ಜೆರುಸಲೆಮ್: ಇರಾನ್ ಮತ್ತು ಇಸ್ರೇಲ್ ನಡುವಿನ ಯುದ್ಧವು ಎರಡನೇ ವಾರಕ್ಕೆ ಕಾಲಿಡುತ್ತಿದ್ದಂತೆ ಸಂಘರ್ಷ ಮತ್ತಷ್ಟು ಭೀಕರ ರೂಪ ಪಡೆದಿದೆ. ಇಸ್ರೇಲ್ ರಕ್ಷಣಾ ಪಡೆಗಳು (IDF) ಇತ್ತೀಚೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿರುವ ವಿಡಿಯೋವೊಂದು ಸಂಚಲನ ಮೂಡಿಸಿದೆ. ಇಸ್ರೇಲಿ ಪೈಲಟ್ಗಳು ಇರಾನ್ ರಾಜಧಾನಿ ತೆಹ್ರಾನ್ನತ್ತ ಯುದ್ಧ ವಿಮಾನಗಳನ್ನು ಹಾರಿಸಿಕೊಂಡು ಹೋಗುತ್ತಿರುವ ‘ಕಾಕ್ಪಿಟ್’ ದೃಶ್ಯಗಳು ಇದರಲ್ಲಿವೆ.
ಶನಿವಾರ ಮುಂಜಾನೆ ಇರಾನ್ ರಾಜಧಾನಿ ತೆಹ್ರಾನ್ ಸೇರಿದಂತೆ ಹಲವು ಭಾಗಗಳಲ್ಲಿ ಭಾರಿ ಸ್ಫೋಟದ ಸದ್ದು ಕೇಳಿಬಂದಿದೆ. ಇದರ ಬೆನ್ನಲ್ಲೇ ಐಡಿಎಫ್ 33 ಸೆಕೆಂಡುಗಳ ವಿಡಿಯೋ ಹಂಚಿಕೊಂಡಿದ್ದು, “POV: ನೀವು ಒಬ್ಬ ಐಡಿಎಫ್ ಪೈಲಟ್ ಒಟಿಡಬ್ಲ್ಯು ಟು ತೆಹ್ರಾನ್” ಎಂದು ಶೀರ್ಷಿಕೆ ನೀಡಿದೆ.
‘ದಿ ಟೈಮ್ಸ್ ಆಫ್ ಇಸ್ರೇಲ್’ ವರದಿ ಮಾಡಿರುವಂತೆ, ವಿಡಿಯೋದಲ್ಲಿ ಪೈಲಟ್ “ನಾವು ಇಸ್ರೇಲಿ ವಾಯುಪಡೆಯ ಪೈಲಟ್ಗಳು ಈಗ ತೆಹ್ರಾನ್ ಆಕಾಶದ ಮೇಲೆ ಯುದ್ಧ ವಿಮಾನಗಳ ವ್ಯೂಹದಲ್ಲಿ ಸಾಗುತ್ತಿದ್ದೇವೆ. ಐತಿಹಾಸಿಕ ಗುರಿಗಳ ಮೇಲೆ ದಾಳಿ ಮಾಡುವುದು ನಮ್ಮ ಉದ್ದೇಶವಾಗಿದೆ.” ಅಲ್ಲದೆ, ಇಸ್ರೇಲಿ ಜನರಿಗೆ ಸುರಕ್ಷಿತ ‘ಶಬ್ಬತ್’ (Shabbat) ಶುಭಕೋರುತ್ತಾ, ಜನರ ಬೆಂಬಲ ನಮಗೆ ಸದಾ ಇರಲಿ ಎಂದು ಪೈಲಟ್ ಹೇಳಿದ್ದಾರೆ.
ಕಾಕ್ಪಿಟ್ ದೃಶ್ಯಾವಳಿಯು ಮೋಡಗಳು ಮತ್ತು ಪರ್ವತ ಪ್ರದೇಶದ ಮೇಲೆ ಹಾರುತ್ತಿರುವ ಫೈಟರ್ ಜೆಟ್ಗಳನ್ನು ತೋರಿಸುತ್ತದೆ, ಅವುಗಳು ತಮ್ಮ ಗಮ್ಯಸ್ಥಾನದ ಕಡೆಗೆ ಸಾಗುತ್ತಿವೆ. ಕ್ಲಿಪ್ನ ಉದ್ದಕ್ಕೂ, ವಿಮಾನವು ಎತ್ತರದಿಂದ ವಿವಿಧ ಭೂದೃಶ್ಯಗಳ ಮೂಲಕ ಚಲಿಸುವುದನ್ನು ಕಾಣಬಹುದು. ವೀಡಿಯೊದಲ್ಲಿ ಪೈಲಟ್ನ ಮುಖವು ಅಸ್ಪಷ್ಟವಾಗಿದೆ.
ಕಳೆದ ಗುರುವಾರವಷ್ಟೇ ಇಸ್ರೇಲ್ನ ಎಫ್-35 (F-35) ಮಿಂಚಿನ ವೇಗದ ಯುದ್ಧ ವಿಮಾನವು ಇರಾನ್ನ ಯಾಕೋವ್ಲೆವ್ ಯಾಕ್-130 (Yak-130) ವಿಮಾನವನ್ನು ಹೊಡೆದುರುಳಿಸಿತ್ತು. ಇದು ಇತಿಹಾಸದಲ್ಲೇ ಎಫ್-35 ವಿಮಾನವೊಂದು ಪೈಲಟ್ ಚಾಲಿತ ವಿಮಾನವನ್ನು ಹೊಡೆದುರುಳಿಸಿದ ಮೊದಲ ಘಟನೆ ಎಂದು ಹೇಳಲಾಗಿದೆ.
ಅಮೆರಿಕದ ಡೊನಾಲ್ಡ್ ಟ್ರಂಪ್ ಆಡಳಿತವು ಇಸ್ರೇಲ್ಗೆ 151 ಮಿಲಿಯನ್ ಡಾಲರ್ ಮೌಲ್ಯದ ಶಸ್ತ್ರಾಸ್ತ್ರಗಳ ಮಾರಾಟಕ್ಕೆ ಅನುಮೋದನೆ ನೀಡಿದೆ. ಇರಾನ್ “ಬೇಷರತ್ತಾಗಿ ಶರಣಾಗುವವರೆಗೆ” ಯಾವುದೇ ಮಾತುಕತೆ ಇಲ್ಲ ಎಂದು ಟ್ರಂಪ್ ಹೇಳಿದ್ದಾರೆ.
ಈ ಭೀಕರ ಯುದ್ಧದಲ್ಲಿ ಈವರೆಗೆ ಇರಾನ್ನಲ್ಲಿ ಸುಮಾರು 1,230 ಜನರು, ಲೆಬನಾನ್ನಲ್ಲಿ 200ಕ್ಕೂ ಹೆಚ್ಚು ಮಂದಿ ಮತ್ತು ಇಸ್ರೇಲ್ನಲ್ಲಿ ಹನ್ನೆರಡು ಜನರು ಪ್ರಾಣ ಕಳೆದುಕೊಂಡಿದ್ದಾರೆ ಎಂದು ವರದಿಯಾಗಿದೆ. ಸೌದಿ ಅರೇಬಿಯಾದ ತೈಲ ಕೇಂದ್ರಗಳ ಮೇಲೂ ಇರಾನ್ ಡ್ರೋನ್ ದಾಳಿ ನಡೆಸಲು ಯತ್ನಿಸಿದ್ದು, ಪರಿಸ್ಥಿತಿ ಮತ್ತಷ್ಟು ಉಲ್ಬಣಿಸಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ