್ವಾನ್‌ನಲ್ಲಿಯೇ ಸುಮಾರು ಒಂದು ಕೊಂಬಿನ 700 ಘೇಂಡಾಮೃಗಗಳು ಇವೆಯಂತೆ. ಇದು ನೇಪಾಳದ ಒಟ್ಟು ಘೇಂಡಾಮೃಗ ಜನಸಂಖ್ಯೆಯ 90% ರಷ್ಟು ಎಂದು ಹೇಳಲಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ