ಇಸ್ರೇಲ್-ಹಮಾಸ್ ಸಂಘರ್ಷದ ಆರಂಭದಿಂದಲೂ, ನೂರಾರು ಪತ್ರಕರ್ತರು, ವರದಿಗಾರರು, ಛಾಯಾಗ್ರಾಹಕರು ಮತ್ತು ವೀಡಿಯೊಗ್ರಾಫರ್‌ಗಳು ಯುದ್ಧದ ಬಗ್ಗೆ ವರದಿ ಮಾಡಲು ಮುಂಚೂಣಿಯಲ್ಲಿದ್ದಾರೆ. ಆದಾಗ್ಯೂ, ಅವರ ಕೆಲಸವನ್ನು ಮಾಡಲು ಅವರು ಭಾರೀ ಬೆಲೆ ತೆರಬೇಕಾಗಿದೆ.
ಇಸ್ರೇಲ್ ಮತ್ತು ಹಮಾಸ್ ನಡುವಿನ ಸಂಘರ್ಷ ಪ್ರಾರಂಭವಾದಾಗಿನಿಂದ ಕನಿಷ್ಠ 15 ಪತ್ರಕರ್ತರು ಮೃತಪಟ್ಟಿದ್ದಾರೆ ಎಂದು ಕಮಿಟಿ ಟು ಪ್ರೊಟೆಕ್ಟ್‌ ಜರ್ನಲಿಸ್ಟ್‌ (Committee to Protect Journalists ) ಸೋಮವಾರ ಹೇಳಿಕೆಯಲ್ಲಿ ವರದಿ ಮಾಡಿದೆ. ಕಮಿಟಿ ಟು ಪ್ರೊಟೆಕ್ಟ್‌ ಜರ್ನಲಿಸ್ಟ್‌ (CPJ) ನ್ಯೂಯಾರ್ಕ್ ಮೂಲದ ಸ್ವತಂತ್ರ ಸಂಸ್ಥೆಯಾಗಿದ್ದು, ಪತ್ರಿಕಾ ಸ್ವಾತಂತ್ರ್ಯ ಮತ್ತು ಜಾಗತಿಕವಾಗಿ ಪತ್ರಕರ್ತರ ಹಕ್ಕುಗಳನ್ನು ರಕ್ಷಿಸಲು ಸಮರ್ಪಿತವಾಗಿದೆ.
ಹತ್ಯೆಗೀಡಾದ 15 ಪತ್ರಕರ್ತರಲ್ಲಿ 11 ಪ್ಯಾಲೆಸ್ತೀನ್, ಮೂವರು ಇಸ್ರೇಲಿ ಮತ್ತು ಒಬ್ಬರು ಲೆಬನಾನಿನವರು ಸೇರಿದ್ದಾರೆ. ಇದಲ್ಲದೆ, 8 ಪತ್ರಕರ್ತರು ಗಾಯಗೊಂಡಿದ್ದಾರೆ ಮತ್ತು 3 ಮಂದಿ ಕಾಣೆಯಾಗಿದ್ದಾರೆ ಅಥವಾ ಬಂಧನದಲ್ಲಿದ್ದಾರೆ ಎಂದು ವರದಿಯಾಗಿದೆ. ಸಂಸ್ಥೆಯು ಪ್ರಸ್ತುತ 100 ಕ್ಕೂ ಹೆಚ್ಚು ಹೆಚ್ಚುವರಿ ಪತ್ರಕರ್ತರು ಏನಾಗಿದ್ದಾರೆ ಎಂಬ ಬಗ್ಗೆ ತನಿಖೆ ನಡೆಸುತ್ತಿದೆ.
ಇಸ್ರೇಲ್-ಹಮಾಸ್ ಸಂಘರ್ಷದ ನಡುವೆ ಕೊಲ್ಲಲ್ಪಟ್ಟ ಪತ್ರಕರ್ತರ ಪಟ್ಟಿ ಇಲ್ಲಿದೆ
ಇಬ್ರಾಹಿಂ ಮೊಹಮ್ಮದ್ ಲಾಫಿ
ಮೊಹಮ್ಮದ್ ಜಾರ್ಘೌನ್
ಮೊಹಮ್ಮದ್ ಅಲ್-ಸಾಲಿ
ಯಾನಿವ್ ಜೋಹರ್
ಅಯೆಲೆಟ್ ಅರ್ನಿನ್
ಶಾಯ್ ರೆಗೆವ್
ಅಸ್ಸಾದ್ ಶಾಮಲಾಖ್
ಹಿಶಾಮ್ ಅಲ್ನ್ವಾಜಾ
ಮಹಮ್ಮದ್ ಸೋಭ್
ಸಯೀದ್ ಅಲ್-ತವೀಲ್
ಮೊಹಮ್ಮದ್ ಫಯೆಜ್ ಅಬು ಮಾತಾರ್
ಅಹ್ಮದ್ ಶೆಹಬ್
ಇಸಾಮ್ ಅಬ್ದುಲ್ಲಾ
ಹುಸಾಮ್ ಮುಬಾರಕ್
ಸಲಾಂ ಮೇಮಾ
“ಪತ್ರಕರ್ತರು ಬಿಕ್ಕಟ್ಟಿನ ಸಮಯದಲ್ಲಿ ಪ್ರಮುಖ ಕೆಲಸ ಮಾಡುವ ನಾಗರಿಕರಾಗಿದ್ದಾರೆ ಮತ್ತು ಕಾದಾಡುವ ಕಡೆಯವರಿಗೆ ಗುರಿಯಾಗಬಾರದು. ಈ ಸಂಘರ್ಷವನ್ನು ವರದಿ ಮಾಡಲು ಪ್ರದೇಶದಾದ್ಯಂತ ಪತ್ರಕರ್ತರು ದೊಡ್ಡ ತ್ಯಾಗ ಮಾಡುತ್ತಿದ್ದಾರೆ. ಎಲ್ಲಾ ಪಕ್ಷಗಳು ಅವರ ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು ಕ್ರಮಗಳನ್ನು ತೆಗೆದುಕೊಳ್ಳಬೇಕು ಎಂದು ಕಮಿಟಿ ಟು ಪ್ರೊಟೆಕ್ಟ್‌ ಜರ್ನಲಿಸ್ಟ್‌ (CPJ)ನ ಮಧ್ಯಪ್ರಾಚ್ಯ ಮತ್ತು ಉತ್ತರ ಆಫ್ರಿಕಾ ಕಾರ್ಯಕ್ರಮ ಸಂಯೋಜಕರಾದ ಷರೀಫ್ ಮನ್ಸೂರ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಇಸ್ರೇಲಿ ಪಡೆಗಳ ಭೂ ದಾಳಿ, ವೈಮಾನಿಕ ದಾಳಿ ಮತ್ತು ವ್ಯಾಪಕವಾದ ವಿದ್ಯುತ್ ಕಡಿತದ ಮುಖಾಂತರದ ಸಂಘರ್ಷವನ್ನು ವರದಿ ಮಾಡಲು ಗಾಜಾದಲ್ಲಿರುವ ಪತ್ರಕರ್ತರು ನಿರ್ದಿಷ್ಟವಾಗಿ ಹೆಚ್ಚಿನ ಅಪಾಯಗಳನ್ನು ಎದುರಿಸುತ್ತಾರೆ ಎಂದು ಕಮಿಟಿ ಟು ಪ್ರೊಟೆಕ್ಟ್‌ ಜರ್ನಲಿಸ್ಟ್‌ (CPJ) ಹೇಳಿಕೆಯಲ್ಲಿ ತಿಳಿಸಲಾಗಿದೆ.
ಕಳೆದ ಶುಕ್ರವಾರ, ದಕ್ಷಿಣ ಲೆಬನಾನ್‌ನಲ್ಲಿ ಇಸ್ರೇಲ್‌ನ ದಿಕ್ಕಿನಿಂದ ಕ್ಷಿಪಣಿಗಳು ಹಾರಿದಾಗ ರಾಯಿಟರ್ಸ್ ವೀಡಿಯೊ ಪತ್ರಕರ್ತರೊಬ್ಬರು ಕೊಲ್ಲಲ್ಪಟ್ಟರು ಮತ್ತು ಇತರ ಆರು ಪತ್ರಕರ್ತರು ಗಾಯಗೊಂಡರು. ಅಲ್ ಜಜೀರಾ ಮತ್ತು ಏಜೆನ್ಸ್ ಫ್ರಾನ್ಸ್-ಪ್ರೆಸ್ ಸೇರಿದಂತೆ ಪತ್ರಕರ್ತರ ಗುಂಪು ಇಸ್ರೇಲ್ ಗಡಿಗೆ ಸಮೀಪವಿರುವ ಅಲ್ಮಾ ಅಲ್-ಶಾಬ್ ಬಳಿ ಕೆಲಸ ಮಾಡುತ್ತಿತ್ತು, ಅಲ್ಲಿ ಇಸ್ರೇಲಿ ಮಿಲಿಟರಿ ಮತ್ತು ಲೆಬನಾನಿನ ಮಿಲಿಷಿಯಾ ಹಿಜ್ಬುಲ್ಲಾ ಗಡಿ ಘರ್ಷಣೆ ನಡೆಯುತ್ತಿದೆ.
ಇಸ್ರೇಲ್ ಮತ್ತು ಹಮಾಸ್ ಮಧ್ಯೆ ಯುದ್ಧ ಪ್ರಾರಂಭವಾದಾಗಿನಿಂದ, 4,000 ಕ್ಕೂ ಹೆಚ್ಚು ಜನರು ಸತ್ತಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ