ಪತಿ ಹತ್ಯೆ ಪ್ರಕರಣದಲ್ಲಿ ನ್ಯಾಯ ಕೊಡಿಸಿದ್ದಕ್ಕಾಗಿ ಸಿಎಂ ಯೋಗಿಗೆ ಧನ್ಯವಾದ ಹೇಳಿದ ಶಾಸಕಿಗೆ ಸಮಾಜವಾದಿ ಪಕ್ಷದಿಂದಲೇ ಗೇಟ್‌ಪಾಸ್‌…!

ನವದೆಹಲಿ: ಸಮಾಜವಾದಿ ಪಕ್ಷದ (ಎಸ್‌ಪಿ) ಶಾಸಕಿ ಪೂಜಾ ಪಾಲ್ ಅವರನ್ನು ವಿಭಿನ್ನ ಕಾರಣಕ್ಕೆ ಪಕ್ಷದಿಂದ ಉಚ್ಚಾಟಿಸಲಾಗಿದೆ. ತಮ್ಮ ಪತಿಯ ಕೊಲೆ ಪ್ರಕರಣದಲ್ಲಿ “ನ್ಯಾಯ ಒದಗಿಸಿದ್ದಕ್ಕಾಗಿ” ಹಾಗೂ ಅಪರಾಧಿಗಳ ವಿರುದ್ಧ ಶೂನ್ಯ ಸಹಿಷ್ಣುತೆ ನೀತಿ ಜಾರಿಗೆ ತಂದಿದ್ದಕ್ಕಾಗಿ ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ ಅವರಿಗೆ ಧನ್ಯವಾದ ಅರ್ಪಿಸಿ ಶ್ಲಾಘಿಸಿದ ಶಾಸಕಿ ಪೂಜಾ ಪಾಲ್ ಅವರನ್ನು ಗಂಟೆಗಳ ನಂತರ ಪಕ್ಷದಿಂದ ಉಚ್ಚಾಟಿಸಲಾಯಿತು.
2005 ರಲ್ಲಿ ಗ್ಯಾಂಗ್‌ಸ್ಟರ್ ಅತಿಕ್ ಅಹ್ಮದ್‌ನಿಂದ ಗುಂಡಿಕ್ಕಿ ಕೊಲ್ಲಲ್ಪಟ್ಟ ಪತಿ ರಾಜು ಪಾಲ್ ಅವರನ್ನು “ಪಕ್ಷ ವಿರೋಧಿ ಚಟುವಟಿಕೆಗಳು ಮತ್ತು ಗಂಭೀರ ಅಶಿಸ್ತಿನ ಕಾರಣಕ್ಕೆ ಶಾಸಕಿ ಪೂಜಾ ಪಾಲ್ ಅವರನ್ನ ಪಕ್ಷದಿಂದ “ತಕ್ಷಣವೇ ಹೊರಹಾಕಲಾಯಿತು” ಎಂದು ಎಸ್‌ಪಿ ಮುಖ್ಯಸ್ಥ ಅಖಿಲೇಶ ಯಾದವ್ ಹೇಳಿದ್ದಾರೆ. ಇದು ಪೂರ್ವ ಎಚ್ಚರಿಕೆಗಳ ಹೊರತಾಗಿಯೂ ಪಕ್ಷಕ್ಕೆ ಮಾಡಿದ ಗಮನಾರ್ಹ ಹಾನಿಯಾಗಿದೆ ಎಂದು ಹೇಳಿದ್ದಾರೆ. “ಅವರಿಗೆ (ಶ್ರೀಮತಿ ಪೂಜಾ) ಇನ್ನು ಮುಂದೆ ಯಾವುದೇ ಪಕ್ಷದ ಕಾರ್ಯಕ್ರಮಗಳಲ್ಲಿ ಭಾಗವಹಿಸಲು ಅನುಮತಿ ಇಲ್ಲ ಮತ್ತು ಭವಿಷ್ಯದಲ್ಲಿ ಅವರನ್ನು ಆಹ್ವಾನಿಸಲಾಗುವುದಿಲ್ಲ” ಎಂದು ಹೇಳಿದ್ದಾರೆ.

ಪೂಜಾ ಪಾಲ್‌ ಉಚ್ಚಾಟನೆಯು ರಾಜಕೀಯ ಕೋಲಾಹಲವನ್ನು ಸೃಷ್ಟಿಸಿದೆ. ರಾಜ್ಯದ ಆಡಳಿತಾರೂಢ ಬಿಜೆಪಿಯು ಅಖಿಲೇಶ ನೇತೃತ್ವದ ಸಮಾಜವಾದಿ ಪಕ್ಷವನ್ನು “ದಲಿತ ವಿರೋಧಿ” ಎಂದು ಆರೋಪಿಸಿದೆ.
ತಮ್ಮ ಪತಿಯ ಹತ್ಯೆಯ ಬಗ್ಗೆ “ಬೇರೆ ಯಾರೂ ಕ್ರಮ ಕೈಗೊಳ್ಳದಿದ್ದಾಗ ತಮ್ಮ ಮಾತು ಕೇಳಿ ಕ್ರಮ ಕೈಗೊಂಡಿದ್ದಕ್ಕಾಗಿ ಪೂಜಾ ಪಾಲ್‌ ಅವರು ಮುಖ್ಯಮಂತ್ರಿಗೆ ಧನ್ಯವಾದ ಹೇಳಿದ ಗಂಟೆಗಳ ನಂತರ ಈ ಬೆಳವಣಿಗೆ ಸಂಭವಿಸಿದೆ. ಪೂಜಾ ಪಾಲ್‌ ಅವರ ಪತಿ ರಾಜು ಪಾಲ್‌ ಅವರನ್ನು 2005 ರಲ್ಲಿ ಗ್ಯಾಂಗ್‌ಸ್ಟರ್‌ ಅತಿಕ್ ಅಹ್ಮದ್‌ ಅವರಿಂದ ಗುಂಡಿಕ್ಕಿ ಕೊಲ್ಲಲ್ಪಟ್ಟಿದ್ದರು. ಪೂಜಾ ಅವರನ್ನು ವಿವಾಹವಾದ ಕೆಲವು ದಿನಗಳ ನಂತರ ಬಹುಜನ ಸಮಾಜ ಪಕ್ಷದ (ಬಿಎಸ್‌ಪಿ) ಮಾಜಿ ಶಾಸಕ ರಾಜು ಪಾಲ್ ಅವರನ್ನು ಜನವರಿ 25, 2005 ರಂದು ಗುಂಡಿಕ್ಕಿ ಕೊಲ್ಲಲಾಯಿತು. 2004 ರ ಪ್ರಯಾಗ್‌ರಾಜ್ ಪಶ್ಚಿಮ ಸ್ಥಾನಕ್ಕೆ ನಡೆದ ಉಪಚುನಾವಣೆಯಲ್ಲಿ ರಾಜು ಸೋಲಿಸಿದ್ದ ಗ್ಯಾಂಗ್‌ಸ್ಟರ್ ಅತಿಕ್ ಅಹ್ಮದ್ ಅವರ ಸಹೋದರ ಅಶ್ರಫ್ ಅವರೊಂದಿಗಿನ ರಾಜಕೀಯ ದ್ವೇಷದ ಕಾರಣಕ್ಕೆ ಈ ಕೊಲೆ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಫೆಬ್ರವರಿ 2023 ರಲ್ಲಿ, ಕೊಲೆ ಪ್ರಕರಣದ ಪ್ರಮುಖ ಸಾಕ್ಷಿಯಾಗಿದ್ದ ಉಮೇಶ್ ಪಾಲ್ ಅವರನ್ನು ಪ್ರಯಾಗ್‌ರಾಜ್‌ನ ಸುಲೇಮ್ ಸರಾಯ್ ಪ್ರದೇಶದಲ್ಲಿ ಗುಂಡಿಕ್ಕಿ ಕೊಲ್ಲಲಾಗಿತ್ತು.

ಕೆಲವು ದಿನಗಳ ನಂತರ, ಅತಿಕ್ ಮತ್ತು ಅಶ್ರಫ್ ಇಬ್ಬರನ್ನೂ ಬಂಧಿಸಲಾಯಿತು. ನಂತರ ಪ್ರಯಾಗ್‌ರಾಜ್‌ನಲ್ಲಿ ವೈದ್ಯಕೀಯ ತಪಾಸಣೆಗಾಗಿ ಕರೆದೊಯ್ಯುತ್ತಿದ್ದಾಗ ಮೂವರು ವ್ಯಕ್ತಿಗಳು ಅವರನ್ನು ಗುಂಡಿಕ್ಕಿ ಕೊಂದರು. ಬಹುತೇಕ ಪಾಯಿಂಟ್-ಬ್ಲಾಂಕ್ ರೇಂಜ್‌ನಲ್ಲಿ ಅತಿಕ್ ತಲೆಗೆ ಹಿಂದಿನಿಂದ ಗುಂಡು ಹಾರಿಸಲಾಯಿತು. ಅಶ್ರಫ್‌ಗೂ ಗುಂಡು ಹಾರಿಸಲಾಯಿತು. ಝಾನ್ಸಿಯಲ್ಲಿ ನಡೆದ ಎನ್ಕೌಂಟರ್‌ನಲ್ಲಿ ಅತಿಕ್ ಮಗ ಅಸದ್ ಕೊಲ್ಲಲ್ಪಟ್ಟ ಕೆಲವು ದಿನಗಳ ನಂತರ ಇದು ಸಂಭವಿಸಿದೆ. ಮೂವರು ಆರೋಪಿಗಳನ್ನು ನಂತರ ಬಂಧಿಸಲಾಯಿತು.
ಗುರುವಾರ ಬೆಳಿಗ್ಗೆ ‘ವಿಷನ್ ಡಾಕ್ಯುಮೆಂಟ್ 2047’ ಕುರಿತು 24 ಗಂಟೆಗಳ ಕಾಲ ನಡೆದ ಮ್ಯಾರಥಾನ್ ಚರ್ಚೆಯಲ್ಲಿ ಉತ್ತರ ಪ್ರದೇಶ ವಿಧಾನಸಭೆಯಲ್ಲಿ ಮಾತನಾಡಿದ ಪೂಜಾ ಪಾಲ್‌, “ನನ್ನ ಪತಿಯನ್ನು (ರಾಜು) ಕೊಂದವರು ಯಾರು ಎಂದು ಎಲ್ಲರಿಗೂ ತಿಳಿದಿದೆ. ಬೇರೆ ಯಾರೂ ಮಾಡದಿದ್ದಾಗ ನನಗೆ ನ್ಯಾಯ ಒದಗಿಸಿದ್ದಕ್ಕಾಗಿ ಮತ್ತು ನನ್ನ ಮಾತು ಕೇಳಿದ್ದಕ್ಕಾಗಿ ಮುಖ್ಯಮಂತ್ರಿಗೆ ನಾನು ಧನ್ಯವಾದ ಹೇಳಲು ಬಯಸುತ್ತೇನೆ” ಎಂದು ಹೇಳಿದರು.

“ಮುಖ್ಯಮಂತ್ರಿಗಳು ಪ್ರಯಾಗರಾಜ್‌ನಲ್ಲಿ ನನ್ನಂತಹ ಇತರ ಅನೇಕ ಮಹಿಳೆಯರಿಗೆ ನ್ಯಾಯ ಒದಗಿಸಿದರು, ಇದು ಅತಿಕ್ ಅಹ್ಮದ್‌ನಂತಹ ಅಪರಾಧಿಗಳ ಹತ್ಯೆಗೆ ಕಾರಣವಾದ ಶೂನ್ಯ ಸಹಿಷ್ಣುತೆಯಂತಹ ನೀತಿಗಳನ್ನು ತಂದರು. ಇಂದು, ಇಡೀ ರಾಜ್ಯವು ಅವರನ್ನು ನಂಬಿಕೆಯಿಂದ ನೋಡುತ್ತದೆ ಎಂದು ಶ್ಲಾಘಿಸಿದರು.
ಶಾಸಕರು ” ಪತಿ ಕೆ ಹತ್ಯಾರೆ ಅತಿಕ್ ಅಹ್ಮದ್ ಕೋ ಮುಖ್ಯಮಂತ್ರಿ ನೆ ಮಿಟ್ಟಿ ಮೇ ಮಿಲಾನೇ ಕಾ ಕಾಮ್ ಕಿಯಾ (ನನ್ನ ಗಂಡನ ಕೊಲೆಗಾರ ಅತಿಕ್ ಅಹ್ಮದ್‌ನನ್ನು ಮುಖ್ಯಮಂತ್ರಿಗಳು ಸಮಾಧಿ ಮಾಡಿದರು)” ಎಂದು ಹೇಳಿದರು. “ಅತಿಕ್ ಅಹ್ಮದ್‌ನಂತಹ ಅಪರಾಧಿಗಳ ವಿರುದ್ಧ ಯಾರೂ ಹೋರಾಡಲು ಬಯಸುವುದಿಲ್ಲ ಎಂದು ತಿಳಿದ ನಂತರ ನಾನು ಧ್ವನಿ ಎತ್ತಿದೆ. ಈ ಹೋರಾಟದಿಂದ ನಾನು ಸುಸ್ತಾಗಲು ಪ್ರಾರಂಭಿಸಿದಾಗ, ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ ಅವರು ನನಗೆ ನ್ಯಾಯ ನೀಡಿದರು” ಎಂದು ಅವರು ಹೇಳಿದರು.

ಪೂಜಾ ಅವರನ್ನು ಉಚ್ಚಾಟಿಸಿದ್ದಕ್ಕೆ ಸಮಾಜವಾದಿ ಪಕ್ಷವನ್ನು ಟೀಕಿಸಿದ ಬಿಜೆಪಿ ವಕ್ತಾರ ಶೆಹಜಾದ್ ಪೂನವಾಲ್ಲಾ, “ಸಮಾಜವಾದಿ ಪಕ್ಷವು ತನ್ನ ದಲಿತ ವಿರೋಧಿ ಮನೋಭಾವವನ್ನು ಪ್ರದರ್ಶಿಸಿದೆ. ಅಪರಾಧಗಳನ್ನು ನಿಯಂತ್ರಿಸಿದ್ದಕ್ಕಾಗಿ ಪೂಜಾ ಪಾಲ್ ರಾಜ್ಯ ಸರ್ಕಾರವನ್ನು ಶ್ಲಾಘಿಸಿದರು ಮತ್ತು ಆ ಕಾರಣಕ್ಕೆ ಪಕ್ಷದಿಂದ ಅವರನ್ನು ವಜಾಗೊಳಿಸಲಾಯಿತು. ಅವರು (ಎಸ್‌ಪಿ) ಅತಿಕ್ ಅಹ್ಮದ್ ನನ್ನು ತಮ್ಮ ಮತಬ್ಯಾಂಕ್ ಎಂದು ಪರಿಗಣಿಸುತ್ತಾರೆ. ಅವರಿಗೆ, ಪಿಡಿಎ ಎಂದರೆ ‘ಪಿಚ್ಡೆ (ಹಿಂದುಳಿದ ವರ್ಗಗಳು), ದಲಿತರು ಮತ್ತು ಆಲ್ಪಸಂಖ್ಯಾತರು’ (ಅಲ್ಪಸಂಖ್ಯಾತರು) ಅಲ್ಲ, ಬದಲಾಗಿ ಪರಿವಾರಕ ಇಲಾಖೆ ಮತ್ತು ಅಲೈನ್ಸ್‌” ಎಂದು ಪರಿಗಣಿಸುತ್ತಾರೆ ಎಂದು ವಾಗ್ದಾಳಿ ನಡೆಸಿದ್ದಾರೆ.
ರಾಜು ಪಾಲ್‌ 2002 ರಲ್ಲಿ ಪ್ರಯಾಗ್‌ರಾಜ್ ಪಶ್ಚಿಮ ಸ್ಥಾನದಿಂದ ಅತಿಕ್ ವಿರುದ್ಧ ಚುನಾವಣೆಯಲ್ಲಿ ಸೋತಿದ್ದರು, ಆದರೆ ಲೋಕಸಭೆಗೆ ಆಯ್ಕೆಯಾದ ನಂತರ ಆತ ಆ ಸ್ಥಾನವನ್ನು ಖಾಲಿ ಮಾಡಿದಾಗ, ರಾಜು ಉಪಚುನಾವಣೆಯಲ್ಲಿ ಅಶ್ರಫ್ ನನ್ನು ಸೋಲಿಸಿದ್ದರು.