ನವದೆಹಲಿ: ಜಾರ್ಜಿಯಾದ ಬಟುಮಿಯಲ್ಲಿ ಮಹಿಳಾ ಚೆಸ್ ವಿಶ್ವಕಪ್ ಭಾರತದ ಹೊಸ ಚೆಸ್ ಸೆನ್ಸೇಷನ್ ದಿವ್ಯಾ ದೇಶಮುಖ (Divya Deshmukh) ಅವರು 19ನೇ ವಯಸ್ಸಿನಲ್ಲಿ ಭಾರತದವರೇ ಆದ ಕೊನೇರು ಹಂಪಿ ಅವರನ್ನು ಟೈ ಬ್ರೇಕರ್ನಲ್ಲಿ ಸೋಲಿಸುವ ಮೂಲಕ (FIDE) ಮಹಿಳಾ ಚೆಸ್ ವಿಶ್ವಕಪ್ ಟೂರ್ನಿಯಲ್ಲಿ ಪ್ರಶಸ್ತಿಯನ್ನು ಗೆದ್ದಿದ್ದಾರೆ. ಅಲ್ಲದೆ, ಗ್ರ್ಯಾಂಡ್ ಮಾಸ್ಟರ್ ಕೂಡ ಆಗಿದ್ದು, ಗ್ರ್ಯಾಂಡ್ಮಾಸ್ಟರ್ ಆದ ನಾಲ್ಕನೇ ಭಾರತೀಯ ಮಹಿಳೆ ಮತ್ತು ಒಟ್ಟಾರೆಯಾಗಿ 88 ನೇ ಆಟಗಾರ್ತಿ ಎನಿಸಿಕೊಂಡಿದ್ದಾರೆ.
ಶನಿವಾರ ಮತ್ತು ಭಾನುವಾರ ನಡೆದ ಎರಡು ಪಂದ್ಯಗಳು ಡ್ರಾದಲ್ಲಿ ಕೊನೆಗೊಂಡ ನಂತರ ನಡೆದ ಟೈ ಬ್ರೇಕರಿನಲ್ಲಿ ದಿವ್ಯಾ ಗೆಲುವು ಸಾಧಿಸಿದ್ದಾರೆ. ಸೋಮವಾರ, ಸಮಯ ನಿಯಂತ್ರಿತ ಟೈಬ್ರೇಕರ್ನ ಮೊದಲ ಪಂದ್ಯದಲ್ಲಿ ಬಿಳಿ ಕಾಯಿಗಳೊಂದಿಗೆ ಆಡಿದ ದಿವ್ಯಾ ದೇಶಮುಖ ಅವರು ಕೊನೇರು ಹಂಪಿಯನ್ನು ಡ್ರಾಗೆ ತಳ್ಳಿದರು, ಆದರೆ ಎರಡನೇ ಪಂದ್ಯದಲ್ಲಿ ಕಪ್ಪು ಕಾಯಿಗಳೊಂದಿಗೆ ಆಡಿದ ಅವರು, ಎರಡು ಬಾರಿ ವಿಶ್ವ ಕ್ಷಿಪ್ರ ಚಾಂಪಿಯನ್ ಆದ ಕೊನೇರು ಹಂಪಿಯನ್ನು ಸೋಲಿಸಿ 2.5-1.5 ಅಂತರದಲ್ಲಿ ಗೆದ್ದರು.
ಅವರು ಈಗ ಜಿಎಂ ಅಲೆಕ್ಸಾಂಡ್ರಾ ಕೊಸ್ಟೆನಿಯುಕ್ (2021) ಮತ್ತು ಜಿಎಂ ಅಲೆಕ್ಸಾಂಡ್ರಾ ಗೊರಿಯಾಚ್ಕಿನಾ (2023) ಅವರ ಹೆಜ್ಜೆಗಳನ್ನು ಅನುಸರಿಸುತ್ತಾರೆ, ಈ ಪ್ರತಿಷ್ಠಿತ ಪ್ರಶಸ್ತಿಯನ್ನು ಮೂರನೇ ಬಾರಿಗೆ ಗೆದ್ದಿದ್ದಾರೆ.
ಈ ಗಮನಾರ್ಹ ಗೆಲುವಿನೊಂದಿಗೆ, ದಿವ್ಯಾ ದೇಶಮುಖ ಈಗ 2025 ರ ಮಹಿಳಾ ವಿಶ್ವಕಪ್ ಚಾಂಪಿಯನ್ ಮಾತ್ರವಲ್ಲ, ಚೆಸ್ ಪ್ರಪಂಚದ ಅತ್ಯಂತ ರೋಮಾಂಚಕಾರಿ ಯುವ ತಾರೆಗಳಲ್ಲಿ ಒಬ್ಬರಾಗಿ ಹೊರಹೊಮ್ಮಿದ್ದಾರೆ.
ಈ ವಿಜಯದೊಂದಿಗೆ, ದಿವ್ಯಾ 50,000 ಡಾಲರ್ ಮೊತ್ತದ ಮೊದಲ ಬಹುಮಾನವನ್ನು ಪಡೆದುಕೊಂಡರು, ಜೊತೆಗೆ ಚೆಸ್ನಲ್ಲಿ ಅತ್ಯುನ್ನತ ಗೌರವವಾದ ಗ್ರ್ಯಾಂಡ್ಮಾಸ್ಟರ್ (GM) ಕೂಡ ಆದರು.
ನಿಮ್ಮ ಕಾಮೆಂಟ್ ಬರೆಯಿರಿ