ಮಹಾರಾಷ್ಟ್ರದ ಚಂದ್ರಾಪುರದಲ್ಲಿ ವ್ಯಕ್ತಿಯೊಬ್ಬ ತಾನು ನಿಂತಿದ್ದ ರಸ್ತೆಯ ಕಾಂಕ್ರೀಟ್ ಮುಚ್ಚಳ ಇದ್ದಕ್ಕಿದ್ದಂತೆ ಸಡಿಲಗೊಂಡ ನಂತರ ಚರಂಡಿಯ ಒಳಗೆ ಕುಸಿದು ಬಿದ್ದ ಘಟನೆ ನಡೆದಿದೆ. ಮಂಗಳವಾರ ಈ ಘಟನೆ ನಡೆದಿದ್ದು, ಬೇಕರಿಯ ಬಳಿ ನಿಲ್ಲಿಸಿದ್ದ ಸ್ಕೂಟರ್ನಿಂದ ಕೈಯಲ್ಲಿ ಪೆಟ್ಟಿಗೆಗಳನ್ನು ಹಿಡಿದುಕೊಂಡು ಆ ವ್ಯಕ್ತಿ ಇಳಿಯುತ್ತಿರುವುದನ್ನು ವೀಡಿಯೊ ತೋರಿಸುತ್ತದೆ.
ವೀಡಿಯೊದಲ್ಲಿ, ಮುಚ್ಚಿದ ಚರಂಡಿಯ ಒಂದು ಭಾಗವು ಕೆಲವು ಬಿರುಕುಗಳನ್ನು ತೋರಿಸಿದೆ. ವ್ಯಕ್ತಿ ಅಂಗಡಿಯ ಕಡೆಗೆ ಹೆಜ್ಜೆ ಹಾಕಿದಾಗ ಬಿರುಕು ಬಿಟ್ಟಿದ್ದ ಭಾಗದ ಮೇಲೆ ಹೆಜ್ಜೆ ಹಾಕುತ್ತಿದ್ದಂತೆ, ಅದರ ಮುಚ್ಚಳ ಕುಸಿದು ಬಿದ್ದಿತು ಮತ್ತು ಅದರೊಂದಿಗೆ ಆ ವ್ಯಕ್ತಿಯೂ ಚರಂಡಿಗೆ ಬಿದಿದ್ದಾನೆ.
ಆತನ ಸಹ-ಪ್ರಯಾಣಿಕ, ದಾರಿಹೋಕರು ಮತ್ತು ಅಂಗಡಿ ಸಿಬ್ಬಂದಿ ವ್ಯಕ್ತಿಯನ್ನು ಒಳ ಚರಂಡಿಯಿಂದ ಹೊರ ತೆಗೆದಿದ್ದಾರೆ. ವ್ಯಕ್ತಿಗೆ ಯಾವುದೇ ದೊಡ್ಡ ಗಾಯಗಳಾಗಿಲ್ಲವಾದರೂ, ಈ ಘಟನೆಯು ಪಾದಚಾರಿಗಳ ಸುರಕ್ಷತೆಯ ಬಗ್ಗೆ ಕಳವಳ ಮೂಡಿಸಿದೆ.
ಸ್ಥಳದಲ್ಲಿದ್ದ ಆಮ್ ಆದ್ಮಿ ಪಕ್ಷದ (ಎಎಪಿ) ಕಾರ್ಯಕರ್ತರು ಚರಂಡಿಯ ಮುಚ್ಚಳದ ಕೆಳಭಾಗದಲ್ಲಿ ಲೋಹದ ಬಲವರ್ಧನೆ ಇಲ್ಲ ಎಂದು ಹೇಳಿದರು. ಪುರಸಭೆ ಮತ್ತು ಅಧಿಕಾರಿಗಳಿಂದ ಘಟನೆಯ ಬಗ್ಗೆ ತನಿಖೆ ನಡೆಸಬೇಕೆಂದು ಅವರು ಒತ್ತಾಯಿಸಿದರು.
ಮೇ ತಿಂಗಳಲ್ಲಿ ಮುಂಬೈನಲ್ಲಿ ವರದಿಯಾದ ಇದೇ ರೀತಿಯ ಘಟನೆಯಲ್ಲಿ, ಭಾರೀ ಮಳೆಯ ಸಮಯದಲ್ಲಿ ಐಷಾರಾಮಿ ಕೆಂಪ್ಸ್ ಕಾರ್ನರ್ನಲ್ಲಿ ರಸ್ತೆಯ ಒಂದು ಭಾಗ ಕುಸಿದು, ಪ್ರಮುಖ ಪೆಡ್ಡಾರ್ ರಸ್ತೆ-ನೇಪಿಯನ್ ರಸ್ತೆಯ ಸಮುದ್ರ ಜಂಕ್ಷನ್ ಬಳಿ ಮುಚ್ಚಲ್ಪಟ್ಟಿತು.
ಮಹಾರಾಷ್ಟ್ರದಲ್ಲಿ ಭಾರೀ ಮಳೆ
ಹವಾಮಾನ ಇಲಾಖೆ (ಐಎಂಡಿ) ಈ ವಾರ ಮಹಾರಾಷ್ಟ್ರದಲ್ಲಿ ಭಾರಿ ಮಳೆಯ ಬಗ್ಗೆ ಬಹು ಎಚ್ಚರಿಕೆಗಳನ್ನು ನೀಡಿದೆ. ನಿರಂತರ ಮಳೆಯಿಂದಾಗಿ ಮುಂಬೈನಲ್ಲಿ ಈಗಾಗಲೇ ತೀವ್ರ ಜಲಾವೃತವಾಗಿದೆ, ಐಎಂಡಿ ನಾಸಿಕ್ಗೆ ರೆಡ್ ಅಲರ್ಟ್ ಮತ್ತು ಪಾಲ್ಘರ್ಗೆ ಆರೆಂಜ್ ಅಲರ್ಟ್ ನೀಡಿದೆ. ಮಳೆ ಹೆಚ್ಚಾಗಿರುವುದರಿಂದ ಈ ರೀತಿಯ ಅವಘಡಗಳ ಬಗ್ಗೆ ಜಾಗೃತಿ ವಹಿಸಬೇಕಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ