ವೀಡಿಯೊ…| ನಟ ಸೈಫ್ ಅಲಿ ಖಾನಗೆ ಚಾಕು ಇರಿತ ; ಪರಾರಿಯಾಗಿರುವ ದಾಳಿಕೋರ ಹೆಡ್‌ಫೋನ್‌ ಖರೀದಿಸಿದ ದೃಶ್ಯ ಸಿಸಿಟಿವಿಯಲ್ಲಿ ಸೆರೆ…

ಮುಂಬೈ: ನಟ ಸೈಫ್ ಅಲಿ ಖಾನ್ ಅವರ ಮನೆಗೆ ಕಳ್ಳತನಕ್ಕೆ ನುಗ್ಗಿ ಸೈಫ್ ಅಲಿ ಖಾನ್ ಅವರಿಗೆ ಚಾಕುವಿನಿಂದ ಇರಿದ ವ್ಯಕ್ತಿಯ ಹೊಸ ದೃಶ್ಯಗಳು ಹೊರಬಿದ್ದಿದೆ,
ಘಟನೆ ನಡೆದ ಸುಮಾರು ಆರು ಗಂಟೆಗಳ ನಂತರ ಬೆಳಗ್ಗೆ 9 ಗಂಟೆ ಸುಮಾರಿಗೆ ದಾದರಿನ ಅಂಗಡಿಯೊಂದರಿಂದ ಹೆಡ್‌ಫೋನ್ ಖರೀದಿಸುತ್ತಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
ಬಾಂದ್ರಾದಲ್ಲಿನ 12 ಅಂತಸ್ತಿನ ಕಟ್ಟಡದ ‘ಸದ್ಗುರು ಶರಣ’ ಒಳಗೆ ಸೈಫ್‌ ಅಲಿ ಖಾನ್ ಅವರ ಮೇಲೆ ದಾಳಿ ನಡೆದ ನಂತರ ಹೊರಬಿದ್ದ ನಾಲ್ಕನೇ ವೀಡಿಯೊ ಇದಾಗಿದೆ. ‘ಸದ್ಗುರು ಶರಣ’ ಕಟ್ಟಡದಲ್ಲಿ ಸೈಫ್ ಅಲಿ ಖಾನ್ ತನ್ನ ಪತ್ನಿ ಕರೀನಾ ಕಪೂರ್ ಖಾನ್ ಮತ್ತು ಪುತ್ರರಾದ ತೈಮೂರ್ ಮತ್ತು ಜೆಹ್ ಅವರೊಂದಿಗೆ ವಾಸಿಸುತ್ತಿದ್ದಾರೆ. ಒಳನುಗ್ಗಿದ ಕಳ್ಳ ಕಟ್ಟಡದೊಳಗೆ ಮೆಟ್ಟಿಲು ಇಳಿಯುವುದು ಹಾಗೂ ಹತ್ತುವುದು ಹೀಗೆ ಎರಡು ಬಾರಿ ಸಿಸಿಟಿವಿಯಲ್ಲಿ ದಾಖಲಾಗಿದ್ದಾನೆ.
ಘಟನೆಯ ನಂತರ ಆತ ಬಾಂದ್ರಾ ರೈಲು ನಿಲ್ದಾಣದಲ್ಲಿ ಹೊಸ ಬಟ್ಟೆ – ನೀಲಿ ಶರ್ಟ್ ಧರಿಸಿರುವುದು ಕಂಡುಬಂದಿದೆ. ದಾದರ್‌ನಲ್ಲಿರುವ ಮೊಬೈಲ್ ಅಂಗಡಿಯಲ್ಲಿ ಆತ ಅದೇ ಶರ್ಟ್ ಧರಿಸಿದ್ದ. ಈತ ಬಾಂದ್ರಾ ನಿಲ್ದಾಣದಿಂದ ರೈಲಿನಲ್ಲಿ ಬಂದಿರುವ ಶಂಕೆ ವ್ಯಕ್ತವಾಗಿದೆ.

ಖಾನ್ ಗುರುವಾರ ಮುಂಜಾನೆ ಒಳನುಗ್ಗಿದ ಕಳ್ಳನ ವಿರುದ್ಧ ಹೋರಾಡುವಾಗ ಅವರ ಬೆನ್ನುಮೂಳೆಯ ಬಳಿ ಒಂದು ಗಾಯ ಸೇರಿದಂತೆ ಆರು ಕಡೆ ದರೋಡೆಕೋರ ಚಾಕುವಿನಿಂದ ಇರಿದಿದ್ದಾನೆ. ನಂತರ ಸೈಫ್‌ ಅಲಿ ಖಾನ್‌ ಅವರನ್ನು ಲೀಲಾವತಿ ಆಸ್ಪತ್ರೆಗೆ ಸಾಗಿಸಲಾಯಿತು. ಅಲ್ಲಿ ಶಸ್ತ್ರಚಿಕಿತ್ಸೆ ನಡೆಸಲಾಗಿದ್ದು, ಅಲ್ಲಿ ಅವರು ಚೇತರಿಸಿಕೊಳ್ಳುತ್ತಿದ್ದಾರೆ ಮತ್ತು ನಡೆಯಲು ಸಮರ್ಥನಾರಾಗದ್ದಾರೆ ಎಂದು ವೈದ್ಯರು ಹೇಳಿದ್ದಾರೆ.
ಮನೆಯಲ್ಲಿ ಆರೋಪಿಯನ್ನು ಮೊದಲು ಗುರುತಿಸಿದ ಮತ್ತು ಆತನನ್ನು ತಡೆಯಲು ಯತ್ನಿಸಿದ ಸೈಫ್‌ ಅಲಿ ಖಾನ್ ಅವರ ಕಿರಿಯ ಮಗ ನಾಲ್ಕು ವರ್ಷದ ಜೆಹ್ ನನ್ನು ನೋಡಿಕೊಳ್ಳುವ ದಾದಿಯು ಒಳನುಗ್ಗಿದ ವ್ಯಕ್ತಿ ತೆಳ್ಳಗಿನ ಮೈಕಟ್ಟು ಹೊಂದಿದ್ದು, ಕಂದುಬಣ್ಣದ ವ್ಯಕ್ತಿ ಎಂದುಹೇಳಿದ್ದಾರೆ. ಎಲಿಯಾಮಾ ಫಿಲಿಪ್ಸ್ ಪ್ರಕಾರ, ಆತನ ವಯಸ್ಸು ಮೂವತ್ತರ ಆಸುಪಾಸು ಇರಬಹುದು. ಹಾಗೂ ಎತ್ತರ ಸುಮಾರು 5 ಅಡಿ 5 ಇಂಚು ಇರಬಹುದು.

ದರೋಡೆಕೋರ ಪಕ್ಕದ ಕಾಂಪೌಂಡ್‌ನ ಗೋಡೆಯನ್ನು ಏರಿ ಸೈಫ್‌ ಅಲಿ ಖಾನ್‌ ವಾಸಿಸುವ ಮಹಡಿಯನ್ನು ತಲುಪಲು ಫೈರ್‌ ಎಂಜಿನ್‌ ಶಾಫ್ಟ್ ದಾರಿಯನ್ನು ಬಳಸಿದ್ದಾನೆ ಎಂದು ಪೊಲೀಸರು ಶಂಕಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಅದೇ ರೀತಿ ಪರಾರಿಯಾಗಿದ್ದಾನೆ ಎಂದು ನಂಬಲಾಗಿದೆ.
ಆರೋಪಿಯ ಮುಖದ ಹೋಲಿಕೆ ಇರುವ ವ್ಯಕ್ತಿಯನ್ನು ಶುಕ್ರವಾರ ಬಂಧಿಸಲಾಗಿದ್ದು, ದಾಳಿಕೋರನು ಸಿಕ್ಕಿಬಿದ್ದಿದ್ದಾನೆ ಎಂದು ಹಲವರು ನಂಬುವಂತೆ ಮಾಡಿತು. ಆದರೆ ಸೈಫ್ ಅಲಿ ಖಾನ್ ಪ್ರಕರಣಕ್ಕೂ ಆತನಿಗೂ ಯಾವುದೇ ಸಂಬಂಧವಿಲ್ಲ ಎಂದು ಪೊಲೀಸರು ನಂತರ ಹೇಳಿದರು.
ಮುಂಬೈ ಪೊಲೀಸರು ಆರೋಪಿಗಳನ್ನು ಹುಡುಕಲು ಈಗ 30 ತಂಡಗಳನ್ನು ರಚಿಸಿದ್ದಾರೆ. ಪೊಲೀಸರು ರಾತ್ರಿ ವೇಳೆ ಈ ಪ್ರದೇಶದಲ್ಲಿ ತಿರುಗಾಡುವವರನ್ನು ಹಾಗೂ ಪೊಲೀಸ್ ದಾಖಲೆಯಲ್ಲಿ ಇರುವವರನ್ನು ವಿಚಾರಣೆ ನಡೆಸುತ್ತಿದ್ದಾರೆ.