ಬೇಟೆಗಾರ ಪಕ್ಷಿಗಳಾದ ಹದ್ದುಗಳು ಕೇವಲ ನುರಿತ ಬೇಟೆಗಾರರು ಮಾತ್ರವಲ್ಲದೆ, ಅವುಗಳ ಗುಟ್ಟಾಗಿ ಕದಿಯುವ ತಂತ್ರಗಳಿಗೂ ಹೆಸರುವಾಸಿಯಾಗಿವೆ. ಆಹಾರವನ್ನು ಮನುಷ್ಯರಿಂದಲೂ ಕಸಿದುಕೊಳ್ಳಲು ತಿಳಿದಿರುವ ಹದ್ದುಗಳು ತಮ್ಮ ತೀಕ್ಷ್ಣವಾದ ಡೈವಿಂಗ್ ಕೌಶಲ್ಯ ಮತ್ತು ನಂಬಲಾಗದ ವೇಗವನ್ನು ಬಳಸಿಕೊಂಡು ತಮಗೆ ಬೇಕಾದುದನ್ನು ಕಸಿದುಕೊಳ್ಳುತ್ತವೆ.
ಆದರೆ ಇಲ್ಲೊಂದು ವಿಚಿತ್ರ ಮತ್ತು ಅನಿರೀಕ್ಷಿತ ಘಟನೆಯೊಂದರಲ್ಲಿ, ಕೇರಳದ ಕಾಸರಗೋಡಿನಲ್ಲಿ ಹದ್ದು ವ್ಯಕ್ತಿಯ ಪರೀಕ್ಷೆಯ ದಿನವನ್ನು ಸದಾ ನೆನಪಿನಲ್ಲಿ ಇರುವಂತೆ ಮಾಡಿತು. ಅದು ಪಿಎಸ್‌ಸಿ ಪರೀಕ್ಷೆ ಬರೆಯಲು ಬಂದಿದ್ದ ಅಭ್ಯರ್ಥಿಯೊಬ್ಬರ ಹಾಲ್ ಟಿಕೆಟ್ ಅನ್ನು ಕದ್ದೊಯ್ದಿತು.
ಈ ಘಟನೆ ಗುರುವಾರ ಬೆಳಿಗ್ಗೆ ಕೇರಳದ ಕಾಸರಗೊಂಡಿನ ಸರ್ಕಾರಿ ಯುಪಿ ಶಾಲೆಯಲ್ಲಿ ನಡೆಯಿತು, ಅಲ್ಲಿ ಕೇರಳ ಸಾರ್ವಜನಿಕ ಸೇವಾ ಆಯೋಗದ ಪರೀಕ್ಷೆಗಳಿಗೆ ಅಭ್ಯರ್ಥಿಗಳು ಸಾಲುಗಟ್ಟಿ ನಿಂತಿದ್ದರು. ಅವರಲ್ಲಿ ಒಬ್ಬ ವಿದ್ಯಾರ್ಥಿ ಕೊನೆಯ ಕ್ಷಣದ ತಯಾರಿಯಲ್ಲಿ ನಿರತನಾಗಿದ್ದ, ಬಹುಶಃ ಆತ ತನಗೆ ಪರೀಕ್ಷೆಯಲ್ಲಿ ತನಗೆ ಏನೂ ತೊಂದರೆಯಾಗುವುದಿಲ್ಲ ಎಂದು ಆತ ಭಾವಿಸಿದ್ದ. ಆದರೆ ಬೆಳಿಗ್ಗೆ 7:30 ರ ಪರೀಕ್ಷಾ ಸಮಯಕ್ಕೆ ಸ್ವಲ್ಪ ಮೊದಲು ಹದ್ದು ಧಾವಿಸಿ ಬಂದು ಆತನ ಹಾಲ್ ಟಿಕೆಟ್ ಅನ್ನು ಎಗರಿಸಿಕೊಂಡು ಹೋಯಿತು. ಅದು ನಂತರ ಶಾಲೆಯ ಮೇಲಿನ ಮಹಡಿಯ ಕಿಟಕಿಯ ಮೇಲೆ ಶಾಂತವಾಗಿ ಕುಳಿತು ಕದ್ದ ಹಾಲ್ ಟಿಕೆಟ್ ಅನ್ನು ನೋಡುತ್ತಿತ್ತು.
ಕೆಳಗೆ ಜನಸಂದಣಿಯ ಹೊರತಾಗಿಯೂ, ಹಕ್ಕಿ ಯಾವುದೇ ತೊಂದರೆ ಅನುಭವಿಸದೆ ಶಾಂತವಾಗಿ ಹಾಲ್ ಟಿಕೆಟ್ ಅನ್ನು ಹಲವಾರು ನಿಮಿಷಗಳ ಕಾಲ ಹಿಡಿದುಕೊಂಡಿತ್ತು. ಆದರೆ ಅದು ಕೊನೆಯಲ್ಲಿ ಹಾಲ್ ಟಿಕೆಟ್ ಅನ್ನು ಕೆಳಗೆ ಹಾಕುವ ಮೂಲಕ ಅಭ್ಯರ್ಥಿಯ ಟೆನ್ಶನ್‌ ಅನ್ನು ಕಡಿಮೆ ಮಾಡಿತು. ಇದರಿಂದ ಅಭ್ಯರ್ಥಿ ಸರಿಯಾದ ಸಮಯದಲ್ಲಿ ಪರೀಕ್ಷಾ ಹಾಲ್‌ಗೆ ಪ್ರವೇಶಿಸಲು ಸಾಧ್ಯವಾಯಿತು.
ಈ ವೀಡಿಯೊ ಇಂಟರ್ನೆಟ್ ಅನ್ನು ಬೆರಗುಗೊಳಿಸಿದೆ, ಕಾಮೆಂಟ್‌ಗಳ ವಿಭಾಗದಲ್ಲಿ ಪ್ರತಿಕ್ರಿಯೆಗಳು ಮತ್ತು ಲಘು ಹಾಸ್ಯಗಳ ಸುರಿಮಳೆಗೆ ಕಾರಣವಾಯಿತು.
ನಿಮ್ಮ ಕಾಮೆಂಟ್ ಬರೆಯಿರಿ